ယခုအပတ်မှာ မူဆယ်နယ်စပ် ကန်သွယ်ရေးဇုန်မှ တစ်ဆင့်တင်ပို့ရန် ရော်ဘာ ၅၃၅တန်အား ကား ၁၃စီးနဲ့ မန္တလေးက တက်သွား ခဲ့ပြီး တစ်ဖက်နိုင်ငံကို တင်ပို့နိုင်ခဲ့ပါတယ်။ မူဆယ်နယ်စပ်မှာ ဖြစ်ပေါ်နေတဲ့ ရော်ဘာဈေးနှုန်းတွေကို အောက်ပါအတိုင်း တွေ့ပါတယ်-    အမျိုးအစား    မိမိဘက် (ကျပ်)    တစ်ဖက်နိုင်ငံဈေး(ဒေါ်လာ)    RSS 3          ၂၉၇၀၁၂၀                ၃၁၅၆     RSS 5         ၂၈၇၈၇၆၀                ၂၉၃၅    ယခင်အပတ်ကထက် တစ်ဘက်နိုင်ငံပေါက်ဈေး ဒေါ်လာ ၂၂၀ စီ ရော်ဘာ ဈေးများ မြင့်တက်လျက်ရှိပြီး မိမိဘက်မှာလည်း RSS 3 တစ်တန်ကို ၅၅၂၀ကျပ် နဲ့ RSS 5တစ်တန်ကို ၁၀၇၆၀ကျပ် အသီးသီးမြင့်တက်ခဲ့တာတွေ့ရပါတယ်။

    မန္တလေးသကြားဈေးကွက်မှာ လှောင်လက်များနဲ့ မုန့်လုပ်ငန်းရှင်များ၊ အချိုရည်လုပ်ငန်းရှင်များမှ ရာသီချိန် (နွေ) ရောက်ပြီဖြစ်တဲ့ အတွက် အဝယ်များလာကာ ဈေးမာလာတယ်လို့ သိရပါတယ်။

    ရှမ်းပြည်နယ်မြောက်ပိုင်းရဲ့ ဇန်နဝါရီလ နောက်ဆုံးပတ်ပြောင်း ဈေးကွက်တွင် တောင်သူလက်မှာ လက် ကျန်နည်းပါးလာတာနဲ့အမျှ ပြောင်းဈေးနှုန်းဟာ တစ်ရိပ်ရိပ်တက်လို့လာပါတယ်။

    လက်ရှိနိုင်ငံတကာပြောင်း ဈေးတွေအနေနဲ့ ဇန်နဝါရီ ၂၆ ရက်နေ့မှ တရုတ်နိုင်ငံပေါက်ဈေးဟာ တစ်တန်ကို ကန်ဒေါ်လာ ၂၆၁၊ အိန္ဒိယပြောင်းဈေးဟာ တစ်တန်ကို ကန်ဒေါ်လာ ၂ဝ၅ နဲ့ ဂျပန်နိုင်ငံမှာတော့ ကန်ဒေါ် လာ ၂၂၈ ဒသမ ၅၁ ဈေးအသီးသီးရှိတာကို တွေ့ရပါတယ်။