ရှမ်းပြည်နယ်တောင်ပိုင်းက လဲချားကုန်စည်ဒိုင်ဈေးကွက် ကို မေတတိယပတ်ကစပြီး ဒေသထွက် ခရမ်းစွဲကြက်သွန်ဖြူ များ ဝင်ရောက်ခဲ့ပြီး၊ ဈေးကလည်း တစ်နေ့တခြား ခပ်စွာစွာ မာလာခဲ့ပါတယ်။ လဲချားကုန်စည် ဒိုင်ကို ခရမ်းစွဲကြက်သွန်ဖြူ များ မေ ၁၈ ရက်က ဈေးကွက်ဝင်ရောက်လာချိန်မှာ (အမြိတ် ပါ) တစ်ပိဿာကို ၉၀၀ ကျပ်နဲ့ ဈေးဖွင့်ခဲ့ရာက မေ ၂၉ ရက်မှာတော့ ၁၃၅၀ ကျပ်အထိဈေးပေါက်ခဲ့ပြီး မေ ၁၈ ရက် က ၂၅ ရက်အထိ လဲချားမှ ကျိုင်းတုံနဲ့တာချီလိတ်မြို့ များသို့ ပိဿာချိန် ၁၅၀၀၀၀ ခန့် တင်ပို့ရောင်း ချခဲ့ကြောင်း လဲချား ကုန်စည်ဒိုင်မှ အတွင်းရေးမှူး ဒေါ်နမ်းခမ်းလူကပြောပါတယ်။ ၎င်း ကဆက်လက်ပြောကြားရာမှာ အခုလိုဈေးကောင်းရပြီး ကျယ်ပြန့်စွာတင်ပို့နိုင် တာက ရှမ်းပြည်နယ်ပို့ကုန်မြှင့်တင် ရေး ဦးစီးဌာနက လဲချားကုန်စည်ဒိုင်ကို စနစ်တကျဖွဲ့ စည်းပေး ခဲ့တာကြောင့် ဒေသထွက်သီးနှံများ ကျယ်ပြန့်သော ဈေးကွက် နဲ့ ခိုင်မာသောဈေးနှုန်းကိုရရှိစေတဲ့အပြင် လဲချားမြို့မှ မိုင်းတုံ-တာချီလိတ်အထိ တင်ပို့ရောင်းချရာမှာလည်း ဒေသတွင်းနဲ့ လမ်းကြောင်းတစ်လျှောက်ရှိ ကုန်သွယ်မှုအတားအဆီးများ လျော့နည်းစေရန် အခက်အခဲတချို့ကို ဒေသအာဏာပိုင် အသီးသီးနဲ့ ပေါင်းစပ် ညှိနှိုင်း ဖြေရှင်းပေးခဲ့တာကြောင့် ဖြစ် ကြောင်းသိရပါတယ်။ လဲချားမြို့ခံ ဝါရင့်ကြက်သွန်ဖြူ စိုက်ပျိုးထုတ်လုပ်သူ တောင်သူကြီး ဦးထွန်းအေးကလည်း ယခင်နှစ်က လဲချား ခရမ်းစွဲကြက်သွန်ဖြူ တစ်ပိဿာကို ၃၀၀ ကျပ်၊ ၃၅၀ ကျပ် ဈေးသာရခဲ့ပြီး၊ ယခုနှစ်ကြက်သွန်ဖြူပေါ် ချိန်မှာ ဈေးကွက်ကို လွယ်ကူချောမွေ့စွာ တင်ပို့နိုင်ကြလို့ ဝယ်လက်ကုန်သည်များ ကလည်း ဈေးပေးဝယ်ယူ ခဲ့ကြတာကြောင့်  ဒီနှစ်ကြက်သွန်ဖြူ စိုက်ပျိုးခဲ့မှုအတွက် ကျေနပ်အားရဝမ်းသာပျော်ရွှင်ကြောင်း ပြောကြားခဲ့ ပါတယ်။            မင်းအောင်-တောင်ကြီး

ပင်လယ်ရေကြောင်းလမ်းမှ မေလ ၁၉ ရက်မှ ၂၅ ရက်နေ့အတွင်း နနွင်း ၁၄၄ တန်ကိုတင်ပို့ခဲ့ပါတယ်။ ဒီတစ် ပတ် တင်ပို့မှုမှာ မလေးရှားနိုင်ငံကို ၅၈ တန်နဲ့ ပါကစ္စတန်နိုင်ငံ ကို ၈၆ တန်တင်ပို့ခဲ့တယ်လို့ သိရပါတယ်။ ဒီတစ်ပတ်တင်ပို့မှု မှာ ပါကစ္စတန်နိုင်ငံကို အများဆုံးတင်ပို့နိုင်ခဲ့ပါတယ်။ ယခင် သီတင်းပတ်မှာ နနွင်းတင် ပို့မှုမှာ တန် ခုနှစ်ဆယ်ကျော်သာ ရှိခဲ့တာကြောင့် ဒီတစ်ပတ်မှာ တန်ခုနှစ်ဆယ် ကျော်ပိုမိုတင် ပို့ နိုင်ခဲ့ပါတယ်။FOB ဈေးက တစ်တန်ကို ကန်ဒေါ်လာ လေးရာ့ ရှစ်ဆယ်နီးပါးရရှိခဲ့တယ်လို့ သိရပါတယ်။ မေလ ၁ ရက်မှ ယနေ့အထိ နနွင်းတင်ပို့ခဲ့တဲ့ တန်ချိန်မှာ တန်ချိန် သုံးရာ့ ရှစ်ဆယ်ကျော် ရှိခဲ့ပါတယ်။ ရရှိခဲ့တဲ့ ဝင်ငွေမှာ ကန် ဒေါ်လာ နှစ်သိန်းေ ကျာ်ရရှိခဲ့တယ်လို့ သိရပါတယ်။                                             MIRT (DOT)

အောင်ပန်းဈေးကွက်မှာ ချင်း(စို) ဝင်ရောက်မှုနည်းနေပါတယ်။ တောင်သူတွေ မှာလည်း လက်ကျန် မရှိတော့ဘဲ ပွဲရုံလက်ကျန်သာကျန်ရှိပါတော့တယ်။ အောင်ပန်း ပွဲရုံတွေနဲ့ ကုန်သည်တွေကတော့ ဟိုပုံး၊ နမ့်စန်တွေထိ ဆင်းပြီး၊ ဝယ်ယူနေတာ ကြောင့် ဟိုပုံး၊ နမ့်စန်မှာလည်း လက်ကျန်မရှိသလောက်ဖြစ်နေပါပြီ၊ နယ်စပ် လမ်း ကြောင်းဖြစ်တဲ့ တမူး၊ စစ်တွေမှတစ်ဆင့် အိန္ဒိယ၊ ဘင်္ဂလားဒေ့ရှ်က အဆွဲများနေတာ ကြောင့် ချင်းအဝင်ရှိသလောက်၊ အဝယ် ကလည်းရှိနေပါတယ်။ ပြည်ပတင်ပို့မှုများ နေလို့ ချင်း(စို)က ဒီတစ်ပတ်မှာ ဈေးအတော်မြောက်လာ ပါတယ်။အနိမ့်ဆုံး တစ် ပိဿာ ၇၅၀ ကျပ်မှ အမြင့်ဆုံး ၁၀၅၀ ကျပ်ဈေးရှိပါတယ်။ ချင်းခြောက် ကတော့ ပြည်တွင်း သုံးအတွက်သာ ဝယ်ယူမှုရှိနေပေမယ့် သူလည်းလှောင် လက်တွေ ပြန်ဝယ် နေတာကြောင့် အရောင်းအဝယ်ဖြစ်နေ ပါတယ်။ တစ်ပိဿာဈေးက ၁၂၀၀ ကျပ် ဈေးရှိပါတယ်။

မေလ ၁၉ ရက်မှ ၂၅ ရက်ထိ ကာလအတွင်းမှာ ပင် လယ် ရေကြောင်းကုန်သွယ်မှုမှ စင်္ကာပူနိုင်ငံသို့ ကန်ဒေါ်လာ ၁ ဒသမ ၀၆၅ သန်းတန်ဖိုးရှိ ရော်ဘာ MSR 20  ၄၄၃ တန်ကျော်နဲ့  RSS 3 ၁၈တန်ကို တင်ပို့နိုင်ခဲ့ပါတယ်။ ယခင် အပတ်က တန် ၇၀၀ ကျော်တင်ပို့နိုင်ခဲ့တဲ့အတွက် ယခု အပတ်မှာ တန် ၂၀၀ ကျော် လျော့နည်းခဲ့ပါတယ်။ နိုင်ငံ တကာ ရော်ဘာဈေးများမှာလည်း ယခင်အပတ်ကထက် တစ်တန်လျှင် ဒေါ်လာ ၁၀၀ ခန့် ဈေးကျသွားတာကိုတွေ့ရ ပါတယ်။ ပြည်ပပို့မဲ့ ရော်ဘာဈေးများကတော့  RSS 1 တစ်တန်လျှင် ဒေါ်လာ ၂၅၀၀ -၂၆၀၀၊  RSS 2 တစ်တန်လျှင် ဒေါ်လာ ၂၄၀၀- ၂၅၀၀၊  RSS 3 နဲ့ MSR 50 တစ်တန် လျှင်ဒေါ်လာ ၂၃၀၀- ၂၄၀၀၊MSR 10 တစ်တန်လျှင် ဒေါ်လာ၂၄၅၀- ၂၅၅၀၊MSR 20 တစ်တန်လျှင်ဒေါ်လာ ၂၄၀၀- ၂၅၀၀၊ Creep Rubber  တစ်တန်လျှင် ဒေါ်လာ ၂၂၀၀- ၂၃၀၀ ဖြစ်ကြောင်းမြန်မာနိုင်ငံရော်ဘာစိုက်ပျိုး ထုတ် လုပ်သူများအသင်းက ထုတ်ပြန်ထားပါတယ်။ယဉ်ယဉ်အေး DCCA