ကုန်သွယ်ရေးသတင်း

ပြည်တွင်းမှ မွေးမြူရေး ရေထွက်ကုန်များကို တရုတ်နိုင်ငံ   အကောက်ခွန်အထွေထွေအုပ်ချုပ်မှု အာဏာပိုင်အဖွဲ့(GACC)နည်းလမ်းဖြင့်   တရုတ် နိုင်ငံသို့ တရားဝင်   တင်ပို့တော့မည်ဖြစ်ကြောင်း ငါးလုပ်ငန်းဦးစီးဌာနမှ သိရသည်။
မြန်မာနိုင်ငံအနေနှင့်  ယခင်က   သဘာဝ ရေထွက်ကုန်များကိုသာ တင်ပို့ခဲ့ခြင်းဖြစ်ပြီး စက် တင်ဘာလအတွင်း နှစ်နိုင်ငံဆွေးနွေးမှု  သဘော တူညီချက်များအရ   မွေးမြူရေး ရေထွက်ကုန်များ ကိုပါ တရုတ်နိုင်ငံသို့ တရားဝင်GACC နည်းလမ်း ဖြင့် တင်ပို့နိုင်ပြီဖြစ်ကြောင်း သိရသည်။

နို့ဆီ
စက်တင်ဘာ ၁ ရက်မှ ၃၀ ရက်အထိ ကာလအတွင်း ပင်လယ်ရေကြောင်းကုန်သွယ်မှုမှ    အမေရိကန်ဒေါ်လာ ၃  ဒသမ ၇၅၁  သန်းတန်ဖိုးရှိ နို့ဆီ တန်ချိန်  ၂၅၀ဝ ခန့် တင်သွင်း  ခဲ့သည်။ တင်သွင်းမှုများအနေဖြင့် မလေးရှားနိုင်ငံမှ တန်ချိန် ၃၂၀ ကျော်၊ စင်ကာပူနိုင်ငံမှ တန်ချိန် ၂၁၀ဝ ကျော်၊ ထိုင်း နိုင်ငံမှ တန်ချိန် ၂၀ ကျော် တင်သွင်းခဲ့သည်။ အနီးစပ်ဆုံး ကာလနှင့် နှိုင်းယှဉ်ပါက ပင်လယ်ရေကြောင်းမှ နို့ဆီတန်ချိန် ၁၅၀ဝခန့် ပိုမိုတင်သွင်းခဲ့ကြောင်း သိရသည်။
နို့မှုန့်

ရော်ဘာ
စက်တင်ဘာ ၁ ရက်မှ ၃၀ ရက်အထိကာလအတွင်း ပုံမှန်ကုန်သွယ်မှုလမ်းကြောင်းမှ အမေရိကန်ဒေါ်လာ ၂ ဒသမ ဝ၁၇ သန်း တန်ဖိုးရှိ ရော်ဘာတန်ချိန် ၁၅၁၀ ကျော် တင်ပို့ခဲ့သည်။ ရော်ဘာတင်ပို့မှုအနေဖြင့် တရုတ်နိုင်ငံသို့ ရော်ဘာတန်ချိန် ၈၀ဝ ကျော်၊ အိန္ဒိယနိုင်ငံသို့ ရော်ဘာ ၅၀၄ တန်နှင့် ကိုရီးယားနိုင်ငံသို့ ရော်ဘာတန်ချိန် ၂၀ဝ ကျော် တင်ပို့ခဲ့သည်။

ဆန်
စက်တင်ဘာ ၁ ရက်မှ ၃၀ ရက်ထိ ကာလအတွင်း ပုံမှန် ကုန်သွယ်မှုလမ်းကြောင်းမှ အမေရိကန်ဒေါ်လာ ၂၇ ဒသမ ဝ၅၂ သန်းတန်ဖိုးရှိ ဆန်တန်ချိန် ၄၉၂၆၀ကျော် တင်ပို့ကြောင်း သိရသည်။ ဆန်တင်ပို့မှုအနေဖြင့် အာရှနိုင်ငံများသို့ ဆန် တန်ချိန် ၃၃၄၉၀ ကျော်၊ အီးယူအဖွဲ့ဝင်နိုင်ငံများသို့ ဆန် တန်ချိန် ၁၀၁၉၀ ကျော်နှင့်  အာဖရိကနိုင်ငံများသို့ ဆန် တန်ချိန် ၅၅၇၀ ကျော် တင်ပို့ခဲ့သည်။

ရော်ဘာ
စက်တင်ဘာ ၉ ရက်မှ ၁၅ ရက်ထိ ကာလအတွင်း ပုံမှန် ကုန်သွယ်မှုမှ အမေရိကန် ဒေါ်လာ ၁ ဒသမ ၂၃၇ သန်း တန်ဖိုးရှိ ရော်ဘာ ၉၀၇ တန် တင်ပို့ခဲ့သည်။ ရော်ဘာတင်ပို့မှု အနေဖြင့် အိန္ဒိယနိုင်ငံသို့ ရော်ဘာတန်ချိန် ၅၀ဝ ကျော်နှင့် တရုတ်နိုင်ငံသို့ ရော်ဘာတန်ချိန် ၄၀ဝ ကျော်တင်ပို့ကြောင်း သိရသည်။