Background
ယခုတစ်ပတ်အတွင်း ပြည်ဈေးကွက်ကို မကွေးတိုင်းဒေသကြီးမှ ငရုတ်ခြောက် များ ပိဿာ ၂၀ ဝင်အိတ် ၁၀၀ ခန့် ပုံမှန်အဝင်ရှိပြီး ဈေးနှုန်းမှာ ယခင်တစ်ပတ် အတိုင်း ဈေးငြိမ်ကာ ဟင်္သာတမြို့နဲ့ ရခိုင်ပြည်နယ်တို့ကို ပိဿာချိန် ၇၀၀ ခန့် တင်ပို့နိုင်ခဲ့ကြောင်းသိရပါတယ်။ ငရုတ်သီးမှုန့်လုပ်ငန်းရှင်များနဲ့ လက်လီလက်ကား ရောင်းဝယ်သူများနဲ့သာ အရောင်းသွက်လျက်ရှိပြီး၊ တစ်ပိဿာကို ငရုတ်(ခြောက် အရှည်) ၁၉၀၀ ကျပ်၊ (မိုးထောင်) ၂၇၀၀ ကျပ် -၂၈၀၀ ကျပ်ရှိကြောင်း သိရပါ တယ်။ ဝင်းဝင်းခိုင်
ချင်း(စို)တွေ ဈေးကွက်မှာ အဝင်နည်းနေပြီလို့ သိရပါတယ်။ အဝင်နည်းပေ မယ့် အရောင်းကလည်း မသွက်ပါဘူး။ဒီတစ်ပတ်ဟိုပုံးဈေးကွက်မှာ ချင်း(စို)ကတော့ အဝင်လုံးဝမရှိတော့ပါဘူး။ ဒီနှစ်က ချင်းအထွက်လည်းနည်းပြီး၊ အခက်ကြီး၊ အခက် လှတွေလည်း နည်းပါတယ်။
ဧပြီ ၂၉ ရက်မှ မေ ၅ ရက်တာကာလအတွင်း ချင်းတင်ပို့မှုပျောက်ခဲ့ပါ တယ်။ ဧပြီပထမပတ်အတွင်းသာ တင်ပို့မှုရှိခဲ့တဲ့ ချင်းက ဒီတစ်ပတ်နဲ့ ဆိုရင် သုံးပတ် ဆက်တိုက်အပို့ပျောက်ခဲ့ပါတယ်။ လချုပ်အနေနဲ့ကြည့်မယ်ဆိုရင် မတ်လအတွင်း ချင်းတင်ပို့မှုက ၁၅ ဒသမ ၅ တန်ရှိခဲ့ပြီး ဧပြီလအတွင်း ချင်းတင်ပို့မှုက ၁၈ တန် ရှိခဲ့တာကြောင့် ဧပြီလမှာ အပို့နည်းနည်းသာခဲ့တာ တွေ့ရပါတယ်။MIRT (DOT)
အိန္ဒိယနိုင်ငံရဲ့ တတိယအကြိမ်နောက်ဆုံး ခန့်မှန်းချက်အရ ၂၀၁၁-၁၂ ဆောင်း ပဲမျိုးစုံ စုစုပေါင်း စိုက်ပျိုးမှုဟာ ဟက်တာ ၁၄၉ ဒသမ ၁၂ သိန်းရှိလို့ ယခင်နှစ် စိုက်ပျိုးခဲ့တဲ့ ဟက်တာ ၁၄၀ ဒသမ ၈၂ သိန်းနဲ့ယှဉ်ရင် ၅ ဒသမ ၈၉ ရာခိုင်နှုန်း မြင့်တက်ခဲ့တယ်လို့ သိရပါတယ်။ ဆောင်းရာသီအတွင်း မတ်ပဲစိုက် ဧရိယာယခင်နှစ်က ဟက်တာ ၇ ဒသမ ၄၁ သိန်းရှိခဲ့ရာမှ ၂၀၁၁-၁၂ ဆောင်းရာသီ မှာ ၅၃ ဒသမ ၃ ရာခိုင်နှုန်း ပိုမိုပြီး၊ ဟက်တာ ၁၁ ဒသမ ၃၆ သိန်း စိုက်ပျိုးနိုင်ခဲ့ တယ်လို့ သိရပါတယ်။ ဒါကြောင့် မတ်ပဲထုတ်လုပ်မှုက စံချိန်တင် တိုးတက်ခဲ့တယ် လို့ ဆိုပါတယ်။
ပြည်ဈေးကွက် ကုလားပဲဈေးမှာ ယခင်တစ်ပတ်ဈေးတက်ပြီး သိသိသာသာ ဈေးကောင်း ရနေတာကိုတွေ့ရ ပါတယ်။ ယခင်တစ်ပတ်က တစ်တင်း ၁၇၃၀၀ ကျပ်ရှိခဲ့ရာမှ ယခုတစ်ပတ်မှာ တစ်တင်း ၁၉၆၀၀ ကျပ်ထိ ဈေးကောင်း ရနေပါ တယ်။ ဈေးကောင်းရနေခြင်းမှာ တိုင်းအတွင်းရှိ ခွဲစက်သမားများမှ အဝယ်သွက် နေသလို ရခိုင်ပြည်နယ်ဘက်မှလည်း အဝယ်လိုက်နေတာကြောင့် ဈေးကောင်းရနေ ခြင်း ဖြစ်ပါတယ်။ ရွှေတောင်၊ ကျီးသဲ၊ ကံမ၊ ပန်းတောင်းမြို့နယ်များမှလည်း အဝင်မပြတ်ကြောင်းသိရပါတယ်။ လွင်လွင်ဆန်း
အိန္ဒိယပြည်တွင်းဈေးကွက်တွေကို ဆောင်းပဲဝင်ရောက်မှု တိုးလာတာကြောင့် ယခုတစ်ပတ်ကုလားပဲဈေးငြိမ်နေကြောင်း သိရပါတယ်။ ကြိုပွိုင့်ဈေးကွက်မှာ ဈေး အနည်းငယ် ကျဆင်းခဲ့ပါတယ်။ ရာဂျက်စသန်မှာ ကုလားပဲရိတ်သိမ်းမှု ပြီးစီးလုပြီ ဖြစ်ပြီး လာမယ့်သီတင်းပတ်မှာ ဝင်ရောက်မှု ပိုမိုလာတော့မယ်လို့ သိရပါတယ်။
ကုလားပဲဖြူလုံးကြီးနဲ့ ကုလားပဲဟော်လန် ပြည်ပတင်ပို့မှုရော အရောင်းအဝယ် စာချုပ် ချုပ်ဆိုမှုပါ ယခင်တစ်ပတ်ထက် လျော့ကျတာ တွေ့ရပါတယ်။ ဧပြီလ ၃၀ ရက်မှ မေလ ၄ ရက်အထိ ပြည်ပကို တန်ချိန် ၂၄၀၀ ကျော်သာ တင်ပို့နိုင်ခဲ့လို့ ယခင်တစ်ပတ်တင်ပို့ခဲ့တဲ့တန် ၄၃၀၀ ထက်လျော့ကျခဲ့ပါတယ်။ ၂၀၁၂ ဧပြီလ တစ်လလုံးမှာ ကုလားပဲတန်ချိန်၉၀၀၀ နီးပါးရှိခဲ့ပြီး မတ်လမှာ တန် ၁၂၀၀၀ နီးပါး တင်ပို့နိုင်ခဲ့ပါတယ်။ ၂၀၁၁ ဧပြီလအတွင်းမှာတော့တန်ချိန် ၅၀၀၀ နီးပါးသာ တင်ပို့မှု ရှိခဲ့လို့ ယခုနှစ်မှာ ပိုမိုတင်ပို့နိုင်တာ တွေ့ရပါတယ်။
အိန္ဒိယနိုင်ငံလယ်ယာထွက်ကုန် ကုန်ကျစရိတ်နဲ့ဈေးနှုန်းကော်မရှင်(ဃဗဃဏ) မှ ပဲမျိုးစုံရဲ့ ကြမ်းခင်းဈေးကို ၂၅ ရာခိုင်နှုန်း ၃၀ ရာခိုင်နှုန်းခန့်တိုးမြှင့်ဖို့ အကြံပြုပြီးတဲ့အချိန်မှာ ပဲမျိုးစုံစိုက်ဧရိယာက ယခင်နှစ်ထက် တိုးတက်လို့ လာတာတွေ့ ရပါတယ်။ စိုက်ပျိုးရေးဌာနမှထုတ်ပြန်တဲ့ပဏာမ အစီရင်ခံစာအရ လက်ရှိစိုက်ပျိုးရာသီမှာ ယခုအချိန်ထိ တောင်သူများမှ ပဲမျိုးစုံ ဟက်တာ၁၀ ဒသမ ၈၉ သိန်းစိုက်ပျိုးထားပြီးဖြစ်တယ်လို့သိရပါတယ်။
အိန္ဒိယပြည်တွင်းဈေးကွက်တွေမှာ ယခင်တစ်ပတ်က ပဲတီစိမ်းဈေး တိုးလာပေမဲ့ ယခုတစ်ပတ်မှာတော့ ပြောင်းလဲမှုမရှိ ငြိမ်နေကြောင်း သိရပါတယ်။ ဈေးကွက်တချို့ကိုသာ ပြည်တွင်းပဲတီစိမ်းဝင်ရောက်မှုရှိပြီး ပြည်ပမှ ပဲတီစိမ်းများ တင်သွင်းလျက် ရှိကြောင်း သိရပါတယ်။ ြ
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှမေလ ၂ မှ ၈ ရက်ထိကာလအတွင်း ကန်ဒေါ်လာ သုည ဒသမ ၅၃၉ သန်းတန်ဖိုးရှိ ပဲတီစိမ်း ၇၇၂ တန်ကျော်တင်ပို့နိုင်ခဲ့ပါတယ်။ ယခင်အပတ်ကမူဆယ်မှ ၆၇၆ တန်ကျော်တင်ပို့ခဲ့တဲ့ အတွက် ယခုအပတ်မှာ ၉၆ တန်ပိုမိုတင်ပို့နိုင်တာတွေ့ရပါတယ်။ စစ်တွေနယ်စပ်မှလည်း ယခုအပတ်မှာ ပဲတီစိမ်း ၆ တန် အပို့ရှိခဲ့ပါတယ်။ မူဆယ်နဲ့ရွှေလီနှစ်ဖက်လုံးမှာ မြေပြင်ဈေးများပြောင်းလဲမှု မရှိဘဲ မိမိဘက်မှာ ၆၂၆၃၀၀ ကျပ်နဲ့ တစ်ဘက် နိုင်ငံမှာ ၈၂၆ ဒေါ်လာဈေးပေါက်လျက်ရှိပါတယ်။MIRT(DOBT)