မွေးမြူရေးငါးများ ယခင်ပေါက်ဈေးထက် လျှော့ချဝယ်ယူ      ရခိုင်ဒေသမှ ကကတစ်ငါးများသိသာစွာကမြန်မာနိုင်ငံအတွင်း မွေးမြူ ထုတ်လုပ်လျက်ရှိသော ငါးများကို ယခင် ပေါက်ဈေးများ ထက် ၁ ပိသာ လျှင် ၂၅ဝ ကျပ်ခန့်လျှော့ချဝယ်ယူ လျက် ရှိနေကြောင်း ငါးမွေးမြူသူများ ထဲက သိရသည်။      '' Exporters တွေ ဘက်က ငွေ ဈေးတည်ရှိပေါ်မူတည်ပြီး 2F အရွယ် ၁ ပိသာကို ၂၃ဝဝ ကျပ်အထိ ပေးဝယ် ခဲ့တာတွေ့ရှိခဲ့ပါ တယ်။ နောက်ပိုင်းမှာ ငွေဈေးကကျ၊ Buyer  တွေဘက် က လည်း ဥပုသ်လလည်းဖြစ်ခဲ့ တာကြောင့် ငါးအရောင်းအဝယ်ဈေးတွေ လျော့ရင်း ၂၂ဝဝ ကျပ်နဲ့ အရောင်းအဝယ် ဖြစ်လာတယ်။ အခု ဥပုသ်လလည်း ကျော်ခဲ့ပါပြီ၊ လက်ရှိမှာ 2F အရွယ် ငါး ၁ ပိသာကို ၂ဝ၅ဝ ကျပ်    နဲ့ ဝယ်ယူမှုရှိတဲ့ အတွက် ငါး ၁ ပိသာကို ၂၅ဝ ကျပ် လောက် ကျသွားပါတယ်။ တစ်ဖက်က အစာဈေးက အမြင့်တွေနဲ့ ကျွေးခဲ့ရပြီး ငါးဈေးမှာ ကျတဲ့အတွက် တစ်နှစ်လုံး အနေနဲ့ ခြုံပြောရရင် ငါးမွေးသူတွေ အခက်အခဲတွေ့ရတဲ့ နှစ်တစ်နှစ်ပါ။ အခု လောလောဆယ် ငါးအရွယ်သေး တွေကို အအေးခန်း စက်ရုံအချို့နဲ့ ပြည်တွင်း ဈေးကွက်က ဝယ်ယူမှုရှိနေ တဲ့အတွက် ငါးအရွယ်ကြီး တွေက အရောင်းထိုင်း အဝယ်ဆိုင်းတော့ ဈေး လျော့ပေးပြီး ရောင်းရပါတယ်'' ဟု ငါးလုပ်ငန်းအဖွဲ့ချုပ်က အထွေထွေအတွင်းရေးမှူး ဦးဝင်းကြိုင်ပြော ကြားသည်။     ယခုအပတ်အတွင်း ငါးမြစ်ချင်း အရွယ်သေးများကို ငွေဇာပုလဲ၊ အဏ္ဏဝါ လွမ်းနဲ့သုံးပွင့်ဆိုင်ကုမ္ပဏီတို့ ဝယ်ယူ လျက် ရှိသည်ဟု ဆိုသည်။                                                                                                                                               ခင်မျိုးသွယ်

ဘုရင့်နောင် ကုန်စည်ဒိုင်၏ ရေထွက်ကုန်ပစ္စည်းဈေးနှုန်းစဉ် အမျိုးအမည်                          ရေတွက်ပုံ              ဈေးနှုန်း(ကျပ်)၁ ဖျာပုံပုစွန်ချိုခြောက်ကြီး (ရှယ်)          ပိဿာ                ၁၂ဝဝဝ-၁၃ဝဝဝ၂ ဖျာပုံပုစွန်ချိုခြောက်သေး (ရှယ်)           ။                      ၁ဝဝဝဝ-၁၁ဝဝဝ၃ ဖျာပုံပုစွန်ချိုခြောက်ကြီး (ရိုးရိုး)            ။                       ၉၅ဝဝ-၁ဝဝဝဝ၄ ဖျာပုံပုစွန်ချိုခြောက်သေး (ရိုးရိုး)          ။                        ၈ဝဝဝ-၉ဝဝဝ၅ မြိတ်ပုစွန်ခြောက် (လတ်)                  ။                       ၁၂ဝဝဝ-၁၃ဝဝဝ၆ မြိတ်ပုစွန်ခြောက် (ရိုးရိုး)                   ။                           ၈ဝဝဝ-၉ဝဝဝ၇ ရခိုင်ပုစွန်ခြောက် (ရှယ်)                   ။                        ၁ဝ၅ဝဝ-၁၁ဝဝဝ၈ ရခိုင်ပုစွန်ခြောက် (ရိုးရိုး)                   ။                          ၅ဝဝဝ-၆ဝဝဝ၉ ငါးကျီးကြပ်တိုက်ကြီး                        ။                        ၁၂ဝဝဝ-၁၃ဝဝဝ၁ဝ ငါးကျီးကြပ်တိုက်သေး                     ။                         ၁ဝဝဝဝ-၁၁ဝဝဝ၁၁ ငါးမြွေထိုးခြောက်                          ။                           ၅ဝဝဝ-၆ဝဝဝ၁၂ ငါးရံ့ခြောက်ကြီး                            ။                         ၁၆ဝဝဝ-၁၈ဝဝဝ၁၃ ငါးရံ့ခြောက်လတ်                          ။                         ၁၁ဝဝဝ-၁၂ဝဝဝ၁၄ ငါးရံ့လုံးခြောက်                             ။                            ၄၅ဝဝ-၅ဝဝဝ၁၅ ငါးကွမ်းရှပ်ခြောက်                         ။                            ၆၅ဝဝ-၇ဝဝဝ၁၆ ငါးပုတ်သင်ခြောက်                        ။                            ၃ဝဝဝ-၃၃ဝဝ၁၇ ငါးတံခွန်လုံးခြောက်                       ။                             ၁ဝဝဝ-၁၂ဝဝ၁၈ ကလိန်ခြောက်                             ။                             ၂၈ဝဝ-၃ဝဝဝ၁၉ ငါးမန်းသားတွဲခြောက်                    ။                             ၆၅ဝဝ-၇ဝဝဝ၂ဝ ငါးနှပ်ချိုခြောက်                           ။                              ၃ဝဝဝ-၃၅ဝဝဘုရင့်နောင်ကုန်စည်ဒိုင်မှ(၈-၁ဝ-၂ဝ၁ဝ)ရက်နေ့ စုံစမ်းရရှိသောဈေးနှုန်းများ ဖြစ်ပါသည်။

 တနင်္သာရီတိုင်းဒေသကြီးတွင် ငါးအလွန်အကျွံဖမ်းဆီးမှုမျးကို ထိန်းချုပ်ရန် လိုအပ်လာ      တနင်္သာရီတိုင်းဒေသကြီးသည် ငါးအလွန်အကံျွဖမ်းဆီးမှုများကို ထိန်းချုပ်ရန် လိုအပ်လာသော ဒေသတစ်ခုဖြစ်လာကြောင်း မြန်မာနိုင်ငံ ငါးလုပ်ငန်းအဖွဲ့ချုပ်က သိရသည်။     '' တနင်္သာရီတိုင်း ဒေသကြီးငါးလုပ်ငန်းဦးစီးဌာန၏ ရေလုပ်ငန်းဆိုင်ရာ တင်ပြ ချက်များအရ တနင်္သာရီတိုင်းဒေသကြီး၏ ငါးပုစွန် ထုတ်လုပ်မှုမှာ ၁၉၉၇-၉၈ ခုနှစ်တွင် ငါးပုစွန်တန်ချိန်ပေါင်း ၂၇၉၁၁ဝ ရရှိခဲ့ရာမှာ ၂ဝဝ၅-၂ဝဝ၆ ခုနှစ်တွင် ငါးပုစွန်တန်ချိန် ပေါင်း ၇၆၆၂၂ဝ အထိ တိုးတက်ရရှိလာတာကို တွေ့ရပါတယ်။ ၂ဝဝ၅-၂ဝဝ၆ ခုနှစ်မှာ တနင်္သာရီ တိုင်းဒေသကြီး၏ ငါးထုတ်လုပ်မှုမှာ ၁၉၇၉- ၈ဝ ခုနှစ်က သုတေသနတွက်ချက်ရရှိသည့် နှစ်စဉ်တည်ရှိရမည့် တန်ချိန် ၅၂၈၃၅ဝ ထက် ကျော်လွန်နေတာကို တွေ့ရှိရပါတယ်။ အဲဒီနှစ်မှာ နိုင်ငံခြား ငါးဖမ်းရေယာဉ် (၁၉၇)စီးက ဖမ်းဆီးတဲ့ ငါးတန်ချိန် ၈၇၈၇၈ ဒသမ ၄ ပါဝင်နိုင်ပါတယ်။ ဒါ့ကြောင့် ငါးအလွန်အကံျွ ဖမ်းဆီးမှုများကို ထိန်းချုပ်ရန်လိုအပ်တဲ့ ဒေသတစ်ခုဖြစ်တာ တွေ့ရပါတယ်'' ဟု မြိတ်ကျွန်းစုထိန်းသိမ်းစောင့်ရှောက်ရေးအဖွဲ့မှ တာဝန်ရှိသူ တစ်ဦးဖြစ်သော ဦးဟန်ထွန်းက ပြောကြားခြင်းဖြစ်သည်။       ၁၉၇၉-၈ဝ ခုနှစ်က တနင်္သာရီတိုင်းဒေသကြီး အတွင်းရှိ ပင်လယ်ပြင်ကို သုတေသနရေယာဉ် R.VDr.Fridtjot Nansen  ဖြင့် တိုင်းတာချက ်အရ ရေအနက် မီတာ ၂ဝဝ အတွင်းတည်ရှိနေသော ရေပေါ် အလွှာတင် ကျက်စား သည့် ငါးနှင့် ရေအောက်ပင်လယ်တွင် ကျက်စားသည့် ငါးနှစ်စဉ်တည်ရှိမည့် တန်မှာ ၅၂၈၃၅ဝ ဖြစ်ပြီး နှစ်စဉ် ထုတ်လုပ် နိုင်မည့် ငါးတန်ချိန်မှာ ၄၅၄၅ဝဝ ဖြစ်သည်ဟုဆိုသည်။                                                                                                                                                ခင်မျိုးသွယ်

အင်းအိုင်များက ငါးဖမ်းဆီးချိန်ဖြစ်သဖြင့် ကုန်တက်များတိုးလာ          အင်းအိုင်များက ငါးဖမ်းဆီးချိန်ဖြစ်သဖြင့် ဧရာဝတီတိုင်းဒေသကြီးက ငါးတင်ပို့မှုအနေဖြင့် ကုန်တက် များတိုးလာကြောင်း ပြည်တွင်းရေကြောင်းပို့ဆောင်ရေး (မြစ်ဝကျွန်းပေါ်ဌာနခွဲ) က သိရသည်။      '' ဧရာဝတီတိုင်းဒေသကြီးက ငါးတင်ပို့မှုဟာ ပြီးခဲ့တဲ့လထက် တိုးလာတာကို တွေ့ရပါတယ်။ ဒီအချိန်ဟာ အင်းအိုင် ဖော်ချိန် လို့သိရပါတယ်။ ရန်ကုန်ကို ကားလမ်းနဲ့ရောရေလမ်းကပါ ရေထွက်ကုန်တွေ တင်ပို့ခဲ့ရာမှာ အောက်တိုဘာလ တစ်လလုံး အနေနဲ့ ပိဿာချိန် ၄ဝဝဝဝဝ ခန့် တင်ပို့ပေးခဲ့ရပါတယ်။ အပတ်စဉ်ရေလမ်းက ဝင်ရောက်မှုမှာ ပထမပတ်ထဲမှာ ပိဿာ ၁ဝ၆၆ဝဝ ခန့်၊ ဒုတိယပတ်မှာ ပိဿာ ၅၇ဝ၇ဝ ခန့်၊ တတိယပတ်မှာ ပိဿာချိန် ၇၅ဝ၁ဝ ခန့်၊ စတုတ္ထပတ်မှာ ပိဿာချိန် ၇၆၇ဝဝ ခန့်နောက်ဆုံး ပတ် ထဲမှာ ပိဿာချိန် ၈၈၄ဝဝ ခန့် ဝင်ရောက်ခဲ့ပါတယ်'' ဟု ပြည်တွင်းရေကြောင်း ပို့ဆောင်ရေး (မြစ်ဝကျွန်းပေါ်ဌာနခွဲ)မှ တာဝန်ရှိသူတစ်ဦးက အတည်ပြုပြောကြားသည်။       '' တော်သလင်း၊ သီတင်းကျွတ်ဆို အင်းဖော်ချိန်ဖြစ်ပေမဲ့ အရင်နှစ်ကထက်စာရင် ငါးဖမ်းဆီးရရှိမှု လျော့နည်းပါတယ်။ဒီနှစ်ဟာ မိုးနောက်ကျပြီး ငါးနေငါးထိုင်ကွင်းတွေဆီ ရေဝင်ရောက်တာ လျော့နည်းလို့လား၊ ငါးသားပေါက်ချိန် နောက်ကျလို့လား၊ နောက်မိုးကိုစောင့်နေတာလားတော့မသိပါဘူး'' ဟု ဧရာဝတီတိုင်းဒေသကြီးမှ ဝါရင့် အင်းသူကြီးတစ်ဦးကသုံးသပ်ပြောကြားသည်။ ခင်မျိုးသွယ်