Background
တောင်ကြီးဈေးကွက်မှာ ဒီတစ်ပတ်ပြောင်းကို ရန်ကုန်-မန္တ လေးဝယ်လက်က ဝယ်အားပုံမှန်ထက်စာရင် အနည်းငယ်လျော့သွား တာရယ်၊ ဈေးကွက် သို့ ပြောင်းအဝင်များတာရယ်ကြောင့် ယခင်အ ပတ်နဲ့စာရင် ဈေးကျသွားတယ်လို့ သိရပါတယ်။ အရောင်းအဝယ် အနေနဲ့ တစ်ပိဿာကို ၂၉၅ ကျပ်ဈေးနဲ့ တစ်ပတ်အတွင်း ပိဿာ ချိန် ၇၀၀၀၀ ခန့်သာဖြစ်ခဲ့တယ်လို့ ဒေသခံပြောင်းကုန်သည်တစ်ဦး ကဆိုပါတယ်။
မူဆယ်ဈေးကွက်မှာ ပြောင်းက ဈေးကွက်သို့ အဝင်များလာ သလို တရုတ်ဝယ်လက်ကလည်း ဝယ်အားပုံမှန်ရှိနေတယ်လို့ ပွဲရုံရပ် ကွက်က ဆိုပါတယ်။ အရောင်းအဝယ်အနေနဲ့ တစ်ပတ်အတွင်း မက် တန် ၁၃၀၀၀ ခန့်ဖြစ်ခဲ့တယ်လို့ သိရပါတယ်။
မြင်းခြံဈေးကွက်မှာ ဒီတစ်ပတ်ပဲစင်းငုံနီကို ရန်ကုန်အဆွဲခပ် ပါးပါးသာရှိခဲ့သလို ရောင်းသူကုန်သည်များကလည်း ဈေးကွက်မျှော် လင့်ချက်နဲ့ အရောင်းနည်းနေတယ်လို့ ဆိုပါတယ်။ အရောင်းအဝယ် အနေနဲ့ တစ်ပိဿာကို ၉၁၀ ကျပ်(တစ်တန်ကို ၅၅၇၂၇၄ ကျပ်)ဈေး နဲ့တစ်ရက်ကိုအိတ် ၁၀၀ ခန့်ဖြစ်ခဲ့ကြောင်း သိရပါတယ်။
ဟင်္သာတဈေးကွက်မှာ မတ်ပဲကို ရန်ကုန်အဆွဲပြန်လိုက်လာ တာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၈၃၅ ကျပ်(တစ်တန်ကို ၅၁၁၃၄၅ ကျပ်)ဈေးနဲ့ တစ်ရက်ကိုအိတ် ၁၀၀၀ မှ ၁၅၀၀ ကြားအရောင်းအဝယ်ဖြစ်ခဲ့တယ်လို့ သိရပါတယ်။ ပဲကယခင်အပတ်က ရန်ကုန်အဆွဲပါးလို့ ဈေးကျလာပေမယ့် ဒီတစ် ပတ်မှာ အိတ်စပို့အတွက် ရန်ကုန်ဝယ်လက် ဝယ်အားပြန်လိုက်လာ လို့ အခုလိုဈေးတွေမြင့်လာပြီး အရောင်းအဝယ်ဖြစ်မှုပမာဏလည်း ပိုများလာတာလို့ သိရပါတယ်။
* မတ်ပဲကို အိတ်စပို့ဝယ်လက်က အဝယ်ပြန်လိုက်လာလို့ ဈေးကွက်တိုင်းမှာ ဈေးအနည်းငယ်မြင့်လာ * ပဲစင်းငုံနီ အရောင်းအဝယ်ပါးလို့ မန္တလေး၊ မုံရွာ၊ ပခုက္ကူ၊ မကွေး၊ အောင်လံနဲ့ မြင်းခြံမှာ ဈေးအနည်းငယ်ကျလာ * ကုလားပဲဖြူလုံးကြီးနဲ့ ကုလားပဲ(ထိုင်ဝမ်)ကို ရန်ကုန်နဲ့ ဒေသတွင်းခွဲစက်တွေ ဝယ်အားပုံမှန်ရှိနေ * နှမ်းမျိုးစုံ ပုံမှန်အရောင်းအဝယ်ဖြစ်နေ * ဈေးကွက်သို့ ပြောင်း အဝင်လှိုင်နေသလို တောင်ကြီး၊ မူဆယ်နဲ့ လားရှိုးမှာလည်း အရောင်းအဝယ် ပုံမှန်ဖြစ်နေ
ပခုက္ကူဈေးကွက်မှာ ပဲစင်းငုံနီကို ရန်ကုန်ဝယ်လက်က ဝယ် အားပုံမှန်ရှိသလို ရောင်းသူကုန်သည်များကလည်း အဆိုပါဈေးနဲ့ အရောင်းရှိတာမို့ တစ်ပိဿာကို ၉၂၅ ကျပ်(တစ်တန်ကို ၅၆၆၄၆၀ ကျပ်)ဈေးနဲ့ တစ်ရက်ကိုအိတ် ၁၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ဈေးကွက်မှာ လတ်တလောပုံမှန်အရောင်းအဝယ်ဖြစ် တာက ပဲစင်းငုံနီဖြစ်ပြီး ကျန်ပဲမျိုးစုံကတော့ ဈေးသာရှိပြီး အရောင်း အဝယ်အေးနေကြောင်း ပွဲရုံရပ်ကွက်ကဆိုပါတယ်။
ပြည်ဈေးကွက်မှာ ဒီတစ်ပတ် မတ်ပဲကို ရန်ကုန်ဝယ်လက်အ ဝယ်ပြန်လိုက်လာတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၈၂၀ ကျပ်(တစ်တန်ကို ၅၀၂၁၅၉ ကျပ်)ဈေးနဲ့ တစ် ပတ်အတွင်း အိတ် ၂၀၀၀ ခန့်အရောင်းအဝယ်ဖြစ်ခဲ့ကြောင်း သိရ ပါတယ်။ ပဲစင်းငုံနီကိုတော့ အိတ်စပို့အတွက်ဝယ်ယူနေတဲ့ ရန်ကုန် ဝယ်လက်က ဝယ်လိုအား လျော့သွားသလို လှောင်လက်ကုန်သည် များကလည်း ဈေးကွက်မျှော်လင့်ချက်နဲ့ အရောင်းနည်းသွားတယ် လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာကို ၉၂၅ ကျပ် (တစ်တန်ကို ၅၆၆၄၆၀ ကျပ်)ဈေးနဲ့ တစ်ပတ်အတွင်းအိတ် ၉၀၀ ခန့်သာဖြစ်ခဲ့တယ်လို့ ဆိုပါတယ်။ ကုလားပဲ(ထိုင်ဝမ်)ကိုတော့ ရန် ကုန်အဆွဲနည်းပြီး မြို့ခံပဲခွဲစက်တွေသာ ဝယ်အားပုံမှန်ရှိခဲ့တယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာ ၁၁၀၀ ကျပ် (တစ်တန်ကို ၆၇၃၆၂၉ ကျပ်)ဈေးနဲ့ တစ်ပတ်အတွင်း အိတ် ၂၃၀၀ ခန့်ဖြစ်ခဲ့ကြောင်း သိရပါတယ်။
အောင်လံဈေးကွက်မှာ ပဲတီစိမ်းကြီးကို ရန်ကုန်-မန္တလေး ဝယ်လက်က အရည်အသွေးပေါ်မူတည်ပြီး အဝယ်ရှိနေတယ်လို့သိရ ပါတယ်။ အရောင်းအဝယ်ဖြစ်မှုက တစ်ပိဿာ ၉၅၀ ကျပ်(တစ်တန် ကို ၅၈၁၇၇၀ ကျပ်)ဈေးနဲ့ တစ်ရက်ကိုအိတ် ၁၀၀၀ ခန့်ဖြစ်ခဲ့ကြောင်း သိရပါတယ်။ ဒါ့အပြင် ပဲစင်းငုံနီကိုလည်း ရန်ကုန်ဝယ်လက်က ဝယ်အားပုံမှန်ရှိခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ် ပိဿာ ၉၅၀ ကျပ်(တစ်တန်ကို ၅၈၁၇၇၀ ကျပ်)ဈေးနဲ့ နေ့စဉ်အိတ် ၁၅၀ မှ ၂၀၀ ကြားဖြစ်ခဲ့တယ်လို့ သိရပါတယ်။ သိပ္ပံနှမ်းကို ရန်ကုန် အဆွဲသွက်နေတာကြောင့် ယခင်အပတ်နဲ့စာရင် ဈေးမြင့်လာပြီး တစ် ပိဿာကို ၂၃၂၂ ကျပ်ဈေးနဲ့ တစ်ရက်ကိုအိတ် ၈၀၀ မှ ၁၀၀၀ ကြားအရောင်းအဝယ်ဖြစ်ခဲ့တယ်လို့ မြို့ခံကုန်သည်တစ်ဦးကဆိုပါ တယ်။
ဘုရင့်နောင်ဈေးကွက်မှာ ဒီတစ်ပတ် ပဲစင်းငုံနီ (RC) အ အရောင်းအဝယ်အေးနေပြီး မတ်ပဲ (RC) ကိုတော့ အိတ်စပို့အဆွဲ ရက်ခြားသာရှိနေတယ်လို့ သိရပါတယ်။ မတ်ပဲက ဒီတစ်ပတ်အိန္ဒိယ ဝယ်လိုအားရှိလာလို့ အရောင်းအဝယ်ဖြစ်မှုပမာဏကလည်း ယခင် အပတ်နဲ့စာရင် များလာတယ်လို့ ဆိုပါတယ်။ အရောင်းအဝယ်ဖြစ်မှု ကတစ်တန်ကို အနိမ့်ဆုံး ၅၁၀၀၀၀ ကျပ်မှ အမြင့်ဆုံး ၅၁၂၀၀၀ ကျပ်အတွင်း တန် ၉၂၀ ခန့်ဖြစ်ခဲ့ကြောင်း သိရပါတယ်။
ပြည်ဈေးကွက်မှာ မတ်ပဲကို ရန်ကုန်ဝယ်လက်က ဝယ်အားပုံ မှန်ရှိတာကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာ ကို ၇၅၀ ကျပ်(တစ်တန်ကို ၄၅၉၂၉၂ ကျပ်)ဈေးနဲ့ တစ်ပတ်အတွင်း အိတ် ၁၅၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ဒါ့အ ပြင်ပဲစင်းငုံနီကို ရန်ကုန်အဆွဲရှိတဲ့နေ့မှာဆိုရင် အရောင်းအဝယ်ဖြစ် မှုများလာပြီး ရန်ကုန်အဆွဲနည်းတဲ့နေ့မှာဆိုရင် တစ်ရက်ကိုအိတ် ၂၀၀ ခန့်သာဖြစ်ခဲ့တယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာကို ၉၀၀ ကျပ်(တစ်တန်ကို ၅၅၁၁၅၁ ကျပ်)ဈေးနဲ့ တစ် ပတ်အတွင်း အိတ် ၁၀၀၀ ခန့်သာဖြစ်ခဲ့ကြောင်း သိရပါတယ်။ ကုလားပဲ(ထိုင်ဝမ်)ကို ရန်ကုန်ဝယ်လက်နဲ့ ဒေသတွင်းပဲခွဲစက်တွေ က ဝယ်လိုအားများလာတာကြောင့် ယခင်အပတ်နဲ့စာရင် ဈေးမြင့် လာပြီး တစ်ပိဿာကို ၁၀၅၀ ကျပ်(တစ်တန်ကို ၆၄၃၀၀၉ ကျပ်)ဈေး နဲ့တစ်ပတ်အတွင်း အိတ် ၂၅၀၀ ခန့်အရောင်းအဝယ်ဖြစ်ခဲ့ကြောင်း မြို့ခံကုန်သည်တစ်ဦးကဆိုပါတယ်။