လယ်ယာထွက်ကုန်ပစ္စည်းသတင်း

မေလ နောက်ဆုံးပတ်အတွင်း မန္တလေး ကုန်စည်ဒိုင်သို့ ဧရာဝတီမြစ်ရိုးတစ်လျှောက်နှင့် အညာဒေသမှ မြေပဲဆန်များ ဝင်ရောက်နေပြီး မြေပဲလုံးဆန်များသည်   ယခင်သီတင်းပတ်က ဈေးအေးနေရာမှ ယခုပတ်တွင် တရုတ်ဝယ် လက်မှ ဝယ်ယူမှုရှိခြင်းနှင့် စက်ပိုင်များမှ ဝယ် ယူနေသောကြောင့် အရောင်းသွက်၍ ဈေးမြင့် လာသည်။ 
မြေပဲဆန် တစ်ပိဿာလျှင် ကျပ် ၁၀ဝ မှ ၅၀ဝ ထိ မြင့်တက်လာကြောင်း သိရသည်။  နှမ်း အမျိုးအစားမှာ  အရည်အသွေးအပေါ်မူတည်၍ ၄၅ ပိဿာဝင် သုံးတင်း တစ်အိတ်လျှင် ယခင် တစ်ပတ်ထက်  အနိမ့်ဆုံး ကျပ် ၅၀ဝ၀ မှ အမြင့် ဆုံး ကျပ် ၈၅၀ဝ၀ ထိ   မြင့်တက်လာကြောင်း မန္တလေးကုန်စည်ဒိုင်ဈေးကွက်မှ သိရသည်။

မကွေးတိုင်းဒေသကြီး မကွေးခရိုင် မကွေးဈေးကွက်အတွင်း စားဖိုဆောင်သုံးသီးနှံတစ်မျိုးဖြစ်သည့် ကြက်သွန်နီဈေး နှုန်းများ ကျဆင်းလာသည်။ မေလ စတုတ္ထပတ်တွင် ကြက်သွန်နီတစ်ပိဿာလျှင် ကျပ် ၁၆၀ဝ-၁၈၀ဝ-၂၀ဝ၀  ရှိခဲ့ပြီး မေလ တတိယပတ်တွင် ကျပ် ၁၆၀ဝ-၁၈၀ဝ-၂၁၀ဝ ဖြစ်၍ ကျပ် ၁၀ဝ ကျဆင်းလာကြောင်း  ရေနံချောင်း၊ ပခုက္ကူ၊ မြစ်သားတို့မှ ဝယ်ယူကြောင်း၊ ကြက်သွန်နီများကို ပွဲရုံမှတစ်ဆင့်  မင်းဘူး၊ သရက်၊ ကံမ၊ နတ်မောက်၊ ငဖဲမြို့များမှ ပြန်လည်ဝယ်ယူကြပြီး တစ်နေ့လျှင် ပိဿာချိန် ၁၀ဝ၀ ခန့်၊ တစ်ပတ်လျှင် တန်ချိန်ကိုးတန်ခန့် အရောင်းအဝယ်ဖြစ်လျက်ရှိကြောင်း ပွဲရုံများမှ သိရှိရ သည်။

မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကို အဓိကထားစိုက်ပျိုးပြီး အခြားတိုင်းဒေသကြီးနှင့် ပြည်နယ်များသို့ တင်ပို့ရောင်းချလျက်ရှိသည်။  မကွေးတိုင်းဒေသကြီးအတွင်းရှိ  မကွေး၊ တောင်တွင်းကြီး၊ အောင်လံ၊ ရေနံချောင်း၊ ဆိပ်ဖြူနှင့် ပခုက္ကူကုန်စည်ဒိုင်တွင် နှမ်း၊ ကြက်သွန်နီနှင့် ပဲမျိုးစုံသီးနှံများ  ပုံမှန်အရောင်းအဝယ်ဖြစ်လျက်ရှိသည်။ ၂၀၂၄  ခုနှစ်၊ မေလ စတုတ္ထပတ်တွင် ကုန်စည်ဒိုင်များတွင် အရောင်းအဝယ်ဖြစ်ပေါ်နေသော ကုန်ပစ္စည်းများ တစ်ပိဿာဈေး နှုန်းများမှာ မကွေးကုန်စည်ဒိုင်တွင် နှမ်းဖြူ ကျပ် ၈၈၃၀-၉၀၇၀၊ နှမ်းနီ ကျပ် ၈၀ဝ၀၊ နှမ်းနက်(စမုန်) ကျပ် ၉

ပခုက္ကူကုန်စည်ဒိုင်တွင် ပဲမျိုးစုံ ဝင်ရောက်အရောင်း အဝယ်ဖြစ်လျက်ရှိရာ ယခုတစ်ပတ်တွင် ထောပတ်ပဲဈေးနှုန်း များ ယခင် တစ်ပတ်ထက် မြင့်တက်လာကြောင်း ကုန်စည်ဒိုင် မှ သိရသည်။ ထောပတ်ပဲ စိုက်ပျိုးရာ ဒေသများဖြစ်သော ပခုက္ကူကျွန်းနယ်များ ရေစကြိုဒေသဘက်မှ ကျွန်းနယ်များ နှင့်ယောနယ်ဒေသမှထွက်ရှိသော ထောပတ်ပဲများ ဝင်ရောက် အရောင်းအဝယ်ဖြစ်လျက်ရှိသည်။ ပခုက္ကူကုန်စည်ဒိုင်တွင် ပခုက္ကူခရိုင်တစ်ခုလုံး၏ စီးပွားရေး အချက်အချာကျသော နေရာဒေသတစ်ခုလည်းဖြစ်သည်။ 

မတ်လ  နောက်ဆုံးပတ်အတွင်း မန္တလေး ကုန်စည်ဒိုင်သို့  ဧရာဝတီ မြစ်ဝကျွန်းဘက်နှင့် မတ္တရာ  စဉ့်ကူး မြင်းမူ၊ အောင်လံဒေသမှ မြေပဲ ဆန်များ ဝင်ရောက်နေပြီး  ဈေးအေးနေကြောင်း သိရသည်။ မြေပဲလုံးဆန်များ တရုတ်ဝယ်လက်မှ ဝယ်ယူမှု အေးခြင်းကြောင့် မြေပဲဆန် တစ်ပိဿာ လျှင် ကျပ် ၁၀ဝ မှ ၁၀ဝ၀ အထိ ဈေးကျလာပြီး ဆီဆန်ကို ဆီစက်သမားများမှ ဝယ်ယူမှု အေးနေ သောကြောင့် ှ၁ ဆီဆံ တစ်ပိဿာလျှင် ယခင်တစ် ပတ်ထက် ကျပ်  ၈၀ဝ မှ ၁၅၀ဝ အထိ ဈေးကျလာ ကြောင်း  မန္တလေးကုန်စည်ဒိုင်ဈေးကွက်မှ  သိရ သည်။