ပဲစင်းငုံတင်ပို့မှု အနည်းငယ်တိုးတက်လာ            ယခင်သီတင်းပတ်က ပင်လယ်ရေကြောင်းက ပဲစင်းငုံတန်ချိန် ၂ဝဝဝ နီးပါးရှိခဲ့ရာမှ ယခုတစ်ပတ် (ဒီဇင်ဘာလ ၁ ရက်မှ ၇ ရက်) အတွင်းမှာတော့ တန်ချိန် ၂၆ဝဝ ကျော်ကို တိုးတက်လာတာတွေ့ရပါတယ်။ ကုန်သည်များရဲ့ ပြောကြားချက်အရ အိန္ဒိယရဲ့ ပဲစင်းငုံအများဆုံး စိုက်ပိုျးတဲ့ ပြည်နယ်တွေမှာ မိုးရွာသွန်းမှုကြောင့် သီးနံှအချို့ပျက်စီးမှုရှိလို့ အိန္ဒိယက အဝယ်ပြန်လိုက်လာတယ်လို့ ဆိုပါတယ်။ ဒါပေမဲ့ ပြည်တွင်းပဲကုန်သည် ကြီးများကတော့ အမြင့်ဈေး ပေးဝယ်လှောင်ထားကြတာဖြစ်လို့ လက်ရှိဈေးနဲ့ ထုတ်မရောင်း ကြသေးတာ ကြောင့် အရောင်းအဝယ်သွက်သွက်လက်လက် မဖြစ်ဘူးလို့ သိရပါတယ်။ မကွေးတိုင်းဒေသကြီး အချို့ဒေသတွေမှာ ပဲစင်းငုံအသစ် အနည်းငယ်စီ ဝင်ရောက်လာပြီလို့ သိရပါတယ်။ ပဲစင်းငုံတင်ပို့မှုကို လေ့လာရာမှာ ယခုနှစ် အောက်တိုဘာလမှာ တန်ချိန် ၇၅ဝဝ ခန့်တင်ပို့ခဲ့ပြီး နိုဝင်ဘာလမှာ တန်ချိန် ၄၃ဝဝ ခန့် တင်ပို့ခဲ့တာ တွေ့ရပါတယ်။ ၂ဝဝ၉ ခုနှစ်နိုဝင်ဘာလမှာတော့ တန်ချိန် ၅ဝဝ ကျော်သာ တင်ပို့မှုရှိခဲ့ပါတယ်။ ယခင်တစ်ပတ်နဲ့ ယခုတစ်ပတ် ရန်ကုန် FOB ဈေးများ နှိုင်းယှဉ် ဖော်ပြလိုက်ပါတယ်-                                                                                                                                            ဒေါ်လာ/တန်                            ပဲစင်းငုံနီ               ပဲစင်းငုံဖြူနီ၊ အဖြူ၉-၁၂-၁ဝ            ၆၂ဝ-၉၃ဝ                  ၅၅ဝ-၅၆ဝ၂-၁၂-၁ဝ            ၆၆ဝ-၆၇ဝ                  ၅၇ဝ-၅၈ဝMIRT(MAPT)

ဈေးအေးနေဆဲ ပြည်မတ်ပဲ             ပဲခူးတိုင်းဒေသကြီးအနောက်အတွင်း ဆောင်းသီးနံှမတ်ပဲကို စိုက်ပျိုးပြီးလုနီးပါးရှိနေတာကြောင့် မျိုးပဲဝယ်သူနည်းသွားပြီး ပဲတစ်တင်းကို ၂၇ဝဝဝ ကျပ်ဈေး သာရှိတယ်လို့ သိရပါတယ်။ မတ်ပဲဈေးကတော့ တဖြည်းဖြည်းနဲ့ အေးလာတာကို တွေ့ရပြီး ယခင်တစ်ပတ်က ပဲတစ်တင်းကို ၂၅ဝဝဝ ကျပ်ဈေးနဲ့ အရောင်းအဝယ် ရှိခဲ့ပြီး ယခုတစ်ပတ်မှာတော့ ၂၃၅ဝဝ ကျပ်ဈေးသာရှိတယ်လို့ သိရပါတယ်။ ရန်ကုန် ဝယ်လက်လည်း အနည်းငယ်သာရှိပြီး ဒေသတွင်း အရောင်းအဝယ် ကတော့ အိတ် ၂ဝဝ-၃ဝဝ ခန့်ပုံမှန်သာ အရောင်းအဝယ် ရှိနေတယ်လို့ ပဲကုန်သည်တစ်ဦးက ပြောပါတယ်။ ပေါင်းတလည်၊ ဥသျှစ်ပင်မြို့များမှ တစ်နေ့ကို ပဲအိတ် ၁၅ဝ-၂ဝဝ ခန့်အဝင်ရှိတယ်လို့ သိရပါတယ်။ ရန်ကုန်သို့ တင်ပို့မှုကတော့ ပြည်မှတစ်နေ့ကို အိတ် ၆ဝဝ၊ တိုင်းတွင်းအခြားမြို့နယ်များမှ အိတ် ၆၅ဝဝ ခန့် တင်ပို့တယ်လို့ သိရပါတယ်။                                                                                                                                    မိမိအေး

 ပွက်သားများစဝင်လာလို့ သကြားဈေးနှုန်းကျဆင်းဘ             နိုဝင်ဘာလကုန်ပိုင်းက ပွက်သားများစတင်ဝင်လာလို့ လက်ကျန်သကြား ဈေးနှုန်း ကျဆင်းလာကြောင်း သိရပါတယ်။ လတ်တလော မြတောင်၊ ထီးချိုင့်မြို့နယ်မှ ပွက်သားပိဿာချိန် ၂ သောင်းကျော် စတင်ဝင်လာပြီး နောက်ပိုင်းမှာ ဗန်းမော်၊ ကသာ၊ ကြာညှပ်၊ တကောင်းမြို့နယ်များမှ တဖြည်းဖြည်းဝင်ရောက်မှာ ဖြစ်လို့ လက်ကျန် သကြားဈေးနှုန်း ထပ်မံကျဆင်းလာနိုင်ကြောင်းသိရပါတယ်။ မန္တလေးမြို့သကြားနှင့်သကာရည်လုပ်ငန်းရှင်များ ကထိန်တော်အသင်း ဥက္ကဌက 'ဒီနှစ်အထွက်နှုန်း ပိုနိုင်တယ်။ စိုက်ဧက ၄ သိန်းကျော်မှာ သကြားတန်ချိန် ၇ သိန်းနဲ့ ၈ သိန်းကြား ဝင်ရောက်နိုင်လို့ ပြည်တွင်းစားသုံးမှုလည်း ပိုနိုင်တယ်။ လောလောဆယ် သကြားအသစ်စဝင်နေတာဆိုတော့ မုန့်သမားလောက်ပဲ အသုံးရှိ ပါသေးတယ်။ တဖြည်းဖြည်းနဲ့ အသစ်ဝင်လာပြီဆိုတော့ လက်ကျန် လှောင်လက် သမားတွေက ဈေးချရောင်းနိုင်တယ်'လို့ ပြောပါတယ်။ သကြားနဲ့သကာရည် (ပွက်သား) ဈေးနှုန်းမှာ ဒီဇင်ဘာ ၂ ရက်က ပွက်ရည်တစ်ပိဿာလျှင် ၈၃ဝ ကျပ်၊ ၈၅ဝ ကျပ်၊ သကြားတစ်ပိဿာလျှင် ၁၅၂ဝ ကျပ်၊ ၁၅ဝဝ ကျပ်၊ ၁၄၈ဝ ကျပ်ဈေးဖြင့် ရောင်းဝယ်လျက်ရှိကြောင်း သိရပါတယ်။                                                                                               ဇူးဇူး

 တစ်ဖက်နိုင်ငံ ပြောင်းဈေးကျဆင်းသဖြင့် ချိန်ဆတင်ပို့နေ          ယခုအပတ်မှာ မူဆယ်၊ လွယ်ဂျယ်နှင့်ချင်းရွှေဟော် နယ်စပ်စခန်း များမှ ပြောင်းဖူးစေ့ ၁၉၁၉၆ ဒသမ ၅ တန်၊ ကန်ဒေါ်လာ ၄ ဒသမ ၉၇ သန်းဖိုးနဲ့ မူဆယ်မှ နံှစားပြောင်း ၇၄၈ တန်၊ ကန်ဒေါ်လာ ဝ ဒသမ ၁၈၂ သန်းဖိုး တင်ပို့နိုင်ခဲ့ပါတယ်။ ယခင်အပတ်က ပြောင်းတန်ချိန် ၂၃၁၃ဝ ကျော်တင်ပို့ခဲ့တာမို့ ယခုအပတ်မှာ ၃၉၃၄ တန် တင်ပို့မှု လျော့နည်းခဲ့ပါတယ်။ တစ်ဖက်နိုင်ငံမှ ဝယ်လိုအားရှိသော်လည်း တစ်ဖက်နိုင်ငံ ဝယ်ဈေးမှာ ၁၈ဝဝ ယွမ် သာရသည့် အတွက် ယခင်အပတ်ကထက် ယွမ် ၆ဝ လျော့နည်းကျဆင်းခဲ့ရာ တွက် ချေကိုက်မှု မရှိသဖြင့် ချိန်ဆတင်ပို့နေကြတာကြောင့် ယခုအပတ် ပြောင်းတင်ပို့မှု လျော့ကျ ရတာလို့ သိရပါတယ်။ ယခုအပတ်နဲ့ ယခင်အပတ် ပြောင်းဈေးများကို နှိုင်းယှဉ် ဖော်ပြပေးလိုက်ရပါတယ် -                                                       မိမိဘက်(ကျပ်/တန်)                           တစ်ဘက်နိုင်ငံ(ဒေါ်လာ/တန်)                                  ယခု                 ယခင်        ပြောင်းလဲမှု     %          ယခု         ယခင်    ပြောင်းလဲမှု    %ပြောင်းဖူးစေ့          ၂၄၂၅၅ဝ        ၂၅၆၄၉၃         ၁၃၉၄၃         ၅ .၈       ၂၈၂         ၂၈၉           ၇             ၃MIRT (DOBT)