အောင်ပန်းချင်း အဝင်လှိုင်                 အောင်ပန်းဈေးကွက်ကို ချင်း (ဥမ) တွေအဝင်လှိုင်နေပါတယ်။ အောင်ပန်း ဒေသရဲ့ တောင်ဖက်ခြမ်းဖြစ်တဲ့ တီကျစ်၊ နောင်တရား၊ ဟဲဟိုးဒေသနဲ့ အောင်ပန်း နယ်တစ်ဝိုက်ကနေ ဝင်တာဖြစ်တယ်လို့ သိရပါတယ်။ တစ်ရက်ကို ပိဿာချိန် ငါးသောင်းခန့် ဝင်နေတယ်လို့လည်း ချင်းပွဲရုံတွေက သိရပါတယ်။ လက်ကျန်ချင်း တက်ဟောင်းတွေကတော့ ပိဿာချိန် သောင်းဂဏန်းခန့်သာ ကျန်ပါတော့တယ်။ မနှစ်ကတော့ ရာသီဥတုကြောင့် အထွက်နှုန်းနည်းခဲ့ပေမဲ့ ဒီနှစ်ကတော့ မိုးကလည်း ပုံမှန်ရွာနေတာကြောင့် အထွက်ကလည်း မနှစ်ကထက် များနိုင်တယ်လို့ ဒေသခံ တွေကခန့်မှန်းကြပါတယ်။ ချင်းခြောက်လည်း ပစ္စည်းလက်ကျန်နည်းနေပြီလို့ သိရပါတယ်။ ဒီတစ်ပတ်ချင်းဈေးတွေကတော့ အောင်ပန်းဈေးကွက်မှာ ချင်း (စို) တစ်ပိဿာ ၃ဝဝ ကျပ်မှ ၄ဝဝ ကျပ်၊ ချင်းခြောက် တစ်ပိဿာ ၁၂ဝဝ ကျပ်- ၂ဝဝဝ ကျပ်အထိရှိပါတယ်။ တောင်ကြီးဈေးကွက်မှာတော့ ချင်းခြောက်တစ်ပိဿာ ၁၈ဝဝ ကျပ်ဈေးရှိပါတယ်။ ပြည်တွင်းသုံးအတွက် ဝယ်ယူနေကြပြီး ချင်းက ဝင်သလောက် အထွက်ပြန်ရှိတာကြောင့် ဇွန်လအတွင်း ပိဿာချိန် ၃ သိန်း စီးဆင်းသွားတယ်လို့ သိရပါတယ်။ ဧဧခိုင် 

ဘရာဇီးကြံအထွက်နည်းခြင်းက သကြားဈေးကို မြှင့်တင်                 ကမ္ဘာ့ထိပ်တန်းတင်ပို့နေတဲ့ ဘရာဇီးနိုင်ငံမှာ ကြံထုတ်လုပ်မှုကျဆင်းခြင်းနဲ့ ပတ်သက်လို့ ကုန်သည်များ စိုးရိမ်လာကြတဲ့အတွက် ဇွန်လ ၂၈ ရက်နေ့သကြား ဈေးက ၃ လခွဲအတွင်း အမြင့်ဆုံးအဖြစ် ၅ ရာခိုင်နှုန်း ကျော်မြင့်တက်ခဲ့တယ်လို့ သိရပါတယ်။ နှစ် ၃ဝ အတွင်း တစ်ပေါင်ကို ကန်ဒေါ်လာ ၃၆ ဒသမ ဝ၈ ဆင့်ထိ အမြင့်ဆုံးဖြစ်ခဲ့ပြီးတဲ့နောက် ထိုင်း၊ အိန္ဒိယနဲ့ ဥရောပတို့ရဲ့ ရောင်းချမှုက မျှော်မှန်း ထားတာထက် ပိုမိုဖွယ်ရှိတာကြောင့် ဖေဖော်ဝါရီလမှ မေလအထိ သကြားဈေးက ၄၃ ရာခိုင်နှုန်းကျဆင်းခဲ့တယ်လို့ သိရပါတယ်။                   ဇွန်လ ၂၈ ရက်နေ့ CIE မှာ ဇူလိုင်လပို့ရမယ့် သကြားကြမ်းဈေးက ၄၄ ရာခိုင်နှုန်းမြင့်တက်ပြီးတစ်ပေါင်ကို ကန်ဒေါ်လာ ၂၉ ဒသမ ၃၈ ဆင့် ဖြစ်ခဲ့ပါတယ်။ အဲဒီလို သိသိသာသာမြင့်တက်ခြင်းက ဘရာဇီးနိုင်ငံရဲ့ သီးနံှထွက်ရှိမှုအလားအလာ အပေါ် စိုးရိမ်မှုတွေကြောင့်လို့ ဆိုပါတယ်။ တောင်အမေရိကနိုင်ငံဟာ ကမ္ဘာ့ ထုတ်လုပ်မှုရဲ့ လေးပုံတစ်ပုံနဲ့ ကမ္ဘာ့တင်ပို့မှုရဲ့ ထက်ဝက်ကျော်တင်ပို့တဲ့ အဓိက ကျတဲ့ သကြားဈေးကွက် ဖြစ်ပါတယ်။ ဘရာဇီးနိုင်ငံဟာ လွန်ခဲ့တဲ့ ၂ နှစ်မှာ ဈေးနှုန်းမြင့်တက်ခဲ့ပြီးတဲ့နောက် အရန် သိုလှောင်မှုဟာ အလွန်အမင်း နိမ့်ကျလျက်ရှိတာကြောင့် ဘရာဇီးနိုင်ငံရဲ့ သီးနံှ အထွက် ပုံမှန်ရှိတဲ့တိုင် ဈေးနှုန်းမြင့်တက်မှုရှိနေဦးမယ်လို့ လေ့လာဆန်းစစ်သူ များကဆိုပါတယ်။ ကမ္ဘာ့လိုအပ်ချက်ဟာ မေလမှ အောက်တိုဘာလအတွင်း အမြင့် မားဆုံး ဖြစ်တယ်လို့ ဆိုပါတယ်။                     အစောပိုင်းက ဘရာဇီးသကြားထွက်ရှိမှုကို တန်ချိန် ၃၅ သန်းအထိ မျှော်မှန်းထားခဲ့ပေမဲ့ မကြာသေးခင် သီတင်းပတ်များက တောင်သူများရဲ့ အထွက် နှုန်းလျော့ကျမှုကြောင့် တန်ချိန်၃၂ သန်း-၃၃သန်းကိုလျော့ကျမယ်လို့ ကုန်သည် များ ခန့်မှန်းထားပါတယ်။ ဘရာဇီးကြံထုတ်လုပ်မှုအသင်း (Unica) ခန့်မှန်းထား တာကတော့ လက်ရှိ ရာသီအတွက် သကြားထုတ်လုပ်မှုဟာ ရိတ်သိမ်းမှု စတင်တာ နောက်ကျ တဲ့အတွက် တန်ချိန် ၃၄ ဒသမ ၆ သန်းကို ကျဆင်းနိုင်တယ်လို့ ဆိုပါတယ်။ ယမင်းခင်၊ Source:

ပြောင်းတင်ပို့မှု ပုံမှန်                   ဇွန်လ ၂၂ ရက်မှ၂၈ ရက်ထိ ကာလအတွင်း မူဆယ် ၁ဝ၅ မိုင်နဲ့ ချင်းရွှေဟော် စခန်းများက ပြောင်းတန်ချိန် ၈၆၁၂ တန်၊ တန်ဖိုးကန်ဒေါ်လာ ၂ ဒသမ ၃၉၃ သန်းဖိုး တင်ပို့ခဲ့ပါတယ်။ ယခင်အပတ်ကလည်း တန် ၈ဝဝဝ ကျော် တင်ပို့ခဲ့တာ ကြောင့် တင်ပို့မှု ပုံမှန်လို့ဆိုရပါမယ်။ မိမိဘက်ရော တစ်ဘက်နိုင်ငံ ပြောင်းဈေး များပါမြင့်တက်လျက်ရှိတာကိုတွေ့ရပါတယ်                          ယခု      ယခင်       ပြောင်းလဲမှု   %      ယခု     ယခင်    ပြောင်းလဲမှု   %နံှစားပြောင်း     ၂၂၁၁၄၉   ၂၁၅၉၆၈      ၅၁၈၁      ၂ .၃     ၂၉၄      ၂၉၃         ၁        ဝ .၃ပြောင်းဖူးစေ့    ၂၂ဝ၅၅၄   ၂၁၉ဝ၂၁      ၁၅၁၁       ဝ .၇     ၂၉၄      ၂၉၃         ၁        ဝ .၃MIRT (DOBT)

ရော်ဘာဈေးတက်၍ တာယာဈေးတက်              ရော်ဘာဈေးနှုန်းတွေ တက်တာကြောင့် တာယာရဲ့ဈေးနှုန်း ၂ဝ ရာခိုင်နှုန်းခန့် မြင့်တက်နိုင်ကြောင်း ကားတာယာရောင်း ဝယ်သူများက ပြောကြားတယ်လို့ သိရပါတယ်။ ကုန်သည်တစ်ယောက်ကတော့ ၎င်းတို့ရဲ့ ကုန်ပစ္စည်းတွေ နှစ်လအတွင်းမှာ ပင် ၂ဝ ရာခိုင်နှုန်းမြင့်တက်ခဲ့ကြောင်း ပြောပါတယ်။ ကမ္ဘာတစ်ဝန်းမှာရှိတဲ့ တာယာစက်ရုံတွေက ၎င်းတို့ရဲ့ထုတ်ကုန်ဈေးနှုန်းကို မတ်လမှာ ၁ဝ ရာခိုင်နှုန်း ဈေးမြင့်ပြီး ဇွန်လမှာလည်း အလားတူ တိုးမြှင့်မှာဖြစ်ကြောင်း သိရပါတယ်။               ဒီလိုဖြစ်ရတာက ဖေဖော်ဝါရီမှာ ရော်ဘာဈေးနှုန်းတွေ အမြင့်ဆုံးကိုရောက်ခဲ့ရာကစကြောင်း သိရပါတယ်။ တာယာထုတ် လုပ်ရာမှာ ရော်ဘာ ၈ဝရာခိုင်နှုန်းမှ ၉ဝ ရာခိုင်နှုန်းအထိ ပါဝင်တဲ့အတွက် တာယာဈေးက ရော်ဘာဈေးနဲ့ ဆက်စပ်နေပါတယ်။ အခြေအနေက ဒီအတိုင်းဆက်သွားနေမယ်ဆိုရင် တာယာဈေးတွေ ၅ဝရာခိုင်နှုန်းကနေ ၆ဝရာခိုင်နှုန်းထိ မြင့်တက်နိုင်ပါတယ်။ ရော်ဘာဈေးနှုန်းက တစ်တန်ကို ဒေါ်လာ ၁၆ဝဝမှ ဒေါ်လာ ၃၂ဝဝထိတက်သွားတဲ့အတွက် တာယာဈေးနှုန်းတွေလည်း လိုက်တက်ရတာဖြစ်တယ်လို့ ပြောပါတယ်။ မကြာသေးမီက ရော်ဘာဈေးနှုန်းတက်တာဟာ ကမ္ဘာ့ဈေးကွက်မှာ ရောင်းလိုအား ကျတာကြောင့်ဖြစ်ကြောင်း သတင်းရရှိပါတယ်။Source: okaz/ saudi Gazette,KZW