ပြည်တွင်းအိမ်ခြံမြေသတင်း

မြေပြင်သတင်းအချက်အလက်များကို လုပ်ငန်းခွင်မစတင်မီ ကြို တင်သိနိုင်မည့် GIS(Geospatial Information System) နည်းပညာအသုံးချရေး သင်တန်းဖွင့်လှစ်                   Myanmar Credent Technology ကုမ္ပဏီမှ မြေပြင်သတင်းအချက် အလက်များကိုလုပ်ငန်းခွင်မစတင်မီ ကြိုတင်တိုင်းတာသိရှိနိုင်မည့်  GIS (Geospatial Information System) Soft ware  နည်းပညာအသုံးချရေး သင်တန်းကို မန္တလေးမြို့ ပုသိမ်ကြီးမြို့နယ်၊ ဆည်မြောင်းပညာရပ် ဖွံ့ဖြိုးမှုလေ့ကျင့်ရေးဌာနခွဲ (အထက်မြန်မာပြည်)မှာ မေ ၁၈ ရက်မှ ၂၇ ရက်အတွင်း သင်ကြားပေးခဲ့ကြောင်း သိရပါတယ်။                 အဆိုပါသင်တန်းကို ဆည်မြောင်းဌာနမှ သင်တန်းသား၊ သင်တန်းသူနဲ့ လေ့ လာသူ အရာရှိဝန်ထမ်း ၂၅ ဦး တက်ရောက်ခဲ့ပါတယ်။ သင်တန်းတွင် ဆရာကြီး ဦးမောင်မောင်ဝင်း၊ ပညာရှင် ဦးကျော်ဇေယျာထွန်းနဲ့ ဒေါ်ကေသီဦးတို့ကGIS Soft ware နည်းပညာဖြင့် ဆည်မြောင်းနဲ့ပတ်သက်လို့ မြေအနိမ့်အမြင့် ကဏ္ဍနဲ့ မြေပြင်မရောက်ခင် ရေနေမှုအနေအထား ကြိုတင်ပြင်ဆင်သည့် ကဏ္ဍများကို သင်ကြားပို့ချခဲ့ပါတယ်။    ဆရာကြီး ဦးမောင်မောင်ဝင်းက ''ကိုရီးယားအေဂျင်စီ  KOIKA က အန်ကယ်တို့ရဲ့ GIS ကိုဝယ်ပြီးလှူတဲ့အတွက် အန်ကယ်တို့က Software Solution ၊ Technology ၊ Training Program  ပို့ချပေးခဲ့တယ်။ ၁၉၉၉-၂ဝဝဝ ခုနှစ်က စပြီး နည်းပညာအသုံးပြုပြီး GIS Software  ကိုင်တွယ်တတ်အောင် သင်ပေးခဲ့တယ်။ မန္တလေးမှာ လာသင်တာ ပထမဆုံးအကြိမ် သင်တန်းပါ။ သင်တန်းမှာ ဆည်မြောင်းဌာနနဲ့ကိုက်ညီတဲ့ လေ့ကျင့်ခန်းလုပ်ခိုင်းတယ်။ွျှater Management  နဲ့ပတ်သက်တာ၊Water Shed  နဲ့ပတ်သက်တာကို တည်းဖြတ်ခိုင်းတယ်။ သင်တန်း ဆင်း Certificate လက်မှတ်ကိMyanmar Credent ကုမ္ပဏီက ချီးမြှင့်ပေးသွား မယ်''ဟု ပြောပါတယ်။ ဇူူးဇူူး

ဘရစ်(ချ်)စတုန်းမှ တာယာဈေးတက်ဖို့ပြင်                    နယူးဇီလန်နိုင်ငံက အကြီးဆုံးတာယာထုတ်လုပ်ရေးဖြစ်တဲ့ ဘရစ်(ချ်) စတုန်းကုမ္ပဏီက ကားတာယာဈေးနှုန်းကို ၁၆ ရာခိုင်နှုန်းအထိ မြှင့်တင်မယ်လို့ သိရပါတယ်။ ရော်ဘာကဲ့သို့ ကုန်ကြမ်းတွေ ဈေးမြင့်တာကြောင့် ဒီလိုဈေးနှုန်း တက်ရတာဖြစ်ကြောင်း ဘရစ်(ချ်)စတုန်းကုမ္ပဏီရဲ့ စီးပွားရေးဌာန ညွှန်ကြားရေးမှူးကပြောကြားခဲ့ပါတယ်။ တကယ်လို့ ကုန်ကြမ်းဈေးတွေ မကျခဲ့ဘူးဆိုရင် နောင်လဲထပ်မံဈေးတက်ဖို့ရှိကြောင်း ၎င်းကပြောကြားခဲ့ပါတယ်။ ဘရစ်(ချ်)စတုန်း ကတော့ ၎င်းတို့ရဲ့ မူပိုင်အမှတ်တံဆိပ်ကို ဈေးမတင်ခဲ့ပေမယ့် ဖိုင်းယာစတုန်း အမျိုးအစားထဲက လူကြိုက်အများဆုံး တာယာတွေကိုတော့ ၉ ရာခိုင်နှုန်းဈေးမြှင့်ပြီး ၁ဝ ဒေါ်လာလောက် ဈေးတက်မှာဖြစ်ကြောင်း ပြောကြားခဲ့ပါတယ်။ လာမယ့်လကစပြီး အသုံးများတဲ့အမျိုးအစားတာယာရဲ့ ဈေးကို ၁၆ ရာခိုင်နှုန်း တိုးမြှင့်မှာ ဖြစ်ပြီး စီးပွားရေးလုပ်ငန်းသုံး တာယာနဲ့ ကျွတ်တွေရဲ့ ဈေးနှုန်းကိုတော့ ဇူလိုင် ၁ရက်ကစပြီး ၅ ရာခိုင်နှုန်းတိုးမြှင့်မှာဖြစ်ကြောင်းသိရပါတယ်။ ဂွတ်ရီးယား ကုမ္ပဏီကတော့ ယခုနှစ်စမှာ ဈေးနှုန်းတိုးခဲ့ပေမယ့် ထပ်မံဈေးတက်ဖို့တော့ အစီအစဉ်မရှိသေးကြောင်း သိရပါတယ်။ တာယာဈေးကွက်မှာ ပြိုင်ဆိုင်မှုတွေ များနေပြီး မော်တော်ကားရောင်းဝယ်ရေးတွေ ကောင်းနေကြောင်း မော်တော်ကားအသင်းက ပြောပါတယ်။ လူသုံးများတဲ့ တာယာတွေရဲ့ရောင်းအား တက်နေတယ်လို့ မော်တော်ကားရောင်းဝယ်သူများကပြောကြောင်း သိရပါတယ်။ ဒါ့အပြင် ပြီးခဲ့တဲ့နှစ် အောက်တိုဘာလကစပြီး ရော်ဘာဈေးတွေလဲ အဆက်မပြတ်တက်ခဲ့ကာ ၂ဝ၁၁ခုနှစ် ဖေဖော်ဝါရီက ၁ ပေါင်ကို ၂ ဒသမ ၈ ဒေါ်လာ အထိမြင့်တက်ခဲ့ကြောင်း သိရပါတယ်။ ှSource;Internet, KZW 

အဝေးပြေးကုန်တင်ယာဉ်ရပ်နားစခန်းနဲ့ ကုန်စည်ဒိုင်များတည်ဆောက်ရေးစီမံကိန်း ဆောက်လုပ်မှုအချို့ ၅ဝ ရာခိုင်နှုန်းကျော် တည်ဆောက်ပြီး                  မန္တလေးမြို့ ၆၃ လမ်းနှင့် ၆၆ လမ်း ကြား၊ ထုံးဘိုဖြတ်လမ်းနှင့် ကနောင်မင်း သားကြီးလမ်းကြား စွယ်တော်မြတ် စေတီတော်အနီးတွင် အဝေးပြေး ကုန်တင်ယာဉ်ရပ်နားစခန်းနှင့် ကုန်စည်ဒိုင် များ တည်ဆောက်ရေး စီမံကိန်းတွင် ဆောက်လုပ်လျက်ရှိသော ဆောက်လုပ်မှုအချို့မှာ ၅ဝ ရာခိုင်နှုန်းကျော် ဆောက်ပြီးတာ တွေ့ရပါတယ်။ ဆောက်လုပ်ရေးကုမ္ပဏီတစ်ခုမှ တာဝန်ရှိသူတစ်ဦးက '' ကုမ္ပဏီ ခုနစ်ခု က လူနေဆိုင်ခန်း နှစ်ထပ်အဆောက် အအုံ ဆောက်လုပ်တယ်။ အဆောက်အအုံ ဆောက်လုပ်နေတာ ၇၅ ရာခိုင်နှုန်းကျော် ပြီးစီးတာလည်းရှိတယ်။ အရှေ့ဘက်က အဆောက်အအုံတွေဆို ဆေးသုတ်ပြီးပြီးဆိုတော့ ၈၅ ရာခိုင်နှုန်း ပြီးတယ်လို့ ပြောရမယ်။ ခုမှစလုပ်နေတဲ့ လုပ်ငန်းတွေလည်းရှိတယ်။ လေးထပ် အဆောက်အအုံနဲ့ နှစ်ထပ်အဆောက် အအုံတွေ ဆောက်လုပ်နေတယ်။ ကိုယ့် ကုမ္ပဏီအလိုက် ခွဲထားတယ်။ ကျွန် တော်တို့က ပေ ၂၅ xပေ ၆ဝ အကျယ် မှာ ခြောက်ခန်းတွဲ နှစ်ထပ်အဆောက် အအုံ အာစီဆောက်နေတာ။ မြေညီ ထပ်မှာ ရေချိုးခန်း၊ အိမ်သာပါမယ်၊ ပထမထပ်မှာ အိတ်ခန်းတစ်ခန်းပါမယ်။ ကားပါကင်က ကားထိုးလို့ရအောင် ၅၂ ပေအကျယ် ပြုလုပ်ထားတယ်''လို့ ပြော ပါတယ်။                 အဆိုပါစီမံကိန်းအကောင်အထည် ဖော်ရာတွင် မြို့ပြအင်္ဂါရပ်နှင့်အညီ ကုန်သွယ်မှုပြုရာတွင် အဆင်ပြေစေရန် အတွက် အကျယ်အဝန်း ၆၂ ဒသမ ဝ၈ ဧကရှိ မြေနေရာတွင် အကောင် အထည်ဖော် ဆောင်ရွက်လျက်ရှိပြီး မြေသားလမ်းနှင့် ကွန်ကရစ်လမ်းခင်း ခြင်းမှာ ရာနှုန်းပြည့်နီးပါး ပြီးစီးပြီ ဖြစ်ပါတယ်။ စီမံကိန်းဧရိယာအတွင်းတွင် ကား ရပ်နားရန် ဧရိယာ ၂ ဒသမ ၂၉ ဧက၊ ကွန်တိန်နာကွင်း ဧရိယာ ၄ ဒသမ ၆၃၃ ဧက၊ ကွပ်ကဲရေးဇုန် ဧရိယာ ၄ ဒသမ ၇၂ ဧက၊ ပွဲရုံနှင့်ကုန်စည်ဒိုင်များ ဇုန် ဧရိယာ ၁၃ ဒသမ ၁၁ ဧက၊ သိုလှောင်ရုံများဇုန် ဧရိယာ ၃ ဒသမ ၅၉ ဧက၊ အထောက်အကူပြုလုပ်ငန်းများ ဇုန် ဧရိယာ ၇ ဒသမ ၄၁ ဧက၊ ဝန်ဆောင်မှုလုပ်ငန်းများဇုန် ဧရိယာ ၃ ဒသမ ၅၆ ဧက၊ အကောက်ခွန်နှင့် စစ်ဆေးရေးဇုန် ဧရိယာ ၃ ဒသမ ၂၁ ဧကနှင့် တည်ဆောက်ရေးလုပ်ငန်းများ အဖြစ်ဇုန် ကိုးခုကို ယခုနှစ်ကုန်တွင် တည်ဆောက်ပြီးစီးရန် ခန့်မှန်းထား ကြောင်း သိရပါတယ်။ အဝေးပြေး ကုန်တင်ယာဉ်ရပ်နား စခန်းနှင့် ကုန်စည်ဒိုင်များ တည်ဆောက်ခြင်းကို ၂ဝ၁ဝ ခုနှစ် နှစ်လယ် ကစ၍ အကောင်အထည်ဖော် တည်ဆောက်ခဲ့ရာ စီမံကိန်းဧရိယာအတွင်း ပေ ၁ဝဝ နှင့် ပေ ၈ဝ အကျယ်ရှိ လမ်းများ အပါအဝင် ဂိတ်ကြီး ခြောက်ခု၊ ဂိတ်ငယ် တစ်ခု၊ ယာဉ်စစ်ဆေးရုံး နှစ်ခု၊ X- Ray ပေ တစ်ခု၊ ပေ ၈ဝ x ပေ ၂ဝဝ အကျယ်ရှိ ဂိုဒေါင်ငါးလုံး၊ အကောက် ခွန်လုပ်ငန်းဆိုင်ရာ ရုံးများ၊ ဟိုတယ်၊ မိုတယ်နှင့် မီးသတ်စခန်းများပါဝင်၍ ယာဉ်ရပ်နားရန်နေရာတွင် ကုန်တင်ယာဉ် ၁၁၉ စီး တစ်ပြိုင်တည်းရပ်နား ရန်နှင့် ကုန်တင်ကုန်ချလုပ်ငန်းများ ဆောင်ရွက်နိုင်မည်ဖြစ်ကြောင်း သိရပါတယ်။ ဇူူးးဇူူးး

အမြင့်ဝိုင်းထက် အနိမ့်ဝိုင်းမှာ အလုပ်ဖြစ်နေသည့် ကားဈေးကွက်                   ယခုလအတွင်း ကားဈေးကွက် သည်လည်း ထူးထူးခြားခြားပြောင်းလဲ ကောင်းမွန်လာသည့် အခြေအနေ၏ မတွေ့ရဘဲ ကဲျကဲျနှင့် နည်းနည်းသာ အလုပ်ဖြစ်နေသည်ကိုတွေ့ရပြီး ဟံသာဝတီကားဝိုင်းတွင် သြင်္ကန်ကာလပြီး နောက်ပိုင်း အရောင်းအဝယ်ဖြစ်မှု အခြေအနေမှာ အားရစရာမကောင်းလှဘဲ ကားနှစ်စီးသာ အရောင်းအဝယ် ဖြစ်ခဲ့ကြောင်း ကားပွဲစားတစ်ဦး၏ ပြောပြချက်အရ သိရသည်။                   သို့သော် အနိမ့်ပိုင်းဖြစ်သည့် ကျောက်မြောင်းကားဈေးကွက်တွင်မူ အရောင်းအဝယ်ဖြစ်မှု ယခင်ထက် ပိုမို များပြားခဲ့သည်ဟုသိရသည်။ အောက်ဝိုင်းမှ ကားပွဲစားတစ်ဦးဖြစ်သူ ကိုခင်မောင်သိန်းက ''ဈေးကွက်က အရင်က လောက် မကောင်းတော့တာ အမှန်ပါပဲ။ ဒါပေမယ့် သြင်္ကန်ပြီးနောက်ပိုင်း အနိမ့်ကားတွေ အရောင်းအဝယ်ဖြစ် ပါတယ်။ အခုဒီလထဲမှာတင် နှစ်စီး၊ သုံးစီးထွက်သွားပြီ''ဟု ပြောပြသွားခဲ့ သည်။                    လက်ရှိအချိန်တွင် အမြင့်ကားများထက် အနိမ့်ကားများမှာ အရောင်း အဝယ်ဖြစ်လျက်ရှိနေပြီး အငှားလိုက်မှု များနေသေးကြောင်းလည်း သိရသည်။ စီအန်ဂျီ တပ်ဆင်ထားသည့် ကားများ မှာမူ အရောင်းအဝယ်မျက်နှာပန်းလှ၍ ဈေးအရာလည်း အဆင်ပြေနေကြောင်း သိရသည်။ မင်းချို

သိန်းထောင်ချီလေ စိတ်ဝင်စားလေ                  အိမ်ခြံမြေဈေးကွက် အရှိန်အဟုန်ကောင်းလာချိန်တွင် ကွန်ဒိုများ၊ လုံးချင်း များ၊ တိုက်ခန်းများ၊ အရောင်းအဝယ် ဖြစ်လျက်ရှိနေကာ မြေနေရာများမှာလည်း ရင်းနှီးမြှုပ်နံှသူတို့ မျက်စိကျစိတ်ဝင်စားလာကြပြီး သိန်းထောင်ချီတန် သည့် မြေနေရာကွက်များကို ပိုမိုရင်းနှီး မြှုပ်နံှလာကြကြောင်း သိရသည်။ အရောင်းအဝယ်ဖြစ်မှု အပိုင်းမှာ လည်း ယခင်ထက်မြင့်တက်လာခဲ့ပြီး ရောင်းသူ၊ ဝယ်သူတို့ ဘက်မျှနေကြကြောင်း သိရသည်။ သိန်းငါးထောင်နီး ပါးအကွက်များမှာ ပိုမိုစိတ်ဝင်စားလာ ကြသည်ကို တွေ့ရသည်။ သြင်္ကန် ကာလပြီးနောက်ပိုင်းတွင် ၁ဝ မိုင်ကုန်း နှင့် စော်ဘွားကြီးကုန်းဘက်တွင် သိန်း နှစ်ထောင်ကျော် မြေနေရာများ အရောင်းအဝယ် ဖြစ်ခဲ့ကြောင်း ကျောက်တံတားမြို့နယ်ရှိ အိမ်ခြံမြေ အကျိုးဆောင်လုပ်ငန်းတစ်ခုမှ တာဝန် ရှိသူတစ်ဦးက ပြောပြခဲ့သည်။                     ရင်းနှီးမြှုပ်နံှသူ အများစုကြောင့် သာ အိမ်ခြံမြေဈေးကွက်မှာ အရောင်း အဝယ် ဖြစ်လျက်ရှိနေကာ အမှန် တကယ်နေထိုင်လိုသူများ၏ ဝယ်ခြင်း နည်းပါးနေသေးသည်ဟု သိရသည်။ အိမ်ခြံမြေဘက်သို့ ရင်းနှီးမြှုပ်နံှသူများ အာရုံကျလာရခြင်းမှာ ရွှေဈေးကွက် မတည်ငြိမ်ခြင်း နိုင်ငံခြားငွေဈေး အတက်အကျ ပြောင်းလဲမှုများနေခြင်း နှင့် ကားဈေးကွက် တုံ့ဆိုင်းနေခြင်း တို့ကြောင့်ဖြစ်သည်ဟု ကျွမ်းကျင်သူ တချို့က သုံးသပ်နေကြသည်။ရန်ကုန် မြို့တွင်သာမကဘဲ ပဲခူး၊ နေပြည်တော်၊ တိုက်ကြီးစသည့် မြို့များနှင့် မန္တလေး မြို့များတွင်ပါ လုံးချင်းများထက် မြေကွက်များမှာ ပိုမိုအရောင်းအဝယ်ဖြစ် နေကြောင်း သိရသည်။ မင်းးချို