ပြီးခဲ့တဲ့ သီတင်းပတ်များစွာက အီရော့နနွင်းရောင်းဝယ် မှု မကောင်းခဲ့ပေမယ့် နိုင်ငံအထက်ပိုင်းမှ အမှာအော်ဒါအသစ် များကြောင့် ဈေးစပြီးမြင့်တက်လာခဲ့ပါတယ်။ နနွင်းတင်ပို့သူ များဟာ ဘီဟာ၊ ချက်တီဂရပ်နဲ့ ဥတ္တရာပရာဒေ့ရှ်က ဒေပါဝလီ အတွက် အဝယ်အသစ်တွေလက်ခံရရှိတယ်လို့ အီရော့နနွင်း ကုန်သည်များအသင်း ဥက္ကဌ မစ္စတာအာကေဗွီရာဗီရှန်ကာမှ ပြောကြားပါတယ်။ ဒါကြောင့် ပြည်ပတင်ပို့သူများက ပျော်ရွှင် ပြီး စတင်ဝယ်ယူခဲ့ကြပါတယ်။ လွန်ခဲ့တဲ့ ရက်အနည်းငယ်က ဈေးနှုန်းငြိမ်နေပြီး၊ ရောင်းချမှုတိုးလာခဲ့တယ်လို့ ဆိုပါတယ်။

ကန်ဒေါ်လာသုည ဒသမ ၀၂၁ သန်းတန်ဖိုးရှိ ရှမ်းမြောက်နဲ့ ကျောက်ဆည်ဒေသထွက်နနွင်း ၁၄ တန် ခန့်ကို အောက်တို ဘာလ ၂၄ ရက်မှ ၃၀ ရက်ထိကာလအတွင်းမှာ မူဆယ်နယ်စပ်မှအပို့ရှိခဲ့ပါတယ်။ ယခင်အပတ်ထက် ၂၄ တန်ခန့်အပို့ လျော့ခဲ့တာတွေ့ရပါတယ်။         MIRT(DOBT)

ပြည်ပကို မန်ကျည်းတင်ပို့မှု့ပျောက်ခဲ့တာ နှစ်ပတ်ကျော်ရှိခဲ့ပြီး ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ် ပါတယ်။ ဒီသီတင်းတစ်ပတ်ဖြစ်တဲ့ အောက်တိုဘာ ၂၁ ရက်မှ ၂၇ ရက်နေ့အတွင်းမှာ မန်ကျည်း ၁၀၈ တန်တင်ပို့နိုင်ခဲ့တယ်လို့ သိရပါ တယ်။ တင်ပို့ခဲ့တဲ့ နိုင်ငံနဲ့ တန်ချိန်က မလေးရှားကို ၈ တန်နဲ့ စင်ကာပူနိုင်ငံကို တန် ၁၀၀ ဖြစ်ပါတယ်။ ဒီတစ်ပတ်မန်ကျည်းတင်ပို့မှုမှ ရရှိခဲ့တဲ့ ပို့ကုန်ဝင်ငွေက ကန်ဒေါ်လာ တစ်သောင်းခုနှစ်ထောင်ကျော်ဖြစ်တယ်လို့ သိရပါတယ်။MIRT(DOT)

ဒီတစ်ပတ်တော့ ရှမ်းချင်းတွေ အဝင်မရှိသလောက်ပါဘဲ။ ရှမ်းပြည်နယ်ရဲ့ ဓလေ့ထုံးစံအရ သီတင်းကျွတ်ကာလမှာ ဘုန်းကြီးကျောင်းကို တစ်လလုံးသွားကြပါ တယ်။ တောင်သူတွေကလည်း အလုပ်နားကြတော့တာကြောင့် အရောင်းအဝယ် အနေနဲ့လည်း အရင်တစ်ပတ်ကထက်စာရင်တော့ အေးနေတယ်လို့ ဆိုရမှာပါ။ ယခုလောလော ဆယ်မှာလည်း  သီတင်းမကျွတ်ခင်ကဝင်တဲ့ ပစ္စည်းတွေကိုသာ အရောင်းအဝယ်လုပ်နေကြတယ်လို့ ဆိုပါတယ်။ နောက်ဈေးနှစ်ပတ်လောက်မှသာ အဝင်ရှိလာနိုင်တယ်လို့လည်း သိရပါတယ်။ ချင်း(ဥမ)ကော၊ ချင်းသစ်ပါတစ်ပိဿာ ၂၀၀ ကျပ်ဈေးရှိပါတယ်။