ဝါကျွတ်ခါနီးကာလတွင် ပုံမှန်ထက် အငှားပိုမိုရှိလာ      ရန်ကုန်အိမ်ခြံမြေဈေးကွက်အတွင်းဝါကျွတ်ခါနီးကာလတွင် ပုံမှန်အငှား ဈေးကွက်ထက် ပိုမိုအငှားရှိလာကြောင်း အိမ်ခြံမြေ အကျိုးဆောင် ကုမ္ပဏီများ က သိရသည်။     ''ဝါကျွတ်ခါနီပြီးဆိုတော့ အငှားနေ ထိုင်သူအချို့ စာချုပ်ပြည့်ခါနီးလို့ အိမ် ရှာသူတွေ စာချုပ်ပြည့်လို့ အခန်းရှာသူ တွေကြောင့် ပုံမှန်ထက်အငှားလိုက်လာ တယ်လို့ ပြောလို့ရပါတယ်။ ဒါ့အပြင် လုပ်ငန်းသမားတွေကလဲ နေရာရှာလာ ကြာတာတွေ့ရပါတယ်။ ကျွန်တော်တို့ ကုမ္ပဏီကို ဆရာစံလမ်း ပြည်လမ်းမ ပေါ်နဲ့ ကမ္ဘာအေးစေတီလမ်းမပေါ်တွေ မှာ နေရာကောင်းမယ်၊ ခြံကျယ်မယ်ဆိုရင် ဆိုင်ဖွင့်ဖို့ တစ်လကိုကျပ်သိန်း ၄ဝ အထိ ပေးငှားမယ်ဆိုပြီး နေရာရှာခိုင်း သူတွေလည်း အတော်များများရှိလာ တယ်။ အောက်တိုဘာလအတွင်း လုံး ချင်းအငှားအနေနဲ့ မရမ်းကုန်း၊ ရန်ကင်း၊ ဗဟန်း၊ သင်္ဃန်းကျွန်း၊ တောင်ဥက္ကလာပ တွေထဲမှာ တစ်လကို ကျပ် ၅ သိန်းက နေ ကျပ်သိန်း ၄ဝ၊ ရန်ကင်း၊ မင်္ဂလာ တောင်ညွန့်နဲ့ ဗဟန်းမြို့နယ်ထဲက ကွန်ဒိုအငှားအနေနဲ့ တစ်လကို အနိမ့် ဆုံး ၇ သိန်းကနေ အမြင့်ဆုံး ကျပ်သိန်း ၄ဝ ထိ တည့်ပြီး အငှားဖြစ်သွားတာ တွေ့ရှိပါတယ်''ဟု တာမွေမြို့နယ် အခြေစိုက် အိမ်ခြံမြေ အကျိုးဆောင် ကုမ္ပဏီတစ်ခုက သတင်းပေးပြောကြား သည်။                                                                                                                                             ခင်မျိုးသွယ် 

ွRuby Mart (ရန်ကုန်) ဖွင့်ရန် စီစဉ်     မြဝတီထရေးဒင်း လီမိတက်နှင့် အာရှလှိုင်းကျော်မိသားစု ထရေးဒင်း ကုမ္ပဏီလီမိတက်၊ ခေတ်သစ်ဦး ထရေး ဒင်းကုမ္ပဏီလီမိတက်နှင့် ငွေစကားဝါ ထရေးဒင်း ကုမ္ပဏီလီမိတက်တို့ အကျိုးတူ ဖက်စပ်ဖွင့်လှစ်မည့်Ruby Mart (ရန်ကုန်) ကို ရန်ကုန်မြို့၊ ပန်းဆိုးတန်းလမ်းနှင့် ဗိုလ်ချုပ်အောင်ဆန်း လမ်းထောင့်တွင် အောက်တိုဘာလ ၉ ရက်တွင် ဖွင့်လှစ်ရန် စီစဉ်နေပြီဖြစ် သည်။    Ruby Mart မြေညီထပ်တွင် Supermarketကိုဖွင့်လှစ်၍ ပထမ ထပ်တွင် ဖက်ရှင်ပစ္စည်း အရောင်းဆိုင် များ၊ ဒုတိယထပ်တွင် လျှပ်စစ်ပစ္စည်း များ၊ မီးဖိုချောင်သုံး ပစ္စည်းများ၊ စာရေး ကိရိယာနှင့် ပရိဘောဂများကို ရောင်းချ ပေးမည်ဖြစ်သည်။ တတိယထပ်တွင်ွှှု IT Floor အနေဖြင့်သတ်မှတ်၍ ကွန်ပျူ တာများ၊ ကင်မရာများ၊ မိုဘိုင်းဆိုင်များ၊ ကွန်ပျူတာဆက်စပ်ပစ္စည်းများကိုလည်း ကောင်း၊ အပေါ်ဆုံးထပ်တွင် ကလေး ကစားစရာနှင့် အရုပ်ကောင်တာများ ဖွင့်လှစ်၍ ကစားစရာပစ္စည်းများ ရောင်း ချပေးမည်ဖြစ်သည်။ ထို့အပြင် စားသောက်ဆိုင်ငယ် သုံးဆိုင်ကိုလည်း ဖွင့် လှစ် ရောင်းချပေးသွားမည်ဖြစ်သည်။       အဆိုပါ Ruby Mart  မှာ စတုရန်း ပေ ၅ဝဝဝဝကျော် ကျယ်ဝန်းပြီး ငါးထပ် အဆောက်အအုံဖြစ်ကာ ကားအစီးရေ ၁ဝဝ ခန့် တစ်ပြိုင်တည်း ရပ်နားနိုင် သည့် ကားပါကင်ပါရှိကြောင်း သိရ သည်။ ခင်မ်မျိုးသွယွယ်

  ကားကောင်း ကားသန့်များနှင့် ကားဟောင်းများ ဈေးတန်းနှစ်မျိုးဖြင့် ရပ်တည်နေ          ရန်ကုန်မြို့ကားဈေးကွက်မှာ ဇူလိုင် ၂၃ ရက်ခန့်မှစ၍ လိုင်စင်မဲ့ကားများ  အခွန်ပေးဆောင် လိုင်စင်သစ်ထုတ်ပေးချိန်မှ ယခုလ ၂၄ရက်ထိ နှစ်လနီးပါးခန့် ကာလအတွင်း ဈေးကွက်တွင်းသို့ ကားကောင်းကားသန့်များဝင်ရောက်လာသဖြင့် ဝယ်စီးများ အကြိုက်ဖြစ်သလို ယခင်ရှိနှင့်ပြီး ကားဟောင်းများမှာလည်း ဈေးတန်း တစ်ခုဖြင့် ရပ်တည်နေကြောင်း သိရသည်။     ထိုသို့ အခွန်ပေးဆောင်လိုင်စင်ချထားခြင်း ဆောင်ရွက်ပေးမှုကြောင့် ဝယ် ရောင်းများသာမက ဝယ်စီးများပါ လူတန်းစားအများစု မိမိကြိုက်နှစ်သက်ရာကား ရွေးချယ်စီးနင်းခွင့်ရခဲ့ပြီး မိုဒယ်အမြင့်များ၊ ပုံစံသစ်များ၊ အသွင်ဆန်းပြားသည့် ကား များ ပြောင်းလဲစီးနင်း လာကြောင်း သိရသည်။ ကားလောကနှင့်မစိမ်းသောသူများမှာလည်း အခွန်ဆောင်လိုင်စင်သစ် ယူ မည့်ကားအား မိမိစိတ်ကြိုက်ပုံစံ မိမိကိုယ်တိုင် ရှာဖွေဝယ်ယူကာ ကိုယ်ပိုင် အမည်ပေါက်ကား စီးနင်းလာကြပြီး ကားလောကနှင့် အကျွမ်းတဝင်မရှိဘဲ မျက်မြင် စိတ်ချယုံကြည် ရသောကားမှသာ စီးချင်သူများမှာ မိမိအမည်ပေါက်မရသော်လည်း အမြင့်ကား၊ အသန့်ကားများအား အက္ခရာနံပါတ်ထွက်ပြီးသားအဆင့် စိတ်ကြိုက် ရွေးချယ်ဝယ်ယူစီးနင်းကြောင်း သိရသည်။     ကားဈေးကွက်တွင်းသို့ အခွန်ဆောင်လိုင်စင်သစ် ရယူထားသော ကားများ စီးရေထောင်ဂဏန်းချီ ဝင်ရောက်လာချိန်တွင် သြဂုတ်လ ဆန်းပိုင်းမှစ၍ ကားဈေး များစွာ တဖြည်းဖြည်းကျဆင်းလာကာ ငွေကြေးအသင့်အတင့်သာတတ်နိုင်၍ ကား စီးရန် အစီအစဉ်မရှိသူများပါ သိန်း ၁ဝဝ အောက်တန်ဖိုးရှိကားများ ဝယ်ယူစီးနင်းလာကြောင်း သိရသည်။      ယခုကားဈေးကွက်အတွင်း ယခင်ကကဲ့သို့ ကားဟောင်းများ၊ အများစု ရှိမနေဘဲ ယခင်လေလံအောင်ခဲ့ပြီးသော ကားများ၊ ဌာနဆိုင်ရာမှ အသစ်ထုတ်လုပ် ရောင်းချသော မိုဒယ်မြင့် အဆင့်မြင့်ကားများ၊ စက်မှုဇုန်များမှ ပြောင်းလဲထုတ်လုပ် လာသည့် ပုံစံသွက် အမြင့်ကားများ၊ အခွန်ပေးဆောင် လိုင်စင်သစ်ရယူထားသည့် ကားများစသည်ဖြင့် ဝယ်စီးမည့်သူများအကြိုက် ရွေးချယ်စရာ ကားကောင်း/ ကားသန့် များလာကြောင်း၊ ဈေးတန်းများမှာ လိုင်စင်သစ် အက္ခရာနံပါတ်ဖြင့် ကားသန့်များမှာ ဈေးတန်းတစ်ခု၊ ယခင်ရှိပြီး ကားဟောင်းများမှာ ဈေးတန်းတစ်ခု ဖြစ်နေသော်လည်း ယခုချိန် ကားဝယ်စီးမည်ဆိုက မိမိသုံးစွဲနိုင်သည့်ငွေကြေးတန်ဖိုး နှင့်ကိုက်ညီမည့် ကားမျိုးဝယ်နိုင်ကြောင်း အပေါ်ဝိုင်း ဝါရင့်အကျိုးဆောင် ကိုမြင့် ကျော်မှ ပြောသည်။                                                                                     SN

တန်ဖိုးနည်းစက်မှုဇုန်အကွက်များအရောင်းအဝယ်လိုက်          ရန်ကုန်အိမ်ခြံမြေဈေးကွက်အတွင်းတန်ဖိုးနည်းစက်မှုဇုန်မြေကွက်များ အရောင်းအဝယ်လိုက်လာကြောင်း အိမ်ခြံမြေကုမ္ပဏီ များမှ သိရသည်။         '' သြဂုတ်လနောက်ဆုံးပတ်နဲ့ စက်တင်ဘာလဆန်းပိုင်းအထိ တန်ဖိုးနည်း စက်မှုဇုန်မြေကွက်တွေ အရောင်းအဝယ်လိုက်လာ ပါတယ်။ တန်ဖိုးအားဖြင့်  ၁ ဧကကို ကျပ်သိန်း ၄၅ဝ၊ ၈ဝဝ၊ ၁ဝဝဝ ဝန်းကျင်တွေပါ။ ဒီရက်တွေမှာ သာကေတ စက်မှုဇုန်မှာ  ၁ စတုရန်း ပေကို ကျပ်နှစ်သောင်း၊ လှိုင်သာယာစက်မှုဇုန် ၅၊ ဒဂုံ အရှေ့ စက်မှုဇုန်နဲ့ ဒဂုံဆိပ်ကမ်းစက်မှုဇုန်တွေဟာ ၁ ဧကကို ကျပ်သိန်း ၄၅ဝ နဲ့ ၅၅ဝ ဝန်းကျင်၊ မင်္ဂလာဒုံစက်မှုဇုန်မှာ ၁ ဧကကို ကျပ်သိန်း ၅ဝဝ ဝန်းကျင်၊ ဝါးတစ်ရာ စက်မှုဇုန်မှာ ၁ ဧကကို ကျပ်သိန်း ၂၅ဝ နဲ့ ၂၇ဝ ကြား၊ လှိုင်သာယာ စက်မှုဇုန် ၅၊ ရွှေပြည်သာစက်မှုဇုန် ၁ နဲ့ ၂ တွေမှာ ၁ ဧကကို ကျပ်သိန်း ၁ဝဝဝ ဝန်းကျင်နဲ့ အရောင်းအဝယ်တွေ ရှိခဲ့ပါတယ်။ စက်မှုဇုန်ရဲ့ အရောင်း အဝယ်က အရင်တုန်းက  ၁ ရာခိုင်နှုန်းလောက်ဘဲရှိခဲ့ တာပါ။ အခုအနေအထား ဆိုရင် ၅ ရာခိုင်နှုန်း လောက်အထိ တက်လာပါတယ် '' ဟု ကျောက်တံတားမြို့နယ် အခြေစိုက်အိမ်ခြံမြေ ကုမ္ပဏီ တစ်ခုမှ တာဝန်ရှိသူတစ်ဦးက ပြောကြား ပါသည်။အလားတူ အငှားဈေးကွက်တွင်လည်း လှိုင်မြို့နယ်၊ ကမာရွတ်မြို့နယ်၊ သင်္ကန်းကျွန်းမြို့နယ်၊ ဗဟန်း မြို့နယ်၊ ဒဂုံမြို့နယ်နှင့် မရမ်းကုန်း မြို့နယ်ရှိ တာဝါများ၊ ကွန်ဒိုများနှင့်လုံးချင်းတိုက်များလည်း အငှားဖြစ်ခဲ့သည်ဟု ဆိုသည်။                                                                                                                  ခင်မိုျးသွယ်