ကိုရီးယားကဆက်၍ဝယ်           နနွင်းပို့ကုန်ကုန်သွယ်မှုအဖြစ် အောက်တိုဘာလ ၂၅ ရက်နေ့ကနေ ၃၁ ရက်တာကာလအတွင်း တန်ချိန် ၃၁ တန် တန်ဖိုးကန်ဒေါ်လာ ၄၆၁၅ဝ ဖိုးတင်ပို့ နိုင်ခဲ့ပါတယ်။ ကိုရီးယားကို ၁၆ တန်နဲ့ အာရပ်စော်ဘွားနိုင်ငံကို ၁၅ တန်ခွဲပို့ခဲ့ပါတယ်။ အောက်တိုဘာလအတွင်း နနွင်းကုန်သွယ်ဖက်နိုင်ငံတွေက ဂျပန်၊ ကိုရီးယား၊ ပါကစ္စတန်၊ စင်ကာပူနဲ့ အာရပ်စော်ဘွားများနိုင်ငံနှင့် ယီမင်နိုင်ငံတို့ကို စုစုပေါင်း တန်ချိန် ၁၂၉ တန်ကျော်တင်ပို့နိုင်ခဲ့ပါတယ်။ ဒီအောက်တိုဘာလအတွင်း ကိုရီးယား ဈေးကွက်က ဝယ်လက်အားအကောင်းဆုံးအဖြစ် ၃၉ တန်ကျော်ဝယ်ခဲ့ပြီး ဒုတိယ အများဆုံးအဝယ်ကတော့ ဂျပန်ဖြစ်ကာ တန်ချိန် ၂၁ တန်ကျော်ကျော် ဝယ်ခဲ့ပါတယ်။ စက်တင်ဘာလထက် အောက်တိုဘာလမှာ နနွင်းပိုမိုတင်ပို့နိုင်ခဲ့သလို ဒီနှစ်မှာ ကိုရီး ယားဈေးကွက်ကအဝယ်သွက်ပြီး အခြားအိန္ဒိယဈေးကွက်များကဲ့သို့ အဆွဲပိုလာပြီး နှစ်လဆက်တိုက်လစဉ်တင်ပို့နိုင်ခဲ့တာ တွေ့ရပါတယ်။                                                                                                                               MIRT (DOT) 

အိန္ဒိယကားထုတ်လုပ်မှုမြင့်တက်လို့ တာယာထုတ်လုပ်မှုလည်းမြင့်            ဧပြီလမှသြဂုတ်လအတွင်း ရော်ဘာအထွက်နှုန်း တိုးတက်သလို အိန္ဒိယရဲ့မော်တော်ကား ထုတ်လုပ်မှုလည်း တိုးတက်လျက်ရှိပါတယ်။ ၎င်းကာလအတွင်း ယခင်နှစ်ကထက် ရော်ဘာ ၂၉ ရာခိုင်နှုန်း ပိုမိုထုတ်လုပ်နိုင်ခဲ့ပါတယ်။ ဧပြီလကနေ သြဂုတ်လအထိကာလတွင်းမှာ တာယာကုမ္ပဏီများအားလုံးရဲ့ ထုတ်လုပ်မှုဟာ စုစုပေါင်းတာယာ ၄၇ ဒသမ ၁ သန်းရှိကြောင်း သိရပါတယ်။ မော်တော်ယာဉ်ထုတ် လုပ်ရေးတွေက ဆိုင်ကယ်အစိတ်အပိုင်းအပါအဝင် ၆၅ ရာခိုင်နှုန်း တိုးတက်ထုတ်လုပ်နိုင်ခဲ့ပြီး သုံးဘီးကားတာယာ ၄၄ ရာခိုင်နှုန်းနဲ့ ခရီးသည်တင်ကားအတွက်၄၃ ရာခိုင်နှုန်းထုတ်လုပ်နိုင်ကြောင်း မော်တော်ကားတာယာ ထုတ်လုပ်သူများအသင်း ATMA  ရဲ့ စာရင်းများအရ သိရပါတယ်။ စီးပွားရေးလုပ်ငန်း သုံး ကားဈေးနှုန်း များတက်တာကြောင့် ရော်ဘာ ဈေးနှုန်းမြင့်တက်နေပေမဲ့လည်း ကားထုတ်လုပ်မှုတိုးတက် လျက်ရှိပါတယ်။ ယခုနှစ်ဧပြီမှစက်တင်ဘာအထိ စီးပွားရေးလုပ်ငန်းသုံးကားထုတ်လုပ်ရေးဟာ ၄၁ ဒသမ ၅၉ ရာခိုင်နှုန်း မြင့်တက်ခဲ့ကြောင်း အိန္ဒိယမော်တော်ယာဉ် ထုတ်လုပ်သူများ အဖွဲ့ SIAM ပြောကြားခဲ့ပါတယ်။ ရိုးရိုးကားဈေးနှုန်းက ၃၃ ဒသမ ၅၈ ရာခိုင်နှုန်း မြင့်တက်ခဲ့ပြီး နှစ်ဘီးတပ် ယာဉ်ဈေးနှုန်းက ၂၅ ဒသမ ၈၆ ရာခိုင်နှုန်း တိုးမြင့်ခဲ့ပါတယ်။                                                                                                       Source: commodity online, KZW

 ကိုရီးယား ဝမ်တန်ဖိုး သုံးလအတွင်း ၁ဝ ရာခိုင်နှုန်းတက်      ဝမ်တန်ဖိုးဟာ တစ်ဒေါ်လာကို ဝမ် ၁ဝဝဝ အထိမြင့်တက်လာရင် ပို့ကုန်လုပ်ငန်းတွေက အရင်းပြန်ရဖို့အတွက် အဓိက ကုန်တွေဈေးနှုန်းကို ထပ်တင်ရမှာဖြစ်ပါတယ်။ဈေးနှုန်းကိုမြင့်လိုက် ရင်လည်း အမှာစာက ၁ဝ ရာခိုင်နှုန်းအထိ ကျသွားနိုင်ပါတယ်။      ဝမ်တန်ဖိုးက တစ်ဒေါ်လာကိုဝမ် ၁ဝ၅ဝ အထိတက်လာမယ်ဆိုရင် ပြည်တွင်းက အဓိက ပို့ကုန်လုပ်ငန်းကြီး ၉၁ ခုရဲ့ ဆုံးရှုံးငွေဟာ ဝမ် ၅ ဒသမ ၉ ထရီလီယံထိရှိလာနိုင်တယ်လို့ ဆမ်ဆောင်း အီလက်ထရွန်းနစ် သုတေသနဌာနက ခန့်မှန်း ပါတယ်။ ပို့ကုန်လုပ်ငန်း ၅ဝ၄ ခုပါဝင်တဲ့ ကိုရီးယား ကုန်သည်ကြီးများနဲ့ စက်မှုလုပ်ငန်းရှင်များအသင်းကပြုလုပ်တဲ့ စစ်တမ်းအရ ဝမ်ငွေ လဲလှယ်နှုန်း တစ်ဒေါ်လာကို ဝမ် ၁ဝ၅ဝ ကနေ ၁၁ဝဝ အတွင်းရှိ နေရင်အကျိုးအမြတ်ခပ်ပါးပါးရဖို့ အာမခံချက်ရှိ နေသေး တယ်လို့ ကုမ္ပဏီထက်ဝက်ကျော်က ပြောပါတယ်။ အသေးစားလုပ်ငန်းတွေရဲ့ ပြဿနာက ပိုမိုနက်ရှိုင်းပါတယ်။ ''ဇူလိုင်လတုန်းက တစ် ဒေါ်လာကို ဝမ် ၁၂ဝဝ နှုန်းနဲ့ထားပြီး ကျွန်တော်တို့ကန်ထရိုက်စာချုပ်ရထားပါတယ်။သုံးလအတွင်း မှာဝမ်တန်ဖိုးက ၁ဝ ရာခိုင်နှုန်းမြင့်တက်လာတဲ့အတွက် အကျိုးအမြတ်က အကြီးအကျယ် ကျဆင်း သွားပါတယ်''လို့ အိုင်တီကုမ္ပဏီတစ်ခုရဲ့ အမှုဆောင်အရာရှိချုပ်တစ်ဦးက ပြောပါတယ်။        ဝမ်တန်ဖိုးတစ်ဒေါ်လာကို ၁ဝဝဝ အထိရောက်လာရင် ဆောင်ရွက်နိုင်ဖို့အတွက် ကုမ္ပဏီကြီး တွေကလည်း အစီအမံတွေ ချမှတ်ဆောင်ရွက်နေပါတယ်။ မကြာမီကဖြစ်ခဲ့တဲ့ ဝမ်တန်ဖိုးမြင့်တက် မှုက မျှော်လင့်ထားသလောက်သာရှိသေးတယ်။ ဒါပေမယ့်အခြေအနေက ဒီအတိုင်းဆက်ဖြစ်လာ မယ်ဆိုရင် မကောင်းတဲ့အကျိုးဆက်တွေ ဖြစ်လာနိုင်တယ်လို့ ဆမ်ဆောင်းအီလက်ထရွန်းနစ်က ပြောပါတယ်။                                        Source :joongangdaily.com,ဉာဏ်တင်

ဈေးနှုန်းအတက်အကျ အပြောင်းအလဲဖြစ်နေတဲ့ အိန္ဒိယနနွင်း         အိန္ဒိယနနွင်း ဈေးကွက်တွေကို နနွင်းဝင်ရောက်မှု တိုးတက်လာတဲ့နေ့မှာ ဈေးကျဆင်းပြီး ပြည်တွင်း ဝယ်လိုအားကောင်း တဲ့နေ့မှာ ဈေးအနည်းငယ်တက်လာတာကို တွေ့ရပါတယ်။ ၂ဝ၁ဝ-၂ဝ၁၁ နနွင်းရာသီမှာ အထွက်မြင့်တက်မယ့် မျှော်လင့်ချက်နဲ့ လတ်တလော ပြည်ပအဝယ်နည်းနေတာကြောင့် ဈေးထပ်ကျမယ့် ခန့်မှန်းချက်များအရ အောက်တိုဘာ ၁၁ ရက် ဈေးကွက်တွေကို နနွင်းဝင်ရောက်မှု ဟာ ဝ ဒသမ ၂၇ ရာခိုင်နှုန်း တိုးတက်လာခဲ့တယ်လို့ သိရပါတယ်။ ဒါကြောင့်လည်းနီဇမ်မာဘတ်ဈေးကွက်မှာ တစ်တန်ကို ၆၆ ဒသမ ၄၅ ရူပီး (ကန်ဒေါ်လာ ၁ ဒသမ ၅) ကျဆင်းပြီး ရူပီး ၁၄၅၂၄၇ (ကန်ဒေါ်လာ ၃၂၈ဝ) နဲ့ အရောင်းအဝယ် ဖြစ်ခဲ့တယ်လို့ သိရပါတယ်။      အောက်တိုဘာလ ၁၂ ရက်မှာ ပွဲတော်နဲ့ လက်ထပ်ရာသီအတွက် လက်ငင်းအဝယ်တက်လာတာကြောင့် နနွင်းကြိုပွိုင့်ဈေး ၁ ဒသမ ၁၈ ရာခိုင်နှုန်း ပြည်လည်မြင့်တက်ခဲ့တယ်လို့ သိရပါတယ်။ NCDEX  မှာ ဒီဇင်ဘာလပို့ရမယ့် နနွင်းဈေးဟာ ရူပီး ၁၃၂ဝ (ကန်ဒေါ်လာ ၂၉ ဒသမ ၈၁) မြင့်တက်ပြီး ရူပီး ၁၁၂၉၈ဝ (ကန်ဒေါ်လာ ၂၅၅၁) ဈေးဖြစ်ခဲ့တယ်လို့ သိရပါတယ်။ အင်ဒရာပရာဒေ့ရှ်ရဲ့ အဓိကလက်ငင်းဈေးကွက်ဖြစ်တဲ့ နီဇမ်မာဘတ်မှာလည်း တစ်တန်ကို ရူပီး ၂၃ဝ (ကန်ဒေါ်လာ ၅ ဒသမ ၁၉) မြင့်တက်ပြီး ရူပီး ၁၄၅၉၅ဝ (ကန်ဒေါ်လာ ၃၂၉၆) ဈေးဖြစ်ခဲ့တယ်လို့ သိရပါတယ်။        နိုင်ငံရဲ့ ထိပ်တန်း နနွင်းထုတ်လုပ်တဲ့ အင်ဒရာပရာဒေ့ရှ်ရဲ့ နနွင်းထွက် ရှိမှုဟာ နနွင်းစိုက်သူတွေ ပိုမိုစိုက်ပိုျးလာခြင်းနဲ့ ရာသီဥတုအခြေအနေ ပေးခြင်း တို့ကြောင့် ယခုနှစ် ၂ဝ၁ဝ-၂ဝ၁၁ မှာ ၄ဝ ရာခိုင်နှုန်း မြင့်တက်ဖွယ်ရှိတယ်လို့ သိရပါတယ်။ ဈေးကွက်လေ့လာ ဆန်းစစ်သူများရဲ့ ပြောကြားချက်အရ လက်ရှိ ပွဲတော်နဲ့ လက်ထပ်ရာသီ အတွက်လက်ငင်း အဝယ်မြင့် တက်ခြင်းက ကြိုပွိုင့်ဈေးကို ဆွဲမြင့်နိုင်ပေမဲ့ ပြည်ပအဝယ်လျော့ကျခြင်းနဲ့ နနွင်းအထွက်မြင့်တက်မယ့် မျှော်လင့်ချက်များက ဈေးနှုန်းမြင့်တက်မှုကို ကန့်သတ်နိုင်ဖွယ် ရှိတယ်လို့ ဆိုပါတယ်။                                                                                                                          ယမင်းခင်၊Source: P T I