ပဲမျိုးစုံသတင်း

ကရင်ပြည်နယ်တွင် ပဲမျိုးစုံနှင့် ဆီထွက်သီးနှံများကို ဒေသအနှံ့အပြား စိုက်ပျိုးကြသော်လည်း သံလွင်မြစ် ကြောင်းတစ်လျှောက်ရှိ နုန်းတင်မြေနု စိုက်ခင်းများတွင် ပဲပုပ်ကို အဓိကစိုက်ပျိုးကြသည်။ ပဲပုပ်သည် စိုက်ပျိုးရန် လွယ်ကူပြီး တစ်ဧက ကုန်ကျစရိတ် သက်သာသော သီးနှံဖြစ်သောကြောင့် သံလွင်မြစ်ကမ်းတစ်လျှောက်ရှိ ကျေးရွာ များတွင် အဓိကစိုက်ပျိုးပြီး တောင်သူတွက်ခြေကိုက်သော သီးနှံဖြစ်ကြောင်းနှင့် နှစ်စဉ် မြစ်ရေကျချိန် တော်သလင်း လဆန်းတွင် စတင်စိုက်ပျိုးကြောင်းနှင့် ပြာသိုလဆန်းတွင် စတင်ရိတ်သိမ်းကြောင်း သိရသည်။ 

မြေပဲ
မကွေးတိုင်းဒေသကြီး  မကွေးဈေးကွက်၌ မကွေးမြို့နယ်အတွင်းရှိ ကျေးရွာများနှင့် မင်းဘူးခရိုင်အတွင်းရှိ ကျေးရွာများမှ မိုးမြေပဲများ လှိုင်လှိုင် ထွက်ရှိပြီး နေ့စဉ်အရောင်းအဝယ်ဖြစ်လျက်ရှိကြောင်း သိရသည်။

ပြည်ကုန်စည်ဒိုင်သည် လမ်းပန်းဆက်သွယ်ရေး အချက်အချာကျသော ပြည်မြို့တွင် ဖွင့်လှစ်ထားသောကြောင့် ပဲမျိုးစုံ အရောင်းအဝယ်မှာ ကောင်းမွန်လျက်ရှိသည်။
မတ်ပဲ

ပြည်ကုန်စည်ဒိုင်တွင် ယခုနှစ် ဇူလိုင်လနောက်ဆုံးပတ်နှင့် ယခင်နှစ် ဇူလိုင်လ နောက်ဆုံးပတ်တွင် အရောင်းအဝယ်ဖြစ်ခဲ့ သော ပဲဈေးနှုန်းများအား နှိုင်းယှဉ်ကြည့်လျှင် ပဲဈေးနှုန်းများ မြင့်တက်လာကြောင်း သိရသည်။ 
မတ်ပဲ

ပဲခူးတိုင်းဒေသကြီး ပြည်မြို့ရှိ  ပဲမျိုးစုံဈေးကွက်တွင် နေ့စဉ် အရောင်းအဝယ်ဖြစ်လျက်ရှိသော ပဲများတွင် မတ်ပဲ၊ ပဲစင်းငုံသီးနှံများမှာ ဈေးပြိုင်မြင့်တက်လျက်ရှိပြီး ကုလားပဲ နှင့် ပဲကြီးသီးနှံများအနေဖြင့်  ပြည်ပဝယ်လိုအားကောင်းသော မတ်ပဲ၊ ပဲစင်းငုံ သီးနှံများကဲ့သို့ ဈေးကောင်းရရှိမှု မရှိခဲ့ဘဲ ယခုနှစ်မှာ ဈေးအေးနေသော ပဲသီးနှံများဖြစ်ခဲ့ကြောင်း သိရ သည်။ ယခုကာလတွင် အဆိုပါ ပဲများအားလုံး ပဲသစ်ပေါ်ချိန် မဟုတ်သဖြင့် ပဲအဝင်အနည်းငယ်နှင့် လက်ကျန်ပဲများရှိမှု အပေါ် အရောင်းအဝယ်ဖြစ်လျက်ရှိနေခဲ့သည်။ ယခုနှစ် အတွင်း ဈေးမြင့်တက်မှုရှိခဲ့သော မတ်ပဲ၊ ပဲစင်းငုံသီးနှံနှင့် ယခုနှစ်တွင် ဈေးငြိမ်နေခဲ့သော ပဲ