၂ဝ၁ဝ ခုနှစ် စက်တင်ဘာ ဟောင်ကောင်အိမ်ခြံမြေရောင်းဝယ်မှု အခြေအနေ    ၂ဝ၁ဝ ခုနှစ် စက်တင်ဘာ၌ ဟောင်ကောင်အထူးအုပ်ချုပ်ရေးဒေသတွင် အိမ်ခြံမြေရောင်းဝယ်မှုသည် ယခင်လထက် ၁၉ ရာခိုင်နှုန်း ကျဆင်းခဲ့ပြီး၊ အိမ်ခြံမြေဈေးနှုန်းများ အဆမတန်မြင့်တက်မှုကြောင့် ဈေးနှုန်းထိန်းသိမ်းနိုင်ရန် အစိုးရမှ လိုအပ်သော ဥပဒေများ ရေးဆွဲထုတ်ပြန်ခဲ့သည်။ စက်တင်ဘာ စုစုပေါင်း အိမ်ခြံမြေအရောင်းအဝယ် ၁၃၇၄၉ ကြိမ်သာ ပြုလုပ်နိုင်ခဲ့သောကြောင့် သြဂုတ်လတွင် ၁၆၉၄၆ ကြိမ်နှင့် ယခင်နှစ်တွင် ပြုလုပ်ခဲ့သော ၁၄၄၃၇ ကြိမ်အောက် ၄ ဒသမ ၈ ရာခိုင်နှုန်း အသီးသီးကျဆင်းခဲ့သည်ကို တွေ့ရသည်။ ဈေးကွက်အတွင်းဖြစ်ပေါ်လျက်ရှိသော အိမ်ခြံမြေဈေးနှုန်း များသည် ၂ဝဝ၉ ခုနှစ်ထက် ၂၉ ရာခိုင်နှု်းမြင့်တက်လာပြီး၊ ယခုနှစ်အတွင်း လအလိုက် ၁၅ ရာခိုင်နှုန်း မြင့်တက်လာသည့် အတွက်ကြောင့် ဈေးနှုန်းများတည်ငြိမ်စေရန် အစိုးရပိုင်မြေများကို ဈေးပြိုင်စနစ်ဖြင့် ရောင်းချခဲ့ရသည့်အပြင် တန်ဖိုးကြီး အိမ်ရာများ၏ရောင်းခွန်ဝယ်ခွန်များအား တိုးမြှင့်ကောက်ခံခဲ့သည်။ စက်တင်ဘာအရောင်းအဝယ်တန်ဖိုးသည် ဟောင်ကောင် ဒေါ်လာ ၅၃ ဒသမ ၅၁ ဘီလီယံရှိခဲ့ရာ ပြီးခဲ့သည့် သြဂုတ်လတန်ဖိုး ဟောင်ကောင်ဒေါ်လာ ၈ဝ ဒသမ ၂၄ ဘီလီယံနှင့် ယခင်နှစ်တန်ဖိုး ဟောင်ကောင်ဒေါ်လာ ၆၇ ဒသမ ဝ၅ ဘီလီယံတို့အောက် ၃၃ ရာခိုင်နှုန်းနှင့် ၂ဝ ရာခိုင်နှုန်း အသီးသီးလျော့ နည်းခဲ့သည်ကိုတွေ့ရှိရသည်။တရုတ်ပြည်သူ့သမ္မတနိုင်ငံ၏ ၂ဝ၁ဝ ခုနှစ် စက်တင်ဘာလ ကုန်သွယ်မှုအခြေအနေ     ၂ဝ၁ဝ ခုနှစ်စက်တင်ဘာတွင် တရုတ်နိုင်ငံ၏ ပြည်ပပို့ကုန်တင်ပို့မှုသည် နှစ်အလိုက် ၂၅ ဒသမ ၁ ရာခိုင်နှုန်း မြင့်တက်ခဲ့၍ တန်ဖိုးအားဖြင့် အမေရိကန်ဒေါ်လာ ၁၄၄ ဒသမ ၉၉ ဘီလီယံရှိခဲ့သော်လည်း ယခင်လ ၃၄ ဒသမ ၄  ရာခိုင်နှုန်းအောက် သိသိသာသာကျဆင်းခဲ့သည်။ အလားတူသွင်းကုန်တင်သွင်းမှုသည် နှစ်အလိုက် ၂၄ ဒသမ ၁ ရာခိုင်နှုန်း  မြင့်တက်ခဲ့ပြီး၊တန်ဖိုးအမေရိကန်ဒေါ်လာ ၁၂၈ဒသမ ၁၁ ဘီလီယံရှိခဲ့သောကြောင့် ယခင်လအောက် ၁၁ဒသမ ၁ ရာခိုင် နှုန်း ကျဆင်းခဲ့ကြောင်း တရုတ်အကောက်ခွန်ဌာန (GAC)မှ တရားဝင်ထုတ်ပြန်ခဲ့သည်။ ၂ဝ၁ဝ ခုနှစ် ပထမကိုးလတွင် တရုတ်နိုင်ငံ၏ စုစုပေါင်းကုန်သွယ်မှုတန်ဖိုးသည် နှစ်အလိုက် ၁ ရာခိုင်နှုန်းကျဆင်း@

  ဆောင်းရာသီအအေးဓာတ်နဲ့အတူ အေးစက်ခဲ့သည့် မန်းမြေကွက်အချို့ ကထိန်ရာသီနှင့်အတူ တက်ဈေးများဖြစ်ပေါ်      မန္တလေးမြို့၊ ချမ်းမြသာစည်မြို့နယ်၊ ၆၈ လမ်းနှင့် ၇၃ လမ်းကြား၊ ဟုမ်ပန်း လမ်း(ငုရွှေဝါ)လမ်းပေါ်ရှိ မြေကွက်များ မှာ ယခင်ဈေးအေးပြီး အရောင်းအဝယ် အေးခဲ့ရာမှ နိုဝင်ဘာလဒုတိယပတ်တွင် တက်ဈေးများဖြစ်ပေါ်ပြီး အဝယ်ဆင်း လျက်ရှိကြောင်း သိရပါတယ်။      ''၆၈ လမ်းနှင့် ၇၃ လမ်းကြား၊ သဇင်လမ်းနှင့် ငုရွှေဝါလမ်းကြားမှာ အမျိုးသားအားကစားဥယျာဉ် စီမံကိန်း (မန္တလေး)ကိုတည်ဆောက်ဖို့ အကောင် အထည်ဖော်မှာဖြစ်တဲ့အတွက် ငုရွှေဝါ လမ်းပေါ်က မြေကွက်တွေ ဈေးတက် လာခဲ့တာ။ ဈေးကွက်အရ တက်ရိပ်ရှိတဲ့ အတွက် ရောင်းမယ့်သူက မရောင်းကြသေးဘူး။ ဝယ်မယ့်ကုန်သည်ရှိပေမဲ့ ရောင်းမယ့်သူမရှိလို့ အရောင်းအဝယ် အေးနေတယ်။ နိုဝင်ဘာ ၄ ရက်နေ့က ၄ ကွက်တွဲကို သိန်း ၆ဝဝဝ ကျပ်နဲ့ ဝယ်ခဲ့တာကို ရောင်းတဲ့သူက သိန်း ၇ဝဝဝ ကျပ်နဲ့ပြန်ဝယ်တာတောင် ဝယ်တဲ့သူက ပြန်မရောင်းတော့ဘူး။ ခုနောက်ပိုင်း အရောင်းအဝယ်ဖြစ်ခဲ့ ရင်လည်း ခေါ်တဲ့ဈေးဖြစ်မှာပဲ'' လို့ မန္တလေးမြို့သစ်ရှိ မြေအကျိုးဆောင် လုပ်ကိုင်သူတစ်ဦးက ပြောပါတယ်။ ယခင်အေးစက်လျက်ရှိတဲ့ ချမ်းမြ သာစည်မြို့သစ်၊ သဲဖြူကုန်းရပ် ''ဆ'' ရပ်ကွက်များမှ မြေကွက်များမှာ ငုရွှေဝါလမ်းပေါ်၊ ၆၈ လမ်းနဲ့ ၇၃ လမ်းကြား''ဆ-၁''၊ ''ဆ-၂'' တွင် ပေ ၄ဝx၆ဝ တစ်ကွက်လျှင် သိန်း ၁၂ဝဝ ကျပ် ဈေး ရှိခဲ့ရာမှ လတ်တလောတွင် သိန်း ၁၉ဝဝ ကျော်နဲ့အထက်ရှိပြီး အရောင်းပါး ကြောင်းသိရပါတယ်။ ကြားကွက်များမှာ သိန်း ၅ဝဝ ကျပ်ဝန်းကျင်ရှိပြီး၊ လူ ကြိုက်နည်း၍ ဈေးအေးလျက်ရှိပြီး၊ မနော်ဟရီလမ်းနဲ့နီးတဲ့ ''ဆ'' အကွက် များမှာ ဈေးပိုကြောင်း သိရပါတယ်။ မန္တလေးမြို့သစ်ရှိ အချို့မြေကွက်များမှာ ခရစ္စမတ်ပွဲတော်အပြီးတွင် အရောင်း အဝယ်ဖြစ်လိမ့်မယ်လို့ မန္တလေး မြေ အကျိုးဆောင်များထံက သိရပါတယ်။                                                                                                               ဇူးဇူး

 ကားဈေး ကျဆင်းနေသော်လည်း အရောင်းအဝယ် ခပ်နည်းနည်းသာရှိနေ      သီတင်းကျွတ်ပွဲတော်အပြီး ရန်ကုန်မြို့ရှိ ကားပွဲစားတန်းများတွင် လူပြန်စည် ကားလာသော်လည်းအရောင်း အဝယ်မှာမူ များများစားစားမရှိဘဲ တစ်စီးတစ်လေ သာဖြစ်ကာ သိန်း ၅ဝဝ အထက် တန်ဖိုးရှိ လိုင်စင်သစ်ရ ယာဉ်အချင်းချင်း အလဲ အထပ်လုပ်လာကြကြောင်း သိရသည်။        တစ်စီးတစ်လေ အရောင်းအဝယ်ဖြစ်သည့်ကားများမှာလည်း အပေါ်ကား သန့်ပြီး လက်ရှိဈေးကွက်ပေါက်ဈေးထက် လျှော့ရောင်းပေးမှသာ ဝယ်ကြကြောင်း ယခုတလော အလဲအထပ်သာများလာကြောင်း အပေါ်ဝိုင်း ဝါရင့်အကိုျးဆောင် ကိုမြင့်ကျော်မှပြောသည်။ အပေါ်ဝိုင်းထဲရှိ လူစည်ကားရာ မျက်နှာစာတန်းများ တွင် လိုင်စင်သစ်ရ၊ အက္ခရာတန်း ၄ဂ/၅ဂ ပေါက်ကားများ၊ ပုံဆန်းကားသန့်များ နေရာယူထားကြပြီး ဈေးကွက်တွင်ရှိနှင့်ပြီး ဂျပန်ကားဟောင်းများမှာ အပေါ်ဝိုင်း အတွင်းရှိ အတွင်းလမ်းများတွင် ထိုးလာကြကြောင်း၊ အဆိုပါကားများ အရောင်းအဝယ်ဖြစ်သည်မှာ ပိုနည်းပြီး တစ်စီးတစ်လေဖြစ်သည့်ကားများမှာလည်း သန့်ပြီး ဈေးတန်သည့်ကားများသာ အရောင်းအဝယ်ဖြစ်ကြောင်း၊ လတ်တလော အက်(စ်) အီးလီမိတက် (၉၂) ခုနှစ်ထုတ်ပုံစံ အက္ခရာ ၅က(ဓာတ်ဆီ) အား သိန်း ၂၆ဝ ဖြင့် အရောင်းအဝယ်ဖြစ်ခဲ့ကြောင်း သိရသည်။         ယခင်လကပြုလုပ်ပြီးသွားသည့် လေလံပွဲမှကားများမှာ ဝိုင်းထဲသို့ အရောက် နည်းပြီး ယင်းသို့ဖြစ်ရသည်မှာ ဈေးမကိုက်သဖြင့် အဆွဲနည်း၍ဖြစ်ကြောင်း၊ အဝယ် သမားများမှာလည်း အခြားလေလံကားထက် အခွန်ဆောင်ပြီး လိုင်စင်သစ်ယူ ထားသည့် ကားသန့်များသာ စိတ်ဝင်စားကြကြောင်း သိရသည်။      သို့ရာတွင် ယခုလတ်တလော လူစီးများလာသည်မှာ စက်မှုဇုန်ထုတ် လူ ၇ဦး/ ၈ဦးဆံ့ (အမ်ပီဗီယာဉ်) ဟိုက်အေ(စ့်)စူပါကပ် စတန်ယာဉ်များပင်ဖြစ်ပြီး ယခုမှ ကားဝယ်ရန်စီစဉ်သူများမှာ မိသားစုကျယ်ကျယ်ပြန့်ပြန့်စီးနင်းနိုင်သော ၎င်း ယာဉ်များအား ရွေးချယ်ကြပြီး ဈေးနှုန်းမှာလည်း ၂ဝဝ ကျော် ၃ဝဝ ဝန်းကျင်ခန့်သာ ရှိပြီး ကားအသစ် စီးနင်းရသောကြောင့်ဖြစ်ကြောင်း သိရသည်။                                                                                                                                                                 SN

တရုတ်မှာ အယ်လ်စီဒီစက်ရုံတည်ဖို့ ဆမ်ဆောင်းနဲ့ အယ်လ်ဂျီတို့ ခွင့်ပြုချက်ရတော့မည်       တရုတ်နိုင်ငံမှာ အဌမမျိုးဆက် အယ်လ်စီဒီစက်ရုံတွေ တည် ဆောက်ဖို့အတွက် တရုတ်အစိုးရထံမှ ခွင့်ပြုချက်ကို ဆမ်ဆောင်း အီလက်ထရွန်းနစ်နဲ့ အယ်လ်ဂျီဒစ္စပလေး ကုမ္ပဏီတို့ ရရှိထားပြီလို့ ဆိုပါတယ်။ ကုမ္ပဏီတွေအနေနဲ့ သွင်းကုန်ခွန်လွတ်နဲ့ ကမ္ဘာ့ အကြီးဆုံး အယ်လ်စီဒီ တီဗွီဈေးကွက်ထဲကို ဝင်လာနိုင်တော့မှာဖြစ်ပြီး နှစ်စဉ် လုံးရေ သန်း ၄ဝ ရောင်းရလိမ့်မယ်လို့ မျှော်မှန်း ထားပါတယ်။                                                                                                Source : chosun.com