Background
အိန္ဒိယဈေးကွက်အများစုမှာလည်း မတ်ပဲဈေးဆက်တိုးလာပါတယ်။ မွန်ဘိုင်း ဈေးကွက်မှာတော့ မြန်မာ့မတ်ပဲဈေးက အပြောင်းအလဲရှိနေပါတယ်။ ဈေးကွက် များကို ဝင်ရောက်မှုနည်းလာပြီး အဝယ်တက်တာကြောင့် ဈေးမြင့်ခဲ့ခြင်းဖြစ်ပါ တယ်။ လွန်ခဲ့တဲ့ ရက်အနည်းငယ်မှာ ဈေးအနိမ့်နဲ့ ရောင်းချမှုများလာတာကြောင့် ဒေသတွင်းဈေးကွက်ကို မတ်ပဲဝင်ရောက်မှု ကျဆင်းခဲ့တယ်လို့ သိရပါတယ်။ ဒါ့အပြင် အနိမ့်ဆုံးထောက်ပံ့ဈေးနှုန်း တိုးမြင့်ခြင်းကလည်း လက်ငင်းဈေးကွက်မှာ မတ်ပဲဈေးကို ခိုင်မာစေသလို မတ်ပဲခွဲခြမ်းဈေးမှာလည်း မြင့်နေခြင်း ဖြစ်ပါတယ်။ ဇွန်လ ၂၉ ရက်မှာ မွန်ဘိုင်းဆိပ်ကမ်းကို မြန်မာမတ်ပဲကွန်တိန်နာ ၁၀ လုံး ဝင် ရောက်ကြောင်း သိရပါတယ်။ ဈေးကွက်တွေမှာ ဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ်-
မိုးတွင်းကာလ ဝင်ရောက်လာပြီဖြစ်သော်လည်း အာရှရော်ဘာဈေးနှုန်းတွေ ကျဆင်းလျက်ရှိတယ်။ ကမ္ဘာ့စီးပွားရေးဖွံ့ဖြိုး တိုးတက်မှုနှေးနေရာ ကုန်စည်ဝယ်လိုအားနည်းနေချိန်မှာ ရော်ဘာစိုက်ပျိုးထုတ်လုပ်တဲ့ နိုင်ငံတွေရဲ့ ရော်ဘာထုတ်လုပ်မှု ပိုလျှံနေခြင်းကြောင့် ဈေးနှုန်းအားနည်းလာခြင်းဖြစ်တယ်။ ၂၀၁၂ ခုနှစ်မှာ ရော်ဘာထုတ်လုပ်မှု ၇ ဒသမ ၈ ရာခိုင်နှုန်းတိုးတက် ကာ တန်ချိန် ၁၁ ဒသမ ၈ သန်း ထုတ်လုပ်နိုင်မယ်လိ့ု နိုင်ငံတကာ ရော်ဘာလေ့လာရေးအဖွဲ့က ခန့်မှန်းထားတယ်။
အိန္ဒိယနိုင်ငံ တမီနာဒူးလ်စိုက်ပျိုးရေးတက္ကသိုလ်ရဲ့ ပို့ကုန်လုပ်ငန်းနဲ့ ပြည်တွင်း ဈေးကွက်သတင်းစုံစမ်းရေးအဖွဲ့ DEMIC ရဲ့ လေ့လာဆန်းစစ်ချက်အရ ယခုနှစ် လာမဲ့ပြောင်းရာသီဖြစ်တဲ့အောက်တိုဘာမှ ဒီဇင်ဘာအတွင်း ပြောင်းတင်ပို့မှုနဲ့ ဝယ် လိုအားမြင့်တက်လာတဲ့အတွက် ပြောင်းဈေးနှုန်းမှာ တစ်တန်ကို ရူပီး ၁၁၀၀၀ မှ ၁၁၅၀၀ (ဒေါ်လာ ၁၉၃ မှ ၂၀၂)ထိ ရှိလာနိုင်တယ်လို့ ခန့်မှန်းထားကြပါတယ်။
မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်နဲ့ လွယ်ဂျယ်နယ်စပ် ကုန် သွယ်ရေးစခန်းများမှကန်ဒေါ်လာ ၁ ဒသမ ၈၃၂ သန်းတန်ဖိုးရှိ ပြောင်းဖူးစေ့ ၆၅၄၂ တန်ကို ဇွန်လ ၂၀ ရက်မှ ၂၆ ရက်ထိကာလ အတွင်းမှာ တင်ပို့မှုရှိခဲ့ပါတယ်။ ယခင်အပတ်ကထက် တန် ၁၂၉၀ အပို့ပိုခဲ့ပါတယ်။ နယ်စပ်အလိုက် ပြောင်း တင်ပို့နိုင်မှုတွေကတော့ မူဆယ်မှ ၆၂၄၉ တန်ကျော်၊ ချင်းရွှေဟော်မှ တန် ၂၀၀ ကျော်နဲ့ လွယ်ဂျယ်မှ ၉၃ တန် အသီးသီးဖြစ်ပါတယ်။ ယခုအပတ်မှာ ပြောင်းဖူးစေ့ မြေပြင်ပေါက်ဈေးနှစ် ဖက်လုံးမှာ အနည်းငယ် ပိုမိုလျက်ရှိပါတယ်-
မြန်မာ-တရုတ်နယ်စပ်ရှိ မူဆယ် ၁၀၅ မိုင်နယ်စပ်ကုန်သွယ်ရေးဇုန်မှ ကန်ဒေါ်လာ ၁ ဒသမ ၅၉၁ သန်းတန်ဖိုးရှိ ရေထွက်ကုန် တန် ၅၄၀ ကျော်ကို ဇွန်လ ၂၀ ရက်မှ ၂၆ ရက်အတွင်းမှာ အပို့ရှိခဲ့ပါတယ်။ ချင်းရွှေဟော်နယ်စပ်မှာတော့ ကန်ဒေါ်လာ သုည ဒသမ ၂၀၃ သန်းတန်ဖိုးရှိ ငါးရှဉ့် ၄၅ တန်ကျော်အပို့ရှိခဲ့ရာ ယခုသီတင်းပတ် တရုတ်နယ်စပ်မှ ရေ ထွက်ကုန်တင်ပို့နိုင်မှုမှာ ၅၈၆ တန်ကျော်ဖြစ်ပါတယ်။
ဖိလစ်ပိုင် ကြက်သွန်ဖြူစိုက် တောင်သူများအတွက် လက်ရှိ ဈေးနှုန်းမှ အကျိုးအမြတ်ခံစားခွင့်ရရှိစေဖို့ ယာယီအား ဖြင့် ကြက်သွန်ဖြူတင်သွင်းခွင့် အသစ်များထုတ်ပေးခြင်းကို ရပ်တန့်ဖို့ အစိုးရကို တောင်းဆိုထားကြောင်း သိရပါတယ်။ ပြည်တွင်း ကြက်သွန်ဖြူ ထုတ်လုပ်မှုဟာ ယခုနှစ်အတွက် နိုင်ငံ လိုအပ်ချက် ဖြည့်ဆည်းဖို့ လုံလောက်တာထက် ပိုမိုတယ် လို့ တောင်သူတွေက ဆိုပါတယ်။
တရုတ်နိုင်ငံတွင်းရဲ့ ကြက်သွန်ဖြူဈေးနှုန်းတွေမြင့်မားလာမှုကြောင့် ပြည်ပမှအဝယ် အော်ဒါတွေ လျော့ကျသွားတယ်လို့ သိရတယ်။ ဒါကြောင့် အစိုးရအနေနဲ့ ကြက်သွန်ဖြူတင်ပို့မှု မြှင့်တင်နိုင်မယ့် ဦးစားပေးမူဝါဒတွေ ထုတ်ပြန်ပေးနိုင်ဖွယ်ရှိတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးက ဇွန် ၂၀ ရက်မှာ ပြောကြားခဲ့တယ်။
အိန္ဒိယပြည်တွင်း ပဲမျိုးစုံဈေးကွက်အားလုံးနီးပါးမှာ ပဲမျိုးစုံဈေးနှုန်းတွေမြင့်မားနေပါတယ်။ အိန္ဒိယ ပြည်တွင်း မိုးတွင်း ကာလမှာ ဟင်းသီးဟင်းရွက် လတ်လတ်ဆတ်ဆတ်ရရှိနိုင်မှု နည်းပါးတဲ့အတွက် ပဲမျိုးစုံဝယ်လိုအားမြင့်မား လေ့ရှိတယ်လို့ သိရပါတယ်။ ဒါ့အပြင် ဇွန်မှာ ကုန်ဆုံးမယ့်လက်ရှိသီးနှံနှစ်အတွင်း ပဲမျိုးစုံအထွက်နှုန်းကို ၁၇ ဒသမ ၀၂ သန်းသာရှိမယ် ခန့်မှန်းထားရာ ယခင်နှစ်ပဲမျိုးစုံထွက်နှုန်း ၁၈ ဒသမ ၄၂ သန်းနဲ့ ယှဉ်ရင် ကျဆင်းလျက်ရှိပါတယ်။
အိန္ဒိယပြည်တွင်းဈေးကွက်တွေမှာ အခြားပဲဈေး တိုးလာခြင်းနဲ့အတူ ကုလားပဲဈေးလည်း ဆက်လက် မြင့်တက်လာခဲ့ပါ တယ်။ လက်ရှိမိုးရာသီမှာ မိုးနည်းပါးတဲ့အတွက် ဆောင်းကုလားပဲစိုက်ပျိုးမှုအပေါ်လည်း ဆက်ပြီးထိခိုက်မှာ ကုန်သည်များ စိုးရိမ် နေကြပါတယ်။ ဥပုသ်ကာလအတွက် ဝယ်လိုအားကောင်းနေခြင်းက လက်ငင်းဈေးများ မြင့်တက်စေခဲ့ပါတယ်။
အိန္ဒိယပြည်တွင်း လက်ရှိမိုးပဲစိုက်ရာသီမှာ ပဲတီစိမ်းစိုက်ဧရိယာက ယခင် နှစ်ထက် လျော့ကျနေတဲ့အတွက် တင်သွင်း ပဲတီစိမ်းဈေးအနည်းငယ်တိုးလာခဲ့ပါ တယ်။ ဝယ်လိုအား အသင့်အတင့်ရှိပြီး ပဲဝင်ရောက်မှုပုံမှန်ရှိနေတဲ့ အတွက် ပြည် တွင်းထွက် ပဲတီစိမ်းဈေးကတော့ အပြောင်းအလဲနည်းတာ တွေ့ရပါတယ်။ အင်ဒရာ ပရာဒေ့ရှ်မှာလက်ရှိအချိန်ထိ ပဲတီစိမ်းစိုက်ပျိုးမှုက ယခင်နှစ်ကာလတူထက် ၇ ဒသမ ၈၉ ရာခိုင်နှုန်းလျော့ကျပြီး ဟက်တာ ၃၈၀၀၀ စိုက်ပျိုးထားကြောင်း သိရပါတယ်။ ဇွန် ၂၆ ရက်အထိ တစ်ပတ်အတွင်း မွန်ဘိုင်းဆိပ်ကမ်းကို တန်ဇန်းနီးယား ပဲတီစိမ်း ခွဲခြမ်း ကွန်တိန်နာ ၂၉ လုံး၊ ရိုးရိုးပဲတီစိမ်း ၅ လုံး၊ သြစတြေးလျပဲတီစိမ်း ၅၀ လုံး၊ မြန်မာပဲတီစိမ်း ၃ လုံး အသီးသီးဝင်ရောက်ကြောင်း သိရပါတယ်။ ဈေးကွက်တွေမှာ ဖြစ်ပေါ် တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်-