Background
တရုတ်ပဲတီစိမ်း ပါကစ္စတန် ဈေးကွက်ကို လွှမ်းမိုးလာ ပဲတီစိမ်းဈေးမြင့်မားနေတဲ့ ပါကစ္စတန် လက်လီ၊ လက်ကားဈေးကွက်များကို ဈေးသက်သာတဲ့ တရုတ်ပဲတီစိမ်း အမြောက်အမြား ဝင်ရောက်လာတာကြောင့် စားသုံးသူများ စိတ်သက်သာရာရစေ ခဲ့ပါတယ်။ လတ်တလော တရုတ်ပြည်မှ တင်သွင်းလာတဲ့ ပဲတီစိမ်းဈေးမှာ တစ်ကီလိုဂရမ်ကို ၁၃၅ ရူပီး (ကန်ဒေါ်လာ ၁ ဒသမ ၅၇) ဈေးရှိပြီး ပြည်တွင်းထွက် ပဲတီစိမ်းဈေးထက် ရူပီး ၂၅ (ကန်ဒေါ်လာ ဝ ဒသမ ၂၉) သက်သာနေတာကြောင့် တရုတ်ပဲတီစိမ်းကို လူကြိုက်များလျက် ရှိတယ်လို့ သိရပါတယ်။ ပြည်တွင်းထွက် ပဲတီစိမ်းများ တစ်ကီလိုဂရမ်ကို ရူပီး ၁၆ဝ (ကန်ဒေါ်လာ ၁ ဒသမ ၈၆) ဖြင့် အမြင့်ဆုံး ဈေး ရောက်ရှိနေတာကြောင့် နိုင်ငံအတွင်းရှိ စားသုံးသူများအတွက် လက်လှမ်း မမှီနိုင်အောင် ဖြစ်ခဲ့ပါတယ်။ ယခင်နှစ်တွေက တစ်ကီလိုကို ရူပီး ၅ဝ-၅၅ (ကန်ဒေါ်လာ ဝ ဒသမ ၅၈-ဝ ဒသမ ၆၄) သာ ရှိခဲ့ရာ စားသုံးသူများဝယ်ယူနိုင်တဲ့ ဈေးဖြစ်ခဲ့ပေမဲ့ လွန်ခဲ့တဲ့ တစ်နှစ်အတွင်း တရားမဝင် မှောင်ခိုတင်ပို့မှုနဲ့ အထွက်နှုန်းကျဆင်းမှုတွေကြောင့် ဈေးနှုန်းအမြင့်ဆုံးကို ရောက်ရှိ လာခဲ့ပါတယ်။ ကရာချိမြို့တော်ရှိ လက်လီနဲ့ ကုန်စုံဆိုင်လုပ်ငန်းရှင်များအသင်း အတွင်းရေးမှူး ဖာရက်က လက်လီနဲ့လက်ကား ဈေးကွက်များအကြား လျင်မြန်စွာ နေရာယူလာပြီး လူကြိုက်များနေတဲ့ အတွက် တရုတ်ပဲတီစိမ်းတွေ အလုံးအရင်း ဝင်ရောက်လာတယ်လို့ အတည်ပြုပြောကြားခဲ့ပါတယ်။ လွန်ခဲ့တဲ့လ အနည်းငယ်က ပဲမျိုးစုံဈေးနှုန်းကြီးမြင့်မှုကြောင့် ဝယ်ယူစားသုံးမှု လျော့နည်းသွားခဲ့ပြီး ဝယ်လိုအား ထိုးကျသွားသဖြင့် ပဲအရောင်းအဝယ်များကျဆင်းခဲ့ရပါတယ်။ ချမ်းသာသူများ ဝယ်ယူလေ့ရှိတဲ့ အရောင်းစင်တာများမှာပင် မတန်တဆဈေးဖြစ်နေတဲ့ ပဲများကို ပုံမှန်ဝယ်ယူမှု ပမာဏထက် ထက်ဝက်ကျော်ခန့် အဝယ်လျှော့ချလိုက်တာကြောင့် ပဲစားသုံးမှု သိသိသာသာ ကျဆင်းခဲ့တယ်လို့ ဖာရက်က ပြောကြားခဲ့ပါတယ်။ တရုတ်နိုင်ငံက ဈေးသက်သာတဲ့ ပဲမိုျးစုံထပ်မံ ဝင်ရောက်လာတာနဲ့အမျှ ပြည်တွင်းထွက်ပဲများကို အမှီပြု စားသုံးနေရမှုကို လျှော့ချနိုင်မှာဖြစ်ပြီး တရုတ်မှ ပဲအမျိုးမျိုး ဈေးကွက်အသီးသီးကို အောက်ဈေးဖြင့် တိုးဝင်လာမယ့်အရေးမှာ လည်း တားဆီးနိုင်မှာမဟုတ်ဘူးလို့ ဖာရက်က ဆိုပါတယ်။ ယမင်းရွှေစင်၊ှ Sources: daily times
ပဲမျိုးစုံစိုက်ဧရိယာနဲ့ ထုတ်လုပ်မှုတိုးတက်စေဖို့ ဆောင်းပဲများရဲ့ အနိမ့်ဆုံးထောက်ပံ့ဈေးနှုန်း သိသိသာသာ တိုးမြင့်ဖို့စီစဉ် ကမ္ဘာမှာ ပဲအများဆုံးထုတ်လုပ်တဲ့တိုင် အိန္ဒိယနိုင်ငံဟာ ပြည်တွင်းလိုအပ်ချက် ပဲတန်ချိန် ၁၈-၁၉ သန်းကို ပြည့်မီဖို့နှစ်စဉ်တန်ချိန် ၃ သန်း-၄ သန်းတင်သွင်းနေရဆဲဖြစ်ပါတယ်။ ဒါကြောင့်လည်း စိုက်ဧရိယာနဲ့ ထုတ်လုပ်မှု တိုးမြင့်ရာမှာအားပေးတဲ့အနေနဲ့ ဆောင်းပဲမျိုးစုံ အနိမ့်ဆုံးထောက်ပံ့ဈေးနှုန်း (MSP ) တိုးမြှင့်ဖို့ စိုက်ပျိုးရေးဝန်ကြီး ဌာနကတင်ပြထားတယ်လို့ သိရပါတယ်။ မိုးပဲမျိုးစုံအတွက် ထောက်ပံ့ဈေးနှုန်းမြင့်တင်ခဲ့ခြင်းကြောင့် စိုက်ဧရိယာ သိသိသာသာတိုးတက်ခဲ့ပြီး၂ဝ၁ဝ-၂ဝ၁၁ မိုးရာသီ ပဲမျိုးစုံထုတ်လုပ်မှုကို တန်ချိန် ၆ သန်းအထိ ထွက်ရှိမယ်လို့ ခန့်မှန်းထားကြပါတယ်။ ဆောင်းရာသီ ဂံျုအတွက် ထောက်ပံ့ဈေးနှုန်းကို တစ်တန် ရူပီး ၂ဝဝ (ကန်ဒေါ်လာ ၄ ဒသမ ၅၁) သာ တိုးမြင့် ပေးဖွယ်ရှိ ပေမဲ့ ပဲမျိုးစုံ အတွက်ကိုတော့ အစိုးရအနေနဲ့ ပြည်ပတင်သွင်းမှုအပေါ် မှီခိုနေရမှုကို လျှော့ချ လိုတာ ကြောင့်သိသိ သာသာ တိုးမြင့် ပေးနိုင်တယ်လို့ ဆိုပါတယ်။ အစိုးရအရာရှိများရဲ့ ပြောကြားချက်အရ စိုက်ပျိုးရေး ဝန်ကြီးဌာနဟာ ဂံျုအထွက် MSP ဈေးနှုန်းကို တစ်တန် ရူပီး ၁၁၂ဝဝ (ကန်ဒေါ်လာ ၂၅၃) ကို ရူပီး ၂ဝဝ (ကန်ဒေါ်လာ ၄ ဒသမ ၅၁) တိုးမြင့်ပေးဖို့ တင်ပြထားပြီး ပဲမျိုးစုံအတွက် MSP ဈေးနှုန်းကို တစ်တန် ရူပီး ၄၂ဝဝ (ကန်ဒေါ်လာ ၉၅) တိုးမြင့်ပေးဖို့ တင်ပြထားတယ်လို့သိရပါတယ်။ ပဲမျိုးစုံဆိုရာမှာ ပဲနီလေးရဲ့ MSP ဈေးနှုန်းကို တစ်တန် ရူပီး ၁၈၃ဝဝ (ကန်ဒေါ်လာ ၄၁၃) ရှိရာမှ ရူပီး ၂၂၅ဝဝ(ကန်ဒေါ်လာ ၅ဝ၈)ကိုလည်းကောင်း ကုလားပဲတစ်တန် ရူပီး ၁၇၆ဝဝ(ကန်ဒေါ်လာ ၃၉၇)မှ ရူပီး ၂၁ဝဝဝ (ကန် ဒေါ်လာ၄၇၄)ကို လည်းကောင်း တိုးမြင့်သွားနိုင်တယ်လို့ ဆိုပါတယ်။ မုန်ညှင်းစေ့ဈေးကိုတော့ တစ်တန် ရူပီး ၁၈၅ဝဝ (ကန်ဒေါ်လာ ၄၁၈) ကို ရူပီး ၂ဝဝ (ကန်ဒေါ်လာ ၄ ဒသမ ၅၁) သာ ထပ်တိုးမြင့်သွားလိမ့်မယ်လို့ ဆိုပါတယ်။ ဆောင်းသီးနံှများရဲ့ ြှဏ ဈေးနှုန်းတိုးမြင့်ရေးတင်ပြချက်ကို ယခုတစ်ပတ် စီးပွားရေးဆိုင်ရာဝန်ကြီးများအဖွဲ့ ကော်မတီ (CCEA) မှာဆုံးဖြတ်သွားဖွယ်ရှိတယ်လို့ ဆိုပါတယ်။ အိန္ဒိယအစိုးရဟာ ၂ဝ၁ဝ-၂ဝ၁၁ သီးနံှရာသီမှာ တန်ချိန် ၁၆ ဒသမ ၅ သန်းအထိ တန်ချိန် ၂ သန်း ပိုမိုထွက်ရှိဖို့ရည်မှန်းထားပါတယ်။ ယင်း ရည်မှန်းချက်အောင်မြင်ဖို့ မိုးရာသီပဲမျိုးစုံ MSP ဈေးနှုန်းတိုးမြင့်ခဲ့ပြီးဖြစ်သလို ဆောင်းပဲများဖြစ်တဲ့ကုလားပဲနဲ့ ပဲနီလေးတို့ရဲ့ MSP ဈေးနှုန်းကိုလည်း တိုးမြင့်ဖို့ စီစဉ်ခြင်းဖြစ်ပါတယ်။ မိုးပဲမျိုးစုံ စိုက်ဧရိယာတိုးတက်ခဲ့သလိုအထွက်ကလည်း ယခင်နှစ်မိုးရာသီက တန်ချိန် ၄ ဒသမ ၃ သန်းထွက်ရှိရာမှာ ၂ဝ၁ဝ-၂ဝ၁၁ မိုးရာသီမှာ တန်ချိန် ၆သန်းအထိ မြင့်တက်မယ်လို့ခန့်မှန်းထားပါတယ်။ ယမင်းရွှေစင်၊ Sources: thehindu businessline
လှည်းကူး ကောက်စောစပါး ထွက်ပြီ ယခုနှစ် မိုးရာသီမှာ မိုးအဝင်နောက်ကျသလို အထွက်လည်း စောမှာဖြစ်တဲ့အတွက် တောင်သူများအနေနဲ့ သက်တမ်းတိုစပါးမျိုးများကို ရွေးချယ်စိုက်ပျိုးဖို့ သက်ဆိုင်ရာတာဝန်ရှိသူများကနှိုးဆော်ခဲ့ကြပါတယ်။ သက်ဆိုင်ရာရဲ့ သတိပေးချက် အတိုင်း လိုက်နာဆောင်ရွက်ခဲ့တဲ့အတွက် လှည်းကူးမြို့နယ် ပိုက်ကြီးဝဲကျေးရွာမှ တောင်သူကြီး ဦးမောင်ညိုဟာ လယ် ၁ဝ ဧကစိုက်ပျိုးရာမှာ သက်တမ်းတို ရက် ၁ဝဝစပါးမျိုး ၄ ဧကထည့်သွင်းစိုက်ပျိုးခဲ့တဲ့အတွက် အောက်တိုဘာ ၂ရက်က စတင်ရိတ်သိမ်းနေပြီး တစ်ဧကအထွက်နှုန်း ၆၅ တင်းခန့်ရရှိကြောင်းသိရပါတယ်။ အလားတူသက်တမ်းတိုစပါး စိုက်ပျိုးသူများ မှာလည်း စတင် ရိတ်သိမ်းနေပြီဖြစ်တာကြောင့် လှည်းကူးမြို့နယ်အတွင်း ကောက်စောစပါးများ စတင်ထွက်ရှိ လာပြီဖြစ်ပါတယ်။ သက် တမ်းတို ရက် ၁ဝဝ စပါးမျိုး စိုက်ပျိုးမှုရဲ့အကျိုးရလဒ်အဖြစ်မုတ်သုံမိုးစောစီးစွာဆုတ်ခွာခြင်း အတွက် စိုးရိမ်စရာမရှိသလို နွေစပါးစိုက် ပျိုးရန်အတွက်လည်း ပြင်ဆင်ချိန်ပိုမိုရရှိလို့ တောင်သူများဝမ်းမြောက် လျက်ရှိကြောင်းသိရပါတယ်။ ဝင်းနိုင်
ပဲဖတ်-နှမ်းဖတ်ပေါ်ချိန် အစာဈေး အနည်းငယ်ကျဆင်း ဆီထွက်သီးနံှများ စတင်ပေါ်ကာစချိန်ဖြစ်သဖြင့် အစာဈေးနှုန်းများ အနည်းငယ်ကျဆင်းလာကြောင်း ဘုရင့်နောင်ကုန်စည်ဒိုင်က သိရသည်။ ''ငါးစာမှာဖွဲ့နုကို အဓိကထားကျွေး၍ မွေးမြူကြသော်လည်း ဖွဲနုသစ်ပေါ်ချိန် မရောက်ရှိသေးတဲ့အတွက် ဖွဲနုဈေး ကျဆင်းခြင်းမရှိသေးပါဘူး။ မနှစ်ကတော့ဒီအချိန်မှာ ဖွဲနုဈေးတက်နေပြီး ဒီနှစ်တော့ဖွဲနုဈေးက မတက်ဘဲတန့်နေပါတယ်။ အခုချိန်က ပဲဖတ်၊ နှမ်းဖတ်ပေါ်လာတဲ့အတွက် ပဲဖတ်-နှမ်းဖတ် ၁ ပိဿာကို ၅ဝကျပ်လောက် ကျလာပါတယ်''ဟု အစာအသင်းမှ တာဝန်ရှိသူတစ်ဦးက ပြောကြားသည်။ အောက်တိုဘာ ၇ ရက်နေ့တွင် ဖြစ်ပေါ်ခဲ့သော အစာဈေးနှုန်းများမှာ (၁ ပိဿာဈေး) ပဲဖတ် ၉၅ဝ ကျပ်၊နှမ်းဖတ် ၈၂၅ ကျပ်၊ ပဲပုပ်ဖတ် ၉၅ဝ ကျပ်၊ ပဲပုပ်စေ့က ၉ဝဝ ကျပ်၊ဖွဲနု ၃၈၂ ကျပ်၊ ပုစွန်ဖွဲ ၆၃ဝ ကျပ်၊ နေကြာ ၆၃ဝကျပ်၊ ပန်းနှမ်း ၆၉ဝ ကျပ်၊ ငါးဂုံးညို ၁၂၅ဝ ကျပ်၊ ငါးဝိုင်း ၁၂၅ဝ ကျပ်၊ ပဲမှုန့် ၄ဝဝ ကျပ် မုန်ညှင်း ၆၅ဝ ကျပ်၊ ပဲတီစိမ်းမှုန့်၄ဝဝ ကျပ်၊ ခရုမှုန့် ၁၅ဝ ကျပ်၊ ငါးပေါင်းမုန့် (၁တန်) ကျပ် ၉ဒသမ ၈သိန်းတို့ဖြစ်ခဲ့သည်ဟု ဆိုသည်။ခင်မျိုးသွယ်
UMFCCI တွင် ဝါကျွတ်အထူးဈေးရောင်းပွဲတော် ကျင်းပမည် Fortune International Ltd Concordia International Co,.Ltd တို့ ပူးပေါင်းကျင်းပမယ့် ဝါကျွတ်အထူး ဈေးရောင်း ပွဲတော် ကို အောက်တိုဘာလ ၁၅ ရက်မှ ၁၈ ရက်အထိ အမှတ် ၂၉ မင်းရဲကျော်စွာလမ်း၊ လမ်းမတော် မြို့နယ်ရှိ ပြည်ထောင်စု မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းချုပ် (UMFCCI) ပထမထပ်၊ အစည်းအဝေး ခန်းမမှာ ကျင်းပ မယ်လို့ သိရပါတယ်။ အဆိုပါပြပွဲမှာ ယင်းကုမ္ပဏီနှစ်ခုမှ တင်သွင်းဖြန့်ဖြူးနေသော ဓာတ်လှေ ကား၊ တယ်လီဖုန်း လိုင်းခွဲ စနစ်များ၊ လျှပ်စစ်ဓာတ်အားလိုင်းသုံး ပစ္စည်းများ၊ မီးစက်များ၊ အသည်းရောဂါ ဆေးအမျိုး မျိုး၊ မွေးမြူရေးလုပ်ငန်းသုံးဆေးဝါးများ၊ တိရစ္ဆာန်အစားအစာများ၊ ရုံးလုပ်ငန်း သုံး ကာလာမိတ္တူကူးစက်၊ ကာလာလေ ဆာပရင်တာများ၊ ဖက်စ်နဲ့ ပရိုဂျက်တာ များ၊ ကျန်းမာရေးအထောက်အကူပြု ဆေးရုံသုံးပစ္စည်းများ၊ ဆေးနှင့် ဆေး ပစ္စည်းများ၊ ဓာတ်ခွဲခန်းသုံးပစ္စည်းများ၊ ကုန်းကြောင်း၊ လေကြောင်း၊ ရေ ကြောင်းသုံး GPS များ၊ Rader နဲ့ Echo Sounder များ၊ ဆောက်လုပ်ရေး လုပ်ငန်းသုံးမြေတိုင်း ပစ္စည်းများ၊ မြေကြီး နဲ့ ကွန်ကရစ်အရည်အသွေး စမ်းသပ် စက်များ၊ ရွှေဆိုင်သုံး ဒစ်ဂျစ်တယ်ချိန် ခွင်များ၊ စက်မှုလုပ်ငန်းနဲ့ ကုန်ထုတ် လုပ်ငန်းသုံး ချိန်ခွင်များကို အထူးဈေး နှုန်းနဲ့ ရောင်းချပေးမှာ ဖြစ်ပါတယ်။ လွင်လွင်မိုး
တရုတ်ပွဲတော်များကြောင့် မြန်မာရေထွက်ကုန်ပစ္စည်းအရောင်းသွက်ပြီး ဈေးကောင်းရခဲ့အောက်တိုဘာလ ၁ ရက်မှာကျရောက်တဲ့တရုတ်အမျိုးသားအောင်ပွဲနေ့နဲ့ ဆက်လက်ကျင်းပမဲ့ တရုတ် လမုန့် ပွဲတော် များကြောင့် မြန်မာ့ရေထွက်ပစ္စည်းများကို တရုတ်ဘက်မှ ပိုမိုဝယ်ယူလျက်ရှိပြီး ငါးရှဉ့် တစ်တန်လျှင် အနိမ့်ဆုံး ဈေး ကန်ဒေါ်လာ ၁၉၇ဝ မှ အမြင့်ဆုံးဈေး ၃ဝ၄ဝ ထိရရှိကြောင်းသိရပါတယ်။ မူဆယ်နယ်စပ်စခန်းမှ တစ်ဆင့် ၂ဝ၁ဝ ခုနှစ် စက်တင်ဘာလအတွင်း ငါးရှဉ့်တန်ချိန် ၁ဝဝဝ ကျော်ကို ကန်ဒေါ်လာ ၃ သန်းနီးပါးဖိုးတင်ပို့ခဲ့သလို ကန်ပိုက်တီး နယ်စပ်ကုန်သွယ်ရေးစခန်းမှလည်း တန်ချိန် ၃၄ တန်ကျော်ကို တန်ဖိုးကန်ဒေါ်လာ ၇ သောင်းဖိုး တင်ပို့နိုင်ခဲ့ပါတယ်။ '' ကန်ပိုက်တီးဘက်ကတော့ ကချင်ပြည်နယ်ထွက် ငါးရှဉ့်တွေကို ပို့ပါတယ်။ မိုးကောင်း၊ မိုးညှင်း၊ ကာမိုင်း ဒေသထွက် ငါးရှဉ့်တွေပါ။ အခြားဒေသတွေက ထွက်ရှိတဲ့ ငါးရှဉ့်တွေကိုတော့ မူဆယ်ကနေ ပို့ပါတယ်'' ဟု နယ်စပ်ကုန်သည် အသင်းမှ သတင်းရရှိပါတယ်။ မော်မော်အောင်(MIRT)
ဝဥခြောက်တင်ပို့မှု ကျပ်သန်း ၆ဝဝ ကျော် မြန်မာ-တရုတ်နယ်စပ်ရှိ မူဆယ်၊ လွယ်ဂျယ်နယ်စပ် ကုန်သွယ်ရေး စခန်းများမှ တစ်ဆင့် တရုတ်နိုင်ငံသို့ ၂ဝ၁ဝခုနှစ် စက်တင်ဘာလ အတွင်း ဝဥခြောက် ၄၄၉ တန်၊တန်ဖိုးအားဖြင့် ကျပ်သန်း ၆၄ဝ ကျော်ဖိုးတင်ပို့နိုင်ခဲ့ ကြောင်းသိရပါတယ်။ ပြီးခဲ့တဲ့ သြဂုတ်လက ဝဥခြောက် ၁ဝ၃ တန်ကို တန်ဖိုးကျပ် ၁၄၇ သန်းဖိုးသာ တင်ပို့နိုင်ခဲ့တာကြောင့် ယခုလမှာ ကျပ်သန်း ၄၉ဝ ကျော်ဖိုးပိုမို တင်ပို့နိုင်ခဲ့ပါတယ်။ ဝဥဈေးဟာ တစ်တန်ကိုကျပ် ၁၈၈၉၄၇၅ ဝန်းကျင်ရှိပြီး ပြည်တွင်းက ကိုယ်တိုင်စိုက်ပျိုးထုတ်လုပ်သူ တွေနဲ့စိုက်ပျိုးသူ တွေဆီကတစ်ဆင့် ဝယ်ပြီး တင်ပို့ နေကြတာပါ။ မြေသားစိုစွတ်တဲ့ မိုးရာသီ မေလတွင် စတင် စိုက်ပျိုးပြီး အောက်တိုဘာလတွင် တူးဖော်ရတာဖြစ်ပါတယ်။ ဝဥများကို တရုတ်နိုင်ငံသာမက ဂျပန်ကို လည်းတင်ပို့လျက်ရှိပြီး ကိုရီးယား၊ ဘင်္ဂလားဒေ့ရှ်နှင့် အိန္ဒိယနိုင်ငံများမှ စားသောက်ကုန် စီးပွားရေး လုပ်ငန်းရှင်များကလည်း စိတ်ဝင်စားကြကြောင်း သတင်းရရှိပါတယ်။ မော်မော်အောင်(MIRT)
မြန်မာ-တရုတ်နယ်စပ် မူဆယ် (၁ဝ၅)မိုင် ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ပစ္စည်းများ၊ ရေထွက်ပစ္စည်းများ၊ သစ်တောထွက် ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ်ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ယွမ်)ပဲတီစိမ်း တန် ၉၂ဝ၃၁၄ ၆၇၈ဝနံှစားပြောင်း တန် ၃ဝ၄၇၁၉ ၂၂၂ဝပြောင်းဖူးစေ့ တန် ၂၄၄ဝ၅၁ ၁၇၆ဝမြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက်အိန္ဒိယနိုင်ငံသို့ ကွမ်းသီး၊ ပလတ်စတစ်စ၊ ဝက်အရှင်တို့တင်ပို့လျက်ရှိရာ အဆိုပါပို့ကုန်အချို့ရဲ့ ရိဒ် ပေါက်ဈေးနဲ့ တစ်ဖက်နိုင်ငံ မီဇိုရမ်ပေါက်ဈေးတွေကတော့ အောက်ပါအတိုင်း ဖြစ်ပါတယ်ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ရူပီး)ကွမ်းသီး တန် ၁၅၂၅ဝဝဝ ၇၈၁ဝဝပလတ်စတစ်စ အိတ် ၁၅ဝဝဝ ၇၃ဝဝက်အရှင် ကီလိုဂရမ် ၂ဝဝဝ ၉၈ ကေသွယ်မြန်မာ-ဘင်္ဂလားဒေ့ရှ် နယ်စပ်စစ်တွေ နယ်စပ်စခန်းမှ တစ်ဖက် ဘင်္ဂလား ဒေ့ရှ်နိုင်ငံသို့ ချင်း၊ မန်ကျည်းသီး(အစေ့ပါ)နဲ့ နနွင်းတက်တို့ တင်ပို့လျက်ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ်ပေါက်ဈေး တွေကတော့ အောက်ပါအတိုင်းပဲဖြစ်ပါတယ်ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (တာကာ)ချင်း တန် ၆၇ဝ၁၄ဝ ၇၅၃ဝဝမန်ကျည်းသီး (အစေ့ပါ) တန် ၃၇၉၄၄ဝ ၃၁၇၅ဝနနွင်းတက် တန် ၁၅၂၆၉၄ဝ ၁၃ဝ၅ဝဝ မြတ်မြတ်ထွန်း
ဟောင်ကောင်အခြေစိုက်မစ်ဆူဘီရှိကော်ပိုရေးရှင်းမှတာဝန်ရှိသူများ မူဆယ်-နမ့်ခမ်း နယ်စပ်ကုန်သည်များအသင်းနဲ့ တွေ့ဆုံ ဟောင်ကောင်အခြေစိုက်မစ်ဆူဘီရှိ ကော်ပိုရေးရှင်းလီမိတက်မှ ဒုတိယဥက္ကဌနဲ့ ဒါရိုက်တာဖြစ်သူ Mr. Hiro Shimogi နဲ့ မန်နေဂျာ Mr. Tomotakamiki တို့ဟာ မူဆယ်-နမ့်ခမ်းနယ်စပ်ကုန်သွယ်ရေးအသင်းမှ တာဝန်ရှိ သူ များနဲ့ စက်တင်ဘာလ ၂၄ ရက်နေ့ မွန်းလွဲ ၁၃း၅ဝချိန်မှာ မူဆယ်-နမ့်ခမ်း နယ်စပ်ကုန်သွယ်ရေး အသင်းရုံးခန်းမမှာ တွေ့ဆုံခဲ့ကြပါတယ်။ ထိုသို့တွေ့ဆုံရာမှာ မူဆယ်-နမ့်ခမ်းကုန်သည် အသင်းဥက္ကဌဦးဟန်စိန်က မူဆယ်နယ်စပ်ကုန်သွယ်ရေးဇုန်မှာ ကုန်သွယ် ရောင်းဝယ်နေမှုများ၊ နှစ်နိုင်ငံကုန်သွယ်မှုမြှင့်တင်နိုင်ရေး၊ လစဉ်ညှိနှိုင်း ဆွေးနွေးမှုများ၊ နှစ်အလိုက် ကုန်သွယ်မှု တိုးတက် လာမှုများ၊ ၁ဝ၅ မိုင်ကုန်သွယ်ရေးဇုန်အတွင်းရှိ ရေထွက်ကုန်စည်ဒိုင်၊ သစ်သီးဝလံကုန်စည် ဒိုင်ပဲ၊ပြောင်း၊နှမ်း လယ်ယာထွက် ကုန်စည်ဒိုင်များ ဖွင့်လှစ်ပြီးစီးမှု အခြေအနေများကို ရှင်းလင်းပြောကြားခဲ့တယ်လို့ သိရပါတယ်။ ထိုနောက် ရေထွက်ပစ္စည်းကုန်စည်ဒိုင်၊ သစ်သီးဝလံကုန်စည်ဒိုင်၊ ပဲပြောင်းနှမ်းနဲ့လယ်ယာထွက်ကုန် ကုန်စည်ဒိုင်၊ မူဆယ် ၁ဝ၅ မိုင်ကုန်သွယ်ရေးဇုန်အတွင်းရှိ ပို့ကုန်သွင်းကုန်ပစ္စည်းများ၊ ကုန်စစ်ဆေးရေးစင်များကို လှည့်လည်ကြည့်ရှု လေ့လာ ခဲ့ကြပါတယ်။ Sources : မူဆယ်-နမ့်ခမ်းနယ်စပ်ကုန်သည်များအသင်း၊ MIRT (DOBT)
တရုတ်လမုန့်စားပွဲတော်ချိန်ကြောင့် ရေထွက်ကုန်များဈေးမြင့်လျက်ရှိ ကူမင်းခရိုင်မှာ ရေထွက် ကုန်ပစ္စည်း များ ဈေးနှုန်းမြင့်တက်လျက်ရှိတဲ့ အတွက် ကူမင်းခရိုင်ငါးလုပ်ငန်း စိစစ်ရေး ကော်မတီမှဈေးကွက်တွင် လေ့လာမှုများပြုလုပ်ရာ တရုတ် ရိုးရာယဉ်ကျေးမှု လမုန့်စားပွဲတော် ရာသီ ကာလနဲ့ နိုင်ငံတော် အောင်ပွဲနေ့ အထိမ်းအမှတ် ရက်ရှည် ရုံးပိတ်ကာလအတွင်းပြည်သူများ ကုန်ပစ္စည်း ဝယ်ယူ အသုံးပြုမှုများနေတာကို လေ့လာ တွေ့ရှိရတယ်လို့ သတင်းများမှာ ဖော်ပြ ထားပါတယ်။ ကူမင်းဈေးကွက်မှာ နေ့စဉ် ရေထွက် ကုန် တန် ၃ဝဝ ခန့်ရှိရာ ဈေးနှုန်းများလည်း တိုးမြင့်လာနေကြောင်း တရုတ် နိုင်ငံ တောင်ပိုင်း ဒေသမှာ လေပြင်းမုန်တိုင်းကျရောက်တဲ့အတွက် မွေးမြုရေးကန်များ ပျက်စီးသွားခြင်း၊ သယ်ယူ ပို့ဆောင်ရေး စရိတ်ကြီးမြင့်ခြင်း၊ လမုန့်စားပွဲတော် ရက်နီးလာ၍ရေထွက်ကုန်ပစ္စည်းလိုအပ်မှုများပြားလာခြင်း၊ ကြာရှည် သိုလှောင် မထားနိုင်ခြင်းတို့ကြောင့် ဈေးနှုန်းမြင့်တက်လာခြင်းဖြစ်ပါတယ်။ ပြည်သူများအား လတ်ဆတ်မှုနဲ့ ဘေးအန္တရာယ် ကင်းရှင်း စေရေးအတွက် ကူမင်းခရိုင် ငါးလုပ်ငန်းစိစစ်ရေး ကော်မတီမှ ၂ဝ၁ဝ ပြည့်နှစ် စက်တင်ဘာလ ၁၇ ရက်နေ့ကစပြီး ရေထွက်ကုန်ပစ္စည်းဆိုင်ရာ ထုတ်လုပ်မှုစခန်း နဲ့ မွေးမြူရေးကန်ရှိရေအား ဓာတ်ခွဲစမ်းသပ်မှုများ ဆောင်ရွက်ရာ စံချိန်မီတယ်လို့ သိရှိရပါတယ်။ှ Sources : ဒူရှိပေါင် (မြို့ပြ) သတင်းစာ၊သောင်းနိုင်