Background
ဇန်နဝါရီလ ၉ ရက်မှ ၁၅ ရက်ထိကာလအတွင်းမှာ မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော် နယ်စပ် ကုန်သွယ်ရေးစခန်းများမှ ကန်ဒေါ်လာ ၅ ဒသမ ၀၂၀ သန်းတန်ဖိုးရှိ ရော်ဘာအဆင့်စုံ တန် ၁၈၀၀ ကျော် တင်ပို့ခဲ့ပါတယ်။ ယခင်အပတ်က ရော်ဘာအဆင့်စုံ တန်ချိန် ၁၀၄၀ ကျော်သာ တင်ပို့နိုင်ခဲ့တဲ့အတွက် ယခင်အပတ်က ထက် တန်ချိန် ၇၆၀ ကျော် ပိုမိုတင်ပို့နိုင်ခဲ့တာကို တွေ့ရပါတယ်။ စခန်းအလိုက်တင်ပို့နို င်မှု တွေကတော့ မူဆယ်နယ်စပ်ကုန်သွယ်ရေးစခန်းမှ ကန်ဒေါ်လာ သုည ဒသမ ၀၄၉ သန်းတန်ဖိုးရှိ RSS-1 ၁၆ တန်ကျော်၊ကန်ဒေါ်လာ ၁ ဒသမ ၀၀၁ သန်းတန်ဖိုးရှိ RSS-3 ၃၁၆ ကျော်၊ ကန်ဒေါ်လာ သုည ဒသမ ၆၅၆ သန်းတန်ဖိုးရှိ MSR-20 ၂၃၈ ကျော်၊ ကန်ဒေါ်လာ သုည ဒသမ ၂၀၁ သန်း တန်ဖိုးရှိ MSR-50 ၇၆ တန်ခန့်နဲ့ ချင်းရွှေဟော်နယ်စပ်ကုန်သွယ်ရေးစခန်းမှလည်း ကန်ဒေါ်လာ ၂ ဒသမ ၂၇၆ သန်းတန်ဖိုးရှိ RSS-3 ၈၁၆ တန်ကျော်၊ ကန်ဒေါ်လာ သုည ဒသမ ၈၃၀ သန်းတန်ဖိုးရှိ MSR-20 ၃၀၀ တန်ခန့် အသီးသီး တင်ပို့နိုင်ခဲ့ပါတယ်။ မိမိဘက်နဲ့ တရုတ်နိုင်ငံနယ်စပ်မြေပြင်ပေါက်ဈေးများကို နှိုင်းယှဉ်ကြည့်ရာမှာ RSS-3 ရော်ဘာဈေးကတော့ ယခင် အပတ်က ထက် အနည်းငယ်တက်ပြီးRSS-5 ဈေးကတော့ ပြောင်းလဲမှုမရှိတာ ကိုတွေ့ရပါတယ်။ မိမိဘက်နဲ့ တဖက်နိုင်ငံနယ်စပ် မြေပြင်ပေါက်ဈေးများကို နှိုင်းယှဉ်ဖော်ပြပေးလိုက်ရပါတယ်-
ကန်ဒေါ်လာ ၂ ဒသမ ၆၃၄ သန်းတန်ဖိုးရှိ ရော်ဘာအဆင့်စုံ ၉၅၁ တန်ကျော်ကို တရုတ်၊ စင်္ကာပူနဲ့ မလေးရှားနိုင်ငံများသို့ ဇန်နဝါရီလ ၆ ရက်မှ ၁၂ ရက်ထိကာလအတွင်းမှာ ပင်လယ်ရေကြောင်းမှအပို့ရှိခဲ့ပါတယ်။ ယခင်အပတ်က မလေးရှားနဲ့ တရုတ်နိုင်ငံနှစ်နိုင်ငံသို့သာအပို့ရှိခဲ့ပြီး ယခုအပတ်မှာယခင်အပတ်ကထက် တန် ၃၇၀ အပို့ပိုခဲ့ပါတယ်။ ယခုအပတ်မှာ တရုတ် နိုင်ငံသို့ RSS-3 တန် ၃၀၀၊ စင်္ကာပူသို့ RSS-5 တန် ၂၀၊ မလေးရှားသို့ RSS-3 တန် ၄၁၀၊RSS-5 တန် ၂၀ နဲ့ MSR-20 ၂၀၁ တန်ကျော်အပို့ရှိခဲ့တာဖြစ်ပါတယ်။ ယခုအပတ်နိုင်ငံတကာ ရော်ဘာ FOB ပေါက်ဈေးများမှာ ယခင်အပတ်ထက်ဈေး အနည်းငယ် ကျဆင်းသွားပါတယ်။ မြန်မာနိုင်ငံရော်ဘာ စိုက်ပျိုးထုတ် လုပ်သူများနဲ့ တင်ပို့သူများအသင်းကထုတ်ပြန်တဲ့ FOB ရော်ဘာဈေးတွေကတော့ RSS-1 တစ်တန် လျှင်ဒေါ်လာ ၃၀၀၀-၃၁၀၀၊RSS-3 နဲ့ MSR-20 တစ်တန်လျှင် ဒေါ်လာ ၂၉၀၀-၃၀၀၀၊RSS-5 နဲ့ MSR-50 တစ်တန်လျှင် ဒေါ်လာ ၂၈၀၀-၂၉၀၀၊ MSR-10 တစ်တန်လျှင် ဒေါ်လာ ၂၉၅၀-၃၀၅၀ နဲ့ Crepe Rubber တစ်တန်လျှင် ဒေါ်လာ ၂၇၀၀-၂၈၀၀ အသီးသီးဖြစ်ပါတယ်။ MIRT (DOBT)
အိန္ဒိယအစိုးရသည် ပြည်တွင်းစက်မှု လုပ်ငန်းများကို အကာအကွယ်ပေးရန် တရုတ်နိုင်ငံမှတင်သွင်းသော သံမဏိ ပစ္စည်းအချို့အပေါ် သွင်းကုန်ခွန် ၂၀ ရာခိုင်နှုန်း စတင်ကောက်ခံသွားမည်ဟု ဇန်နဝါရီလလဆန်းပိုင်းမှာ ထုတ်ပြန်ခဲ့ ပါသည်။
မန္တလေးမြို့သကြား၊ သကာရည် လုပ်ငန်းရှင်များ ကထိန်တော် အသင်း (မန္တလေး သကြားကုန်စည်ဒိုင်)မှာ နေ့ စဉ် (ဥပုသ်နေ့မှအပ) သကြား၊ သကာ ရည်များ အရောင်းအဝယ် ပြုလုပ်ရာမှာ ယခု ၂၀၁၃ ခုနှစ် ဇန်နဝါရီ လလယ် သကြား၊ သကာရည် တစ်ပိဿာပေါက် ဈေးများမှာ သကြား A ၈၅၀ ကျပ်၊B ၈၄၀ ကျပ်၊ C ၈၃၀ ကျပ် ဖြင့် လည်း ကောင်း၊ သကာပွက်ရည် ၅၀၀ ကျပ်၊ စက်ကျရည် ၃၀၀ ကျပ်ဖြင့် လည်း ကောင်း အရောင်း အဝယ် ပြုလုပ် ကြောင်းသိရပါတယ်။ မန်းသကြား ဒိုင်မှာ ပွက်ရည်၊ စက်ကျရည်ထက် သကြား (ကုန်ချော) ကိုသာ အဓိက ထား အရောင်းအဝယ်ပြုလုပ်ပါတယ်။ ဒီဇင်ဘာလလယ်မှာ ပွက်ရည်များ စတင်ထွက်ရှိရာ ယခုဇန်နဝါရီလလယ် မှာ လှိုင်လှိုင်ပေါ်လာပြီ ဖြစ်လို့ ပွက်ရည် ဈေးအနည်းငယ် ကျဆင်းသွားသလို ပွက်ရည်ကိုမှီခိုတဲ့ သကြား ဈေးလည်း အနည်းငယ်အေးတာကို တွေ့ ရပါ တယ်။ မန်းသကြားဒိုင်မှာ နေ့စဉ် (၃၀ ပိဿာဝင်အိတ်) သကြားအိတ် ၃၀၀၀ မှ ၅၅၀၀ ခန့်ထိ အရောင်းအဝယ် ဖြစ်ကြောင်း၊ ပြည်ပမှသကြားအိတ်များ အဝင် ရှိသကဲ့သို့ ပြည်တွင်းမှ သကြား များကိုလည်း ပြည်ပသို့တင်ပို့ကြောင်း သကြား၊ သကာရည်ကုန်သည် စက်ပိုင် တစ်ဦးက ပြောပါတယ်။ စိုးအောင်-မန္တလေး
ထိုင်းနိုင်ငံတွင်ထပ်မံတည်လိုက်သော သကြားစက် (၄) ခုကြောင့် ဇန်နဝါရီ လလည်အတွင်းမှာ နေ့စဉ် သကြားထုတ်လုပ်မှုဟာ သိသိသာသာ မြင့်တက်လာ လျက် ရှိပါတယ်။ ဇန်နဝါရီလ ၆ ရက်နေ့စာရင်းအရ ထိုင်းနိုင်ငံရှိ သကြားစက်အလုံး ၅၀ ဟာ ကြံတန်ချိန် ၉၆၃၀၀၀ ကိုကြိတ်ဝါးနိုင်ခဲ့ပြီး ယမန်နှစ်ကကြိတ်ဝါးမှု တန် ချိန်မှာ ၈၆၀၀၀၀ သာရှိခဲ့ပါတယ်။ နေ့စဉ်သကြားတန်ချိန် ၉၇၂၂၂ တန်ထွက်ရှိပြီး ယမန်နှစ်က ၉၄၆၃၉ တန်ထွက်ရှိခဲ့တယ်လို့ သိရပါတယ်။ သကာနဲ့တင်လဲထွက်ရှိမှု ကတော့ ၄၁၄၄၀ တန်ဖြစ်ပြီး ယမန်နှစ်က ၃၇၄၀၀ တန်သာထွက်ရှိခဲ့တာဖြစ်ပါ တယ်လို့ အင်တာနက်သတင်းအရ သိရှိရပါတယ်။CMK
ဇန်နဝါရီလ ၆ ရက်မှ ၁၂ ရက်ထိကာလအတွင်းမှာ ပင်လယ်ရေကြောင်းကုန် သွယ်မှုမှ ကန်ဒေါ်လာ သုည ဒသမ ၁၆၈ သန်းတန်ဖိုးရှိ ပြောင်းဖူးစေ့ တန် ၆၀၀ ကို ဖိလစ်ပိုင်နိုင်ငံသို့တင်ပို့မှုရှိခဲ့ပါတယ်။ ယခုအပတ်မှာ ဖိလစ်ပိုင်အပြင် မလေးရှားနိုင်ငံသို့ ကန်ဒေါ်လာ ၂၄၀၀ တန်ဖိုးရှိ ပြောင်းဖူးစေ့ ၆ တန်လည်း တင်ပို့ နိုင်ခဲ့ပါတယ်။ ယခင်အပတ်က ဖိလစ်ပိုင်သို့ ၈၂၅ တန်နဲ့ အိန္ဒိယသို့ ၅၀၄ တန်တင်ပို့နိုင်ခဲ့တဲ့အတွက် ယခင်အပတ် ပင်လယ်ရေကြောင်း မှ ပြောင်းတင်ပို့မှုမှာ ၁၃၂၉ တန်ရှိခဲ့ပါတယ်။ ယခုအပတ်မှာ ၇၂၃ တန်အပို့လျော့ခဲ့ပါတယ်။ ယခု အပတ်ပြောင်း FOB ပေါက်ဈေး တစ်တန်လျှင် ဒေါ်လာ ၂၉၀ ဖြစ်ပြီး ယခင် အပတ်ထက် ဈေးအနည်းငယ်တက်လျက်ရှိပါကြောင်း သိရပါတယ်။MIRT (DOBT)
ဇန်နဝါရီ ၉ ရက်မှ ၁၅ ရက်ထိကာလအတွင်းမှာ မြန်မာ-တရုတ်နယ်စပ်ရှိ နယ်စပ်ကုန်သွယ်ရေးစခန်းမှ ကန် ဒေါ်လာ သုည ဒသမ ၈၇၀ သန်းတန်ဖိုးရှိ ပရဆေးကုန်ကြမ်း တန်ချိန် ၄၆၀ ကျော်တင်ပို့ခဲ့ ပါတယ်။ယခင်အပတ်က ပရဆေး ကုန်ကြမ်းတန်ချိန်၃၉၀ ကျော်သာတင်ပို့နိုင်ခဲ့တဲ့အတွက် ယခင် အပတ်ကထက် ၆၉ တန်ကျော် ပိုမိုတင်ပို့နိုင်ခဲ့ပါတယ်။ ယခင် အပတ်ကထက် မိချောင်းကွမ်းဖတ်စေ့၊ ကြောင်ပန်းစေ့၊ တော ဂျူးမြစ်၊ ကြောင်လျာစေ့၊ နေလဲစေ့၊ စကားပန်းပွင့် ခြောက်တို့ ပိုမိုတင်ပို့နိုင်ခဲ့ပြီး ယခင်အပတ်က တင်ပို့မှုမရှိ တဲ့ တောဂျူးမြစ်၊ ကြက်ဆူစေ့နဲ့ တောင်လုံးကျော်တို့ကို ယခုအပတ်မှာ တင်ပို့နိုင် ခဲ့ပါတယ်။ ယခုအပတ် တမူးနယ်စပ် ကုန်သွယ်ရေးစခန်းမှ ပရဆေး ကုန်ကြမ်းတင်သွင်းမှုမရှိဘူးလို့ သိရပါတယ်။ MIRT (DOBT)
မြန်မာ-အိန္ဒိယနယ်စပ်မှ ဇန်နဝါရီလ ၉ ရက်မှ ၁၅ ရက်ထိကာလအတွင်း ကန်ဒေါ်လာ သုည ဒသမ ၃၂၃ သန်းတန်ဖိုးရှိ ကွမ်းသီးခြောက် ၃၀၇ တန်ခန့်ကိုတင်ပို့နိုင်ခဲ့ပါတယ်။ ရိဒ်နယ်စပ်ကုန်သွယ်ရေးမှ တန်ဖိုးကန်ဒေါ်လာ သုည ဒသမ ၁၅၃ သန်းဖိုးရှိကွမ်းသီး ၁၄၆ တန်နဲ့ တမူးနယ်စပ်ကုန်သွယ်ရေးသွယ်ရေးမှ တန်ဖိုးကန်ဒေါ်လာ သုည ဒသမ ၁၇၀ သန်းခန့်ရှိ ကွမ်းသီး ၁၆၁ တန်ကိုအသီးသီးတင်ပို့နိုင်တာတွေ့ရပါတယ်။ ယခင်အပတ်က ကန်ဒေါ်လာ သုည ဒသမ ၃၅၄ သန်းခန့်တန်ဖိုးရှိ ကွမ်းသီးခြောက် ၃၃၇ တန်ကိုတင်ပို့ နိုင်ခဲ့တဲ့အတွက် ယခုအပတ် မှာ တန် ၃၀ ခန့်လျော့နည်းတင်ပို့ခဲ့ပါတယ်။ ယခုအပတ်မှာ ကွမ်းသီးများကို အိန္ဒိယဘက်မှအဝယ်နည်းနေပြီး အိန္ဒိယဘက်မှာ လမ်းပိတ်နေတာကြောင့် တင်ပို့မှုလျော့နည်းရခြင်းဖြစ်တယ်လို့ တမူးနယ်စပ်မှ ကုန်သည် တစ်ဦးထံမှ သိရပါတယ်။ MIRT (DOBT)
နနွင်းတက်သီးသန့်သာ ရောင်းချသောဆိုင်များရဲ့ ဝယ် လိုအားလျော့နည်းနိုင်ဖွယ်ရှိတယ်လို့ ခန့်မှန်းနေကြ ပါတယ်။ ပြည်ပဝယ်လက်များရဲ့ ကုန်အမှာလွှာလည်း လျော့ကျလျက်ရှိ တယ်လို့သိရပါတယ်။ အိန္ဒိယ ဘာသာရေးပွဲတော် "Pongal" နောက်ပိုင်းမှာ နနွင်းတက်ထွက်ရှိမှုများကလည်း လျော့နည်း လျက် ရှိပါတယ်။ ဇန်နဝါရီလတတိယပတ်မှာ Nizamabad ဒိုင်သို့ နနွင်းတက် တန် ၇၀၀၀၀ (၇၀ ကီလိုဂရမ်ပါ နနွင်း တက်အိတ် ၁၀၀၀) ရောက်ရှိလာပြီး ၁၀၀ ကီလိုဂရမ်ကို ရူပီး ၅၇၀၀ (၁ တန် ၅၇၀၀၀ ရူပီး) ဒေါ်လာအားဖြင့် ၁ တန်ကို ၁၀၄၀ ဒေါ်လာဈေးပေါက်လျက်ရှိပါတယ်။ ဒိုင်ဈေးက တနင်္လာနေ့မှာဖွင့်ပြီး သောကြာမှာပိတ်ကာ စနေ၊ တနင်္ဂနွေ အရောင်းအဝယ်နားပါတယ်။ ဇန်နဝါရီလ တတိယပတ်ရဲ့ နနွင်းတက်ဈေးကတော့ ၁ တန်ကို ၅၇၀၀၀ ရူပီးနဲ့ဘဲ ဈေးပိတ် သွားခဲ့ပြီး စတုတ္ထပတ်တနင်္လာနေ့မှသာ ဈေးပြောင်းလဲမှုရှိ နိုင်မှာဖြစ်ကြောင်း အင်တာနက် သတင်းအရ သိရပါတယ်။CMK
ဒီနှစ်မှာ နနွင်းဈေးတွေ နည်းနည်းပြန်ပြီးလှုပ်လာပါတယ်။ မနှစ်ကတော့ နနွင်းဈေးက အောက်ဆုံးအထိ ကျခဲ့ပါတယ်။ ဒီနှစ်တော့ ပြည်ပဝယ်လက်တွေလည်း အနည်းငယ်ပြန်ဝယ်ယူလာတာကြောင့် ဈေးတက်လာပါတယ်။ နနွင်းအသစ်တွေ ကတော့ မဝင်သေးပါဘူး။ ဈေးကောင်းရင်တော့ တောင်သူတွေက စောစောဖော်ကြမှာ ဖြစ်လို့ ၂ လပိုင်း၊ ၃ လပိုင်းလောက်မှာ ဈေးကွက်ကို ဝင်လာနိုင်တယ်လို့လည်းဆိုပါတယ်။ ယခုလောလောဆယ်တော့ ၂၀၁၂ ခုနှစ်ကကျန်နေတဲ့ နနွင်းတွေကိုသာ အရောင်းအဝယ်ပြုလုပ်နေကြတာ ဖြစ်ပါတယ်။ အရောင်းအဝယ်ကလည်း အခုတစ်ပတ်မှာ ပုံမှန်ဖြစ်နေတယ်လို့လည်း သိရပါ တယ်။ ဟိုပုံးနနွင်းကလည်း အောင်ပန်းဈေးကွက်ကို ဝင်နေပြီး အရောင်းအဝယ်လည်းဖြစ်နေပါတယ်။