Background
မန္တလေး
မန္တလေးဈေးကွက်အတွင်းသို့ ကျောက်ဆည်၊ မြစ်သား၊ စဉ့်ကိုင်၊ တံတားဦး၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်း စသည့် ဒေသများနှင့် အခြားဒေသများမှ ထွက်ရှိသည့် ကြက်သွန်နီများ မတ်လကုန်ပိုင်းတွင် ဖြိုင်ဖြိုင်ဝင်ရောက်လျက်ရှိသည်။ ဆောင်းကြက်သွန်နီသည် ကြက်သွန်မျိုးစေ့ကို ပျိုးထောင်၍ အပင် ကလေးများ တစ်လခွဲသားအရွယ်တွင် ပျိုးပင်ကိုနုတ်၍ နေရာရွှေ့ ပြောင်း စိုက်ပျိုးကြရသည်။
ကျောက်ဆည်ခရိုင် စဉ့်ကိုင်မြို့နယ်သည် ဆည်ရေသောက် ဒေသဖြစ်သည့်အလျောက် သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ဖူးစားပြောင်းသီးနှံကို ၅၂၄ ဧက စိုက်ပျိုးနိုင်ခဲ့ပြီး ယခုအချိန်တွင် စဉ့်ကိုင်မြို့နယ်၌ စိုက်ပျိုးပြီးဧကအားလုံးရိတ်သိမ်းပြီးဖြစ်ကြောင်း သိရသည်။
မွန်ပြည်နယ်သည် ယခုနှစ်အတွင်း ပဲအထွက်နှုန်းကောင်းပြီး ဈေးနှုန်းဈေးကွက်ကောင်းများလည်း ရရှိနေသည်။ မော်လမြိုင်ရှိ ကုန်စည်ဒိုင်တွင် နေ့စဉ်အရောင်းအဝယ် ပြုလုပ်လျက်ရှိသည်။
၂၀၂၄-၂၀၂၅ ခုနှစ်တွင် အထွက်နှုန်းကောင်း၍ လာမည့် ၂၀၂၆-၂၀၂၇ ခုနှစ်တို့တွင်လည်း ပဲစိုက်ပျိုးမှုကို ပိုမိုတိုးချဲ့လုပ် ကိုင်သွားမည်ဖြစ်ကြောင်း ပဲနှမ်းစိုက်ပျိုးသူတောင်သူများ၏ ပြောကြားချက်အရ သိရသည်။
အစေ့ထုတ်ပြောင်း
မိုးစပါး
မြင်းခြံခရိုင်တွင် မိုးစပါးစိုက်ဧက ၁၉၈၃၃ ဧကအနက် ၁၃၃၅၅ ဧက ရိတ်သိမ်းခဲ့ပြီး တစ်ဧက အထွက်နှုန်း ၆၇ တင်းနှုန်းဖြင့် အထွက်တင်းပေါင်း ၈၉၄၇၈၅ တင်းထွက်ရှိကာ ကျန်ဧကများကို ဆက် လက်ရိတ်သိမ်းဆဲဖြစ်သည်။ မနောသုခ မိုးစပါးအသစ် တစ်တင်းလျှင် ကျပ် ၂၂၀ဝ၀ ဈေးဖြင့် ဒေသတွင်းရှိ ကျေးရွာများတွင် အရောင်းအဝယ်ဖြစ်လျက်ရှိကြောင်းသိရသည်။ မနောသုခ စပါး အဟောင်း တစ်တင်း လျှင် ကျပ် ၂၄၀ဝ၀ ဖြစ်ပြီး မနောသုခဆန် (ဟောင်း) တစ်အိတ်လျှင် ကျပ် ၈၅၀ဝ၀ မှ ၉၅၀ဝ၀ ထိရှိ ကြောင်း သိရသည်။
မြေပဲ
ဧရာဝတီတိုင်းဒေသကြီးသည် မြန်မာနိုင်ငံ၏ ဆန်အိုးကြီး ဖြစ်သလို မိုးစပါးစိုက်ပျိုးပြီးချိန်တွင် သီးထပ်အဖြစ် ပဲမျိုးစုံ၊ အစေ့ ထုတ်ပြောင်းနှင့် နွေစပါးတိုကို့လည်းစိုက်ပျိုးထုတ်လုပ်သည်။ ပဲမျိုးစုံ စိုက်ဧကသည် စပါးပြီးလျှင် အများဆုံးစိုက်ပျိုးသော သီးနှံလည်းဖြစ် သည်။ ပဲမျိုးစုံသည် နှံစားသီးနှံများထက် စိုက်ပျိုးရလွယ်ကူပြီး အရေး ပါသည့် အသားဓာတ်များ ပြွေါကယ်ဝကာ နိုင်ငံခြားဝင်ငွေ ရှာဖွေပေး နိုင်သော ပြည်ပပို့ကုန်လည်းဖြစ်သည်။ ဧရာဝတီတိုင်းဒေသကြီးတွင် ၂၀၂၄-၂၀၂၅ ဘဏ္ဍာနှစ်တွင် ပဲမျိုးစုံ စိုက်ဧက ၁၅ သိန်းကျော်ရှိပြီး ပဲပုပ်စိုက်ဧက ၂၇၄၉၉ ဧက စိုက်ပျိုးသည်။
ဗိုလ်ကိတ်ပဲ
ဗိုလ်ကိတ်ပဲသစ်များ အထွက်လှိုင်လာသည့်အတွက် ပြည်ဈေးကွက်သို့ တစ်ရက်လျှင် အိတ်၂၀ဝမှ၂၅၀ ကျော် ဝင် ရောက်လာခဲ့သည်။ မင်းတုန်း၊ ကံမ၊ ပန်းတောင်းမြို့နယ်များမှ ဝင်ရောက်ခဲ့ခြင်းဖြစ်ပြီးဒေသတွင်း လက်လီသမားများသည် နေ့စဉ် အဝယ်ရှိ နေသလို လက်ကားဝယ်ယူမှုများလည်းရှိသည်။ ဈေးနှုန်း အနေဖြင့် တစ်တင်းလျှင် ကျပ် ၈၅၀ဝ၀ ဖြင့် ရှိပြီး ပဲသစ်ပေါ်စအချိန် ဈေးအနည်းငယ် လျော့နည်းသွားခဲ့သည်။ ပဲသစ်ပေါ်စအချိန်က တစ်တင်းလျှင် ကျပ် ၁၀ဝ၀ဝ၀ ကျော် ရရှိခဲ့သည်။ ယခင်နှစ်က ပဲဈေးမှာ တစ်တင်းလျှင် ကျပ် ၇၂၀ဝ၀ ဖြစ်သည်။
စားတော်ပဲ
မန္တလေးတိုင်းဒေသကြီး မိတ္ထီလာခရိုင် တွင် ဆီထွက်သီးနှံများဖြစ်သော နှမ်း၊ မြေပဲ၊ နေကြာများကို စိုက်ပျိုးကြပြီး ထွက်ရှိသော သီးနှံ များကို ဒေသတွင်းကြိတ်ခွဲမှုအပြင် အခြားဒေသ များသို့တင်ပို့ ရောင်းချကြသည်။
အစေ့ထုတ်ပြောင်း သီးနှံသည် ဧရာဝတီတိုင်းဒေသကြီး၏ ပြည်ပ ပို့ကုန်သီးနှံတစ်ခုဖြစ်ပြီး ဟင်္သာတခရိုင် တွင် ဧက ၁၈၆၇၀၊ မြန်အောင်ခရိုင်တွင် ၁၂၈၂၅ ဧကနှင့် မအူပင်ခရိုင်တွင် ဧက ၂၀၂၇၀ နှင့် မြောင်းမြခရိုင်တွင် ၁၂၂၆ ဧက စိုက်ပျိုးပြီး တိုင်းဒေသကြီး တစ်ခုလုံးအနေဖြင့် စုစုပေါင်း ဧက ၅၃၀ဝ၀ကျော်စိုက်ပျိုးသော သီးနှံလည်း ဖြစ်သည်။
