မြန်မာ-တရုတ်နယ်စပ်ရှိ မူဆယ်မှ ကန်ဒေါ်လာ သုညဒသမ ၃၀၅ သန်းတန်ဖိုးရှိ ဆိုင်ကယ် ၂၃၀၅ စီးနဲ့ မြန်မာ-ထိုင်းနယ်စပ်ရှိ မြိတ်နယ်စပ်မှ ကန်ဒေါ်လာ သုည ဒသမ ၀၄၁သန်းတန်ဖိုးရှိ ဆိုင်ကယ် ၆၃ စီးကို သြဂုတ်လ ၂၉ ရက်မှ စက်တင်ဘာလ ၄ ရက်ထိကာလအတွင်းမှာအသွင်းရှိခဲ့ရာ ယခင် အပတ်ကထက် ၃၄၆ စီး ပိုသွင်းခဲ့တယ်လို့ သိရပါတယ်။ ၃ ဘီးဆိုင်ကယ် တင် သွင်းမှုကို ကြည့်မယ်ဆိုလျှင် ကန်ဒေါ်လာသုညဒသမ ၂၁၆ သန်းတန်ဖိုးရှိ ၃ဘီး ဆိုင်ကယ် ၁၅၄ စီးကို ယခုအပတ်မှာ မူဆယ်နယ်စပ်မှအသွင်းရှိတာ တွေ့ရပါတယ်။ ယခင်အပတ်က ၃ ဘီးဆိုင်ကယ် နယ်စပ်မှ အသွင်းမရှိခဲ့ပါဘူး။MIRT(DOBT)

ထိုင်းနိုင်ငံလုပ်  ARROZA တံဆိပ်ဖွဲနုဆီများ မြန်မာစားသုံးသူများအတွက် ဈေးကွက်အတွင်းသို့ စတင် ဝင်ရောက်လာတာတွေ့ရပါတယ်။   ARROZA  တံဆိပ်ဖွဲနုဆီများ အသုတ်၊ အကြော်အလှော်နဲ့  အကင်များအတွက် အထူးသင့် လျော်တယ်လို့သိရပါတယ်။  ARROZA ဖွဲနုဆီဟာ ပြစ်ခဲခြင်းမရှိဘဲ သန့်ရှင်း၍ အရသာကောင်းမွန်ခြင်း၊ ဗီတာမင်အီးနဲ့ မပြည့်ဝဆီများဟာအစားအစာမှ ကိုလက်စထရော်လ်ကို ခန္ဓာကိုယ်မှ စုပ်ယူမှုကို တားဆီးနိုင်ခြင်း၊ High Smoke Point 230.C ရှိသဖြင့် ကြော်လှော်ခြင်း၊ ကင်ခြင်း၊ မုန့်ဖုတ်ခြင်းတို့ လုပ် ဆောင်ရာမှာ အိုးမကပ်စေခြင်း၊ Gama Oryzanol 5000 ppm ပါဝင်သဖြင့် ကျန်းမာရေး အတွက်သင့်လျော်တယ်လို့ဆိုပါတယ်။ ကျန်းမာရေး ဝန်ကြီးဌာန၊ အစားအသောက်နဲ့ဆေးဝါးကွပ်ကဲရေးဌာနမှ ထောက်ခံချက်ရရှိပြီးဖြစ်၍ မြန်မာ-ထိုင်းနယ်စပ်ရှိ မြဝတီ နယ်စပ်ကုန်သွယ်ရေးစခန်းမှတစ်ဆင့်တင်သွင်းတာလို့သိရပါ တယ်။ ဈေးကွက်အတွင်းမှာ ၁ လီတာနဲ့ ၁ ဒသမ ၉ လီတာ ပလပ်စတစ်ပုလင်း များ နဲ့ စတင်ဖြန့်ချိတာဖြစ်ပြီး ဖွဲ့စည်းပုံကတော့ တစ်ဖာမှာ ၁ လီတာပုလင်း ၁၂ ပုလင်းနဲ့ ၁ ဒသမ ၉ လီတာဆန့် ၆ ပုလင်းစီ ပါရှိတယ်လို့ သိရပါတယ်။ လက်ကားဖြန့်ဈေး ၁ လီတာကို ၂၀၀၀ ကျပ်ဝန်းကျင်ရှိပြီး ပဲပုတ်စေ့ဆီ ၁ လီတာ ကို ၂၁၅၀ ကျပ်နဲ့ ပြောင်းဖူးစေ့ဆီ ၁ လီတာကို ၁၉၀၀ ကျပ် ဝန်းကျင် ဈေးပေါက်နေတယ်လို့ စုံစမ်း သိရှိရပါတယ်။ မြန်မာနိုင်ငံမှာ ဆန်စက်တွေ အများအပြားရှိပေမဲ့၊ ဖွဲနုဆီကို စီးပွားဖြစ်ထုတ်လုပ်နိုင်ခြင်းမရှိတာကြောင့်၊ ဈေး ကွက်မှာ ဖွဲနုဆီကို သီးခြားရောင်းတာ တွေ့ရခဲပါတယ်။                                       CMK

တည်ဆောက်ရေးလုပ်ငန်းများမှာ မရှိမဖြစ်အသုံးပြုရတဲ့ ဘိလပ်မြေကိုမောင်တောနယ်စပ်မှ စက်တင်ဘာ လဆန်းမှာ တန်ချိန် ၄၈၀ ကျော် တင်သွင်းခဲ့ပြီး အမှတ်တံဆိပ်ကတော့ RUBY ဖြစ်ပါတယ်။ ဒေသမှာလက်လီဈေး အနေနဲ့ တစ်အိတ် ကို ၆၂၀၀ ကျပ်နဲ့ ရောင်းချပြီးတော့ လက်ကားဈေးမှာ တစ် အိတ်ကို ၆၀၀၀ ကျပ်ဖြစ်ပါတယ်။ တည်ငြိမ်အေးချမ်းမှုများ ရှိလာပြီဖြစ်လို့ တည်ဆောက်ရေးလုပ်ငန်းများ အတွက် ဒေသအတွင်းသုံးစွဲရန် ဘိလပ်မြေအဝယ်လိုက်လာတာကြောင့်  လတ်တလောအနေနဲ့ ကုမ္ပဏီ ၂ ခုမှ ဘိလပ်မြေ တန် ၁၀၀၀ နီးပါးလောက် တင်သွင်းဖို့ ရှိနေပြီး ရှေ့ဆက်၍လည်း ယခု ထက်ပိုမိုတင်သွင်းသွားမှာဖြစ်ကြောင်း သိရပါတယ်။SWM

မြန်မာနိုင်ငံသည် လယ်ယာစိုက်ပျိုးရေးနဲ့ မွေးမြူရေး လုပ်ငန်းများ ဖွံ့ဖြိုးတိုးတက်အောင် လုပ်ဆောင်ရန် လိုအပ်တဲ့ မြေလွတ်မြေရိုင်းများ များစွာရှိပြီး သင့်တင့်မျှတတဲ့ ရာသီဥတု လည်းရှိပါတယ်။ စိုက်ပျိုးရေးနဲ့ မွေးမြူရေး ကဏ္ဍမှာ အကျိုး အမြတ် များရယူနိုင်ပြီး နယ်နိမိတ်ချင်းထိစပ်နေတဲ့ အိမ်နီးချင်း နိုင်ငံများရဲ့ လူဦးရေထူထပ်မှုနဲ့ ကျယ်ပြန့်တဲ့ ဈေးကွက်ကြီးများ ဝန်းရံတည်ရှိနေမှုအပေါ် အမိအရဆုပ်ကိုင်နိုင်ဖို့လို ပါတယ်။ နိုင်ငံတော်မှ ပို့ကုန်တိုးမြှင့် တင်ပို့နိုင်ရေးအတွက် ၂၀၁၁ ခုနှစ် သြဂုတ်လ ၁၁ ရက်စွဲပါ အမိန့် ကြော်ငြာစာ အမှတ် ၃၂/၂၀၁၁ ဖြင့် ပြည်ပ ပို့ကုန် ပစ္စည်း ၇ မျိုးအား ကုန်သွယ် လုပ်ငန်းခွန် ကင်းလွတ်ခွင့်ပြုခဲ့ရာမှာ  တိရစ္ဆာန်ထွက် ပစ္စည်း၊ ကျွဲနွားသားရေဆားနယ် အစိုများလည်း ပါရှိပါတယ်။