ရန်ကုန်ဘုရင့်နောင်ပဲဈေးကွက်မှာ ပြီးခဲ့တဲ့ လဆန်းပိုင်းကစပြီး အရောင်းအဝယ်အေး ဈေးအေးခဲ့ရာက ယခုတစ်ပတ်ထိလည်း ဆက်ပြီးအေးနေတုန်းပဲလို့ သိရပါတယ်။ ပဲမျိုးစုံဈေးတွေကလည်း ပြီးခဲ့တဲ့ သီတင်းပတ်နဲ့ ယှဉ်ရင် တစ်တန် ကျပ်နှစ်သောင်းခန့် ကျ ဆင်းလာတာလည်း တွေ့ရပါတယ်။ အရောင်းအဝယ် ပါးတာ ကြောင့် ပဲတီစိမ်းကလွဲပြီး အခြားပဲတွေရဲ့ တင်ပို့မှုတွေကလည်း ယခင်သီတင်းပတ်တွေ ထက်ပိုပြီး လျော့လာတာတွေ့ရ ပါတယ်။

အိန္ဒိယဘက်မှာ မိုးပဲအထွက်လျော့တဲ့အတွက် ပဲဈေးတွေ ပြန်မာလာဦးမယ်လို့ ကုန်သည်ကြီး များ မျှော်မှန်းခဲ့ကြပေမဲ့ တကယ့် လက်တွေ့မှာတော့ အိန္ဒိယပြည်တွင်းမှာ ဝယ်လိုအားတွေနည်းတာ ရယ်၊ အခြားအာဖရိက၊ ကနေဒါတို့က ပဲတင်းသွင်းမှုတွေရှိနေတာ ရယ်ကြောင့် မြန်မာပဲ ဝယ်လိုအား ဆက်တိုက်ဆိုသလို ပါးလာခြင်း ဖြစ်တယ်လို့ ကုန်သည်တစ်ဦးကဆိုပါတယ်။ နောက်ပြီး အိန္ဒိယရဲ့ ငွေကြေး တန်ဖိုး က တောက်လျှောက်ကျနေတဲ့အတွက်လည်း တင် သွင်းမှုကို လျှော့ချ လာကြခြင်းဖြစ်တယ်လို့ သိရပါတယ်။ အိန္ဒိယ ဝယ်လက်ကို အမှီပြုနေရတဲ့ ပဲဈေးကွက်အနေနဲ့ လတ်တလောမှာ စင်ကာပူ ဝယ်လက်တချို့ရဲ့ ဝယ်လိုက်ပျောက်လိုက်ပေါ်မှာပဲ စောင့်စားနေရတဲ့ အခြေအနေဖြစ်နေပါတယ်။ ဒီတစ်ပတ်အတွင်း ပြည်တွင်းဈေးကွက်မှာ ပဲစင်းငုံ အရောင်း အဝယ်အချို့ရှိခဲ့ပေမဲ့လည်း ဈေးကတော့ အကျဘက်ဆင်းနေ တယ်လို့ သိရပါတယ်။ ပဲတီစိမ်းကို အဝယ်အချို့ရှိပေမဲ့ အခု နောက်ပိုင်း ဝင်လာတဲ့ ပဲတီစိမ်းအချို့ အရည်အသွေးနိမ့်လာသလို အခြားပဲဈေးတွေ ကျရိပ်နဲ့အတူ ပဲတီစိမ်းဈေးလည်း အကျနဲ့ အရောင်းအဝယ်ရှိခဲ့တယ်လို့ သိရပါတယ်။ မတ်ပဲအနေနဲ့ ဘုရင့် နောင်ကုန်စည်ဒိုင်မှာ ပြီးခဲ့တဲ့ တစ်ပတ်က တစ်တန် ကျပ် ၄၇၀၀၀၀ နဲ့ အရောင်းအဝယ်ဖြစ်ခဲ့ရာမှ ဒီတစ်ပတ် နိုဝင်ဘာ ၂၃ ရက်မှာ တော့ကျပ် ၄၅၀၀၀၀ ကို လျော့ကျခဲ့ပါတယ်။ အလားတူ ပဲတီစိမ်း မှာလည်း ပြီးခဲ့တဲ့ တစ်ပတ်က ၇၅၀၀၀၀ ကျော် ဈေးရှိခဲ့ရာမှ ကျပ် ၇၁၃၀၀၀ ကျော်ကို ကျပ်သုံးသောင်းကျော်လျော့ကျခဲ့ပြီး ပဲစင်းငုံမှာလည်း ကျပ် ၅၄၀၀၀၀ ကျော်မှ ၅၂၀၀၀၀ ကျော်ကို အသီးသီးလျော့ကျလာတယ်လို့ သိရပါတယ်။ အိန္ဒိယမှာ ဝယ်လိုအားနည်းနေတာရယ်၊ ပဲအသစ်တွေဝင် လာနေတာရယ်အပြင် ရူပီးတန်ဖိုးတွေ ဆက်ပြီးကျဆင်းဦးမယ် ဆိုရင် ပြည်ပပဲဝယ်ယူမှုနည်းလာနိုင်တဲ့အတွက် မြန်မာပဲဈေးလည်း လာမယ့်လ မှာ ဈေးတစ်တန်းလောက်လျော့နိုင်သေးတယ်လို့ ကုန်သည်တစ်ဦးက ခန့်မှန်းထားပါတယ်။ ပဲတင်ပို့မှုအနေ နဲ့ နိုဝင်ဘာလ ၁၆ ရက်နေ့အထိ လက်ရှိဘဏ္ဍာနှစ်အတွင်းမှာ တန် ချိန် ၉ သိန်းကျော်၊ ကန်ဒေါ်လာ ၅၇၄ သန်းဖိုး ခန့်တင်ပို့ထားပြီး ဖြစ်ကြောင်း သက်ဆိုင်ရာ စာရင်းများအရ သိရပါတယ်။ ပြီးခဲ့တဲ့ နှစ် ကာလတူအတွင်းမှာ တန်ချိန် ၉၄၀၀၀၀ ခန့်တင်ပို့ထားခြင်းမှ ကန်ဒေါ်လာ သန်း ၇၈၀ ခန့်ရရှိထားတဲ့အတွက် ယခုနှစ်မှာ တန်ချိန် ၄ သောင်းခန့်လျော့နည်းတင်ပို့နိုင်သလို ရရှိတဲ့ ဝင်ငွေ မှာလည်း ကန်ဒေါ်လာ သန်းပေါင်း ၂၀၀ ကျော် ကျဆင်းတာတွေ့ ရပါတယ်။ ပဲတစ်မျိုးချင်းအနေနဲ့ မတ်ပဲတင်ပို့မှုမှာ ယခုဘဏ္ဍာနှစ် အတွင်း တန်ချိန် ၄၁၀၀၀၀ ကျော်တင်ပို့ခြင်းမှ ကန်ဒေါ်လာ ၂၄၁ သန်းကျော်ရရှိထားရာ ပြီးခဲ့တဲ့ ဘဏ္ဍာနှစ်ကာလတူတင်ပို့မှု တန်ချိန် ၄၅၆၀၀၀ ကျော် တင်ပို့ခြင်းမှ ကန်ဒေါ်လာ ၃၈၃ သန်းခန့်ရရှိဝင်ငွေနဲ့ ယှဉ်ရင် ယခုနှစ်မှာ တန် ၄ သောင်းကျော်၊ ကန်ဒေါ်လာ ၁၄၂ သန်းခန့်  လျော့နည်းကြောင်း သိရပါတယ်။ အလားတူပဲတီစိမ်းမှာလည်း ယခုနှစ်မှာ တန်ချိန် ၁၇၀၀၀၀ ကျော် မှ ကန်ဒေါ်လာ ၁၃၁ သန်းရရှိထားရာ ယခင်နှစ် တင်ပို့မှု တန်ချိန် ၂ သိန်းကျော်၊ ကန်ဒေါ်လာ ၂၀၁ သန်းကျော်နဲ့ ယှဉ်ရင် ပမာဏ အားဖြင့်တန်ချိန် ၃ သောင်း၊ ကန်ဒေါ်လာ ၇၀ သန်းကျော် လျော့ နည်းကြောင်း သိရပါတယ်။              ယမင်းခင်
 

ရန်ကုန် FOB နဲ့ အိန္ဒိယဈေးကွက် ပဲမျိူးစုံဈေးနှုန်း အပြောင်းအလဲ
၁၆-၁၁-၂၀၁၂                                              ဒေါ်လာ/တန်

စဉ်
ပဲအမျိူးအမည်
တောင်အမေရိက
ဥရုဂွေး
အာဂျင်တီးနား

8/11
15/11
ပြောင်းလဲမှု
8/11
15/11
ပြောင်းလဲမှု
8/11
15/11
ပြောင်းလဲမှု

1
မတ်ပဲ
580
580

625
623

739
-

2
ပဲစင်းငုံ
670
670

787
710

739
-

3
ပဲတီရွှေဝါ
900
930

1010
1037

955
-

4
ကုလားပဲဖြူလုံးကြီး
600
700

859
860

854
-

 
*မှတ်ချက်။ ရန်ကုန် FOB ဈေးနှုန်းများမှာ အနိမ့်ဈေးများသာဖြစ်ပါသည်။
အိန္ဒိယဒေလီဈေးကွက် ပဲတီရွှေဝါဈေးမှာ ချန်နိုင်းဈေးကွက်ပေါက်ဈေးဖြစ်ပါသည်။

ပြည်အာလူးဈေးကွက်သို့ ယခုတစ်ပတ်မှာ အောင်ပန်းဘက်မှ အာလူးများတစ်နေ့ အိတ် ၆၀၀ ခန့် အဝင် ရှိပြီး၊ ပြည်ဈေးကွက်အနေနဲ့ တစ်ပတ်ချင်း ရောင်းအားရှိသလောက်မှာယူတဲ့အတွက်၊ ဒေသတွင်း လက်လီ လက်ကား ရောင်း ဝယ်သူများနဲ့ ဧရာဝတီတိုင်းဒေသကြီး၊ ရခိုင်ပြည်နယ်တို့သို့ စီးဆင်းမှုအပါအဝင် အိတ် ၅၂၀ ခန့် အရောင်းအဝယ်ဖြစ် ခဲ့ပါတယ်။ မျိုးအာလူးကို တိုင်းအတွင်းရှိ ရွှေတောင်မြို့နယ်၊ ကျီးသဲရွာဘက်မှ အာလူးစိုက်တောင်သူများက အဝယ်ရှိပြီး၊ ရာသီဥတု ကွာတဲ့အတွက် အာလူးကို မျိုးထားလို့မရ တာကြောင့် အောင်ပန်းမှလာတဲ့မျိုးကို ဝယ်ယူစိုက်ပျိုးရခြင်းဖြစ် ကြောင်းသိရပါတယ်။ အာလူးဈေးနှုန်းမှာ ယခင်တစ်ပတ်ကထက် ဈေးအနည်းငယ်ကျသွားပြီး တစ်ပိဿာကို (ကြီး) ၈၀၀ ကျပ်၊ (လတ်) ၇၅၀ ကျပ်၊ (သေး) ၇၀၀ ကျပ်နဲ့ မျိုးအာလူး တစ်ပိဿာ ၆၀၀ ကျပ် တို့နဲ့ အသီးသီးရောင်းဝယ်လျက် ရှိနေပါတယ်။                                              ဝင်းဝင်းခိုင်-ပြည်

မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ တစ်ဘက် နိုင်ငံသို့ ကန်ဒေါ်လာသုညဒသမ ၂၃၈ သန်း တန်ဖိုးရှိ သကြား ဖြူ ၈၄ တန်ကျော်နဲ့ သကြားညို တန် ၃၂၀ ကို နိုဝင်ဘာလ ၇ ရက်မှ ၁၃ ရက်ထိကာလအတွင်းမှာ   တင်ပို့နိုင်ခဲ့ပါတယ်။ ယခင်အပတ်ကမူဆယ်နဲ့ချင်းရွှေဟော်နယ်စပ်စခန်းများမှ တင် ပို့ခဲ့သော်လည်း ယခုအပတ်မှာတော့ မူဆယ်နယ်စပ်တစ်ခု တည်းကသာ တင်ပို့နိုင်ခဲ့တာဖြစ်ပါတယ်။ ကြံရာသီချိန်ဖြစ်လို့ သကြားများလှိုင်လှိုင် တင်ပို့နေခြင်းဖြစ်ပါတယ်။ မြင့်မြင့်မာ