Background
ပြည်ထောပတ်ပဲ ဆက်လက်ဈေးကျနေ ပြည်ထောပတ်ပဲမှာ ဧပြီလအစက ပဲသစ်များအဝင်များလာတာကြောင့် တစ်တင်းကို ၂ဝဝဝဝ ကျပ်မှ ၁၇ဝဝဝ ကျပ်ထိ သိသိသာသာ ဈေးလျော့နည်းခဲ့တယ်လို့သိရပါတယ်။ ယခုတစ်ပတ်မှာတော့ ယခင်ရက်များက သြင်္ကန်ရက်များ ဖြစ်နေတဲ့အတွက် အရောင်းအဝယ်အေးနေခြင်း၊ ပဲသစ်များ အဝင်ရှိနေခြင်းများကြောင့် ထောပတ်ပဲဈေးမှာ တစ်တင်းကို ၁၅ဝဝဝ ကျပ်ဈေးသာရှိတော့ကြောင်း သိရပါတယ်။ ရောင်းဝယ်မှုအနေဖြင့် လက်လီသမားများမှ အနည်းငယ်သာအဝယ် ရှိကြောင်း သိရပါတယ်။ ခင်ဆွေဝင်း
ထောပတ်ပဲနဲ့ မြေထောက်ပဲ တင်ပို့မှု အားကောင်းလာ သြင်္ကန်မတိုင်မီ သီတင်းပတ်အတွင်း ပင်လယ်ရေကြောင်းက ထောပတ်ပဲနဲ့ မြေထောက်ပဲ တင်ပို့မှုက အရှိန်အားကောင်းလာခဲ့ပါတယ်။ ယခင်သီတင်းပတ်က မြေထောက်ပဲ တန် ၂ဝဝ နဲ့ ထောပတ်ပဲတန် ၅ဝဝ ခန့်သာ တင်ပို့မှု ရှိခဲ့ရာမှယခု သီတင်းပတ်မှာ မြေထောက်ပဲတန် ၅ဝဝ ကျော်နဲ့ ထောပတ်ပဲတန် ၁၁ဝဝ ကျော်ထိ ၁ ဆကျော်ပိုတင်လာနိုင်ခဲ့ပါတယ်။ မတ်လ တစ်လလုံးတင်ပို့မှုအနေနဲ့ မြေထောက်ပဲတန် ၈၅ဝ ကျော်၊ ထောပတ်ပဲ တန် ၈ဝဝ ခန့်ရှိပြီး ဖေဖော်ဝါရီလမှာ မြေထောက်ပဲ တန် ၇၆ဝ ကျော်နဲ့ ထောပတ်ပဲ တန် ၅ဝဝ ခန့် ရှိခဲ့တာတွေ့ရပါတယ်။ ၂ဝ၁ဝ မတ်လ အတွင်းမှာ မြေထောက်ပဲ တန်ချိန် ၁၈ဝဝ ကျော်နဲ့ ထောပတ်ပဲ တန်ချိန် ၁၆၅ဝ ခန့်ရှိလို့ ယခုနှစ် ကာလတူမှာ ထက်ဝက်ခန့်လျော့ကျတင်ပို့တာ တွေ့ရပါတယ်။ ပြည်တွင်းဈေးကွက်အတွင်း ယင်းပဲများ အရောင်းအဝယ် သွက်နေတယ်လို့ သိရပါတယ်။ MIRT - MAPT
နှစ်သစ်မှာ ဈေးမာလာတဲ့ ကုလားပဲဖြူလုံးကြီး ဧပြီလဆန်းက တစ်တင်းကို ၁၇၃ဝဝ ကျပ်ထိ ဆင်းပြေးခဲ့တဲ့ ကုလားပဲဖြူလုံးကြီးဟာ ပခုက္ကူဈေးကွက်မှာ သြင်္ကန်မတိုင်ခင်က ၁၈၈ဝဝ ကျပ်၊ ၁၉ဝဝဝ ကျပ်ထိ ဦးပြန်မော့လာပါတယ်။ အိန္ဒိယဝယ်လက်တွေ အမှာအော်ဒါတွေရရှိမှုနဲ့ ဝယ်လို အားတက်လာတာကြောင့်လို့ သိရပါတယ်။ ယင်းဝယ်လိုအားဟာ ဆက်လက် တည်မြဲနေပုံရတဲ့အတွက် သြင်္ကန်အပြီးမှာလည်း ၁၉ဝဝဝ ကျပ်နဲ့ တန်း နေတာ တွေ့ရပါတယ်။ အခုလောလောဆယ်မှာတော့ ပဲမိုျးစုံဈေးကွက်ထဲမှာ ဈေးမာနေတာက ကုလားပဲဖြူလုံးကြီးပါပဲ။ ကုလားပဲဝါကြီးကတော့ ၁၆၇ဝဝ ကျပ်၊ ၁၆၈ဝဝ ကျပ်ရှိပါတယ်။ မောင်မောင်အေး
နှစ်သစ်ပဲဈေးကွက် မုံရွာကုလားပဲအရောင်းအဝယ်သွက် မုံရွာကုန်စည်ဒိုင်၊ ဧပြီလကုလားပဲဈေးကွက်အနေနဲ့ သြင်္ကန်မတိုင်မီကတည်းက အရောင်းအဝယ်သွက်ခဲ့မှုဟာ နှစ်သစ်အထိ ဆက်လက်ရှင်သန်နေပြီး ကုလားပဲမျိုးစုံ တက်ဈေးအသီးသီးဖြစ်ပေါ်ခဲ့တာတွေ့ရပါတယ်။ မုံရွာဈေးကွက်မှာ ဧပြီလ အတွင်းဖြစ်ပေါ်ခဲ့တဲ့ ကုလားပဲဈေးတွေကိုလေ့လာတဲ့အခါ ကုလားပဲ (တိုင်ပေ) အနေနဲ့ သြင်္ကန်မတိုင်မီက တစ်တင်း ၁၅၇ဝဝ ကျပ်အနိမ့်ဆုံးဖြစ်ပေါ်ခဲ့ပြီး၊ တစ်တင်း ၁၆၄ဝဝ ကျပ်ထိသာ အမြင့်ဈေးရခဲ့ရာက ယခုပတ်မှာ ၁၆၈ဝဝ ကျပ်ထိ ဈေးကောင်းရခဲ့တာတွေ့ရပါတယ်။ ကုလားပဲ V2အနေနဲ့ သြင်္ကန်မတိုင်မီက တစ်တင်း ၁၇၃ဝဝ ကျပ်ထိ အနိမ့်ဆုံးဖြစ်ခဲ့ပြီး၊ တစ်တင်း ၁၈၁ဝဝ ကျပ်သာ အမြင့်ဆုံး ရခဲ့ရာက သြင်္ကန်ပြီး ယခုပတ်မှာ တစ်တင်း ၁၈၇ဝဝ ကျပ်ထိဈေးမြောက်လာခဲ့ပါ တယ်။ 929 ကုလားပဲကတော့ ဧပြီလဆန်းပိုင်းက လလယ်ပိုင်းထိ တစ်တင်း ၁၆၇ဝဝ ကျပ် အနိမ့်ဆုံးနဲ့ တစ်တင်း ၁၆၈ဝဝ ကျပ်အမြင့်ဆုံးဖြစ်ပေါ်ခဲ့ရာမှ သြင်္ကန်ပြီး ယခုပတ်မှာ တစ်တင်း ၁၇၂ဝဝ ကျပ်နဲ့ တက်ဈေးဖြစ်ပေါ်လာခဲ့တာတွေ့ရပါတယ်။ ဒေသတွင်းခွဲစက်၊ ပဲကြော်ဖို၊ အမှုန့်ကြိတ်စက်လုပ်ငန်းသမားတွေအပြင် ရန်ကုန် အဆွဲအနည်းငယ်ရှိလို့ တစ်နေ့ကုလားပဲမိုျးစုံတင်း ၃ဝဝဝ ခန့် အရောင်း အဝယ် ဖြစ်လျက်ရှိတယ်လို့ ကုန်စည်ဒိုင်ရပ်ကွက်က ကြားသိရပါတယ်။ ထွန်းလှိုင်
သြင်္ကန်အခါ မတိုင်မီ အရောင်းအဝယ်ဖြစ်နေတဲ့ စစ်ကိုင်း ကုလားပဲဖြူလုံးကြီး V2 ၂ဝ၁၁ ခုနှစ် ဧပြီလ ပထမပတ်အတွင်း ကုလားပဲဖြူလုံးကြီး V2တစ်ပိဿာ အနိမ့်၊ အမြင့်ပေါက်ဈေးမှာ ၉၁၁ ကျပ်-၉၅၈ ကျပ်ဈေးအတွင်းရောင်းဝယ် ခဲ့ကြပါတယ်။ ကုလားပဲဖြူလုံးကြီး တစ်ရက်နဲ့ တစ်ရက်ဈေးမှာ တစ်တင်းဈေးအပေါ် ၂ဝဝ ကျပ်၊ ၃ဝဝ ကျပ်၊ ၅ဝဝ ကျပ် တက်လိုက်၊ ကျလိုက် ဖြစ်ပေါ်နေကြောင်း သိရပါတယ်။ ဈေးအနည်းငယ်လှုပ်ခြင်းမှာ တိုင်းပြင်ပဝယ်လက်အဆွဲနည်းပြီး တိုင်းအတွင်း လှောင်လက်သမားများသာ ဝယ်လက်ရှိနေလို့ ဖြစ်ကြောင်း ကုန်သည် တစ်ဦးမှ ပြောပြပါတယ်။ ဧပြီလပထမပတ်အတွင်း စစ်ကိုင်းတိုင်း ဒေသကြီးမှ မန္တလေးသို့ ကုလားပဲဖြူလုံးကြီး V2 တင်း ၃၆ဝဝ ကျော်စီးထွက်ခဲ့ပြီး မုံရွာကုန်စည်ဒိုင်မှာတော့ နေ့စဉ်ပျမ်းမျှတင်း ၈ဝဝ ကျော်အရောင်းအဝယ်ဖြစ်ကြောင်း သိရပါတယ်။ သန်းးသန်းးတင်
နွေပဲတီ . . . နှစ်ဆန်းမှာပေါ်ပြီ မုံရွာကုန်စည်ဒိုင် ပဲတီစိမ်းဈေးကွက်အနေနဲ့ ဧပြီ လဆန်းပိုင်အတွင်း နယ်ပစ္စည်းအဝင်မရှိခဲ့လို့ အရောင်း အဝယ် တန့်နေရာက သြင်္ကန်ပြီး ယခုတစ်ပတ်မှာ ရေသွင်း ပဲတီစိမ်းကြီးအချို့ ဈေးကွက်ထဲစတင် ဝင်ရောက်လာပြီလို့ ပွဲရုံရပ်ကွက်က ကြားသိရပါတယ်။ မုံရွာနယ်မှာရှိတဲ့ ပဲတီ တောင်သူအများစုက အထွက်နှုန်းကောင်း၊ သက်တမ်းလဲ နုတဲ့ ရေဆင်း (၁၁) (၁၂) မျိုးတွေ အများဆုံးစိုက်ပျိုးခဲ့ကြပြီး၊ ယခု ပဲသစ်ပေါ်ချိန်မှာ တစ်တင်း ၂၅ဝဝဝ ကျပ်ရလို့ အကျိုး အမြတ်ရှိခဲ့ကြတယ်လို့ သိရပါတယ်။ ဧပြီလကုန်ပိတ်ကနေ မေလအတွင်း ဈေးကွက်ထဲ ပဲတီစိမ်းတွေ လှိုင်လှိုင် ဝင်လာ နိုင်ပြီး၊ တရုတ်ဈေးကွက်အတွက် ကုန်သည်တွေအဝယ်သွက်နိုင်လို့ ဈေးမြောက်နိုင်ကြောင်း ကုန်စည်ဒိုင် ရပ်ကွက်က ကြား သိရပါတယ်။ ထွန်းလှိုင်
ပဲခူးရွှေဝါဈေးကွက်ဆက်ငြိမ်ဆဲ ပဲခူးဈေးကွက်မှာ သြင်္ကန်မတိုင်မီထိ အရောင်းအဝယ်ငြိမ်၊ ဈေးငြိမ်ရာမှ သြင်္ကန်ကာလအလွန်မှာ အရောင်းအဝယ် များပြန်လည်လှုပ်ရှားလာပါတယ်။ ငွေလိုတဲ့လှောင်လက်တွေနဲ့ ကုန်သည်အချို့ ထုတ်ရောင်းကြတာကြောင့် သက်ဝင် လှုပ်ရှားလာတယ်လို့ ကုန်သည်အသိုင်းအဝိုင်းကဆိုပါတယ်။ ဧပြီလပထမပတ်မှာ ပဲတီစိမ်းတစ်တင်းကို ၃၁ဝဝဝ ကျပ်နဲ့ အရောင်းအဝယ်ဖြစ်ပြီး၊ ဧပြီလဒုတိယပတ်နဲ့ တတိယပတ်တွေမှာ တစ်တင်းကို ၃၁ဝဝဝ ကျပ်နဲ့ ပဲဈေးငြိမ်နေခဲ့ပါတယ်။ ပဲ အဝင်အနေနဲ့ တစ်နေ့ကို အိတ် ၅ဝဝ မှ ၇ဝဝ ထိဘဲရှိတော့တယ်လို့ ပွဲရုံအသိုင်းအဝိုင်းက ဆိုပါတယ်။ ပဲခူးဈေးကွက်မှ မန်းဈေးကွက်သို့ ယခုတစ်ပတ်အထိ အိတ် ၁၅ဝဝ ဝန်းကျင် တင်ပို့ခဲ့တယ်လို့သိရပါတယ်။ အေးဝင်း
ဈေးအေးသွားတဲ့ ဟင်္သာတပဲတီစိမ်းဈေးကွက် ဟင်္သာတကုန်စည်ဒိုင် ပဲတီစိမ်းဈေးကွက်မှာ ၂ဝ၁၁ ခုနှစ် ဧပြီလ တတိယပတ်အတွင်း ပိဿာ ၂ဝ ဝင်တစ်တင်းကို ၃၂ဝဝဝ ကျပ်နဲ့ အရောင်းအဝယ်ဖြစ်ခဲ့ပြီး၊ ယခင်အပတ်ထက် တစ်တင်း ၁ဝဝဝ ကျပ်လျော့ နည်းလာတာတွေ့ရပါတယ်။ သြင်္ကန်နောက်ပိုင်း ဈေးအေးလာသော်လည်း အရောင်းအဝယ်က ဖြည်းဖြည်းမှန်မှန် ရှိနေကြောင်း သိရပါတယ်။ ဟင်္သာတမှ ရန်ကုန်ဈေးကွက်သို့ ယခုတစ်ပတ်အတွင်း တစ်တင်းခွဲဝင်အိတ် ၂ဝဝဝ ခန့် တင်ပို့ နေတယ်လို့သိရပါတယ်။ အေးအေးခိုင်
ပဲတီစိမ်း တင်ပို့မှု တဖြည်းဖြည်းမြင့်တက် မတ်လ ၃ဝ ရက်မှ ဧပြီလ ၅ ရက်ထိကာလအတွင်း မူဆယ် ၁ဝ၅ မိုင်၊ ကုန်သွယ်ရေးဇုန်မှ ကန်ဒေါ်လာ ဝ ဒဿမ ၉၉၃ သန်း တန်ဖိုးရှိ ပဲတီစိမ်း ၉၁၃ တန်တင်ပို့ခဲ့ပါတယ်။ နှစ်သစ်ကူးကာလ ဧပြီ ၆ ရက်မှ ၁၉ ရက်အထိကာလ အတွင်းမှာလည်း မူဆယ်နဲ့ချင်းရွှေဟော်နယ်စပ်ကုန်သွယ်ရေးစခန်းများမှ ကန်ဒေါ်လာ ၁ ဒဿမ ၃၁ သန်းတန်ဖိုးရှိ ပဲတီစိမ်း ၁၂၃၅ တန် တင်ပို့ခဲ့ပါတယ်။ သယ်ယူစရိတ်များ အထိုက်အလျောက်သက်သာမှုရှိပြီး တစ်ဖက်နိုင်ငံဝယ်လိုအား ရှိတဲ့အတွက် တင်ပို့မှုပိုမိုခဲ့ရခြင်းဖြစ်ပါတယ်။ တစ်ဖက်နိုင်ငံဈေးတက်နေပေမဲ့ မိမိဘက်ဈေးကျလျက်ရှိတာတွေ့ရပါတယ်။ တစ်ဘက်နိုင်ငံနဲ့ မိမိဘက်ပေါက် ဈေးများကို နှိုင်းယှဉ်ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပဲတီစိမ်း ၉၈၉ဝဝဝ ၁ဝ၁၈၉၃ဝ ၂၉၉၃ဝ ၃ ၁၂၅၂ ၁၂၄၈ ၄ ဝ .၃MIRT (DOBT)
ပင်လယ်ရေကြောင်း အပို့ တန်ချိန် တစ်သောင်းနားကပ်လာ ယခင်သီတင်းပတ်များက ပင်လယ်ရေကြောင်းက ပဲတီစိမ်းတန်ချိန် ၆ဝဝဝ ကျော်လောက်အထိ တင်ပို့မှုရှိခဲ့ရာမှ သြင်္ကန်မတိုင်မီ ဧပြီလ ၅ ရက်မှ ၁၁ ရက်အတွင်းမှာတော့ တန်ချိန် တစ်သောင်းနီးပါးအထိ တိုးတက်တင်ပို့လာခဲ့ပါတယ်။ တရုတ် ဝယ်လက်ပုံမှန်အဆွဲရှိတာကြောင့်လို့ သိရပါတယ်။ မတ်လတစ်လလုံး တင်ပို့မှုအနေနဲ့ တန်ချိန် ၃ဝဝဝဝ ခန့်ရှိပြိး ဖေဖော်ဝါရီလမှာ တန်ချိန် ၂၇ဝဝဝ ကျော်ရှိတာတွေ့ရပါတယ်။ ၂ဝ၁ဝ မတ်လမှာတော့ တန်ချိန် ၅၃ဝဝဝ ကျော်အထိ တင်ပို့မှုရှိခဲ့လို့ ယခုနှစ်မတ်လမှာ တင်ပို့မှုအားကောင်းပေမဲ့ မနှစ်က ကာလတူထက် တန်ချိန် ၂ သောင်းကျော်လျော့ကျ နေသေးတာတွေ့ရပါတယ်။ ဈေးကွက်အခြေအနေကတော့ လက်ရှိဈေးဝန်းကျင်နဲ့ အိန္ဒိယဝယ်လက်တွေ စိတ်ဝင်စားနေတယ်လို့ သိရပါတယ်။ တရုတ်ဝယ်လက်ကလည်း အဝယ်စိပ်နေဆဲမို့ အရောင်းအဝယ်ဖြစ်နေတယ်လို့ သိရပါတယ်။ ရန်ကုန် FOB ဈေးများကတော့ ပြောင်းလဲမှုမရှိဘဲ FAQ (အညာ) တစ်တန်ကို ကန်ဒေါ်လာ ၁၁၅ဝ-၁၁၇ဝ ၊ FAQ (ပခုက္ကူ) တစ်တန်ကို ကန်ဒေါ်လာ ၁ဝ၅ဝ-၁ဝ၇ဝ၊ ရွှေဝါသေးတစ်တန်ကို ကန်ဒေါ်လာ ၁၄၅ဝ-၁၄၇ဝ နဲ့ ရွှေဝါအကြီး တစ်တန်ကို ကန်ဒေါ်လာ ၁၅၆ဝ- ၁၅၈ဝ အသီးသီးရှိတယ်လို့ သိရပါတယ်။ MIRT - MAPT