ပဲမျိုးစုံဝယ်ယူမှုအတွက် အရှုံးကို အိန္ဒိယအစိုးရက ပြန်ပေးမယ်              အိန္ဒိယအစိုးရဟာ အေဂျင်စီများကို လက်ရှိမိုးရာသီထွက် ပဲမျိုးစုံနဲ့ ဆီထွက်သီးနံှများကို ဈေးနှုန်းထောက်ပံ့မှု အစီအစဉ် (PSS ) အရ လယ်သမား များထံက ဝယ်ယူဖို့ ခွင့်ပြုထားကြောင်းနဲ့ ယင်းဝယ်ယူရာမှာ နစ်နာဆုံးရှုံးမှု အတွက် ၁၅ ရာခိုင်နှုန်းကို အစိုးရမှ ပြန်လည်ပံ့ပိုးသွားမယ်လို့ သိရပါတယ်။               စီးပွားရေးရာ ဝန်ကြီးများကော်မတီက စက်တင်ဘာလမှာ အမိုျးသား သမဝါ ယမ စားသုံးသူအသင်း (NCCF) နဲ့ဗဟိုသိုလှောင်ရေးကော်ပိုရေးရှင်း (CWC) တို့ကို Nafed  နဲ့အတူ ပဲမျိုးစုံနဲ့ ဆီထွက်သီးနံှများ ဝယ်ယူဖို့ခွင့်ပြုခဲ့တာဖြစ်ပါ တယ်။         အစောပိုင်းက အစိုးရဟာ နိုင်ငံတော်အေဂျင်စီဖြစ်တဲ့ Nafed တစ်ခုထဲ ကိုသာ PSS စနစ်နဲ့ ပဲမျိုးစုံနဲ့ ဆီထွက်သီးနံှများ ဝယ်ယူခွင့်ပြုခဲ့ပြီး အဲဒီလို ဝယ်ယူမှုအပေါ် အနိမ့်ဆုံးထောက်ပံ့ဈေးနှုန်း (MSP) နဲ့ စီမံခန့်ခွဲမှု ကုန်ကျ စရိတ် အပါအဝင် ရောင်းချဈေးအကြားကွာဟမှုအတွက် ရာနှုန်းပြည့်လုံးကို ပြန်လျော်ပေးခဲ့ပါတယ်။ ဒါပေမဲ့ ယခုနှစ်မှာတောNafed သာမက NCCF နဲ့CWC  တို့ကို ဝယ်ယူခွင်ြ့ပုခဲ့ပေမဲ့ ၁၅ ရာခိုင်နှုန်းသာလျှင် ပြန်လျှော်ပေးမယ် လို့ သိရပါတယ်။           အဲဒီလိုအခြေအနေက ဝယ်လိုအားနဲ့ ရောင်းလိုအားအကြား ကွာဟမှု တွေဖြစ်တဲ့ အချို့အချိန်တွေမှာ ဝယ်ယူတဲ့ အေဂျင်စီများကို ထိခိုက်စေနိုင်တယ် လို့ ဆိုပါတယ်။ Nafed  ဟာ ၁၉၇၆-၁၉၇၇ ခုနှစ်ကထဲကစပြီး PSS စနစ်အရ ပဲမျိုးစုံနဲ့ ဆီထွက်သီးနံှများကို ဝယ်ယူတဲ့ တစ်ခုထဲသော အစိုးရအေဂျင်စီဖြစ် တယ်လို့ သိရပါတယ်။        အိန္ဒိယအစိုးရဟာ စိုက်ပိုျးရေးမစတင်မီမှာ တောင်သူများအနိမ့်ဆုံးဈေးကို အာမခံသတ်မှတ်ပေးခြင်းဖြင့် ထုတ်လုပ်မြှင့်တင်ခဲ့ရာ ဆောင်းရာသီနဲ့ မိုးရာသီ ၂ ခုလုံးအတွင်း သီးနံှ ၂၅ မျိုးနီးပါးအတွက် အနိမ့်ဆုံးထောက်ပံ့ ဈေးနှုန်းများ ကြေညာခဲ့ပါတယ်။ လတ်တလောမှာလည်း နိုင်ငံတော်စားနပ်ရိက္ခာ ဖူလုံမှု အဖွဲ့ဟာ ပဲမျိုးစုံ အရှိန်အဟုန်မြင့် ထုတ်လုပ်ဖို့၊ ဆီထွက်သီးနံှ၊ ပဲမျိုးစုံ၊ စားအုန်းဆီနဲ့ ပြောင်းတို့ပေါင်းစည်းအစီအစဉ် ဆောင်ရွက်ခြင်းကဲ့သို့သော အစီအစဉ် များစွာနဲ့ ဆောင်ရွက်လျက်ရှိပါတယ်။ ဒါ့အပြင်ဆန်ထုတ်လုပ်မှု နည်းတဲ့ ကုန်းမြေတွေမှာလည်း ပဲမျိုးစုံကို အခြားကြားညှပ်သီးနံှတွေဖြစ်တဲ့ ကြံ၊ ဝါတို့လို သီးနံှများ အစားထိုးစိုက်ပျိုးဖို့ အစီအမံများလည်း ဆောင်ရွက်နေ တယ်လို့ သိရပါတယ်။ အိန္ဒိယနိုင်ငံဟာ ပြည်တွင်းလိုအပ်ချက်ပြည့်မီအောင် ထုတ်လုပ် နိုင်ခြင်းမရှိလို့ နှစ်စဉ်စားဆီတန်ချိန် ၉ သန်းကျော်နဲ့ ပဲမျိုးစုံတန်ချိန် ၂ သန်း- ၃ သန်းတင်သွင်းနေရပါတယ်။ ယမင်းခင်၊ှSources: business standard  

  လက်ကျန်ပြတ်သွားပေမယ့် ဈေးဖွင့်ထားတဲ့ ပြည်ထောပတ်ပဲ     ပဲခူးတိုင်းဒေသကြီးအနောက်ပိုင်းတွင် ကောက်စောစပါးများ ရိတ်သိမ်းပြီး ဆောင်းသီးနံှပဲမျိုးစုံများကိုလည်း စတင် စိုက်ပျိုးလျက်ရှိရာ ဆောင်းသီးနံှတစ်မျိုးဖြစ်တဲ့ ထောပတ်ပဲကိုလည်း တောင်သူများ စတင်စိုက်ပျိုးနေပြီဖြစ်လို့ နိုဝင်ဘာလ လယ်အထိ ဧက ၅၅ဝ ကျော်စိုက်ပျိုးပြီးပြီလို့ သိရပါတယ်။ ထောပတ်ပဲမှာ ယခုနှစ်အတွင်း တစ်တင်းကို ၂၄ဝဝဝ ကျပ်မှ ၂၆၅ဝဝ ကျပ်ထိဈေးမြင့်လာခဲ့ပြီး ပဲလက်ကျန်ပြတ်သွားချိန်မှာလည်း ဈေးအမြင့်နဲ့ ဈေးကွက် ပျောက်သွားတယ်လို့ သိရပါတယ်။     လက်ကျန်ပြတ်ပြီး ဈေးကွက်ပျောက်နေပေမယ့် ပိဿာ ၂ဝ တစ်တင်းကို ၂၈ဝဝဝ ကျပ်ဖြင့် ယခုနိုဝင်ဘာလ တတိယပတ်ထိဈေးဖွင့်ထားကြောင်း သိရှိရပါတယ်။                                 ခင်ဆွေဝင်း

ယခုတစ်ပတ် မြေထောက်ပဲတန် ၁၂ဝ တင်ပ           ယခင်တစ်ပတ်က တင်ပို့မှုမရှိသလောက်နည်းသွားတဲ့ မြေထောက်ပဲဟာ ယခုတစ်ပတ် နိုဝင်ဘာ ၁၁ ရက်မှ ၁၆ ရက်အတွင်း တန် ၁၂ဝ တင်ပို့ခဲ့တာ တွေ့ရပါတယ်။ ယခင်နှစ်ဆောင်းပဲ လက်ကျန်ဟောင်းများ ကုန်သလောက်ရှိနေပြီး ကချင်ပြည်နယ် မိုးကောင်းဘက်က မိုးမြေထောက်ပဲ အနည်းငယ်ဈေးကွက်တွေကို ဝင်လာတယ်လို့ သိရပါတယ်။ ယခုနှစ် မြေထောက်ပဲကို ပြည်ပ အဝယ်လိုက်နေတာကြောင့် ဈေးကွက်တွေမှာ အရောင်းအဝယ်ဖြစ်နေတယ်လို့ သိရပါတယ်။ ရန်ကုန် FOB ဈေးမှာ ယခင်တစ်ပတ်ဈေးဖြစ်တဲ့ FAQ  တစ်တန်ကို ကန်ဒေါ်လာ ၆၈ဝ-၆၉ဝ ဖြစ်ကြောင်း သိရပါတယ်။MIRT - MAPT 

ပွဲတော်ကြောင့် အိန္ဒိယကုလားပဲဈေးအေးပေမဲ့ ကြိုပွိုင့်ဈေးမြင့်             အိန္ဒိယနိုင်ငံ အဓိကဈေးကွက်များမှာ ပွဲတော်ကြောင့် အချို့ဈေးများ ပိတ်ကာ အရောင်းအဝယ်နည်းတဲ့အတွက် ကုလားပဲဈေးအေးလာတယ်လို့ သိရပါတယ်။ အချို့ဈေးများ ပြန်ဖွင့်ကြပေမဲ့ ရောင်းသူရောဝယ်သူပါ နည်းနေသေးတာ ကြောင့် ကုလားပဲတစ်တန်ကို ရူပီး ၂၃ဝဝဝ-၂၃၁ဝဝ (ကန်ဒေါ်လာ ၅ဝ၆-၅ဝ၈) မှာ ငြိမ်နေတယ်လို့ သိရပါတယ်။ ဒါ့အပြင် အချို့ပြည်နယ်များမှာ ရာသီမဟုတ်ဘဲ မိုးအဆက်မပြတ် ရွာသွန်းနေတာကြောင့် ဈေးကွက်တွေကို ကုန်စည်ဝင်ရောက်မှုဟာလည်း ယခင် ရက်ထက်ကျဆင်းခဲ့တယ်လို့သိရပါတယ်။ ဒါပေမဲ့ ကြိုပွိုင့်ဈေးကွက်မှာတော့ လက် ထပ်ရာသီအတွက် ဝယ်လိုအားတက်မယ့် အလားအလာရှိတာကြောင့် နိုဝင်ဘာလ ၁၈ ရက်မှာတော့ နိုဝင်ဘာပို့ရမယ့် ကုလားပဲကြိုပွိုင့်ဈေး တစ်တန်ကို ရူပီး ၃၆ဝ (ကန်ဒေါ်လာ ၇ ဒသမ ၉၂) တိုးကာ ရူပီး ၂၃၃၅ဝ (ကန်ဒေါ်လာ ၅၁၄) ဈေးနဲ့ အရောင်းအဝယ် ဖြစ်ခဲ့တယ်လို့ သိရပါတယ်။           ကုလားပဲစိုက်ပျိုးပြီးစီးမှုအနေနဲ့ နိုင်ငံမြောက်ပိုင်းမှာ ၂ဝ ရာခိုင်နှုန်း ပြီးစီးပြီ ဖြစ်ပြီး၊ တောင်ပိုင်းမှာ ၈ဝ ရာခိုင်နှုန်း ပြီးစီးပြီလို့ သိရပါတယ်။ အင်ဒရာပရာဒေ့ရှ်မှာ ကုလားပဲထက် အကျိုးအမြတ်ပိုရတဲ့ ပဲနီလေးကို ပိုစိုက်လာ တာကြောင့် ကုလားပဲစိုက်ပျိုးမှုအနေနဲ့ ယခင်နှစ်ကာလတူထက် ၂ဝ ရာခိုင်နှုန်း ကျဆင်းနေတယ်လို့သိရပါတယ်။ နိုင်ငံ တောင်ပိုင်းမှာ မိုးအဆက်မပြတ် ရွာသွန်းနေ တာကြောင့် စိုက်ပျိုးထားတဲ့ ကုလားပဲ ၁ဝ ရာခိုင်နှုန်းခန့် ပျက်စီးတယ်လို့ ခန့်မှန်း ကြပါတယ်။ ယမင်းးခင်၊်၊Source: commodityonline