ပြည်တွင်း၌ဂျုံစက်ရုံများရှိနေပေမဲ့လည်း ဒေသနေပြည်သူများစားဝတ်နေရေး အဆင်ပြေချောမွေ့စေရန် ရည်ရွယ်ပြီး ဂျုံမှုန့်၊ ဂျုံစေ့များကိုတင်သွင်းခွင့်ပြုထားရာ ယခုအပတ်မှာဂျုံစေ့တန် ၆၀ နဲ့ ဂျုံမှုန့်တန် ၇၀ ကျော်ကို အိန္ဒိယနယ်စပ်ရှိ တမူး ကူးသန်းရောင်းဝယ်ရေးစခန်းမှ တင်သွင်းလာတာတွေ့ရပါတယ်။

ဇူလိုင်လ ၁၄ ရက်မှ ၂၀ ရက်ထိကာလအတွင်းမှာ ပင်လယ်ရေကြောင်းကုန်သွယ်မှုမှ မလေးရှား တစ်နိုင်ငံတည်းသို့သာ ရော်ဘာတင်ပို့မှုရှိခဲ့ပါတယ်။ တင်ပို့တဲ့တန်ချိန်မှာ ၁၆၀ ဖြစ်ပြီး ျွှ ၃ တန် ၁၀၀ နဲ့ RSS 5 တန် ၆၀ ဖြစ်ပါတယ်။ တန်ဖိုးကတော့ ကန်ဒေါ်လာ သုည ဒသမ ၃၅၂ သန်းဖိုးဖြစ်ပါတယ်။

ဇူလိုင်လဆန်းမှစပြီး ကျဆင်းလာတဲ့ ကမ္ဘာ့ရော်ဘာ ဈေးနှုန်းများ ဇူလိုင်လလယ်ပိုင်းအထိ ဆက်တိုက်အား နည်း လာတယ်။ ဇူလိုင်လ ၁ ရက်နေ့က တစ်တန်ကို ၂၇၁၈ ဒသမ ၅၀ မှာရှိနေခဲ့တဲ့ ထိုင်းရော်ဘာRSS -5 (မှိုင်းခံရော်ဘာ အဆင့် ၅) က ဇူလိုင်လ ၁၅ ရက်နေ့မှာ တစ်တန်ကို ၂၅၃၄ ဒသမ ၅၀ ဒေါ်လာအထိ ၁၈၄ ဒေါ်လာ ဈေးကျလာတယ်။ မလေးရှားရော်ဘာ (SMR-20) ကလည်း ၎င်း ကာလအတွင်း တစ်တန်ကို ၄၇ ဒေါ်လာဈေးကျလာတယ်။

ရှမ်းပြည်နယ်တောင်ပိုင်းမှာချင်းအဓိကစိုက်ပျိုးတဲ့ ကလော၊ အောင်ပန်း၊ ဟဲဟိုး၊ ပင်းတယစတဲ့ မြို့နယ်တွေ မှာလည်း ချင်း(ဥမ)တွေ ဖော်နေကြပါပြီ။ ပြီးခဲ့တဲ့ အပတ် ကတော့ ချင်းကို Export   အတွက်မဟုတ် ဘဲ၊ လှောင် လက်တွေကသာ ဝယ်ယူမှုရှိခဲ့ တာကြောင့် အရောင်းအဝယ်ကလည်း ခပ်သွက်သွက်တော့ အရောင်းအ ဝယ် ဖြစ်ပါတယ်။ဒီတစ်ပတ်မှာလည်း ပြည်တွင်းသုံးအပြင် စစ်တွေ၊ တမူးက ဝယ်လက် တွေက အိန္ဒိယကို ပို့ဖို့အတွက် ဝယ်ယူမှုရှိလာတာကြောင့် ပိုပြီး အရောင်းအဝယ် သွက်လာပါတယ်။