ဒီတစ်ပတ်နဲ့ဆိုရင် နနွင်းက နှစ်ပတ်ဆက်တိုက် အပို့ပျောက်ခဲ့ပါတယ်။ လချုပ်အနေနဲ့ ကြည့်မယ်ဆိုရင် ဧပြီလအတွင်း နနွင်းတင်ပို့မှုတန်ချိန်က ၅၅တန် ရှိခဲ့ပြီးမတ်လအတွင်းနနွင်းတင်ပို့မှုကတန်ချိန် ၁၁၈ ဒသမ ၉၈ တန်ရှိခဲ့တာကြောင့် ဧပြီလ မှာ နနွင်းတင်ပို့မှုလျော့ခဲ့ပါတယ်။                                                                    MIRT (DOT)

    ဒီသီတင်းပတ်ဖြစ်တဲ့ ဧပြီလ ၂၉ ရက်မှ မေလ ၅ ရက်တာ ကာလအတွင်း မန်ကျည်း ၅၃၅ ဒသမ ၉ တန်ကိုတင်ပို့ခဲ့ပါတယ်။ တင်ပို့ခဲ့တဲ့နိုင်ငံနဲ့ တန်ချိန်က စင်ကာပူနိုင်ငံကို ၁၆၈ တန်၊ မလေးရှားနိုင်ငံကို တန် ၅၀ နဲ့ အင်ဒိုနီးရှားနိုင်ငံကို ၃၁၇ ဒသမ ၉ တန်အသီးသီးတင်ပို့ခဲ့ပါတယ်။ ယခင်သီတင်းပတ်မန်ကျည်းတင်ပို့ မှုက တန်ချိန် တစ်ထောင်ကျော်ရှိခဲ့တာကြောင့် ဒီတစ်ပတ်မှာ မန်ကျည်းတင်ပို့မှု လျော့ခဲ့ပါတယ်။ ၤဥြ  ဈေးတစ်တန်ကို ပျမ်းမျှကန်ဒေါ်လာ ၄၆၅ ဝန်းကျင်နဲ့ တင်ပို့ခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာ နှစ်သိန်းလေးသောင်းကျော်ရရှိခဲ့ ပါတယ်။                                         MIRT (DOT)

    ချင်း(စို)တွေ ဈေးကွက်မှာ အဝင်နည်းနေပြီလို့ သိရပါတယ်။ အဝင်နည်းပေ မယ့် အရောင်းကလည်း မသွက်ပါဘူး။ဒီတစ်ပတ်ဟိုပုံးဈေးကွက်မှာ ချင်း(စို)ကတော့ အဝင်လုံးဝမရှိတော့ပါဘူး။ ဒီနှစ်က ချင်းအထွက်လည်းနည်းပြီး၊ အခက်ကြီး၊ အခက် လှတွေလည်း နည်းပါတယ်။

    အိန္ဒိယနိုင်ငံရဲ့ တတိယအကြိမ်နောက်ဆုံး ခန့်မှန်းချက်အရ ၂၀၁၁-၁၂ ဆောင်း ပဲမျိုးစုံ စုစုပေါင်း စိုက်ပျိုးမှုဟာ ဟက်တာ ၁၄၉ ဒသမ ၁၂ သိန်းရှိလို့ ယခင်နှစ် စိုက်ပျိုးခဲ့တဲ့ ဟက်တာ ၁၄၀ ဒသမ ၈၂ သိန်းနဲ့ယှဉ်ရင် ၅ ဒသမ ၈၉ ရာခိုင်နှုန်း မြင့်တက်ခဲ့တယ်လို့ သိရပါတယ်။ ဆောင်းရာသီအတွင်း မတ်ပဲစိုက် ဧရိယာယခင်နှစ်က ဟက်တာ ၇ ဒသမ ၄၁ သိန်းရှိခဲ့ရာမှ ၂၀၁၁-၁၂ ဆောင်းရာသီ မှာ ၅၃ ဒသမ ၃ ရာခိုင်နှုန်း ပိုမိုပြီး၊ ဟက်တာ ၁၁ ဒသမ ၃၆ သိန်း စိုက်ပျိုးနိုင်ခဲ့ တယ်လို့ သိရပါတယ်။ ဒါကြောင့် မတ်ပဲထုတ်လုပ်မှုက စံချိန်တင် တိုးတက်ခဲ့တယ် လို့ ဆိုပါတယ်။