Background
ယခုအပတ် နယ်စပ်မှ ပြောင်းဖူးစေ့ တန် ၉ဝဝဝ ကျော်ပို့ မြန်မာ-တရုတ်နယ်စပ်ရှိ မူဆယ် ၁ဝ၅ မိုင်၊ လွယ်ဂျယ်နဲ့ ချင်းရွှေဟော် နယ်စပ်ကုန်သွယ်ရေး စခန်းများမှ ကန် ဒေါ်လာ ၂ ဒသမ ၂၉၆ သန်းတန်ဖိုးရှိ ပြောင်းဖူးစေ့ ၉၁၆၆ ဒသမ ၇၅ တန်ကို မတ်လ ၁၆ ရက်မှ ၂၂ ရက်ထိ ကာလ အတွင်း တင်ပို့နိုင်ခဲ့ပါတယ်။ ယခင် အပတ်က မူဆယ်နဲ့လွယ်ဂျယ်တို့မှသာ တန် ၆၄၄ဝ ကျော်တင် ပို့ခဲ့ပါတယ်။ ယခုအပတ်မှာ မူဆယ်၊ လွယ်ဂျယ် အပြင် ချင်းရွှေဟော်နယ်စပ်မှလည်း တင်ပို့တဲ့အပြင် မူဆယ်နဲ့လွယ်ဂျယ်မှ တင်ပို့မှုများကလည်း ၂၆၄၆ တန်ကျော် ပိုမိုခဲ့တဲ့အတွက် ယခင်အပတ်ကထက် ယခုအပတ်မှာ တန် ၂၇၂၆ တန်ကျော် တင်ပို့မှု ပိုမိုခဲ့ပါတယ်။ နယ်စပ်စခန်း အလိုက် ယခုအပတ်မှာ ပြောင်းဖူးစေ့ တင်ပို့နိုင်မှုများကတော့ မူဆယ်မှ ၈၁၂၇ တန်ကျော်၊ လွယ်ဂျယ်မှ ၉၅၉ တန်နဲ့ ချင်းရွှေဟော်မှ တန် ၈ဝ အသီး သီးဖြစ်ပါတယ်။ မိမိဘက်မှာရော တစ် ဘက်နိုင်ငံမှာပါ ယခင်အပတ် ကထက် ပြောင်းဈေး မြင့်တက်လျက်ရှိ ပါတယ်။ ဈေးများကို နှိုင်းယှဉ် ဖော်ပြပေးလိုက်ရ ပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၅၄၅၂ဝ ၂၅၄၁၃၈ ၃၈၂ ဝ .၂ ၂၈၃ ၂၇၇ ၆ ၂MIRT (DOBT)
ရော်ဘာစက်မှုလုပ်ငန်းများရော်ဘာအစေး သွင်းကုန်ခွန်လျှော့ချစေလို မကြာသေးတဲ့ကာလများက သဘာဝရော်ဘာဈေးနှုန်းတွေမြင့်တက်တာကြောင့် အိန္ဒိယရော်ဘာစက်မှု လုပ်ငန်းများ အသင်း (AIRIA) က ရော်ဘာအစေးရဲ့ အကောက်ခွန်နှုန်းထားကို ချက်ချင်းပြင်ဆင်လိုက်ကြောင်း သိရပါတယ်။ရော်ဘာ အစေးရဲ့ သွင်းကုန်အခွန်က ၇ဝ ရာခိုင်နှုန်းရှိပြီး အသင့်လုပ်ပြီး ပစ္စည်းရဲ့ အခွန်နှုန်းထားက ၇ ဒသမ ၅ ရာခိုင်နှုန်း အောက် လျော့နည်းကြောင်း (AIRIA) ကပြောကြားခဲ့ပါတယ်။ သဘာဝရော်ဘာထုတ်လုပ်မှု တိုးတက်လာပြီး တာယာစက်မှု လုပ်ငန်းများရဲ့ ထုတ်လုပ်မှုစွမ်းအားလဲတက်လာကာ သဘာဝရော်ဘာရဲ့ ဝယ်လိုအားက ချက်ချင်းတိုးလာကြောင်း သိရပါတယ်။ ၂ဝ၁ဝ ဧြင်္ပီကနေ ၂ဝ၁၁ ဖေဖော်ဝါရီအထိ ကာလအတွင်း သဘာဝရော်ဘာရဲ့ ထုတ်လုပ်မှု ၃ ရာခိုင်နှုန်းတိုးတက်ပြီး (၈ဝ၄၄၅ဝ) တန်ရှိကာ သုံးစွဲမှု ၁ ဒသမ ၉ ရာခိုင်နှုန်း တိုးတက်ပြီး (၈၆၈၂၃ဝ) တန်ရှိကြောင်း သိရပါတယ်။ဝယ်လိုအားနဲ့ ဈေးနှုန်းတက်လာပြီး စက်မှုလုပ်ငန်းတွေရဲ့ ရပ်တည်မှုအတွက် ရော်ဘာအစေးဈေးနှုန်းတက်ခြင်းက အရေးပါကြောင်း (AIRIA) က ထောက်ပြခဲ့ပါတယ်။ အိန္ဒိယမှာ ရော်ဘာအစေးသုံးစွဲမှုက မွေ့ယာ၊ ဆေးဝါးနဲ့ ခွဲစိတ်ကိရိယာများဖြစ်တဲ့ လက်အိတ်၊ ဘောလုံး၊ ရေနွေးပုလင်းများနဲ့ အားကစားသုံးပစ္စည်းအချို့ထုတ်လုပ်မှုမှာ အများဆုံးသုံးစွဲကြပါတယ်။ ရော်ဘာပြားတွေနဲ့ ရော်ဘာအစေးဈေးနှုန်းက တစ်ချိန်လုံးမြင့်တက်နေခဲ့ပြီး ၂ဝဝ၉ ဇန်နဝါရီလမှာ တစ်ကီလိုဂရမ်ကို (၅၅) ရူပီးကနေ ယခုလက်ရှိကာလမှာ တစ်ကီလိုဂရမ်ကို (၁၁၇) ရူပီးကိုရောက်ရှိနေပါတယ်။ ဒါ့အပြင် ရော်ဘာအစေးရဲ့ သွင်းကုန်ခွန်ကလည်း ၁၉၉၉-၂ဝဝဝ ခုနှစ်မှာ ၂၅ ရာခိုင်နှုန်းရှိရာကနေအံ့သြစရာ ကောင်းလောက်အောင်ပဲ ၇ဝ ရာခိုင်နှုန်းကို မကြာသေးမီကာလကပဲရောက်ရှိခဲ့ပြီး အလားတူစွာ အသင့်သုံး ရော်ဘာသုံးပစ္စည်းတွေရဲ့ အခွန်ကတော့ တစ်ချိန်တည်းမှာပဲ ၄ဝ ရာခိုင်နှုန်းကနေ ၇ ဒသမ ၅ ရာခိုင်နှုန်းကိုလျှော့ချ ခဲ့ကြောင်း AIRIA ရဲ့ ဥက္ကဌက ပြောကြားခဲ့ပါတယ်။ ရော်ဘာအစေးက ရော်ဘာပင်က တိုက်ရိုက်ထွက်ရှိတာဖြစ်ပြီး ရော်ဘာစေးကို ပြုပြင်ဖန်တီးပြီးမှ ရော်ဘာပြားကိုရရှိတာ ဖြစ်ပါတယ်။၂ဝ၁၁ မတ်လတိုင်အောင်ရော်ဘာပြားရဲ့ သတ်မှတ်ထားတဲ့အရေအတွက် သွင်းကုန်ခွန်ကို ၇ ဒသမ ၅ ရာခိုင်နှုန်းနဲ့ ကောက်ခံမှာဖြစ်ပြီး တစ်ကီလိုကို ရူပီး ၂ဝ ခန့်သာ ကျသင့်ပါတယ်။ အစိုးရအနေနဲ့ ရော်ဘာအစေးရဲ့ သွင်းကုန်ခွန်ကိုလဲ အလားတူလျှော့ချပေးသင့်ကြောင်း AIRIA က ပြောကြား ပါတယ်။ရော်ဘာပြားရဲ့ အခွန်တစ်ကီလိုကို ရူပီး ၂ဝ ကုန်ကျချိန်မှာ ရော်ဘာအစေးက ရူပီး ၁ဝဝ ခန့်ကျသင့် ကြောင်း သိရပါတယ်။ဖေဖော်ဝါရီလအတွက် ရော်ဘာ ထုတ်လုပ်မှု ၅ ဒသမ ၈ ရာခိုင်နှုန်းတိုးပြီး ၅၄၅ဝဝ တန်ရှိကာ သုံးစွဲမှုကတော့ ၂ ဒသမ ၅ ရာခိုင်နှုန်း လျော့ပြီး ၇၉ဝဝဝ တန်သာရှိကြောင်း ရော်ဘာ အသင်းက ပြောကြားခဲ့တယ်လို့ သတင်းရရှိပါတယ်။ KZW Source: Business time
ရော်ဘာ အခြေအနေပြန်ကောင်းနိုင် ရော်ဘာဈေးနှုန်းဟာ တစ်ချိန်လုံးမြင့်တက်နေရာကနေ အိန္ဒိယအမိုျးသား ကုန်စည်ဒိုင်(NMCE) မှာ ၂၆ ရာခိုင်နှုန်း ခန့်ကျဆင်း လာခဲ့ကြောင်း သိရပါတယ်။ဒီဖြစ်ရပ်ကဂျပန်မှာ ငလျင်လှုပ်ပြီးနောက်ပိုင်းဖြစ်ပွားခဲ့ တာဖြစ်ကြောင်းသိရပါတယ်။ ငလျင် ဒဏ်ကြောင့် ဂျပန်နိုင်ငံရဲ့ ပျက်စီးဆုံးရှုံးမှုနဲ့ နျူကလီးယားပံျ့နံှ့မှု အကျပ်အတည်းက ကမ္ဘာ့ရော်ဘာဝယ်လိုအားကို အကန့်အသတ်နဲ့သာ ထိခိုက်ခဲ့ပါတယ်။ဘာကြောင့်လဲဆိုရင် ဘရစ်စတုန်းနဲ့ မီချီလင်းတို့လို အဓိကကုမ္ပဏီကြီးတွေရဲ့ ကိုယ်ပိုင်စက်ရုံတွေ မပျက်စီးခဲ့တာကြောင့် ဖြစ်တယ်လို့ ရော်ဘာထုတ်လုပ်သောနိုင်ငံများအသင်း (ANRPC) က ပြောကြားခဲ့ ပါတယ်။ နိုင်ငံရဲ့ အရှေ့မြောက်ဘက်မှာရှိတဲ့ တာယာစက်ရုံတွေ ရက်အတန်ကြာပိတ်ထားခြင်းက ကမ္ဘာ့ဝယ်လိုအားကို သိသိ သာသာ ထိခိုက်မှုမရှိကြောင်း၊ တကယ်လို့ ထိခိုက်မှုအနည်းအကျဉ်းရှိခဲ့ရင်လဲ ရေတိုကာလမျှသာ ဖြစ်နိုင်ကြောင်း သိရပါတယ်။ ဂျပန်က ကမ္ဘာ့ရော်ဘာဝယ်လိုအားရဲ့ ၇ ရာခိုင်နှုန်းကို သုံးစွဲပါတယ်။အိန္ဒိယကားထုတ်လုပ်ရေးတွေရဲ့ ဝယ်လိုအား ကောင်းဆဲဖြစ်ပြီး စဉ်ဆက်မပြတ်ဝယ်လိုအားရှိမယ်လို့လည်း မျှော်မှန်းကြပါတယ်။ရော်ဘာဈေးနှုန်းက လွန်ခဲ့တဲ့နှစ်မှာ နှစ်ဆနီးပါးတက်ခဲ့ပေမဲ့ ကမ္ဘာ့ဝယ်လိုအားကျ ဆင်းမှာကိုကြောက်ခြင်းနဲ့ ဂျပန်ရဲ့အကျပ်အတည်းကြောင့် ကုန်သည်များက လှောင်ကုန်များကို ထုတ်ရောင်းကြတာကြောင့် ရော်ဘာဈေးနှုန်းတစ်ရှိန်ထိုးကျဆင်းခဲ့ပြန်ပါတယ်။ဂျပန်နိုင်ငံက ပြန်လည် တည်ဆောက်ရေးတွေကို စတင်တာနဲ့တစ်ပြိုင်နက် သဘာဝရော်ဘာ ဝယ်လိုအားအင်အားကြီးမားစွာတက်လာပြီး ဈေးလဲပြန် ကောင်းနိုင်ကြောင်း သတင်းရရှိပါတယ်။ KZW,Source: Commodity online
ဈေးကွက်မှ ရော်ဘာအစေးတင်ပို့မှု အလားအလာကောင်း ရော်ဘာအစေးထုတ်လုပ်သူများဟာ ရေရှည်မှာ သူတို့ရဲ့ ထုတ်လုပ်မှုတွေကို ပုံမှန်တင်ပို့ထုတ်လုပ်နိုင်ဖို့ စီစဉ်ထားသင့် ကြောင်း ရော်ဘာအသင်းဥက္ကဌက ရော်ဘာအသင်းရဲ့ အစည်းအဝေးမှာ ပြောကြားခဲ့ပါတယ်။ အစိုးရပိုင်ရော်ဘာကုမ္ပဏီတွေက ရော်ဘာအစေးကို အဓိကထုတ်လုပ်နေပြီး အထူးအခွင့်အရေးအနေနဲ့ ဒီလမ်းကြောင်းကို ရွေးချယ်ထားသင့်ကြောင်း ၎င်းက ဆက်လက်ပြောကြားခဲ့ပါတယ်။လက်ရှိဈေးကွက်အခြေအနေအရ ကမ္ဘာ့ရော်ဘာအစေးဈေးနှုန်းက ပြည်တွင်းဈေး ထက် မြင့်တာကြောင့်မို့ ပို့ကုန်အတွက် အလားအလာကောင်း ကြောင်း အစည်းအဝေးမှာ မှတ်ချက်ပြုခဲ့ပါတယ်။ရော်ဘာ လုပ်ငန်း လုပ်ကိုင်ကြသူများအနေနဲ့လည်း ရော်ဘာ ထုတ်လုပ်သူများနဲ့ အဖွဲ့အစည်းများရဲ့အကျိုးဖြစ်ထွန်းစေမဲ့ လေ့လာမှုများပြုလုပ်ကြ ရန်နဲ့ ဈေးကွက်မှာ ရော်ဘာ အစေးဈေးနှုန်းနဲ့ ရော်ဘာပြားဈေးနှုန်းကွာဟမှုရှိနိုင်တာကို သတိပြုကြဖို့ နှိုးဆော်ခဲ့ကြောင်း သတင်းရရှိပါတယ်။ KZW, Source: Commodity online
မူဆယ်၊ ချင်းရွှေဟော်နဲ့ မြိတ်နယ်စပ်စခန်းများမှ ရော်ဘာ တန် ၆ဝဝ ကျော် ယခုအပတ် တင်ပို့ မတ်လ ၁၆ ရက်မှ ၂၂ ရက်ထိ ကာလအတွင်း မူဆယ် ၁ဝ၅ မိုင်ကုန်သွယ်ရးဇုန်မRSS-3 ၃ဝ၉ တန်၊ MSR-50 ၂၄ တန်၊ ချင်းရွှေဟော်မှ RSS-3 ၉၁ တန်ကျော်၊MSR-50 ၁၁၂ တန်ကျော်နဲ့ မြိတ်မှ MSR-50 တန် ၁ဝဝ အပါအဝင် နယ်စပ်စခန်း ၃ ခုမှ စုစုပေါင်း RSS-3 တန် ၄ဝဝ ကျော် ကန်ဒေါ်လာ ၁ ဒသမ ၈၅၈ သန်း၊MSR-50 ၂၃၇ တန်ခန့် ကန်ဒေါ်လာ ၁ ဒသမ ဝ၂၅ သန်းဖိုး တင်ပို့နိုင်ခဲ့ပါတယ်။ ယခင်အပတ်ကထက် တန်ချိန် ၄၁၉ တန်ခန့် တင်ပို့မှု လျော့နည်းခဲ့ပါတယ်။RSS-5 ဈေးဟာ ယခင် အပတ်ကထက် မိမိဘက်မှာရော တစ်ဘက်နိုင်ငံမှာပါ ရော်ဘာဈေးများ ကျလျက်ရှိပါတယ်။ တရုတ် ဝယ်လက်များကလည်း ရော်ဘာဈေးနှုန်းကျဆင်းလာမည့်အခြေအနေကို စောင့်ကြည့်နေတယ်လို့သိရပါတယ်။
ပဲမျိုးစုံတန်ချိန် ၁ဝဝဝဝ ဝယ်ယူဖို့ PEC က တင်ဒါခေါ် အိန္ဒိယနိုင်ငံပိုင် PEC အေဂျင်စီဟာ ပြည်တွင်းဈေးကွက်တွေမှာ ရောင်းချဖို့ မတ်ပဲအပါအဝင်ပဲမျိုးစုံတန်ချိန် ၁ဝဝဝဝ တင်သွင်းဖို့ တင်ဒါခေါ်ယူခဲ့တယ်လို့ သိရပါတယ်။ တင်ဒါကို မတ်လ ၂၄ ရက်မှာ ပိတ်ပြီး တစ်ချိန်ထဲမှာ ဆုံးဖြတ် သွားမယ်လို့ ၎င်းရဲ့ ဝက်ဘ်ဆိုင်မှာ ဖော်ပြထားပါတယ်။ ဝယ်ယူမယ့်ပဲများကတော့ မြန်မာ၊ အမေရိကန်၊ ကနေဒါနဲ့ သြစတြေးလျ တို့မှ မတ်ပဲတန် ၄ဝဝဝ၊ ပဲရာဇာ အစိမ်း (green Lentils ) တန် ၄ဝဝဝ နဲ့ ဒေစီကုလားပဲ တန် ၂ဝဝဝ ဖြစ်တယ်လို့ သိရပါတယ်။ မတ်ပဲအနေနဲ့ ယခုရာသီပဲဖြစ်ရမှာဖြစ်ပြီး အခြားပဲများကတော့ ၂ဝ၁ဝ ထွက်ပဲများဖြစ်တယ်လို့ ဆိုပါတယ်။ ဧပြီနဲ့ မေလအတွင်း မွန်ဘိုင်းနဲ့ ချန်နိုင်းဆိပ်ကမ်းများကို တင်ပို့ရမယ်လို့ သိရပါတယ်။ ယမင်းရွှေစင် Source: Business standard
ပဲမျိုးစုံအထွက်နှုန်းမြှင့်ဖို့ အိန္ဒိယအစိုးရက တောင်သူတွေအတွက် ဈေးကွက်ချိတ်ဆက်မှုများစီစဉ် အိန္ဒိယနိုင်ငံမှာ လွန်ခဲ့တဲ့ နှစ်များအတွင်း စားနပ်ရိက္ခာဈေးနှုန်းဖောင်းပွမှုကို အဓိကအထောက်အပံ့ပြုနေတဲ့ အဓိက အစားအစာတွေထဲက တစ်ခုကတော့ ပဲဖြစ်ပါတယ်။ ပဲမျိုးစုံရှားပါးမှုကြောင့် ထုတ်လုပ်မှုတိုးတက်ဖို့ အသုံးပြုငွေများထဲက စီမံကိန်းတစ်ခုရဲ့ အစိတ်အပိုင်းအနေနဲ့ ပဲမျိုးစုံစိုက်ပျိုးတဲ့ တောင်သူများအတွက် ဈေးကွက်အချိတ်အဆက်များ ပံ့ပိုးပေးဖို့ အစိုးရက စီစဉ်နေတယ်လို့ သိရပါတယ်။ တောင်သူအများစုဟာ တစ်ယူနစ်ထုတ်လုပ်မှုပမာဏ အလွန်နည်းပြီး ဖြန့်ဝေမှုမှာ စိတ်ပါဝင်စားမှုမရှိတာကြောင့် ဈေးကွက်ချိတ်ဆက်မှု မရှိဖြစ်ကာ စားသုံးသူဈေးနှုန်းမှာ ပဲစိုက်ပျိုးသူများရဲ့ ဝေစုက အလွန်ပဲ နိမ့်နေတယ်လို့ အစိုးရ ထိပ်တန်းအရာရှိ တစ်ဦးက ဆိုပါတယ်။ ရေရာတဲ့ ဈေးကွက်က ပဲမျိုးစုံထုတ်လုပ်မှု ရေရှည်ဖို့ အထောက်အပံ့ဖြစ်စေမယ်လို့လည်း ဆိုပါတယ်။ အဲဒီစီမံကိန်း အောင်မြင်ဖို့ အစိုးရက နိုင်ငံ နှစ်စဉ်ပဲထုတ်လုပ်မှုရဲ့ ၉၆ ရာခိုင်နှုန်းဝန်းကျင်ပါဝင်နေတဲ့ ပြည်နယ် ၁၁ ခုမှ တောင်သူ ၁ဝဝဝ ဦးနဲ့ ထုတ်လုပ်သူ တောင်သူအဖွဲ့အစည်း ၁၅ဝ ဝန်းကျင်တည်ထောင်ဖို့ စီစဉ်နေတယ်လို့ ဆိုပါတယ်။ အဲဒီလို အဖွဲ့အစည်း ဖွဲ့စည်းခြင်းဟာ ၎င်းတို့ ထုတ်ကုန်များဈေးကွက် ရှာဖွေရေး၊ အကောင်းဆုံး လယ်ယာစနစ်များ လေ့ကျင့် ပြန့်ပွားရေးတို့နဲ့ ပတ်သက်ပြီး လယ်သမားအုပ်စု စုစည်းဆုံးဖြတ်ချက်ရယူနိုင်မယ်လို့ ဆိုပါတယ်။ အဲဒီအဖွဲ့အစည်းများဟာ ငွေရင်းအနှီး ရူပီး ၃၅ဝ သန်း (ကန်ဒေါ်လာ ၇ ဒသမ ၇၇ သန်း) ထောက်ပံ့မှုရရှိမယ်လို့ ဆိုပါတယ်။ ၂ဝ၁၁-၁၂ ဘဏ္ဍာနှစ်အတွက် ကြေညာထားတဲ့ အဲဒီအစီအစဉ်ကို ၂ဝ၁၁ ခုနှစ် ဧပြီလ ၁ ရက်မှာ စတင်မယ်လို့ သိရပါတယ်။ အဲဒီစီမံကိန်းအတွက် ဘဏ္ဍာရေးဝန်ကြီး Pranab Mukherjee ကရူပီး ၃ဝဝဝ သန်း (ကန်ဒေါ်လာ၆၆ ဒသမ ၆၅ သန်း) ထပ်မံခွင့်ပြုထားတယ်လို့ သိရပါတယ်။ နှစ်စဉ် ပဲမျိုးစုံဟက်တာ ငါးသိန်းကျော်ကို အဲဒီပြည်နယ်များမှာ အကောင်အထည်ဖော်မယ်လို့ ဆိုပါတယ်။ စီမံကိန်းပြည်နယ်များကတော့ မဒ္ဒရာပရာဒေ့ရှ်၊ ဥတ္တရာပရာဒေ့ရှ်၊ ကာနာ တာကာ၊ အင်ဒရာပရာဒေ့ရှ်၊ ဂူဂျာရတ်၊ ချက်တီဂရပ်၊ ဘီဟာ၊ မဟာရပ်ရှတရာ၊ သြရိသ၊ ရာဂျက်စသန်နဲ့ တမီနာဒူးတို့ဖြစ်ပြီး အသုံးပြုငွေအများဆုံးကို မဒ္ဒရာပရာဒေ့ရှ်၊ ရာဂျက်စသန်နဲ့ မဟာရပ်ရှတရာတို့ကို ထောက်ပံ့သွားမယ်လို့ ဆိုပါတယ်။ ပဲမျိုးစုံအပြင် ပဲလုံး၊ ပဲစင်းငုံနဲ့ မြေထောက်ပဲတို့ကိုလည်း အဲဒီအစီအစဉ်မှာ အကောင်အထည်ဖော်သွားမယ်လို့ ဆိုပါတယ်။ အခြားစီမံကိန်းများအပြင် ယခုအစီအစဉ်ကိုလည်း နောက်နှစ်ကုန်မှာ ပဲမျိုးစုံ ထုတ်လုပ်မှု ထူးထူးခြားခြား တိုးတက်ဖို့ မျှော်မှန်းထားကြောင်းလည်း သိရပါတယ်။ အိန္ဒိယနိုင်ငံဟာ ၂ဝ၁ဝ-၁၁ အတွင်း ပဲမျိုးစုံတန်ချိန် ၁၆ ဒသမ ၅၁ သန်းထွက်ရှိမယ်လို့ ခန့်မှန်းထားပြီး ထုတ်လုပ်မှု တိုးမြှင့်ဖို့ ယခုလိုအစီအမံများဆောင်ရွက်ခြင်းဖြစ်ကြောင်း သိရပါတယ်။ ယမင်းခင်၊ ှSource: Business standard
ပဲကိစ္စ အိန္ဒိယ ဘာတွေလုပ်နေသလဲ ဒီရက်သတ္တပတ်ထဲမှာ ပဲကိစ္စနဲ့ပတ်သက်လို့ အိန္ဒိယရဲ့ ထူးခြားတဲ့ လုပ်ဆောင်ချက်တွေကို ဒီလိုတွေ့ရပါတယ် -(၁) ပထမဆုံးအချက်ကတော့ ၂ဝဝ၆ ခုနှစ်၊ ဇွန်လက စတင် တားမြစ် ခဲ့တဲ့ ပြည်ပသို့ ပဲမျိုးစုံ တင်ပို့ခွင့်ကို ၂ဝ၁၁ ခုနှစ်၊ မတ်လအထိ သက်တမ်းတိုးမြှင့်လိုက်တာ ဖြစ်ပါတယ်။(၂) ဒုတိယအချက်ကတော့ အစိုးရပိုင် PEC က ပြည်တွင်းမှာ ဖြန့်ဖြူးဖို့ မတ်ပဲတန် ၄ဝဝဝ၊ ပဲရာဇာစိမ်းနဲ့ ကုလားပဲ အပါအဝင် ပဲမျိုးစုံ တန် ၁ဝဝဝဝ ကို မြန်မာ၊ အမေရိကန်ပြည်ထောင်စု၊ ကနေဒါနဲ့ သြစတြေးလျတို့ထံမှ တင်ဒါခေါ်ခဲ့တာပါ။ (၃) တတိယအချက်ကတော့ ပြည်နယ် ၁၁ ခုမှာ ပဲမျိုးစုံ စိုက်ပျိုးထုတ်လုပ်သူ တောင်သူများအသင်း ၁၅ဝ ဖွဲ့စည်းဘို့ စတင်ပြင်ဆင် ဆောင်ရွက်ခဲ့တာပါပဲ။ ပဲမျိုးစုံ ထုတ်လုပ်မှု မြှင့်တင်ရေး အစီအစဉ် အရ ခွင့်ပြုထားတဲ့ ရန်ပုံငွေတစ်စိတ်တစ်ဒေသကို အသုံးပြုပြီး ဆောင်ရွက်မယ့် ဒီအစီအစဉ်အရ ပဲစိုက်တောင်သူတွေကို ဈေး ကွက်နဲ့ ချိတ်ဆက်ပေးမှာ ဖြစ်ပါတယ်။ ပဲ စိုက်တောင်သူ ၆ဝဝဝဝ ကျော်၊ ပဲစိုက်ဧရိယာ ဟတ်တာ (၅) သိန်းခန့်ဟာ ဒီအစီအမံထဲမှာ အကံျုးဝင်လာမှာ ဖြစ်ပါတယ်။ (၄) စတုတ္ထအချက်ကတော့ ကမ္ဘာပေါ်မှာ ပဲအများဆုံး စိုက်ပျိုး ထုတ်လုပ်နေတဲ့ ကနေဒါနိုင်ငံ၊ဆက်ကာချီဝမ်ပြည်နယ်က လယ်ယာ စိုက်ပျိုးရေး ဒုတိယဝန်ကြီး ဦးဆောင်ပြီး ကနေဒါ ပဲမျိုးစုံ လုပ်ငန်းရှင် ၁ဝဝ လောက်ပါတဲ့ အဖွဲ့ကြီးတစ်ဖွဲ့ဟာ အိန္ဒိယနိုင်ငံကို လာရောက်ပြီး ပဲအရောင်း အဝယ်ကိစ္စများ ဆွေးနွေးသွားခဲ့တဲ့ ကိစ္စပါ။ ကမ္ဘာပေါ်မှာ ပဲအများဆုံး စိုက်ပျိုးထုတ်လုပ်ပြီး ပဲအများဆုံး စားသုံးတဲ့ အိန္ဒိယနိုင်ငံဟာ ၂ဝ၁ဝ-၁၁ ခုနှစ်မှာ ပဲမျိုးစုံ တန်ချိန် ၁၆.၅၁ သန်း ထုတ်လုပ်ခဲ့ပေမယ့် နိုင်ငံတွင်း ပဲဈေးနှုန်းများ ကြီးမြင့်ရခြင်းရဲ့ အကြောင်း တစ်ခုကတော့ အိန္ဒိယနိုင်ငံသားတွေ နှစ်သက်စွာ စားသုံးနေတဲ့ ပဲအမျိုးအစားကို နိုင်ငံအများအပြားက ထုတ်လုပ်နိုင်ခြင်း မရှိတာပါဘဲ။ ဒါကြောင့် အိန္ဒိယ အစိုးရရဲ့ အစီအစဉ်က နိုင်ငံတွင်း ပဲထုတ်လုပ်မှု မြှင့်တင်ရေးဆောင်ရွက်သွားမယ်လို့ သိရှိရပါတယ်။ လူလေး
အဝင်များလို့ ဈေးကျသွားတဲ့ ပဲကြီးဈေး ယခုတစ်ပတ် ပြည်ဈေးကွက်သို့ ဖေဖော်ဝါရီလကုန်က စဝင်ခဲ့သော ပဲကြီး အသစ်များ ယခင်အပတ်ကထက် အဝင်ပိုများလာခဲ့ပြီး တစ်ရက်ကို အိတ် ၁ဝဝဝ ကျော်အထိ အဝင်ရှိလာခဲ့ပါတယ်။ ပဲကြီးရွှေကျွန်းမှာတစ်တင်းကို ၂၄ဝဝဝ ကျပ်ထိ ဈေးမြင့်ခဲ့ပြီး ယခုတစ်ပတ်မှာ ပဲကြီးရွှေကျွန်း တစ်တင်း ၂၁၅ဝဝ ကျပ်၊ ပဲကြီးကမ်းနား တစ်တင်း ၁၉ဝဝဝ ကျပ်သို့ ဈေးပြန်အေးသွားကြောင်း သိရပါတယ်။ မင်းတုန်း ကံမဘက်က အဝင်ရှိသလို ဒေသတွင်းမြို့နယ်များကလည်း အဝင်ရှိလာ တာကြောင့် အဝင်များပြီး ဈေးကျသွားခြင်းဖြစ်တယ်လို့ သိရပါတယ်။ အဝင်များပေမဲ့ လိုင်းသမား များအဝယ်မရှိသေးဘဲ ပဲကြော်ဖိုလုပ်ငန်းသမားများသာ ပုံမှန်အဝယ်ရှိတဲ့အတွက် တစ်ရက်ကို အိတ် ၁၅ဝ ကျော်အရောင်းအဝယ် ဖြစ်ခဲ့တာကြောင့် အဝင်ရှိသလောက် အရောင်းအဝယ် မသွက်သေးကြောင်း သိရပါတယ်။ ခင်ဆွေဝင်း
ပဲကြီး ပုံမှန်တင်ပို့ မူဆယ် ၁ဝ၅ မိုင်ကုန်သွယ်ရေးဇုန်မှတစ်ဆင့် တစ်ဘက်တရုတ်နိုင်ငံသို့ မတ်လ ၁၆ ရက်မှ ၂၂ ရက်ထိ ကာလအတွင်းမှာ ကန်ဒေါ်လာ ဝ ဒသမ ၂၈၅ သန်းတန်ဖိုးရှိ ပဲကြီး ၂၃၄ တန်ကျော် တင်ပို့နိုင်ခဲ့ပါတယ်။ ယခင်သီတင်းပတ်က ၁ဝ၆ တန်တင်ပို့ခဲ့တာမို့ ယခုအပတ်မှာ ၁၂၈ တန် တင်ပို့မှုပိုမိုခဲ့ပါတယ်။ နယ်စပ်မှ ၂ဝ၁ဝ ဧပြီလမှ ၂ဝ၁၁ ဖေဖော်ဝါရီလကုန်အထိ ပဲကြီး တန် ၁၁ဝဝ ကျော်တင်ပို့ထားပြီးဖြစ်တယ်လို့ သိရပါတယ်။ MIRT (DOBT)