Background
ပြည်ကုလားပဲဈေးမှာ ယခင်တစ်ပတ်က တစ်တင်း ၁၅၇၀၀ ကျပ်ဖြင့် အရောင်း အဝယ်ဖြစ်ပြီး၊ ယခု တစ်ပတ်တွင် တစ်တင်း ၁၆၀၀၀ ကျပ်ဖြင့် အရောင်းအဝယ် ဖြစ်ခဲ့ပါတယ်။ ပြည်ဈေးကွက်အတွင်းသို့ အောင်လံ ဘက်မှအဝင်ရှိပြီး၊ တစ်နေ့တင်း ၁၀၀၀ ခန့် အဝင်ရှိခဲ့ကြောင်းသိရပါတယ်။ အဝင်ရှိသလောက်လည်း အဝယ်ရှိပါ တယ်။ မြို့ပေါ်ခွဲစက်နဲ့ နယ်ဝယ်လက်များမှလည်း အဝယ်ရှိတာကြောင့် တစ်နေ့အိတ် ၁၈၀၀ ခန့် အရောင်းအဝယ်ဖြစ်ကြောင်း သိရပါတယ်။ လွင်လွင်ဆန်း
မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာ သုည ဒသမ ၀၅၂ သန်းတန်ဖိုးရှိ ပဲယင်း၃၁၈ တန်ကျော်နဲ့ မြန်မာ-အိန္ဒိယနယ်စပ်ရှိ ရိဒ်နယ်စပ် ကုန်သွယ်ရေး စခန်းမှ ကန်ဒေါ်လာ သုည ဒသမ ၀၁၆ သန်း တန်ဖိုးရှိ ပဲယင်း တန် ၂၀ကျော်ကိုဖေဖော်ဝါရီလ၂၉ ရက်မှ မတ်လ ၆ ရက်ထိကာလအတွင်း တင်ပို့ ခဲ့တယ်လို့ သိရပါတယ်။
အိန္ဒိယပြည်တွင်းဈေးကွက်တွေမှာ ကြိုပွိုင့်ဈေးမြင့်တက်ခြင်းနဲ့အတူ လက်ငင်း ဈေးလည်းတိုးလာပါတယ်။ပွဲတော်နီးကပ်လာလို့ ပဲဝင်ရောက်မှုကျဆင်းတာကြောင့် လည်း ဈေးမြင့်လာခြင်းဖြစ်ကြောင်း သိရပါတယ်။ ကုလားပဲအထွက်လျော့ကျခြင်း ကြောင့်လှောင်လက်များကဝယ်ယူမှုရှိကြောင်း သိရပါတယ်။
ကုလားပဲရိုးရိုးကို ပါကစ္စတန်ဝယ်လက်အကြိုက်တွေ့နေလို့ ယခုတစ်ပတ် ရောင်းဝယ်အားကောင်းကြောင်း သိရပါတယ်။ ကုလားပဲဖြူလုံးကြီးကိုလည်း ပုံမှန် ဝယ်ယူမှုရှိလို့ ယခုတစ်ပတ် မတ်လ ၃ ရက်မှ ၉ ရက်အတွင်း FOB ဈေးကွက်မှာ ကုလားပဲဖြူလုံးကြီးနဲ့ ကုလားပဲခွဲခြမ်းစုစုပေါင်း တန် ၉၀၀၀ နီးပါး အရောင်းအဝယ် စာချုပ်နိုင်ခဲ့ကြောင်း သိရပါတယ်။
ပါကစ္စတန်နိုင်ငံတွင် အအေးပိုခြင်းကြောင့် ယခုနှစ် ပဲမျိုးစုံထုတ်လုပ်မှုမှာ ရည်မှန်းချက်အောက် လျော့ကျနိုင်ပြီး၊ ပဲဈေးမှာ လည်း သိသိသာသာ တိုးနိုင်ကြောင်း စိုက်ပျိုးရေးကျွမ်းကျင်သူများမှ ပြောကြားပါတယ်။ ရာသီဥတုအေးခြင်းက ကုလားပဲ၊ မတ်ပဲနဲ့ ပဲတီစိမ်းသီးနှံကိုဆိုးဝါးစွာ ထိခိုက်ခဲ့တာကြောင့်ပဲမျိုးစုံပျမ်းမျှထုတ်လုပ်မှုကလည်း ကြီးမားစွာ
အိန္ဒိယပြည်တွင်းဈေးကွက်တွေမှာ ပဲတီရွှေဝါဈေးက ယခုတစ်ပတ်လည်း ငြိမ်သက်နေပါတယ်။ ပြည်တွင်းပဲတီစိမ်း အထွက် ပိုတဲ့အတွက် လက်ကျန်များ ကျန်ရှိနေပေမဲ့ အရည်အသွေးနိမ့်များကြောင်း သိရပါတယ်။ အရည်အသွေးကောင်းတဲ့ ပဲတီစိမ်း၊ ပဲတီရွှေဝါများကို ပြည်ပမှ တင်သွင်းဝယ်ယူလျက်ရှိရာ အရည်အသွေးအလိုက် ဈေးကွာခြားရောင်းဝယ်လျက်ရှိကြောင်း သိရပါ တယ်။
ဖေဖေါ်ဝါရီလ ၂၉ ရက်မှ မတ်လ ၆ ရက်ထိကာလအတွင်း မူဆယ် ၁၀၅ မိုင်ကုန်သွယ်ရေးဇုန်နဲ့ မြဝတီ ကုန်သွယ်ရေးဇုန် တို့မှကန်ဒေါ်လာ သုည ဒသမ ၃၄၃ သန်းတန်ဖိုးရှိ ပဲတီစိမ်းလုံး ၄၄၁ တန်ကျော်နဲ့ ပဲတီစိမ်းခြမ်း ၁၄ တန်ခွဲ အပို့ရှိခဲ့ပါတယ်။ ယခင်အပတ်ကထက် လုံးပြည့်တန် ၁၉၀ ဝန်းကျင် ပိုမိုတင်ပို့နိုင်ခဲ့ပြီး ပဲတီစိမ်းလုံးခြမ်းတင်ပို့မှုမှာ ပြောင်းလဲမှုမရှိပါ။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ပဲတီစိမ်းရောင်းဝယ်မှု ယခင်သီတင်းပတ်ထက် လျော့ကျပါတယ်။ ယခင်တစ်ပတ်က တန်ချိန် ၁၈၀၀၀ ကျော် အရောင်းအဝယ်ဖြစ်ခဲ့ပြီး မတ်လ ၃ ရက်မှ ၉ ရက်အထိ ယခုတစ်ပတ်အတွင်းမှာ တန်ချိန် ၁၆၀၀၀ ကျော် အရောင်းအဝယ်စာချုပ်နိုင်ခဲ့ကြောင်း
ပဲအားလုံးတွေထဲမှာ ပင်လယ်ရေကြောင်းက ပဲတီစိမ်း တင်ပို့မှုကတော့ ယခုတစ်ပတ်မှာလည်း စံချိန်တင်ခဲ့ပါတယ်။ ဖေဖော်ဝါရီလ ၂၇ ရက်မှ မတ်လ ၂ ရက်အထိ ပဲတီစိမ်းတန်ချိန် ၁၄၃၀၀ ကျော်တင်ပို့မှု ရှိခဲ့ပါတယ်။ ၂၀၁၂ ဖေဖော်ဝါရီလ တစ်လလုံးမှာ ပဲတီစိမ်းတန်ချိန် ၄၆၅၀၀ ကျော်တင်ပို့ခဲ့ပြီး ဝင်ငွေမှာ ကန်ဒေါ်လာ ၃၇ သန်း ကျော်ရရှိခဲ့ပါတယ်။
အခြား ပဲအုပ်စုတွေထဲမှာ ပြည်ပ ကို ရောင်းဝယ်တင်ပို့မှု အားကောင်းနေ တဲ့ ပဲကတော့ ပဲလွန်းဖြူပဲဖြစ်ပါတယ်။ ယခုသီတင်းပတ်မှာလည်း တင်ပို့မှု တန် ချိန် ၁၄၀၀ ကျော်ရှိခဲ့ပါတယ်။ တင်ပို့တဲ့ နိုင်ငံများကတော့ တရုတ်၊ အိန္ဒိယ၊ ကိုရီးယား၊ မလေးရှား၊ စင်ကာပူ၊ ယူ အေအီးနဲ့ ဗီယက်နမ်တို့ဖြစ်ပြီး ပမာဏ များများ သွားတာကတော့ အိန္ဒိယနဲ့ ဗီယက်နမ်တို့ကို ဖြစ်ပါတယ်။