အရစ်ကျစနစ်ဖြင့် အိမ်ရာရောင်းချမှု ဝယ်သူစိတ်ဝင်စားမှုရှိနေ                အိမ်ရာဈေးကွက်အတွင်း အရစ်ကျစနစ်ဖြင့် အိမ်ရာ၊ တိုက်ခန်း ရောင်းချ မှုများကိုဝယ်ယူသူများက ပိုမိုစိတ်ဝင်စားလာ ကြောင်း ဆောက်လုပ်ရေးလုပ်ငန်းကုမ္ပဏီများက သိရသည်။ ''အရောင်းပြပွဲတွေမှာ တိုက်ခန်းတွေကို အရစ်ကျစနစ်နဲ့ ရောင်းချပေးနေတာကို လူတွေပိုစိတ်ဝင်စားလာတာကို တွေ့ ရတယ်။ ဒါကြောင့် အိမ်ရာပြခန်း အရောင်းပွဲတော်တွေနဲ့အတူ အရစ်ကျစနစ်နဲ့ ရောင်းချမှုတွေပိုပြီးပြုလုပ်ရောင်းချ လာကြ တယ်။ အရစ်ကျစနစ်နဲ့ဝယ်ယူဖို့ကို ငွေတတ်နိုင်သူရော၊ ငွေမတတ်နိုင်သူပါ ဝယ်ယူကြတာတွေ့ရတယ်။ အချို့စီးပွားရေး သမားတွေက တိုက်ခန်းကို အရစ်ကျနဲ့ဝယ်ပြီး ကျန်တဲ့ငွေကို စီးပွားရေးလုပ်ငန်းထဲမှာ ရင်းနှီးမြှုပ်နံှလို့ရတယ်ဆိုတဲ့အတွေး နဲ့ ဝယ်သူလည်းရှိတယ်။ အချို့ တစ်ခန်းလုံးဝယ်ဖို့ ငွေကြေးမတတ်နိုင်သူကျပြန်တော့ အလုပ်လုပ်ရင်း ငွေသွင်းသွားလို့ရ တာကြောင့် ဝယ်ယူလာကြတယ်။ အရစ်ကျစနစ်နဲ့ ရောင်းတဲ့တိုက်ခန်းတန်ဖိုးက ကျပ်သိန်း ၁ဝဝ ကနေ ၁၅ဝဝ အထိပါဝင် လာသလို အရစ်ကျစနစ်ကိုလည်း ၂ ရစ်၊ ၃ ရစ်၊ ၄ ရစ်အထိ ပုံစံတွေထွင်ရောင်းလာကြတယ်။ အဲဒီစနစ်ကြောင့် လူတန်းစားအစုံ ဝယ်ယူလာနိုင်တယ်" ဟုကျောက်တံတားမြို့နယ်အခြေစိုက် ဆောက်လုပ်ရေး လုပ်ငန်းရှင် တစ်ဦးကပြောသည်။

 ဈေးကျဆင်းလာတဲ့ ဂျပန် ဆိုက်ကယ်                   တရုတ်နိုင်ငံလုပ်ဆိုင် ကယ်များဝင်လာပြီးနောက် ဂျပန်ဆိုင်ကယ်ဈေးကွက်မှာ ဈေးနှုန်းရော၊ အရောင်းအဝယ်ပါ သုံးပုံနှစ်ပုံခန့် ကျဆင်းလာခဲ့သည်ဟု သိရသည်။ ယခင်က စိမ်းရွင်(၁ယ) သိန်း ၃ဝ၊ ၄ဝ ကျပ်ထိ ပေါက်ခဲ့တဲ့ဘီးများမှာ တရုတ်ဘီးများ ဈေးကွက်အတွင်း နေရာရလာပြီးနောက် ၁၅ သိန်းဝန်းကျင်အထိ ဈေးနှုန်းကျဆင်း ခဲ့ပါသည်။ အကျဘီးများမှာ အဝယ်မရှိသလောက်ဖြစ်ပြီး၊ ဈေးကွက်ပျောက်လျက်ရှိကြောင်း သိရသည်။                ဆိုင်ကယ်ဝယ်ရောင်းတစ်ဦးက ''တရုတ်ဆိုင်ကယ်တွေဝင်လာတော့ သာမန် လက်လုပ်လက်စားအားလုံး စီးနိုင်တဲ့ဈေးနှုန်းနဲ့ ဝင်လာတဲ့အတွက် ဂျပန်ဘီးက ဈေး မြင့်တော့ အဝယ်ပါးလာပါတယ်။ ၂ဝဝ၈ မှာတစ်ကြိမ်၊ ၂ဝ၁ဝ မှာ တစ်ကြိမ် လိုင်စင်ချထားပေးတဲ့အတွက် လိုင်စင်တစ်ခါချရင် ဂျပန်ဘီးဈေးတစ်ခါကျတယ်။                   ၂ဝဝ၈ ခုနှစ်က ဂျပန်ဘီးဈေးနဲ့ ၂ဝ၁ဝ ခုနှစ် ဂျပန်ဘီးဈေးက ၃ ပုံ ၂ ပုံ လောက် ကွာနေပြီ။ ဘီးကခိုင်ခံ့ လို့ကြိုက်ပေမယ့် တရုတ်ဘီးလို ဒီဇိုင်းမစုံ၊ အရောင်မစုံဘူး။ အသစ်လည်းမဟုတ်တော့ လူငယ်အများစုက မစီးချင်ကြဘူး။ ဂျပန်ဘီးက အသစ်မဝင်တဲ့အတွက် ရှိပြီးသားဘီးကိုပဲ အသစ်ပြန်ရှိုင်းပြီး အရောင်းအဝယ်လုပ်နေ ကြရတယ်။ ပစ္စည်းတင်ဖို့အတွက်တော့ အောက်ဘီးလေးတွေကို အသုံးပြုကြတယ်။ ပြန်ရောင်းလို့တော့ မလွယ်ဘူးပေါ့။ လိုင်စင် ထပ်ချပြီး၊ တရုတ်ဘီးတွေဆက်ဝင် နေရင် ဂျပန်ဘီးဈေးကွက်က ပျောက်နိုင်တယ်'' ဟု သုံးသပ်ပြောကြားသည်။ လတ်တလောမှာ ဘီးကောင်း၊ ဘီးသန့် ၁ဝ သိန်းအောက်ဝန်းကျင် ဂျပန်ဆိုင်ကယ်များ အဝယ်ရှိကြောင်း သိရသည်။ ဇူးဇူး

 တာယာများ အရောင်းအဝယ် ပြန်လည်ကောင်းမွန်လျက်ရှိ                  မိုးတွင်းကာလတွင် တာယာများ အရောင်းအဝယ် ကျဆင်းခဲ့သော်လည်း ယခု ပွင့်လင်းရာသီမှစ၍ တာယာများ အရောင်းအဝယ် ပြန်လည်ကောင်းမွန်လာကြောင်း တာယာရောင်း ဝယ်သူတစ်ဦးက ပြောကြားသည်။                 ''ယခု ပွင့်လင်းရာသီရောက်လာတော့ ခရီးသွားလုပ်ငန်းမှာ အသုံးပြုတဲ့ မော် တော်ယာဉ်တွေအတွက် ဝယ်ယူမှုတွေများလာတယ်။ နယ်ကနေပြီးတော့ မှာတာ တွေလည်း များလာတယ်။ တောင်တက် တောင်ဆင်းခရီးတွေများတဲ့ နေရာတွေမှာ ဆိုရင် တာယာတွေက ပန်းတွေပါးနေလို့မဖြစ်ဘူး။ ပန်းပါးနေရင် ဘရိတ်မမိတာတို့၊ စလစ်ဖြစ်တာတို့ ဖြစ်တတ်တယ်။ ဒါကြောင့် ဒီခရီးသွား ရာသီအမီ ယာဉ်တွေ ကြံ့ခိုင်မှုရှိဖို့အတွက် ယာဉ်တွေကို ပြင်ဆင်လာကြရတယ်''ဟုယင်းက ပြောကြားသည်။ တာယာများအသုံးပြုရာတွင် ယခင်ကဈေးနှုန်းသက်သာသော တရုတ်တာယာ များကို အများဆုံးအသုံးပြုကြသော်လည်း ယခုနောက်ပိုင်းတွင် အရည်အသွေးပြည့် မီသော တာယာများကို ရွေးချယ်အသုံးပြုလာကြကြောင်း သိရသည်။ ''တရုတ်တာယာတွေက မြို့တွင်း အတွက်လောက်ပဲ အသုံးပြုဖို့သင့်ပါတယ်။ ဈေးနှုန်းအနေနဲ့ကလည်း တရုတ်တာယာနဲ့ အခြားအရည်အသွေး မြင့်တာယာ တွေနဲ့ယှဉ်ရင် ဈေးနှုန်းက ၁ဝ ရာခိုင်နှုန်းလောက် ကွာဟမှုရှိတယ်။ အဲဒီလို ဈေးနှုန်း ကွာဟမှုရှိတဲ့အတွက် တရုတ်တာယာတွေကိုပဲ အသုံးများနေကြတယ်။ ယခုနောက်ပိုင်း ခရီးသွားလုပ်ငန်းနဲ့ပတ်သက်တဲ့မော်တော်ယာဉ်တွေက ဂျပန်တာယာ၊ အင်ဒို နီးရှားနဲ့ ထိုင်းတာယာတွေကို အများဆုံးအသုံးပြုလာကြတယ်''ဟု ယင်းက ထပ်မံ ပြောကြားသည်။                                              မင်းသန့်

 လေလံပွဲလေးများရှိလာပြီး စက်မှုဇုန်ထုတ် ကားအရောင်းပြခန်းများတိုးလာ           ယခုလ၏ ရက်သတ္တပတ်အတွင်း ရန်ကုန်မြို့ကားဈေးကွက် အခြေအနေ မှာ ယခင်အတိုင်းပင် ဈေးကျဈေးအေး နေဆဲဖြစ်သော်လည်း အောက်ကားများ၊ CNG သုံး အငှားယာဉ်များ၊ ၂ဝဝ သိန်းနှင့် ၃ဝဝ သိန်းဝန်းကျင်သာဈေး ရှိသည့် စက်မှုဇုန်ထုတ် အဆင့်မြင့် ဟိုက်အေ့(စ်)ယာဉ်များသာ အရောင်း အဝယ်ရှိကြောင်း သိရသည်။ နေပြည်တော်တွင်လည်း လေလံ ပွဲများ ကြိုကြားကြိုကြားရှိနေပြီး ယခုလ ၂ဝ ရက်နေ့တွင်ပြုလုပ်ခဲ့သည့် လေလံပွဲနှင့် ၂၈ ရက်နေ့တွင် ပြုလုပ်မည့် လေလံပွဲများသည် အိမ်စီးကား အနည်းငယ်သာပါဝင်နေပြီး ကားကောင်းများ နည်းပါးသည်ဟု သိရသဖြင့် လူအများ စိတ်ဝင်စားမှု၊ အထူးသဖြင့် ဝယ်ရောင်း များစိတ်ဝင်စားမှု နည်းပါးခဲ့သည်။ ဒီဇင်ဘာ ၂ဝ တွင်ပင် ရန်ကုန်တွင် ကားစီးရေ ၂ဝ ကျော်ပါဝင်သည့် လေလံပွဲ တစ်ခု အရောင်းဖွင့်ခဲ့ပြီး ရန်ကုန်တွင် ကားများရှိခြင်း၊ ကားကောင်းများ ပါဝင်မှု နည်းခြင်းတို့ကြောင့် လေလံ အောင်မြင်သူများကြောင်း သိရသည်။ သို့ရာတွင် ယခုပြုလုပ်သည့် လေလံပွဲများမှာ ကားများ ဈေးကျဆင်းနေမှုကြောင့် ယခင်ကလောက် စိတ်ဝင် စားမှုမရှိခဲ့ကြောင်း အပေါ်ဝိုင်းဝါရင့် အကျိုးဆောင်များထံမှ သိရသည်။ အငှားယာဉ် သတ်မှတ်ကာလပြည့်မီ သဖြင့် ယာဉ်အမည်ပေါက်များအား ပြန်လည်ရောင်းချပေးနေသော ပါရမီ အငှားယာဉ် အက္ခရာ ၉ခ များသည် ရောင်းအားမသွက်ဘဲ အရောင်းအဝယ် အေးနေသဖြင့် ငွေသွင်းကာလအား ယခုလကုန်အထိ တိုးမြှင့်ပေးထားပြီး ဈေးနှုန်းများမှာ ယခင်အတိုင်းဖြစ်ကာ ယခုကာလတွင် အနည်းငယ် အရောင်း အဝယ်ဖြစ်ကြောင်း သိရသည်။ ယခုကာလအတွင်း လူသိများပြီး ကားပွဲစားတန်းအတွင်း အများဆုံးရှိ နေကာ လူသုံးများလာသောယာဉ်များ မှာ စက်မှုဇုန်ထုတ်အဆင့်မြင့် စူပါကပ် ဟိုက်အေ့(စ်)ယာဉ်များဖြစ်ပြီး ကား ဈေးများမှာ ကျနေသည့်ကြားမှာပင် သတ်မှတ်ဈေးတစ်ခု ဆွဲတင်လာနိုင် ကြောင်း၊ အဆင့်မြင့်ဇုန်ထုတ်ကား အရောင်းဌာနများမှာလည်း အချက် အချာကျရာ လမ်းမကြီးများတွင်လည်း ကောင်း၊ ယာဉ်အင်ဂျင်ဆက်စပ်ပစ္စည်း များ အရောင်းဆိုင်များရှိရာ ကျောက် ကုန်းတစ်ဝိုက်တွင် ၎င်းလုပ်ငန်းတိုးခဲျ့ ဖွင့်လှစ်လာကြပြီး လူအများ စိတ်ဝင် စားမှု ယခင်ကထက် ပိုလာသည်ကို တွေ့ရကြောင်း အပေါ်ဝိုင်းမှ ဝါရင့် ယာဉ်အကျိုးဆောင်မှ ပြောသည်။                                                           SN