တောင်ကြီးဈေးကွက်မှာ ပြောင်းတွေ ဈေးကွက်ထဲ အဝင် ပုံမှန်ရှိပေမယ့် ရန်ကုန်-မန္တလေးဝယ်လက်က ဝယ်လိုအားနည်းနေ တယ်လို့ သိရပါတယ်။ ပြောင်းက ဈေးကွက်ထဲ အဝင်များနေတယ်။ ဒါပေမယ့် အစိုဓာတ်က အနည်းငယ်ရှိနေသေးတော့ ဝယ်လက်တွေ က ဈေးကွက်အနေအထားအရ တွက်ချက်ဝယ်ယူမှုတွေရှိနေတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၃၄၀ ကျပ်ဈေးနဲ့ တစ်ပတ်အတွင်း ပိဿာချိန် ၅၅၀၀၀ ခန့်သာဖြစ်ခဲ့တယ်လို့ ဒေသခံ ပြောင်းကုန်သည်တစ်ဦးက ဆိုပါတယ်။

မူဆယ်ဈေးကွက်မှာ ဒီတစ်ပတ်ပြောင်းက ဈေးကွက်သို့ အဝင် လှိုင်နေတယ်။ ဒါပေမယ့် တရုတ်ဘက်မှလည်း ဒီကာလမှာ ပြောင်း သစ်တွေဈေးကွက်ထဲ ဝင်တဲ့အချိန်မို့ မြန်မာ့ပြောင်းကို အဝယ်အေး နေတဲ့သဘောဖြစ်နေတယ်လို့ ပွဲရုံရပ်ကွက်က ဆိုပါတယ်။ ဈေးကွက် သဘောသဘာဝအရ ဈေးကွက်မှာ ပြောင်းက ဝယ်လိုအားထက်စာ ရင် ရောင်းလိုအားက များနေလို့ ဈေးတွေအနည်းငယ်ကျဆင်းနေ တယ်လို့ သိရပါတယ်။ အရောင်းအဝယ်ဖြစ်မှုက တစ်ပတ်အတွင်း မက်တန် ၈၀၀၀ ခန့်သာ ဖြစ်ခဲ့တယ်လို့ သိရပါတယ်။

*    မတ်ပဲကို အိတ်စပို့ဝယ်လက်က တွက်ချက်ဝယ်ယူမှုတွေရှိလာလို့ ဈေးကွက်တိုင်းမှာ အရောင်းအဝယ် အနည်းငယ်ပြန်ဖြစ်လာ *    ပဲစင်းငုံနီ အရောင်းအဝယ်ပြန်လိုက်လာလို့ မန္တလေး၊ မုံရွာ၊ ပခုက္ကူ၊ မကွေး၊ အောင်လံနဲ့ မြင်းခြံမှာ ဈေးအနည်းငယ်မြင့်လာ *    ကုလားပဲဖြူလုံးကြီးနဲ့ ကုလားပဲ(ထိုင်ဝမ်) ကို ရန်ကုန်နဲ့ ဒေသတွင်းခွဲစက်တွေ ဝယ်အားပုံမှန်ရှိနေ *    နှမ်းမျိုးစုံ ပုံမှန်အရောင်းအဝယ်ဖြစ်နေ *    ပြောင်း ဈေးကွက်သို့ အဝင်လှိုင်နေသလို တောင်ကြီး၊ မူဆယ်နဲ့ လားရှိုးမှာလည်း အရောင်းအဝယ်ပုံမှန်ဖြစ်နေ

မကွေးဈေးကွက်မှာ ဒီတစ်ပတ် ပဲစင်းငုံနီ၊ ပဲတီစိမ်းနဲ့ ကုလား ပဲ(ထိုင်ဝမ်)ကို ရန်ကုန်-မန္တလေးဝယ်လက်နဲ့ မြို့ခံပွဲခွဲစက်တွေက ဝယ် အားပုံမှန်ရှိသလို ရောင်းသူကုန်သည်များကလည်း ပုံမှန်အရောင်း ရှိနေတယ်လို့ ပွဲရုံရပ်ကွက်ကဆိုပါတယ်။ ပဲစင်းငုံနီကို ရန်ကုန်ဝယ် လက်က တစ်ပိဿာကို ၉၃၀ ကျပ်(တစ်တန်ကို ၅၆၉၅၂၂ ကျပ်)ဈေး နဲ့နေ့စဉ်အိတ် ၁၀၀ မှ ၂၀၀ ကြားသာ အရောင်းအဝယ်ဖြစ်ခဲ့တယ် လို့သိရပါတယ်။ ပဲတီစိမ်းကြီးကိုတော့ ရန်ကုန်-မန္တလေးဝယ်လက် က ဝယ်လိုအားပြန်လိုက်လာတာကြောင့် ယခင်အပတ်နဲ့စာရင် ဈေး မြင့်လာပြီး တစ်ပိဿာကို ၉၂၁ ကျပ်(တစ်တန်ကို ၅၆၄၀၁၁ ကျပ်) ဈေးနဲ့ တစ်ရက်ကိုအိတ် ၁၅၀ မှ ၂၀၀ ကြားအရောင်းအဝယ်ဖြစ်ခဲ့ တယ်လို့ ဆိုပါတယ်။ ကုလားပဲ(ထိုင်ဝမ်)ကို မြို့ခံပဲခွဲစက်နဲ့ အမှုန့် ကြိတ်စက်များက ဝယ်အားပုံမှန်ရှိသလို ရောင်းသူကုန်သည်များက လည်း အဆိုပါဈေးနဲ့ အရောင်းများခဲ့တယ်လို့ သိရပါတယ်။ အရောင်း အဝယ်ဖြစ်မှုက တစ်ပိဿာ ၁၀၂၆ ကျပ်(တစ်တန်ကို ၆၂၈၆၁၂ ကျပ်)ဈေးနဲ့ တစ်ရက်ကို အိတ် ၂၀၀ ခန့်ဖြစ်ခဲ့ကြောင်း သိရပါတယ်။ နှမ်းမျိုးစုံကိုတော့ ရန်ကုန်-မန္တလေးဝယ်လက်နဲ့ ဒေသတွင်းဆီကြိတ် လုပ်ငန်းရှင်များက ဝယ်အားပုံမှန်ရှိခဲ့တယ်လို့ ဆိုပါတယ်။ အရောင်း အဝယ်ဖြစ်မှုက နှမ်းနီတစ်ပိဿာ ၁၉၃၃ ကျပ်၊ နှမ်းဖြူတစ်ပိဿာ ၂၀၇၈ ကျပ်၊ နှမ်းနက်တစ်ပိဿာ ၂၀၀၀ ကျပ်နဲ့ စမုံနှမ်းနက်တစ် ပိဿာ ၂၂၆၇ ကျပ်ဈေးနဲ့ နှမ်းမျိုးစုံတစ်ရက်ကို အိတ် ၇၀၀ မှ ၈၀၀ ကြားဖြစ်ခဲ့တယ်လို့ သိရပါတယ်။