အောက်တိုဘာ ၄ ရက်မှ ၁၀ရက်သီတင်းပတ်အတွင်းနနွင်းတန်ချိန် ၅၀ ကို ပင်လယ် ရေကြောင်း လမ်းမှ အိန္ဒိယနိုင်ငံသို့ တင်ပို့ခဲ့သည်။ သြဂုတ်လ တတိယပတ်မှစတင်ပြီး အပို့ ပျောက်ခဲ့သည့်နနွင်းက ယခုတစ်ပတ်မှ ပြန်လည်တင်ပို့ ခဲ့ခြင်းဖြစ်ကြောင်း သိရသည်။ ယခင် လများတွင် နနွင်းတစ်တန်ဈေးမှာအမေရိကန်ဒေါ်လာ ၉၄၀ ကျော်ရရှိခဲ့သော်လည်း ယခုတစ်ပတ်တွင် အမေရိကန်ဒေါ်လာ ၁၁၈၅ ဒေါ်လာထိရခဲ့ကြောင်းသိရသည်။ နနွင်းတင်ပို့မှုမှ စုစုပေါင်း အမေရိကန်ဒေါ်လာ ၅၉၂၅၀ ဒေါ်လာဝင်ငွေရရှိခဲ့သည်။

သီတာဝင်း (DOT) 

အောက်တိုဘာ ၄ မှ ၁၀ ရက်သီတင်းပတ်အတွင်း အမေရိကန်ဒေါ်လာ ၂၅၈၅၁၃၅ တန်ဖိုးရှိမြေသြဇာ ၈၄၇၇ ဒသမ ၂၇ တန်ကိုပင်လယ်ရေကြောင်းလမ်း မှတင်သွင်းခဲ့သည်။ ယခုတစ်ပတ် တရုတ်နိုင်ငံမှ ၃၁၁၁ ဒသမ ၉ တန်၊ အီဂျစ်နိုင်ငံ မှ တန်ချိန် ၄၂၀၊ ဂျာမနီ နိုင်ငံမှတန်ချိန် ၅၄၀၊ ကိုရီးယားနိုင်ငံမှ ၄၇၂ ဒသမ ၆၉ တန်၊ လာအိုနိုင်ငံ မှတန်ချိန် ၃၀ဝ၊ နော်ဝေနိုင်ငံမှ ၃၉၆ ဒသမ ၅၅ တန်၊ အိုမန်နိုင်ငံမှ ၁၀၃၂ တန်၊ ရုရှားနိုင်ငံမှ ၇၅၀ ဒသမ ၄၀ တန်၊ စင်ကာပူနိုင်ငံမှ ၇၂ တန်၊ ထိုင်းနိုင်ငံမှ ၂၈၅ ဒသမ ၇၃ တန် နှင့် ဗီယက်နမ်နိုင်ငံမှ ၁၀၉၆ တန်တင်သွင်းခဲ့ကြောင်းသိရသည်။ ယခုတစ်ပတ် တရုတ်နှင့်ဗီယက်နမ်နိုင်ငံမှ အများဆုံး တင်သွင်းခဲ့သည်။

ဘုရင့်နောင်ကုန်စည်ဒိုင်သို့ တရုတ်အာလူးနှင့် ရှမ်းပြည်နယ်အောင်ပန်းမြို့မှ အာလူးများ ဝင်ရောက်လျက်ရှိပြီး အောက်တိုဘာ ၈ ရက်တွင်   တရုတ်အာလူး တစ်ပိဿာ ဈေးနှုန်းမှာ   ကျပ် ၁၄၀ဝ ဖြစ်ပြီး အောင်ပန်းမြို့မှ ဝင်ရောက်လာ သော အာလူးတစ်ပိဿာ ဈေးနှုန်းမှာ A-1 ကျပ် ၈၀ဝ၊  အာလူး OK ကျပ်  ၁၁၀ဝ၊အာလူး S-1 ကျပ် ၁၃၀ဝ၊အာလူး S-2 ကျပ်  ၁၃၅၀ ဈေးနှုန်းအသီးသီးဖြစ်သည်။

တောင်ကြီးဘိလပ်မြေဈေးကွက်၌ အရောင်းအဝယ်အေးဈေးငြိမ်နေကြောင်း သိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာ စိန်(ထိုင်း) ကျပ် ၈၀ဝ၀၊ အေသုံးလုံး ကျပ် ၅၂၀ဝ၊ အပါချီ ကျပ် ၄၃၀ဝ၊ ကမ္ဘောဇကျပ် ၄၂၀ဝ၊ ကျားခေါင်းကျပ် ၆၂၀ဝ၊ နဂါးကျပ် ၄၃၀ဝဖြင့် အရောင်းအဝယ်ဖြစ်ကြောင်း အိမ်ဆောက်ပစ္စည်းရောင်းဝယ်ရေးဆိုင်မှ စုံစမ်းသိရှိရသည်။