မူဆယ်ဈေးကွက်မှာ ဒီတစ်ပတ်ပြောင်းအဝင်ပုံမှန်ရှိသလို တရုတ်ဝယ်လက်ကလည်း အရည်အသွေးအပေါ်မူတည်ပြီး ဝယ်အား ပုံမှန်ရှိနေတယ်လို့ ဆိုပါတယ်။ အရောင်းအဝယ်အနေနဲ့ တစ်ပတ် အတွင်း မက်တန် ၆၈၀၀ ခန့်ဖြစ်ခဲ့ကြောင်း ဈေးကွက်အတွင်းမှသိရ ပါတယ်။

ဘုရင့်နောင်ဈေးကွက်မှာ ဒီတစ်ပတ် မတ်ပဲ (RC) နဲ့ ပဲစင်း ငုံနီ (RC) ကို အိန္ဒိယအဆွဲပြန်လိုက်လာသလို ပြည်တွင်းခွဲစက်တွေ လည်း ပုံမှန်ဝယ်အားရှိလို့ ယခင်အပတ်နဲ့စာရင် ဈေးမြင့်လာတယ်လို့ ဈေးကွက်အတွင်းမှသိရပါတယ်။ ဒီတစ်ပတ်မတ်ပဲ (RC) ကို အိန္ဒိယ မွန်ဘိုင်းစေးျကွက်က ဝယ်လိုအားပြန်လိုက်လာလို့ မတ်ပဲက ယခင် အပတ်နဲ့စာရင် တစ်တန်ကို ၁၀၀၀၀ ကျပ်ခန့်ဈေးမြင့်သွားတယ်လို့ ပဲကုန်သည်တစ်ဦးက ဆိုပါတယ်။ အရောင်းအဝယ်ဖြစ်မှုက မတ်ပဲ (RC)  တစ်တန်ကို ၅၂၉၀၀၀ ကျပ်ဈေးနဲ့ ဒိုင်ပြင်ပဈေးကွက်မှာ နေ့စဉ်အရောင်းအဝယ်ဖြစ်ခဲ့တယ်လို့ သိရပါတယ်။ ဒါ့အပြင်ယခင် အပတ်က တစ်တန်ကို ၆၅၇၀၀၀ ကျပ်ဈေးနဲ့ အရောင်းအဝယ်ဖြစ်မှု နည်းခဲ့တဲ့ ပဲစင်းငုံနီ (RC)  က ဒီတစ်ပတ်မှာ အိတ်စပို့အဆွဲပြန်လိုက် လာသလ့ို ဈေးမြင့်လာပြီး တစ်တန်ကို ၆၇၀၀၀၀ ကျပ်ဈေးနဲ့ ဈေး ကွက်မှာအရောင်းအဝယ်ဖြစ်မှုများခဲ့တယ်လို့ သိရပါတယ်။

မန္တလေးဈေးကွက်မှာ ဒီတစ်ပတ် မတ်ပဲနဲ့ ပဲစင်းငုံနီကို အိန္ဒိယ ဝယ်လက်၊ ဒေသတွင်းခွဲစက်တွေနဲ့ လှောင်လက်များက ဝယ်လိုအား လျော့သွား တာကြောင့် ယခင်အပတ်နဲ့စာရင် ဈေးကကျရိပ်သန်းနေ ကြောင်း သိရပါတယ်။ ဒါ့အပြင် ပဲတီစိမ်းကြီးနဲ့ ပဲတီစိမ်း(ခရမ်းရွှေဝါ) ကို တရုတ်ဝယ်လက်က အရည်အသွေးပေါ်မူတည်ပြီး တွက်ချက်ဝယ် ယူမှုတွေရှိတာကြောင့် ယခင်အပတ်နဲ့စာရင် ဈေးကျလာကြောင်း ဈေးကွက်အတွင်းမှသိရပါတယ်။ မတ်ပဲကို ရန်ကုန်ဝယ်လက်နဲ့ ဒေသ တွင်းခွဲစက်တွေက ဈေးချအဝယ်ရှိသလို ဝယ်အားပါနည်းသွားတာ ကြောင့် ယခင်အပတ်နဲ့စာရင် ဈေးကျလာပြီး တစ်ပိဿာကို ၇၈၃  ကျပ်(တစ်တန်ကို ၄၇၉၅၀၁ ကျပ်)ဈေးနဲ့ တစ်ရက်ကိုအိတ် ၅၀၀ ခန့်သာအရောင်းအဝယ်ဖြစ်ခဲ့ကြောင်း သိရပါတယ်။ ပဲစင်းငုံနီကို ရန်ကုန်ဝယ်လက် ပြည်ပအဆွဲလျော့သွားတာကိုအကြောင်းပြပြီး ဈေးလျော့အဝယ်ရှိပေမယ့် မြို့ခံပဲခွဲစက်တွေကတော့ ဝယ်အားပုံမှန် ရှိခဲ့တယ်လို့ ဆိုပါတယ်။ ပဲဈေးကောင်းရတဲ့အခါမှာ ရောင်းလက်တွေ အရောင်းများခဲ့ပေမယ့် အခုလိုပဲဈေးတွေကျဆင်းလာတဲ့အခါ မှာ တော့ ဈေးကွက်မျှော်လင့်ချက် နဲ့ အရောင်းနည်းသွားတယ်လို့ မြို့ခံ ကုန်သည်တစ်ဦးကဆိုပါတယ်။ အရောင်းအဝယ်အနေနဲ့ တစ်ပိဿာ ကို ၁၀၃၃ ကျပ်(တစ်တန်ကို ၆၃၂၅၉၈ ကျပ်)ဈေးနဲ့ တစ်ရက်ကို အိတ် ၁၀၀၀ ခန့်သာဖြစ်ခဲ့ကြောင်း သိရပါတယ်။ ပဲတီစိမ်းကြီးကို တရုတ်ဝယ်လက်က ဝယ်လိုအားပါးသွားပေ မယ့် ဈေးကွက်ထဲဝင်လာ တဲ့ပဲတီစိမ်း(ခရမ်းရွှေဝါ)ကိုတော့ တရုတ်ဝယ်လက်က အရည်အသွေး ပေါ်မူတည်ပြီး ဈေးဖြတ်အဝယ်ရှိနေတယ်လို့ ပွဲရုံရပ်ကွက်က ဆိုပါ တယ်။ အရောင်းအဝယ်အနေနဲ့ တစ်ပိဿာ ၁၂၈၀ ကျပ်(တစ်တန် ကို ၇၈၃၈၅၉ ကျပ်)ဈေးနဲ့ တစ်ရက်ကိုအိတ် ၆၀၀ ခန့်သာဖြစ်ခဲ့ ကြောင်း သိရပါတယ်။ ဈေးကွက်ထဲအသစ်ဝင်ရောက်လာတဲ့ ကု လားပဲဖြူလုံးကြီးနဲ့ ကုလားပဲ(ထိုင်ဝမ်)က ဝယ်လိုအားရော ရောင်း လိုအားပါရှိပေမယ့် ပစ္စည်းရဲ့ အရည်အသွေးအပေါ်မူတည်ပြီး ဈေး ဖြတ်အဝယ်ရှိနေတယ်လိ့ု ဈေးကွက်အတွင်းမှ သိရပါတယ်။ အရောင်း အဝယ်ဖြစ်မှုက ကုလားပဲဖြူလုံးကြီးတစ်ပိဿာ ၉၂၆ ကျပ်(တစ်တန် ကို ၅၆၇၀၇၃ ကျပ်) ၊ ကုလားပဲ(ထိုင်ဝမ်) တစ်ပိဝဿာ ၉၃၃ ကျပ်  (တစ်တန်ကို ၅၇၁၃၅၉ ကျပ်)ဈေးနဲ့ နှစ်မျိုးပေါင်း တစ်ရက်ကိုအိတ် ၁၀၀၀ မှ ၁၃၀၀ ကြားဖြစ်ခဲ့တယ်လို့သိရပါတယ်။ နှမ်းမျိုးစုံကို တရုတ် ဝယ်လက်နဲ့ ဒေသတွင်းဆီစက်တွေက ဝယ်လိုအားပုံမှန်ရှိပေမယ့် ရောင်းသူကုန်သည်တွေထံမှာတော့ ပစ္စည်းလက်ကျန်လျော့နည်းသွား ပြီလို့ သိရပါတယ်။ အရောင်းအဝယ်အနေ နဲ့ နှမ်းဖြူတစ်ပိဿာ ၂၆၆၇ ကျပ်၊ နှမ်းညိုတစ်ပိဿာ ၂၃၅၆ ကျပ်၊ နှမ်းကြားတစ်ပိဿာ ၂၃၃၃ ကျပ်၊ နှမ်းနက်တစ်ပိဿာ ၃၀၄၄ ကျပ်ဈေးနဲ့ နှမ်းမျိုးစုံတစ် ရက်ကိုအိတ် ၈၀၀ မှ ၁၀၀၀ ကြားသာဖြစ်ခဲ့ကြောင်း သိရပါတယ်။

ပခုက္ကူဈေးကွက်မှာ ဒီတစ်ပတ် ပဲစင်းငုံနီကို ရန်ကုန်ဝယ်လက် က ဝယ်လိုအားလျော့သွားသလို ရောင်းသူကုန်သည်များကလည်း တက်ဈေးမျှော်ပြီး အရောင်းထိန်းထားတယ်လို့ ပွဲရုံရပ်ကွက်ကဆိုပါ တယ်။ အရောင်းအဝယ်ဖြစ်မှုက တစ်ပိဿာ ၁၀၃၅ ကျပ်(တစ်တန် ကို ၆၃၃၈၂၃ ကျပ်)ဈေးနဲ့ တစ်ရက်ကိုအိတ် ၃၀၀ ခန့်သာဖြစ်ခဲ့ တယ်လို့ သိရပါတယ်။