၂၀၁၃ ခုနှစ် ဇွန်လမှာ မူဆယ် ၁၀၅ မိုင် ကူးသန်းရောင်းဝယ်ရေးဇုန်မှ ကန်ဒေါ်လာ သုည ဒသမ ၁၀၂ သန်းတန်ဖိုးရှိတဲ့ သရက်ပြားခြောက် ၁၃၆ တန်ကျော်ကို တင်ပို့နိုင်ခဲ့ပါတယ်။ မေလကလည်း ကန်ဒေါ်လာ သုည ဒသမ ၁၂၀ သန်းဖိုးရှိ သရက်ပြားခြောက် ၁၅၈ တန်ကိုတင်ပို့ခဲ့ပါတယ်။ သရက်သီးရာသီမှာ သရက်သီး တွေ တင်ပို့မှုရှိသလို သရက်သီးရာသီကုန်ပေမဲ့လည်း တရုတ်နိုင်ငံရဲ့ မုန့်ပဲသရေစာလုပ်ငန်းတွေ မှာအသုံးပြုတဲ့ ကုန်ကြမ်း ပစ္စည်းဖြစ်တာကြောင့် သရက်ပြားခြောက်ကတော့ ပုံမှန်တင်ပို့နေပါတယ်။ သရက်ပြားခြောက်တစ်တန်ရဲ့ မိမိဘက်ပေါက်ဈေးကတော့ ငွေလဲနှုန်းအရ ၆၉၅၀၀၀-၇၀၀၀၀၀ ကျပ်ကြားဈေးပေါက်တယ်လို့ သိရပါတယ်။မော်မော်အောင်၊(DCCA)

မိုးဦးကျလာပြီဆိုရင် ကိုသာအေး တစ်ယောက် ပေါက်ပြား တစ်လက်ကိုင် ပြီးထွန်တုံးမဝင်ခင်ကန်သင်းပြင်ဖို့ လယ် ဆင်းရတာမရိုးနိုင်တဲ့နှစ်စဉ်အလုပ် တစ်ခုပါ။ဒီလိုမှမလုပ်ရင်လည်းသာအေး တို့လယ်ကကုန်းဆန်ပြီးနံဘေး ကချောင်း ချောက် ၂ ခုခံနေတဲ့ "ကန်သင်းမပြင်-ရေမတင်"ဒေသအခေါ် "လိပ်ကုန်း" လိုလယ်မျိုးဖြစ်ပြီး မိုးများလို့ အောက် ရေထောက်လာပြန်ရင်လည်းချောင်းရေ လျှံ ရေမြှုပ်တတ်တာကြောင့် အထူးဂရု ပြုပြီး ရေ အဝင်၊ ရေအထွက်နဲ့ကန်သင်း လုံအောင်ပြင်ရတာကိုက စပါးအောင်နိုင် ရေးရဲ့လုပ်ငန်းအစဖြစ် သလိုကိုသာအေး တို့ မိသားစုဘဝဆိုရင်လည်းမမှားပါဘူး။

နောင်ချိုမြို့ Asia World   ဂိတ် အနီး အခြေပြု လှုပ်ရှားလျက် ရှိတဲ့ လရ-၁အဖွဲ့ဟာဇွန်လ ၁၅ ရက် ဝရး၀၀ ချိန်မှာ ပို့သွင်းယာဉ်များအား တားဆီး စစ်ဆေးစဉ် မူဆယ်မှ မန္တလေးဘက်သို့ မောင်းနှင်လာတဲ့ယာဉ်အမှတ်၁ဃ/xxxx အားရပ်တန့်စစ်ဆေးရာမှာ စားတော်ပဲ အိတ်များနဲ့ ဖုံးအုပ်သယ်ဆောင်လာတဲ့ အကောက်ခွန်မဲ့ ဂျုံအိတ် ၂၃၇ အိတ် အားစစ်ဆေးတွေ့ရှိခဲ့ရတယ်လို့ သတင်း ရရှိပါတယ်။ယာဉ်မောင်းဟာ တစ်အိတ် ကို သယ်ယူခ ၁၀၀၀ ကျပ်နှုန်းနဲ့သယ် ဆောင်လာကြောင်း သိရှိရပြီး နောက် နောင်ထိုသို့အကောက်ခွန်မဲ့ ပစ္စည်းများ အား သယ်ဆောင်ခြင်းမပြုရန်နဲ့ ထပ်မံ ကျူးလွန်ပါက ဥပဒေနဲ့အညီ အရေးယူ ဆောင်ရွက်ခံရမှာကို သိရှိကြောင်း ခံဝန် ချက်ပေးရန်လရ - ၁အဖွဲ့ဝင်များ ညှိနှိုင်း ဆွေးနွေးဆုံးဖြတ်ခဲ့တယ်လို့ သတင်းရရှိ ပါတယ်။  Source: လရ (၁)၊MTN

မောင်တောကူးသန်းရောင်းဝယ်ရေးစခန်းမှ ၂၀၁၂ ခုနှစ်အတွင်း တင်ပို့နိုင်ခဲ့ ခြင်းမရှိတဲ့ လဲမှို့ကို ၂၀၁၃ ခုနှစ်မေလမှာ  ကန်ဒေါ်လာ ၂၅၅၀ တန်ဖိုး၊ တန်ချိန် အားဖြင့် ၃ တန် တင်ပို့နိုင်ခဲ့ပါတယ်။ ၂၀၁၁ ခုနှစ်မှာ ၁၅၃၃ ဒေါ်လာတန်ဖိုးရှိ လဲမှို့ ၂ တန်ကျော်ကို တင်ပို့ခဲ့ပြီးနောက်ပိုင်း တင်ပို့မှုမရှိခဲ့ရာမှ ယခုအခါပျောက်နေ တဲ့ အမယ်ကို ပြန်လည်တင်ပို့လာနိုင်တာဖြစ်ပါတယ်။

ယခုတင်ပို့နေတဲ့ လဲမှို့တွေဟာ မောင်တောခရိုင်မှထွက်ရှိတာဖြစ်ပါတယ်။ ဘူးသီးတောင်ဒေသမှ လည်းကောင်း၊ မောင်တောဒေသမှလည်းကောင်း ထွက်ရှိတဲ့ လဲမှို့တွေကို ဝယ်ယူစုဆောင်းပြီး တစ်ဖက်နိုင်ငံသို့ တင်ပို့တာဖြစ်ပါတယ်။ ဒီ လဲမှို့ တွေဟာ အိမ်ခြံမှထွက်တဲ့ လဲမှို့တွေဖြစ်ပြီး စိုက်ခင်းနဲ့စနစ်တကျစိုက်ပျိုးတာ မဟုတ် ဘူးလို့ သိရပါတယ်။ တစ်ဖက်နိုင်ငံမှလည်း ဝယ်လိုအားရှိသဖြင့် ကုန်သည်များမှ လဲမှို့များ ဝယ်ယူ စုဆောင်းလျက်ရှိပြီး ဆက်လက်တင်ပို့သွားနိုင်မယ်လို့ မျှော်မှန်းထားပါတယ်။ကသရ (မတ)