ကချင်ပြည်နယ်တွင် လွယ်ဂျယ်နှင့် ကန်ပိုက်တီနယ်စပ်ကုန်သွယ်ရေးစခန်းများမှ မြန်မာ-တရုတ် နှစ်နိုင်ငံ ကုန်သွယ်မှုများရှိခဲ့ရာ ၂၀၂၀ ပြည့်နှစ် အောက်တိုဘာလ ၂၄ ရက်မှ ၃၀ ရက်နေ့များအတွင်း တင်ပို့ခဲ့သည့် ကုန်ပစ္စည်းများမှာ တစ်သျှူးငှက်ပျော၊ သကြား၊ စေ့ထုတ်ပြောင်း၊ ​ရော်ဘာနှင့် လောင်စာတောင့်မီးသွေးများ တင်ပို့ခဲ့ကြောင်းသိရှိရပါသည်။

အောက်တိုဘာ ၂၅ ရက်မှ ၃၁ ရက်သီတင်းပတ်အတွင်း အမေရိကန်ဒေါ်လာ ၂၄၅၆၆၃၆ ဒေါ်လာတန်ဖိုးရှိ ဒီဇယ် ၇၁၄၃ ဒသမ ၉၃ တန်နှင့် အမေရိကန်ဒေါ်လာ ၆၈၉၆၄၂၁ဒေါ်လာတန်ဖိုးရှိ ဓာတ်ဆီ ၁၂၉၄၄ ဒသမ ၄၇ တန်၊ စုစုပေါင်း ဒီဇယ်၊ ဓာတ်ဆီ ၂၀၀၈၈ ဒသမ၄၀ တန်ကို ပင်လယ်ရေကြောင်းလမ်းမှ တင်သွင်းခဲ့သည်။ ယခင်သီတင်းပတ်က ဓာတ်ဆီ ၁၄၅၀၅ ဒသမ ၀၄၈ တန်တင်သွင်းခဲ့ခြင်းကြောင့်ယခုတစ်ပတ်တင်သွင်းမှုနှင့်နှိုင်းယှဉ်လျှင် ဓာတ်ဆီ ၁၅၆၀ ဒသမ ၅၇၈ တန်၊ ယခင်သီတင်းပတ်က ဒီဇယ် ၈၆၆၈၃ ဒသမ ၂၂ တန်တင်သွင်းခဲ့ခြင်းကြောင့် ယခုတစ်ပတ်တင်သွင်းမှုနှင့်နှိုင်းယှဉ်လျှင် တန်ချိန် ၇၉၅၀၀ ကျော်တင်သွင်းမှုလျော့နည်းခဲ့ကြောင်း သိရသည်။ ထို့ကြောင့်ယခုတစ်ပတ် ဒီဇယ်နှင့်ဓာတ်ဆီ တင်သွင်းမှုလျ

အောက်တိုဘာ ၂၅ ရက်မှ ၃၁ ရက်သီတင်းပတ်အတွင်း အမေရိကန်ဒေါ်လာ ၄၁၃၂၁၈၀ တန်ဖိုးရှိ မြေသြဇာ ၁၉၂၂၈ ဒသမ ၀၇ တန်ကို ပင်လယ်ရေကြောင်းလမ်းမှ တင်သွင်းခဲ့သည်။ ယခုတစ်ပတ်တရုတ်နိုင်ငံမှ ၁၄၅၆၉ ဒသမ ၈၀ တန် ၊ အီဂျစ်နိုင်ငံမှ တန်ချိန် ၄၂၀၊ ဂျာမနီနိုင်ငံမှ ၃၉၂ တန်၊ ကိုရီးယားနိုင်ငံမှ ၂၅၉၅ ဒသမ ၀၅ တန်၊ လာအိုနိုင်ငံမှ တန်ချိန် ၅၀၀၊ မလေးရှားနိုင်ငံမှ ၁၀ တန်၊ နော်ဝေနိုင်ငံမှ ၆၉၃ ဒသမ ၂၂ တန်နှင့် ထိုင်းနိုင်ငံမှ ၄၈ တန်တင်သွင်းခဲ့ကြောင်း သိရသည်။ ယခုတစ်ပတ်တရုတ်နိုင်ငံမှ အများဆုံးတင်သွင်းခဲ့ကြောင်းသိရသည်။

အောက်တိုဘာ ၂၅ ရက်မှ ၃၁ ရက်သီတင်းပတ်အတွင်းချင်း ၁၇ ဒသမ ၅ တန်ကို ပင်လယ် ရေကြောင်းလမ်းမှ ယီမင်နိုင်ငံသို့တင်ပို့ခဲ့သည်။ ယခင်သီတင်းပတ်က ချင်း ၂၂ တန် တင်ပို့နိုင် ခဲ့ခြင်းကြောင့် ယခုတစ်ပတ်တင်ပို့မှုနှင့် နှိုင်းယှဉ်လျှင် ၄ဒသမ ၅ တန်တင်ပို့မှုလျော့နည်းခဲ့ကြောင်း သိရသည်။ ချင်းတစ်တန် အမေရိကန်ဒေါ်လာ ၅၀၀ ရရှိခဲ့သည်။ ယခုတစ်ပတ်ချင်းတင်ပို့မှုမှ စုစုပေါင်းအမေရိကန်ဒေါ်လာ ၈၇၅၀ ဒေါ်လာ ၀င်ငွေရရှိခဲ့သည်။

သီတာဝင်း(DOT)