ပဲမျိုးစုံသတင်း

မအူပင်မြို့နယ်တွင်  ကျေးရွာ အုပ်စု ၇၆ အုပ်စုရှိပြီး ယခုနှစ်တွင် စိုက် ဧက  ၆၁၁၈၈ ရှိပြီး ပျမ်းမျှအထွက်နှုန်း  ၁၇ ဒသမ၂၉  တင်းနှုန်းဖြင့် ၁၀၅၇၉၄၁  တင်း  ထွက်ရှိပြီး  ပဲတီစိမ်း စိုက်ဧက ၂၃၄၈  ဧကရှိပြီး  ပျမ်းမျှအထွက်နှုန်း ၁၈ဒသမ ၃၆)ထွက်ပြီး ၄၃၁၀၉  တင်း ထွက်ရှိနိုင်ကြောင်း   မအူပင်မြို့နယ် လယ်ယာမြေ  စီမံခန့်ခွဲရေးနှင့် စာရင်း အင်းဦးစီးဌာန၏ စာရင်းများအရ သိရှိ ရသည်။

ဧရာဝတီတိုင်းဒေသကြီး ဟင်္သာတမြို့ ပဲမျိုးစုံကုန်စည်ဒိုင်၏ နေ့စဉ် အရောင်းအဝယ်ဖြစ်လျက်ရှိသော ဈေးနှုန်းများအရ  ဧပြီလ စတုတ္ထပတ်မှစတင်ပြီး မတ်ပဲ တစ်တင်းလျှင် ကျပ် ၇၀ဝ၀ဝ အထက် ရောက်ရှိလာကြောင်း သိရသည်။ 

ဖေဖော်ဝါရီ ၄ရက်မှ ၁၇ ရက်ထိ ကာလအတွင်း  ပင်လယ်ရေကြောင်း ကုန်သွယ်မှုနှင့် နယ်စပ်ကုန်သွယ်ရေး စခန်းများမှ ပဲတီစိမ်း၊ ပဲစင်းငုံနှင့် မတ်ပဲ  တင်ပို့မှုများအား  စုစည်းဖော်ပြပေး လိုက်ပါသည်။ 
ပဲတီစိမ်း

ပြည်ကုန်စည်ဒိုင်၏ ဖေဖော်ဝါရီလဒုတိယပတ်တွင် မတ်ပဲတစ်တင်းကို ကျပ် ၆၁၀ဝ၀-၆၁၅၀ဝ ဖြင့် တစ်ရက်ကို အိတ် ၂၀ဝ-၃၀ဝ ခန့် အရောင်းအဝယ်ရှိခဲ့သည်။ တတိယပတ်တွင်  မတ်ပဲတစ်တင်းကို ကျပ် ၆၂၀ဝ၀ ဖြင့် တစ်ရက်ကို အိတ်  ၄၀ဝ- ၅၀ဝ ခန့် လှောင်သမားနှင့် ရန်ကုန်အဝယ်ရှိခဲ့သည်။  ပြည်ကုန်စည်ဒိုင်တွင် ပဲစင်းငုံတစ်တင်းကို ကျပ် ၆၅၀ဝ၀ ဖြင့် တစ်ရက်ကို ရန်ကုန်အဝယ် အိတ် ၄၀ဝ-၅၀ဝ ခန့် ရှိခဲ့သည်။ ဖေဖော်ဝါရီလ တတိယပတ်တွင် ပဲစင်းငုံတစ်တင်းကို ကျပ် ၆၆၀ဝ၀ ဖြင့် လှောင်သမားနှင့် ရန်ကုန်အဝယ် တစ်ရက်ကို အိတ် ၅၀ဝ-၆၀ဝ ခန့် အဝယ်ရှိသည်။ ဖေဖော်ဝါရီလ တတိယပတ်တွင် ပဲစင်းငုံတစ် တင်းကို ကျပ် ၁၀ဝ၀ ခန့် ဈေးတက်ခဲ့သည်။

           မြန်မာနိုင်ငံမှ ပြည်ပသို့ ပဲမျိုးစုံတင်ပို့မှုတွင် ပင်လယ်ရေကြောင်းနှင့်နယ်စပ်မှ တင်ပို့နေပြီး  နိုင်ငံပေါင်း ၆၀ ခန့်ကို တင်ပို့လျက်ရှိကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။ပြည်ပသို့ ပဲမျိုးစုံတင်ပို့မှုတွင်နိုင်ငံပေါင်း ၆၀ ခန့်ကို တင်ပို့လျက်ရှိပြီး အိန္ဒိယ၊ တရုတ်၊ စင်ကာပူ၊ ပါကစ္စတန်၊ ဗီယက်နမ်၊ အင်ဒိုနီးရှား၊ ဘင်္ဂလားဒေ့ရှ်၊ ယူအေအီး၊ မလေးရှား၊ စသည်နိုင်ငံများစွာအပြင်မြန်မာနိုင်ငံအနေဖြင့် ပြည်တွင်းမှ ထွက်ရှိသည့် ပဲမျိုးစုံများအနက် မတ်ပဲ၊ ပဲတီစိမ်း၊ ပဲစင်းငုံ စသည့် ပဲအမျိုးအစားသုံးခုကို ပြည်ပသို့ အများဆုံး တင်ပို့နေခြင်းဖြစ်ကြောင်း သိရသည်။