ဒီဇင်ဘာ ၁ ရက်မှ ၃၁ ရက်ထိ ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ ၄၀ ဒသမ ၇၄၆ သန်း တန်ဖိုးရှိ ဆန်တန်ချိန် ၉၉၅၅၀ ကျော်တင်ပို့ခဲ့ကြောင်း သိရသည်။ တင်ပို့မှုများအနေဖြင့် အာရှနိုင်ငံများသို့ ဆန်တန်ချိန် ၆၆၁၉၀ခန့်နှင့် အီးယူအဖွဲ့ဝင်နိုင်ငံများသို့ ဆန်တန်ချိန် ၃၃၃၆၀ ခန့် တင်ပို့ခဲ့သည်။ 

ယခုနှစ် ထောပတ်သီးရာသီအတွင်း  မလေးရှားနိုင်ငံကို ထောပတ်သီး  တန် ၅၀ ခန့်  တင်ပို့နိုင်ရန်  မျှော်မှန်းဆောင်ရွက်နေကြောင်း မြန်မာနိုင်ငံ ထောပတ်သီး စိုက်ပျိုးထုတ်လုပ်တင်ပို့ရောင်းချသူများအသင်း(MAVO)က  သိရသည်။ 
မြန်မာ့ထောပတ်သီးကို   ပြီးခဲ့သည့် နိုဝင်ဘာလမှစ၍ ထိုင်းနှင့် မလေးရှားသို့ တင်ပို့နေခြင်းဖြစ်ပြီး လက်ရှိတွင် ကုန်သွယ်မှုအခက်အခဲအချို့ကြောင့် ထိုင်းသို့တင်ပို့မှု ခေတ္တရပ်နားထားကာ မလေးရှားနိုင်ငံကိုတော့  တရားဝင်ဆက်လက် တင်ပို့နေကြောင်း MAVO ၏အထွေထွေအတွင်းရေးမှူးဖြစ်သူ ဦးကျော်စိုးမင်းက ဒီဇင်ဘာ ၂၈ ရက်တွင် ပြောသည်။

ဒီဇင်ဘာ ၁၇ ရက်မှ ၂၃ ရက်အထိ  ကာလအတွင်း ပင်လယ်ရေကြောင်း ကုန်သွယ်မှုမှ  အမေရိကန်ဒေါ်လာ  ၁၄ ဒသမ ၈၆၂ သန်း တန်ဖိုးရှိ ဓာတ်မြေသြဇာ တန်ချိန် ၂၇၀ဝ၀ ကျော် တင်သွင်းခဲ့သည်။ တင်သွင်းမှုများအနေဖြင့် ဘရူနိုင်း နိုင်ငံမှ တန်ချိန် ၁၅၀ဝ၀ ကျော်၊ တရုတ်ပြည်သူ့သမ္မတနိုင်ငံမှ တန်ချိန် ၉၀ဝ၀ ခန့် ၊ အာရပ်စော်ဘွားများ ပြည်ထောင်စုနိုင်ငံမှ  တန်ချိန် ၁၀ဝ၀ ကျော်၊ ကနေဒါ နိုင်ငံမှ တန်ချိန် ၅၀ဝ ကျော်၊  ဂျာမနီနိုင်ငံမှ တန်ချိန် ၃၀ဝ ကျော်နှင့် အီရန်နိုင်ငံမှ တန်ချိန် ၇၅၀ ကျော် တင်သွင်းခဲ့သည်။ ယခုတစ်ပတ်အတွင်း ဘရူနိုင်း နိုင်ငံမှ ဓာတ်မြေသြဇာ အများဆုံးတင်သွင်းကြောင်း သိရ သည်။  အနီးစပ်ဆုံးကာလနှင့် နှိုင်းယှဉ်ပ

လာမည့်  ကြံရာသီတွင် ပြည်တွင်းမှထုတ်လုပ်သော သကြားတန်ချိန်  ငါးသောင်းကို ဗီယက်နမ်နိုင်ငံသို့  ကြိုရောင်းစနစ်ဖြင့် တင်ပို့ရန် သဘောတူညီမှုရရှိထားကြောင်း မြန်မာနိုင်ငံ သကြားနှင့်ကြံထွက်ပစ္စည်းလုပ်ငန်းရှင်များအသင်းက သိရသည်။
ဗီယက်နမ်သို့  တင်ပို့ရန် FOB ဈေးနှုန်း သတ်မှတ်ချက်အနေဖြင့်  သကြားတစ်တန်လျှင် အမေရိကန်ဒေါ်လာ ၆၀ဝ  ဝန်းကျင်ခန့်ရှိနိုင် ကြောင်း အဆိုပါအသင်း ဒုတိယဥက္ကဋ္ဌ ဦးဝင်း ဌေးက ဒီဇင်ဘာ ၁၅ ရက်တွင် ပြောသည်။