ရှမ်းနနွင်းဈေး ခပ်အေးအေး              ရှမ်းနနွင်းဈေးကလည်း ဒီတစ်ပတ်ခပ်အေးအေးပါပဲ၊ ပြီးခဲ့တဲ့ အပတ်က တရုတ်ဝယ်လက်တွေ နနွင်းခါးကို ပရဆေးဖော်ဖို့ ဝယ်ယူကြပေမဲ့ ဒီတစ်ပတ်မှာတော့ အနည်းငယ်မျှသာ ဝယ်ယူနေကြတယ်လို့ သိရပါတယ်။ ပင်လောင်း၊ ပေါင်းလောင်းက ထွက်တဲ့ နနွင်းဖြူတွေကတော့ လက်ကျန်တွေများနေပြီး တောင်သူ၊ လှောင်လက်တွေ ဆီမှာ ပိဿာချိန် သိန်းဂဏန်းခန့် ကျန်နေပါသေးတယ်။ လက်ကျန်များပေမဲ့ စိုက်တာကတော့ အရင်နှစ်တွေလိုပဲ ပြန်စိုက်ကြပါတယ်။ ပြည်တွင်းသုံး အမှုန့်ကြိတ်ဖို့ အတွက် နနွင်းဝါ၊ ပရဆေးဖော်ဖို့ နနွင်းဖြူတွေကိုသာ လက်လီ နည်းနည်းပါးပါးဝယ်ယူနေကြတယ်လို့ နနွင်းပွဲရုံတွေက သိရပါတယ်။ ပင်လောင်း၊ ပေါင်းလောင်း နနွင်းတွေက လက်ကျန်သိန်းဂဏန်းခန့် ကျန်ပေမဲ့ ဆင်တောင်နနွင်းကတော့ သောင်း ဂဏန်း လောက်သာ ကျန်တော့တယ်လို့ သိရပါတယ်။ ဒီတစ်ပတ် အောင်ပန်းဈေးကွက်မှာ နနွင်းဈေးတွေက ပင်လောင်းနနွင်း ဆိုရင်ဈေးမရှိ သလောက် ဖြစ်နေပြီး အဖြူစဆိုရင် ၃ဝဝ ကျပ်၊ အဝါစဆိုရင် ၈ဝဝ ကျပ်သာရှိပါတယ်။ ဆင်တောင်နနွင်းက တစ်ပိဿာ ၃ဝဝဝ ကျပ်ရှိပြီး ဟိုပုံးနနွင်းက တစ်ပိဿာ ၁၈ဝဝ ကျပ်ဈေးရှိပါတယ်။         ဧဧခိုင်

ကြူကုတ် ကြက်သွန်ဖြူဈေးချိုလို့ အရောင်းသွက်                 ဒီတစ်ပတ် ပြည်ကြက်သွန်ဖြူဈေးကွက်တွင် ကြူကုတ်ကြက်သွန်ဖြူဈေးမှာ တစ်ပိဿာကို ယခင် ၁၄ဝဝ ကျပ်- ၁၆ဝဝ ကျပ်မှ ယခု ၁၂၅ဝ ကျပ်- ၁၃ဝဝ ကျပ်ထိ ဈေးကျသွားခဲ့ပါတယ်။ (ရှမ်းမွှာ) မြန်မာကြက်သွန်ဖြူမှာတော့ ယခင်အပတ် အတိုင်း တစ်ပိဿာကို ၁၆ဝဝ ကျပ်- ၁၈ဝဝ ကျပ်နဲ့ ဈေးငြိမ်နေပြီး အရောင်း မသွက်ဘဲဈေးခိုျတဲ့ ကြူကုတ် ကြက်သွန်ဖြူ အရောင်းအဝယ်သွက် ကြောင်းလည်း သိရပါတယ်။ စီးဆင်းမှုအနေနဲ့ ကြူကုတ်ကြက်သွန်ဖြူ ယခုတစ်ပတ် ၁၆ ပိဿာဝင်အိတ် ၇ဝဝ ခန့် အဝင်ရှိပြီး လက်ကျန်မရှိ အရောင်းအဝယ်ဖြစ်နေပါတယ်။ (ရှမ်းမွှာ) ကြက်သွန်ဖြူမှာတော့ ယခုတစ်ပတ် ပိဿာ ၃ဝ ဝင်အိတ် ၃ဝဝ ခန့် အဝင်ရှိပြီး အိတ် ၁၈ဝ ခန့်သာ အရောင်းအဝယ်ဖြစ်ကြောင်း သိရပါတယ်။             ဝင်းလဲ့ဝါ

ဝယ်လက်ရှိလို့ အောင်ပန်းချင်းဈေးကွက်သွက်                     ဒီတစ်ပတ်အောင်ပန်းဈေးကွက်မှာ ရှမ်းချင်း (စို) ဈေးတွေအနည်းငယ်တက် လာပါတယ်။ စစ်တွေဝယ်လက်တွေ ဝယ်ယူနေတာကြောင့် ပြီးခဲ့တဲ့ အပတ်ကထက် တစ်ပိဿာကို ၅ဝ ကျပ်-၆ဝ ကျပ်ခန့်ဈေးတက်နေတယ်လို့ သိရပါတယ်။ ကလော မြို့နယ်နဲ့ နန်းတိုင်းနယ်တွေက ပုံမှန်အဝင်ရှိနေပြီး ပင်လောင်းဖက်ကတော့ အဝင် နည်းသွားတယ်လို့ သိရပါတယ်။ ပြီးခဲ့တဲ့ အပတ်ကစပြီး တန်ပိုနှုန်းတွေ သတ်မှတ် တာကြောင့် တင်ခတွေလည်း ဈေးပြန်တက် လာပြီး ချင်းတစ်ပိဿာ တင်ခ ၂ဝ ကျပ်ခန့် တက်လာတယ်လို့ သိရပါတယ်။ ချင်းခြောက်ကတော့ အရောင်းအဝယ် အေးနေပြီး လက်ကျန်တွေလည်း ကျန်နေသေးတယ်လို့ သိရပါတယ်။ ချင်း (ဥမ) တွေကတော့ ဒီထက်ဈေး ထပ်မတက်လာရင် နောက်တစ်ရာသီအထိ လက်ကျန် ရှိနိုင်တယ်လို့ ဒေသခံတွေက ခန့်မှန်းကြပါတယ်။                  ဒီတစ်ပတ်အောင်ပန်းဈေးကွက်မှာ ချင်း(စို)တစ်ပိဿာ ၃၃ဝ ကျပ်-၃၅ဝ ကျပ် ဈေးရှိပြီး ချင်းခြောက်ကတော့ တစ်ပိဿာ ၁၇ဝဝ - ၁၈ဝဝ ကျပ်ဈေးရှိတယ်လို့ သိရှိရပါတယ်။                     ဧဧခိုင်

ပြည်ဘိုကိတ်ပဲ အရောင်းအဝယ်အေးနေ                   ဇူလိုင် တတိယပတ်တွင် ဘိုကိတ်ဈေးမှာ ပိဿာ ၂ဝ တစ်တင်းကို ကျပ် ၁၁ဝဝဝ ဈေးရှိတယ်လို့ သိရပါတယ်။ ယခင်ပတ်များက တိုင်းဒေသကြီး အတွင်းရှိ လက်လီသမားများ အဝယ် ပါးနေတဲ့အတွက် အရောင်းအဝယ် မဖြစ်သလောက်ရှိတယ်လို့ သိရပါတယ်။ ဘိုကိတ်ပဲမှာ အခြားတိုင်းသို့ တင်ပို့မှုမရှိသလို တိုင်းဒေသကြီးအတွင်း မြို့နယ်များမှလည်း အခြားတိုင်းဒေသ ကြီးသို့ တင်ပို့မှုမရှိဘဲ ဒေသတွင်းသာ အရောင်းအဝယ်ဖြစ်တယ်လို့ သိရပါတယ်။ ဆုမွန်မွန်ဆွေ