ပင်လယ်ရေကြောင်းကုန်သွယ်မှုလမ်းမှ ဇန်နဝါရီ ၂၂ ရက်မှ၂၈ ရက်တာ ကာလအတွင်း နနွင်း ၁၆ တန်ကို တင်ပို့ ခဲ့ပါတယ်။ ဒီတစ်ပတ်မှာ တင်ပို့ခဲ့တဲ့တာက ကိုရီးယားနိုင်ငံကို ၁၁ တန်နဲ့ မလေးရှားကို ၅ တန်ဘဲဖြစ်ပါတယ်။ ယခင်သီတင်း ပတ်က ၄ တန်ပဲ အပို့ရှိခဲ့လို့ ဒီတစ်ပတ် အပို့သာခဲ့တယ်လို့ ဆိုရပါမယ်။ FOB  ဈေးက တစ်တန်ကို ကန်ဒေါ်လာ ၁၅၀၀-၁၅၅၀ ရရှိခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာ နှစ် သောင်းလေးထောင်ကျော် ရရှိခဲ့ပါတယ်။MIRT (DOT)

    ဇန်နဝါရီ ၂၂ ရက်မှ ၂၈ ရက်တာ ကာလအတွင်း မန်ကျည်း ၃၉၂ တန်ကို ပင်လယ်ရေကြောင်းကုန်သွယ်မှုလမ်းမှ တင်ပို့နိုင်ခဲ့ပါတယ်။ ဒီတစ်ပတ်မှာ အင်ဒိုနီးရှားနိုင်ငံကို ၁၇၄ တန်၊ မလေးရှားနိုင်ငံကို ၄၈ တန်၊ ပါကစ္စတန်နိုင်ငံကို ၁၄၅ တန်နဲ့ စင်ကာပူနိုင်ငံကို ၂၅ တန်အသီးသီးတင်ပို့ခဲ့တာ တွေ့ရပါတယ်။

    ပြည်ဈေးကွက်သို့ အောင်ပန်းချင်းများ ယခုတစ်ပတ်တွင် ပိဿာ ၃၀ ဝင်အိတ် ၁၀၀ ခန့်နဲ့ အဝင်နည်းသွားပြီး အရောင်းအဝယ်မှာလည်း တစ်နေ့ပိဿာချိန် ၂၀၀ ခန့်နဲ့ အရောင်းအဝယ်အေးနေပါတယ်။ ဈေးနှုန်းမှာ ယခင် တစ်ပတ်ဈေးအတိုင်း တစ်ပိဿာကို ချင်း (ရှယ်) ၆၅၀ ကျပ်၊ (ဂျွန်) ၅၅၀ ကျပ်တို့ဖြစ်ပြီး ရခိုင်ပြည်နယ်သို့ စားသုံးမှုအဖြစ် တစ်နေ့ကို ပိဿာချိန် ၂၀၀ ခန့် တင်ပို့မှုရှိတယ်လို့သိရပါတယ်။ဝင်းဝင်းခိုင်

    မုံရွာခရိုင် ၈ မြို့နယ်ရဲ့ ယခုနှစ် ကုလားပဲစိုက်ဧက ၂ သိန်းကျော်အနက် ယခုအခါ ၄ ပုံ ၁ ပုံရိတ်သိမ်းပြီး ဖြစ်သလို မုံရွာကုန်စည်ဒိုင် ပဲဈေးကွက်ထဲကို ပြီးခဲ့တဲ့ဇန်နဝါရီလကတည်းက တဖြည်းဖြည်းဝင်ရောက်လာခဲ့တာ တွေ့ရပါတယ်။