ဘုရင့်နောင်ဈေးကွက်မှာ ဒီတစ်ပတ် မတ်ပဲ (RC) ကို ဈေး ကွက်စဖွင့်ချိန်မှာ အိတ်စပို့ဝယ်လက်က တစ်တန်ကို ၄၈၇၀၀၀ ကျပ်နဲ့ အဝယ်ရှိရာက အောက်တိုဘာ ၃ ရက်နေ့မှာ တစ်တန်ကို ၄၈၀၀၀၀ ကျပ်သို့ဈေးပြန်ဆင်း ခဲ့ပြီး အောက်တိုဘာ ၄ ရက်နေ့မှာတော့ တစ် တန်ကို ၄၈၆၀၀၀ ကျပ်သို့ ဈေးပြန်မြင့်တက်ပြီး အောက်တိုဘာ ၅ ရက်မှာတော့ တစ်တန်ကို ၄၉၆၀၀၀ ကျပ်အထိ ဈေးထပ်မံ မြင့်ခဲ့ ကြောင်း သိရပါတယ်။ ပဲဈေးက အနိမ့်အမြင့်နဲ့ အရောင်းအဝယ် အနည်းငယ်ဖြစ်ခဲ့ပေမယ့် ရောင်းသူကုန်သည်များကတော့ ဈေးကွက် မျှော်လင့်ချက်နဲ့ အရောင်းနည်းသွားတယ်လို့ သိရပါတယ်။ အရောင်း အဝယ်ဖြစ်မှုပမာဏကတော့ တစ်ပတ်အတွင်း တန် ၆၉၀ခန့်သာ ဖြစ်ခဲ့တယ်လို့ သိရပါတယ်။ ဒါ့အပြင် ပဲစင်းငုံနီ (RC) ကိုလည်း အိတ်စပို့ဝယ်လက်က တစ်ပတ်လုံးမှ တစ်ရက်ထဲသာ အဝယ်ရှိခဲ့ တယ်လို့ ဈေးကွက်အတွင်းမှသိရပါတယ်။ အခုပဲတွေ အိတ်စပို့အဝယ် အေးလို့ အရောင်းအဝယ်ဖြစ်မှု ပမာဏကလည်း သိသိသာသာ လျော့နည်းသွားတယ်လို့ သိရပါတယ်။ အရောင်းအဝယ်အနေနဲ့ တစ် တန်ကို ၅၆၅၀၀၀ ကျပ်နဲ့ တန် ၁၁၅ ခန့်သာဖြစ်ခဲ့တယ်လို့ ဆိုပါ တယ်။.

မန္တလေးဈေးကွက်မှာ ဒီတစ်ပတ် မတ်ပဲကို ရန်ကုန်အဆွဲနည်း ပြီး မြို့ခံပဲခွဲစက်များနဲ့ လုပ်ငန်းသုံးသမားများသာ ဝယ်အားပုံမှန်ရှိခဲ့ တယ်လို့ဆိုပါတယ်။ အရောင်းအဝယ်ဖြစ်မှုက တစ်ပိဿာ ၇၅၀ ကျပ် (တစ်တန်ကို ၄၅၉၂၉၂ ကျပ်)ဈေးနဲ့ တစ်ရက်ကိုအိတ် ၃၀၀ မှ ၅၀၀ ကြားဖြစ်ခဲ့တယ်လို့သိရပါတယ်။ ပဲစင်းငုံနီမှာ အရည်အသွေးကောင်း တဲ့အစကတော့ တစ်ပိဿာကို ၉၄၂ ကျပ် (တစ်တန်ကို ၅၇၆၈၇၁ ကျပ်) ဈေးနဲ့ တစ်ရက်ကို အိတ် ၈၀၀ မှ ၁၀၀၀ ကြား ရန်ကုန်အဆွဲရှိ ပေမယ့် အရည်အသွေးညံ့တဲ့  အလုံးဆိုဒ်သေးတဲ့  အစကတော့ အရောင်းအဝယ်အေးနေ တယ်လို့ မြို့ခံကုန်သည်တစ်ဦးက ဆိုပါ တယ်။ ပဲတီစိမ်းကြီးကို တရုတ်ဝယ်လက်က ပိုးလွတ်ပြီး အရည် အသွေးကောင်းတဲ့အစကို ဈေးပေးအဝယ်ရှိခဲ့တယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာ ၁၀၈၄ ကျပ် (တစ်တန်ကို ၆၆၃၈၃၀ ကျပ်)ဈေးနဲ့ နေ့စဉ်အိတ် ၁၀၀၀ ခန့် ဖြစ်ခဲ့တယ်လို့ဆိုပါ တယ်။ ပဲတီစိမ်း အရည်အသွေးညံ့တဲ့အစကို ပဲသန့်စင်စက်တွေက အဝယ်အေးနေတယ်လို့ ကုန်သည်တစ်ဦးက ဆိုပါတယ်။ ကုလားပဲ ဖြူလုံးကြီးနဲ့ ကုလားပဲ(ထိုင်ဝမ်)စကို ရန်ကုန်ဝယ်လက်နဲ့ ဒေသတွင်း ခွဲစက်၊ အမှုန့်ကြိတ်စက်တွေက ဝယ်အားပုံမှန်ရှိသလို ရောင်းသူကုန် သည်များကလည်း အဆိုပါဈေးနဲ့ ပုံမှန်အရောင်းရှိခဲ့တယ်လို့ သိရပါ တယ်။ အရောင်းအဝယ်ဖြစ်မှုက ကုလားပဲဖြူလုံးကြီးတစ်ပိဿာ ၁၀၃၁ ကျပ်(တစ်တန်ကို ၆၃၁၃၇၄ ကျပ်)ဈေးနဲ့ ကုလားပဲ (ထိုင်ဝမ်) က တစ်ပိဿာ ၁၁၂၀ ကျပ်(တစ်တန်ကို ၆၈၅၈၇၆ ကျပ်)ဈေးနဲ့ နှစ်မျိုးပေါင်း တစ်ရက်ကိုအိတ် ၁၅၀၀ ခန့်ဖြစ်ခဲ့တယ်လို့သိရပါတယ်။ နှမ်းမျိုးစုံထဲက နှမ်းဖြူနဲ့ နှမ်းနက်စမုံကို တရုတ်အဆွဲပုံမှန်ရှိပေ မယ့် နှမ်းနီနဲ့ နှမ်းညို၊ နှမ်းကြားကတော့ ဒေသတွင်းဆီကြိတ်လုပ်ငန်း ရှင်များ ဝယ်အားလျော့သွားကြောင်း သိရပါတယ်။ နှမ်းဖြူတစ်ပိဿာ ၂၁၅၆ ကျပ်ဈေးနဲ့ အိတ် ၆၀၀၊ နှမ်းနက်ရိုးရိုး တစ်ပိဿာ ၂၁၁၃ ကျပ်နဲ့ အိတ် ၈၀၀၊ နှမ်းနက်စမုံ တစ်ပိဿာ ၂၅၁၂ ကျပ်ဈေးနဲ့ အိတ် ၇၀၀ ခန့် အရောင်းအဝယ်ဖြစ်ခဲ့ကြောင်း မြို့ခံနှမ်းကုန်သည် တစ်ဦးကဆိုပါတယ်။

မြင်းခြံဈေးကွက်မှာ ဒီတစ်ပတ်ပဲစင်းငုံနီကို အိတ်စပို့အတွက် ဝယ်ယူနေတဲ့ ရန်ကုန်ဝယ်လက် က ပြည်ပဝယ်လိုအားအေးသွားတဲ့ အပေါ် အကြောင်းပြပြီး ဈေးချအဝယ်ရှိတာကြောင့် ယခင်အပတ်နဲ့ စာရင်ဈေးကျလာပြီး တစ်ပိဿာကို ၉၅၀ ကျပ်(တစ်တန်ကို ၅၈၁၇၇၀ ကျပ်)ဈေးနဲ့ နေ့စဉ်အိတ် ၁၀၀ ခန့်သာအရောင်းအဝယ် ဖြစ်ခဲ့တယ်လို့ မြို့ခံပဲကုန်သည်တစ်ဦးကဆိုပါတယ်။

ပြည်ဈေးကွက်မှာ ဒီတစ်ပတ်မတ်ပဲနဲ့ ပဲစင်းငုံနီကို ရန်ကုန်အဆွဲ အေးသွားသလို ရောင်းသူကုန်သည်များ ကလည်း ဈေးကွက်မျှော်လင့် ချက်နဲ့ အရောင်းနည်းသွားတယ်လို့ သိရပါတယ်။ အရောင်းအဝယ် ဖြစ်မှုက မတ်ပဲတစ်ပိဿာကို ၈၁၅ ကျပ်(တစ်တန်ကို ၄၉၉၀၉၇ ကျပ်)ဈေးနဲ့ တစ်ပတ်အတွင်း အိတ် ၂၅၀၀ ခန့်ဖြစ်ခဲ့ပြီး ပဲစင်းငုံနီ ကတော့ တစ်ပိဿာကို ၉၇၅ ကျပ်(တစ်တန်ကို ၅၉၇၀၈၀ ကျပ်) ဈေးနဲ့ တစ်ပတ်အတွင်းအိတ် ၁၂၀၀ ခန့်ဖြစ်ခဲ့ကြောင်းသိရပါတယ်။ ဒါ့အပြင် ပဲတီစိမ်းကြီးကိုလည်း ရန်ကုန်ဝယ်လက်က အရည်အသွေး ပေါ်မူတည်ပြီးအဝယ်ရှိနေသလို လှောင်လက်ကုန်သည်များကလည်း လက်ကျန်ပစ္စည်းကို ထုတ်ရောင်းမှုတွေရှိလို့ တစ်ပိဿာကို ၇၀၀ ကျပ်(တစ်တန်ကို ၄၂၈၆၇၃ ကျပ်)ဈေးနဲ့ တစ်ပတ်အတွင်း အိတ် ၁၅၀၀ ခန့် အရောင်းအဝယ်ဖြစ်ခဲ့ကြောင်း သိရပါတယ်။