Main menu

Background

Thursday, 9 Sep 2010

ရေလုပ်ငန်းအအေးခန်းစက်ရုံတစ်ရုံ အောက်တိုဘာလ လယ်တွင်ဖွင့်လှစ်မည်          လှိုင်ထိပ်ခေါင် အအေးခန်းကုမ္ပဏီမှ ရေထွက်ပစ္စည်းများအေးခဲသည့်လုပ်ငန်း လုပ်ကိုင်ရန်အတွက် အအေးခန်းစက်ရုံကို ရန်ကုန်မြို့၊ လှိုင်သာယာမြို့နယ် ရွှေလင်ဗန်းစက်မှုဇုန်ရှိ ကမ်းနားလမ်းတွင် အောက်တိုဘာလလယ်တွင် ဖွင့်လှစ် မည်ဖြစ်သည်။       '' စက်ရုံအနေနဲ့ ရေခိုျငါးတွေဖြစ်တဲ့ ငါးမြစ်ချင်း၊ ငါးကြင်းဖြူ၊ ငါးကြင်းခေါင်းပွ၊ တီးလားဗီးယား၊ ငါးတန်စတဲ့ ငါး တွေကို အဆင့်မြင့် နည်းပညာနဲ့ အေးခဲထုတ်လုပ်ပြီး ကွန်တိန်နာနဲ့ ပြည်ပကိုတင်ပို့ဖို့ပါ။ စက်ရုံအနေနဲ့ စက်ပစ္စည်း တွေလဲရောက်ပါပြီ ၊ လျှပ်စစ်မီးလဲရပါပြီ။ ဒါကြောင့်အောက်တိုဘာလလယ်လောက်မှာ ဖွင့်ဖြစ်မှာပါ။ လောလောဆယ် ကျပ်သိန်း ၁၅ဝဝဝ နဲ့ စတင်ရင်းနှီးမြှုပ်နံှလုပ်ကိုင်မှာ ဖြစ်ပါတယ်။ ဈေးကွက်ရရှိမှု အပေါ်မူတည်ပြီး လုပ်ငန်းတိုးခဲျ့သွားမှာပါ။ စက်ရုံကထုတ်လုပ်မဲ့ ရေခိုျငါးတွေအတွက် လိုအပ်တဲ့ နည်းပညာကို စင်္ကာပူနဲ့ထိုင်ဝမ်ကို သွားရောက်လေ့လာပြီးပါပြီ'' ဟု ယင်းစက်ရုံမှ တာဝန်ရှိသူ တစ်ဦးက သတင်းပေး ပြောကြားသည်။       အဆိုပါ လှိုင်ထိပ်ခေါင်ကုမ္ပဏီမှ လုပ်ငန်းရှင်မှာ ရန်ကုန်တိုင်း၊ လှည်းကူးမြို့နယ်၊ ရှမ်းတဲကြီးကျေးရွာ အနီးတွင် ရေခိုျငါးမွေးဧက ၃ဝဝ ခန့် လုပ်ကိုင်လျက်ရှိပြီး ယခုအခါစက်ရုံလုပ်ငန်းဘက်သို့ ရင်းနှီးမြှုပ်နံှ လုပ်ကိုင်လာခြင်းဖြစ်ကြောင်း သိရသည်။                                                                                                           ခင်မိုျးသွယ်

Thursday, 9 Sep 2010

စူလ်တန်ငါးမှာ အမြင့်ဈေးရသဖြင့် ငါးဦးစီးမှ မွေးမြူထုတ်လုပ်မည်            စူလ်တန်ငါးမှာ အမြင့်ဈေး ရသ ဖြင့် ငါးလုပ်ငန်းဦးစီးဌာနက မွေးမြူ ထုတ်လုပ်ရန် စီစဉ်နေပြီ ဖြစ်သည်။      ''ငါးဦးစီးအနေနဲ့ ပို့ကုန်အမယ် သစ် တိုးခဲျ့ထုတ်လုပ်ပြီး ပြည်ပတင်ပို့ နိုင်အောင် ဈေးနှုန်းပိုမိုရရှိအောင် ကြိုးပမ်းနေတာကြောင့် စူလ်တန်ငါးကို Export Size ဝင်အောင် မွေးမြူထုတ် လုပ်မှာဖြစ်ပါတယ်။ ပြည်တွင်းမှာ လည်း သားပေါက်တွေ ဖြန့်ဖြူးရောင်း ချပေးမှာပါ။ ပုဂ္ဂလိကပိုင်းက၂ဝဝ၈ ခုနှစ်မှာပထမဆုံး တင်သွင်းခဲ့ပြီး ယခု စင်္ကာပူကို တင်ပို့ဖို့လုပ်နေပါပြီ။ ဌာန အနေနဲ့ စူလ်တန်ငါးကို ငါးမြစ်ချင်းရဲ့ ဈေးနှုန်းအတိုင်း သတ်မှတ် တင်ပို့ခွင့်ပြု မှာ ဖြစ်ပါတယ်။ ပုဂ္ဂလိကပိုင်းကပဲ ၂ဝ၁ဝခုနှစ်သြဂုတ်လ၂၇ ရက်က(၂-၃) စင်တီမီတာအရွယ် စူလ်တန်ငါးကောင် ရေ တစ်သိန်းတင်သွင်းခဲ့ပြီး ငါးဦးစီးကို လည်း ကောင်ရေ ၁ဝဝဝ ကျော်မေတ္တာ လက်ဆောင် ပေးပါတယ်။ စူလ်တန်ငါး ဟာ ၁ တန်ကို အနိမ့်ဆုံး ၇၄ဝ ဒေါ်လာ ရှိပြီး ကျောခွဲ၊ အူထုတ် ပြီးရင် ၁ တန်ကို ၁၁၄ဝ ဒေါ်လာအထိ ရနိုင်ပါတယ်'' ဟု ငါးလုပ်ငန်းဦးစီးဌာနမှ တာဝန်ရှိသူ တစ်ဦးက ပြောကြားသည်။      ''စူလ်တန်ငါးကို မလေးရှားနိုင်ငံ မြောက်ပိုင်း၊ မြစ်တွေ-စမ်းချောင်းတွေရဲ့ ရေခိုျနေရာတွေ၊ မလေးရှားနဲ့ အင်ဒိုနီး ရှားအစပ်ရှိ ဘော်နီရိုကျွန်းနဲ့ ထိုင်းနိုင်ငံ တို့မှာ တွေ့ရပါတယ်။ စူလ်တန်ငါးဟာ အစုံစားသတ္တဝါအမိုျးအစားဖြစ်ပြီး  ရေလယ်နဲ့ ရေအောက် မှာနေပါတယ်။ အရွယ်အစားအားဖြင့် ၂၄လက်မအထိ ကြီးထွားနိုင်ပါတယ်။ သူ့ရဲ့ဈေးကွက်ဝင် အရွယ်ကTable Size ဖြစ်ပြီး ၃ဝ သား အရွယ်ကို ဈေးကွက်တင်ပို့နိုင်တာ ကြောင့်မွေးမြူချိန်တိုပါတယ်''ဟု မြန်မာ နိုင်ငံ ငါးလုပ်ငန်းအဖွဲ့ခုျပ်မှ ဒုဥက္ကဌ ဦးဟန်ထွန်း ကပြောကြားသည်။      အဆိုပါငါးကို အရှေ့တောင် အာရှ နိုင်ငံများ၊ တရုတ်၊ မလေးရှားနှင့် စင်္ကာပူနိုင်ငံတို့မှ ဝယ်ယူမှုရှိနေကြောင်းသိရသည်။                                                                                                                                                ခင်မိုျးသွယ်     

Friday, 3 Sep 2010

 ငါးသလောက်သားဖောက်ရန် စီစဉ်ပြီ                  ငါးသလောက်ငါးမကြီးများမှ မိုျးဥ ကိုယူ၍  ငါးသားဖောက်ရန် ပုဂ္ဂလိက ငါးလုပ်ငန်းရှင်များက စီစဉ်နေပြီ ဖြစ် သည်။      ''ငါးသလောက်က   ကမ္ဘာ့နိုင်ငံ တော်တော်များများမှာ သားဖောက်တာ မတွေ့ရသေးပါဘူး။ တရုတ်မှာတော့ သားဖောက် မွေးထား ပြီလို့ ကြားတယ်။ ပထမဆုံး သားဖောက်အောင်မြင်တဲ့ ပုံစံမှာရှိတယ်။ ငါးသလောက်က ကုန်း ပေါ်တင်တာနဲ့ သေတဲ့ သဘော ရှိတော့ အသက်နုတယ်လို့  ပြောရမယ်။ အခု မြန်မာမှာ  သားဖောက်လုပ်ပေးမှာက တရုတ်(တိုင်ပေ) နိုင်ငံသား ပညာရှင် သုံးဦးပါ။  ပြီးခဲ့တဲ့အပတ်က  ငါးသ လောက်မိုျးဥရရှိရေးအတွက် ဧရာဝတီ တိုင်းဒေသကြီးရဲ့ ဒေသတခိုျ့ကို သွား လေ့လာခဲ့ပြီးပါပြီ။  ငါးသလောက်က ကျောက်တန်း၊ တွံတေး၊ ကွမ်းခြံကုန်း၊ ဒေးဒရဲ၊ ဖျာပုံ၊ ငပုတော၊  လပွတ္တာ၊ မော်လမြိုင်ကျွန်း၊ ဘိုကလေး  စတဲ့ ဒေသ တွေရဲ့ မြစ်တွေထဲမှာ တစ်နှစ်ပတ် လုံး ဖမ်းယူရရှိနေပါသေးတယ်။ သူတို့ရဲ့ ဥတည်ချိန်က  နောက်လလောက်မှဆို တော့ ပညာရှင်တွေ ၉ လပိုင်းမှာ တစ် ခေါက်ထပ်လာမယ်။ ငါးသလောက်ဥပါ အမတွေ ရနိုင်တဲ့  ဒေသတွေသွားပြီး ဥတွေသယ်မယ်။ ပြည်တွင်းမှာသား ဖောက် ဖြစ်ရင်တော့ ယုဇနကုမ္ပဏီရဲ့ ပုသိမ်က  အအေးခန်းမှာ  လုပ်ဖြစ်ဖို့ များမယ်။ သားဖောက်အောင်မြင်ရင် ပညာဖြန့်ပေးမှာပါ'' ဟု  ငါးမွေးမြူရေး လုပ်ငန်းရှင် ဦးသန်းလွင်က ပြောပြ သည်။          မြန်မာနိုင်ငံမှ ထွက်ရှိသော ငါး သလောက်များကို ဥရောပ၊ ယူအေအီး၊ အရှေ့ပိုင်းဒေသများ၊ တရုတ်နှင့် အင်္ဂလန်နိုင်ငံများက ဝယ်ယူလျက် ရှိကြောင်း သိရသည်။                                                                                                            ခင်မိုျးသွယ်

Friday, 3 Sep 2010

   စူလ်တန်ငါးမိုျးသစ် စင်ကာပူသို့တင်ပို့ရောင်းချမည်      သူရစံကုမ္ပဏီမှ သားဖောက်မွေးမြူခဲ့သော စူလ်တန်ငါးမိုျးသစ်ကို စင်ကာပူသို့တင်ပို့ရောင်းချရန် စီစဉ်နေပြီဖြစ်သည်။    '' သူရစံ ကုမ္ပဏီက စင်ကာပူကနေ စူလ်တန်ငါးမိုျးသစ်ကို တင်သွင်းပြီး ဒီမှာသားဖောက်တာ အောင်မြင်ခဲ့တယ်။ ဧရာဝတီတိုင်းမှာ မွေးခဲ့တာပါ။ မွေးမြူတဲ့ကာလက၂ နှစ်ကြာပါတယ်။ အခုစင်ကာပူကို တင်ပို့ဖို့လုပ်နေ ပါပြီ။ စူလ်တန်ငါးက အမြင့်ဈေးမှာရှိတယ်။ ဈေးကွက်ရှိတယ်။ ဒါ့ကြောင့် ငါးမွေးမြူတဲ့ ပုဂ္ဂလိက လုပ်ငန်းရှင်တွေက စိတ်ဝင်စားလာကြတယ်။ အခုဆိုရင် တီဇက် (TZ)  ကုမ္ပဏီကလည်း စင်ကာပူက သားပေါက်တင်သွင်းမွေးမြူဖို့ စီစဉ်နေပါပြီ '' ဟု ငါးလုပ်ငန်း အဖွဲ့ခုျပ်မှ တာဝန်ရှိသူတစ်ဦးက ပြောပြသည်။         အဆိုပါ ငါးမိုျးများကို ပုဂ္ဂလိကလုပ်ငန်းရှင်များသို့ ဖြန့်ဖြူးရောင်းချရန်အတွက် စင်ကာပူနိုင်ငံက ငါးမိုျးများတင်သွင်း၍ ငါး  လုပ်ငန်း ဦးစီးဌာနက ၂ဝဝ၈ ခုနှစ်ကတည်းက သားဖောက်လုပ်ကိုင်ထားကြောင်း သိရသည်။                                                                                                                      ခင်မိုျးသွယ်

Thursday, 2 Sep 2010

 ငါးရှဉ့်ဈေးနှုန်းတည်ငြိမ်၍ ငါးရှဉ့်ဝယ်ယူပြီး တင်ပို့ရောင်းချသူများ အရှုံးမရှိ             ငါးရှဉ့်များကို မူဆယ် ၁ဝ၅ မိုင်မှတစ်ဆင့် တရုတ်နိုင်ငံကို တင်ပို့ရောင်းချ ရာမှာ ယခုရက်ပိုင်း ဈေးကွက်ငြိမ်နေ တာကြောင့် ငါးရှဉ့်ဝယ်ယူပြီး တင်ပို့ ရောင်းချသူများ အရှုံးမရှိကြောင်း မန္တလေးမြို့ နတ်ရေကန်ရှိ ငါးရှဉ့် လုပ်ငန်းရှင်များအသင်းမှ သိရပါတယ်။     ''ဈေးနှုန်းငြိမ်နေတော့  အောက်မှာ ဝယ်ပြီး  ပြန်ရောင်းရတာ  အရှုံးမရှိဘူး ပေါ့။ ရှေ့လတွေက  ဈေးမငြိမ်တော့ အောက်မှာဈေး တစ်မိုျးနဲ့  ဝယ်ရပြီး အပေါ်ရောက်တော့ ဈေးပြောင်း သွား ရော၊ တက်ရင်တော့ကိစ္စမရှိဘူး။ ဈေး ကျရင်ရှုံးတာပေါ့။ ဒီလမှာ ဈေးကငြိမ် နေ ပြီး ၃ ၊ ၄ ရက်အတွင်းမှာ  နည်း နည်း  တက်လာတယ်။   ဈေးမှန်လို့ ရတဲ့အတွက် အောက်မှာဈေးဖွင့် ဝယ် လို့ရတာပေါ့။ဒီရက်ပိုင်း ကုန်အတက် လည်းများလာတယ်။ ရန်ကုန် ဘက် က လာတာများတယ်။ အထက်ပိုင်းက ငါးရှဉ့်က ကန်ပိုက်တီးဘက်ကို ထွက် တယ်။ ငါးရှဉ့်ဈေးနှုန်းက ဆက်တက် နိုင်ပြီး ကုန်လည်း ပိုထွက်လာနိုင်တယ်'' လို့ ငါးရှဉ့်လုပ်ငန်းရှင်များအသင်း ဥက္ကဋ္ဌ ဦးဝင်းမြင့်က ပြောကြားပါတယ်။     တရုတ်နိုင်ငံကို မူဆယ် ၁ဝ၅ မိုင်နဲ့ ကန်ပိုက်တီးလမ်းတို့မှတစ်ဆင့် ငါးရှဉ့် များကို နေ့စဉ်တင်ပို့ ရောင်းချလျက်ရှိပါ တယ်။မူဆယ် ၁ဝ၅ မိုင်ကို ရန်ကုန်နဲ့ မန္တလေးဘက်မှ ၁၂ ဘီးကား ၅ စီး၊ ၆ စီးဝန်းကျင် တင်ပို့ရောင်းချရပြီး ကန် ပိုက်တီးလမ်းကြောင်းသို့ ရွှေဘိုနဲ့ ကော လင်းအထက် နယ်တစ်ဝိုက်မှ နေ့စဉ် ၂ တန်၊ ၃ တန်ဝန်းကျင် တင်ပို့ရာင်းချမှုရှိ ကြောင်း သိရပါတယ်။     လတ်တလောတွင် မူဆယ် ၁ဝ၅ မိုင်ဘက်ဈေးမှာ  ငါးရှဉ့် တစ်တန်ကို ကန်ဒေါ်လာ ၂၁၅ဝ ဈေးရှိ၍ ကန်ပိုက် တီးရှိ ဈေးနှုန်းမှာ တစ်ပိဿာ ကို ၃၂ ယွမ်ဈေးရှိကြောင်း သိရပါတယ်။                                                                                   ဇူးဇူး

Tuesday, 23 Feb 2010

ရွှေယမုံအအေးခန်းစက်ရုံအသစ်တစ်ခု ထူထောင်လုပ်ကိုင်ရန်အတွက် ဒေါ်လာ ငါးသိန်းဖြင့် စတင် ရင်းနှီးမြှုပ်နှံရန် စီစဉ်နေပြီဖြစ်သည်။ ''အအေးခန်းစက်ရုံတစ်ခု ထူထောင်လုပ်ကိုင်ဖို့ ဧရာဝတီတိုင်း လပွတ္တာမြို့နယ် ၃မိုင်မြို့သစ်မှာ မြေလေးဧက ယူထားပါတယ်။ စစချင်း ဒေါ်လာ ငါးသိန်း ရင်းနှီးမြှုပ်နှံ မှာဖြစ်ပြီး ဒေါ်လာသန်းဂဏန်းအထိ ထည့်ဝင်သွားနိုင်မယ်လို့ ထင်ပါတယ်။ စက်ရုံက ရေချို-ရေငန် ငါးပုစွန် ပြုပြင်ထုတ်လုပ်မှုတွေ လုပ်ကိုင်မှာပါ။ မတ်လနဲ့  ဧပြီလလောက်မှ လုပ်ငန်းစတင်နိုင်မယ်လို့ ခန့်မှန်းပါတယ်''ဟု EU တင်ပို့ခွင့်ရ ရွှေယမုံရေလုပ်ငန်းကုမ္ပဏီမှ လုပ်ငန်းရှင် ဦးထွန်းအေးက ပြောပြသည်။ လပွတ္တာမြို့နယ်မှာ ရေလုပ်ငန်းထွန်းကားသည့် မြို့ဖြစ်ပြီး၊ ယခုအခါ ကမ်းဝေးလိုင်စင်ရ စက်လှေ ၇၀ ခန့်နှင့် ကမ်းနီးစက်တပ်လှေ ၃၀၀ ခန့်ရှိသဖြင့် ကုန်ကြမ်းပေါများကာ လုပ်သားအင်အား အလွယ် တကူရနိုင်သည့် မြို့ဖြစ်ကြောင်းသိရသည်။                                      ခင်မျိုးသွယ်

Tuesday, 23 Feb 2010

ပြည်ပနိုင်ငံများသို့ တင်ပို့နေသည့် ရေချို၊ ရေငန် ပုစွန် ကုန်ချောထုတ်လုပ်သည့် စက်ရုံများအနေဖြင့် ပုစွန်ကုန်ကြမ်း ရရှိမှု နည်းပါးခြင်းကြောင့် ငါးကိုသာ အားထားနေရကြောင်း အပတ်စဉ် အင်္ဂါနေ့တိုင်းပြုလုပ်သည့် သားငါးကဏ္ဍ ဖွံ့ဖြိုးတိုး တက်မှုဆိုင်ရာဆွေးနွေးပွဲမ ှသိရသည်။''ပုစွန်က ရာသီချိန်မဟုတ်တာရယ်၊ ပင်လယ်ပြင် ဖမ်း ဆီးရရှိမှုက လျော့ကျတာရယ်၊ ဆိပ်ခံတွေ ပြင်ဆင်နေတာ ကြောင့် ရပ်ထားရလို့ ပုစွန်ရရှိမှုနည်းပါးလာတဲ့အတွက် စက် စွမ်းအားပြည့် မလည်နိုင်ပါဘူး။ ပုစွန်ထုတ်လုပ်တဲ့ စက်ရုံတွေ အနေနဲ့ မွေးမြူရေးငါးဖြစ်တဲ့ ငါးမြစ်ချင်းကို အားကိုးနေရတဲ့ အနေအထား ဖြစ်လာပါတယ်။ သား၊ ငါး၊ ပုစွန်ပေါများဖို့က သားပေါက်ချိန်မှာ ဖမ်းဆီးတာတွေရပ်ဖို့ လိုပါတယ်။၂၀၀၈ ခုနှစ်တုန်းက ငါး၊ ပုစွန် သားပေါက်ချိန်မှာ နာဂစ်ဖြစ်လိုက် တော့ ငါး၊ ပုစွန်တွေ မဖမ်းဆီးနိုင်တော့ဘူး။ ပြန်လည်ဖမ်းဆီး ချိန်မှာ ငါး၊ ပုစွန်တွေ အထိအမိ ကောင်းတာတွေ့ရတယ်''ဟု အီးယူတင်ပို့ခွင့်ရ ပုစွန်ကုန်ချောထုတ်လုပ်သည့် လုပ်ငန်းရှင် တစ်ဦးက သုံးသပ်ပြောပြသည်။     ခင်မျိုးသွယ်

Tuesday, 23 Feb 2010

ူဖေဖော်ဝါရီလ ဒုတိယပတ်မှာတော့ ကော့သောင်းနယ်စပ် ကုန်သွယ်ရေးစခန်းမှတစ်ဆင့် ရေထွက်ကုန် ကန်ဒေါ်လာ ၃ သိန်းကျော်ဖိုး တင်ပို့နိုင်ခဲ့ပါတယ်။ ငါးမျိုးစုံကို အများဆုံးတင်ပို့နိုင်ခဲ့ပြီး ပဲတင်ပို့မှုက ဒုတိယလိုက်ပါတယ်။ ကဏန်း တင်ပို့မှုက တတိယနေရာမှာရှိပါတယ်။ ရနောင်းဈေးကွက်မှာ ငါးများကို အရည်အသွေးအလိုက်၊ အမျိုးအစားအလိုက် အုပ်စုခွဲပြီး စက်ရုံသုံးငါး၊ ဟိုတယ်စားငါး၊ ဒေသသုံးငါးများအဖြစ်ခွဲထုတ်ကာ ပြန်လည်ဖြန့်ခွဲ ရောင်းကြတာဖြစ်ပါတယ်။လတ်ဆတ်ပြီး အရည်အသွေးကောင်းတဲ့ငါး၊ ဈေးကြီးတဲ့ငါးများဖြစ်တဲ့ ငါးပါးနီ၊ ကျောက်ငါး၊ ဘီးဇင်း၊ ကုလားကုတ်၊ ငါးမှုန့်ဖြူ၊ ငါးမှုန့်မဲ၊ ငါးသလောက်၊ ကျွဲရင်၊ ကကတစ်ငါးများကို ပြန်လည်ထုပ်ပိုးပြုပြင်ကာ မလေးရှား၊ စင်ကာပူ၊ ဘရူနိုင်း နိုင်ငံများသို့ အဓိကတင်ပို့ကြပါတယ်။ မလေးရှားနယ်စပ် နရသီဝပ်ကို ရနောင်းမှ ခရီးမိုင် ၃၅၅ မိုင်အကွာမှာရှိပြီး အအေးခန်းကားများနဲ့သွားလျှင် ၉ နာရီခရီးသာကြာမြင့်တဲ့အတွက် အချိန်တိုအတွင်း တစ်ဆင့်တင်ပို့နိုင်သော အခြေအနေမှာရှိပါတယ်။ ရနောင်းမှ ရေထွက် ပစ္စည်းများကို ဖူးခက်လေဆိပ်၊ ဘောင်ခလာဆိပ်ကမ်းတို့မှ ပြည်ပသို့ တင်ပို့နိုင်ပါတယ်။စက်ရုံသုံးငါးများအဖြစ် ပလာတူး၊ ပလာလန်း၊ ပလာတူးခက်များ၊ အသားလွှာစက်ရုံအတွက်  ငါးပါးနီ၊ ကုလားကုတ်၊ ငါးချဉ်ပေါင်းများ၊ အသားကြိတ်စက်ရုံအတွက် ငါးသေး^မွှားများနဲ့ စွန့်ပစ်ငါးများကို အသုံးပြုပြီး မဟာချိုင်စက်မှုဇုန်နဲ့ ရနောင်းစက်ရုံ၊ မလေးရှားတို့ကို ဖြန့်ခွဲရောင်းချလျက်ရှိပါတယ်။ စက်ရုံများကထွက်တဲ့ ငါးကုန်ချော ထွက်ကုန်များကို ဘန်ကောက်ဈေးကွက်မှတစ်ဆင့် ပြည်တွင်းပြည်ပဈေးကွက်များသို့ ဆက်လက်ဖြန့်ဖြူးရောင်းချတယ်လို့ သိရပါတယ်။ ယမန်နှစ်က ဧပြီလမှ ဒီဇင်ဘာလကုန်ထိ ရေထွက်ကုန် တန်ချိန် ၁၅၇၀၀ ကျော်၊ တန်ဖိုးအားဖြင့် ကန်ဒေါ်လာ ၉ သန်းကျော်ဖိုး တင်ပို့နိုင်ခဲ့ပြီး ယခုနှစ်ကာလတူမှာ ရေထွက်ကုန် တန်ချိန် ၂၃၃၀၀ ကျော် တန်ဖိုးအားဖြင့် ကန်ဒေါ်လာ ၁၃ သန်းကျော်ဖိုး တင်ပို့နိုင်ခဲ့တဲ့အတွက် ယခုနှစ်မှာ တန်ချိန် ၇၆၀၀ ကျော်၊  တန်ဖိုးအားဖြင့် ကန်ဒေါ်လာ ၄ သန်းကျော်ဖိုး ကော့သောင်းနယ်စပ်မှာ ပိုမိုတင်ပို့နိုင်ခဲ့ပါတယ်။                                              source:  နကသ (ကော့သောင်း)

Tuesday, 23 Feb 2010

 ငါးလုပ်ငန်းဦးစီးဌာနနှင့်တက္ကသိုလ် များမှ ပညာရှင်များပူးပေါင်း၍ ငါးရှဉ့် များကို မေလနှင့် ဇွန်လ လောက်တွင် ပထမဆုံးစတင် မွေးမြူမည်ဖြစ်ကြောင်း ငါးရှဉ့်လုပ်ငန်းရှင်များအသင်းမှ သိရ သည်။]]ငါးရှဉ့်ကို ရွှံ့နွံတွေမှာပဲ မွေးလို့ရ တယ်လို့ အရင်ကသိထားတာပါ။ အခု မွေးမဲ့စနစ်က တရုတ်နည်းပညာဖြစ်တဲ့ ရေကြည်-ရေသန့်မှာ  ငါးရှဉ့်မွေးတဲ့ စနစ်ဖြစ်ပါတယ်။ မူဆယ်မှာ ဆန်ခါ ချပြီး သုံးမရတဲ့ ငါးရှဉ့်အသေးတွေကို ကုန်ကြမ်းအဖြစ်ယူပြီး မွေးမြူနိုင်မှာပါ။ ဒီမွေးမြူရေးက မြန်မာနိုင်ငံမှာ ပထမ ဆုံး စတင်မွေးမြူတာဖြစ်ပါတယ်}} ဟု ယင်းအသင်းမှ တာဝန်ရှိသူ တစ်ဦးက ပြောပြသည်။ငါးရှဉ့်တင်ပို့မှုမှ ဒေါ်လာ၂၅ သန်း ရရှိရန် ရည်မှန်းဆောင်ရွက်လျက်ရှိပြီး ၂၀၁၀ ခုနှစ် ဖေဖော်ဝါရီ  ၁၄ ရက်နေ့ အထိ ဒေါ်လာ ၁၇ဒသမ ၆၁သန်း ရရှိ ထားပြီးဟုဆိုသည်။   ခင်မျိုးသွယ်

Tuesday, 23 Feb 2010

 မြန်မာနိုင်ငံတွင်အများဆုံး မွေးမြူ ထုတ်လုပ်လျက်ရှိသော  ငါးမြစ်ချင်း ငါးများကို ဖေဖော်ဝါရီ ၂၃ ရက်က စတင်၍ မူလပေါက်ဈေးထက် တစ် ပိဿာလျှင် ၅၀ကျပ် တိုးမြှင့်ဝယ်ယူမည် ဖြစ်ကြောင်း ရေထွက်ပစ္စည်းထုတ်လုပ် သူများနှင့်ပို့ကုန်လုပ်ငန်းရှင်များ အသင်း မှ သိရသည်။]]မွေးမြူသူတွေအနေနဲ့   အစာ ဈေးတက်လာတဲ့အတွက်  ထုတ်လုပ်မှု တွက်ခြေမကိုက်   ဖြစ်လာကြတယ်။ ဖွဲနုက မနှစ်ကထက်စာရင် တစ်ပေါင်ကို ၃၀ ကျပ်လောက်ပိုလာတယ်။ ငါးမြစ် ချင်း မွေးမြူရာမှာ ဖွဲနုက ၇၅ ရာခိုင် နှုန်း၊ ၈၀ ရာခိုင်နှုန်းလောက် ကျွေးရ တော့ အဓိက အစာလိုဖြစ်နေတာ။ မွေးမြူတဲ့စရိတ် တွက်ခြေကိုက် အောင် ငါးတစ်ပိဿာကို ၁၀၀ ကျပ် အထိတိုးမြှင့်ဝယ်ယူဖို့ တောင်းဆိုလာ တယ်။ အဲဒါကိုညှိနှိုင်းလိုက်တော့ အိတ် စပိုတာတွေဘက်က  တစ်ပိဿာကို ၅၀ ကျပ် တိုးမြှင့်ဝယ်ယူဖို့ သဘောတူခဲ့ ပါတယ်}} ဟု အိတ်စပိုတာ အသင်းမှ တာဝန်ရှိသူတစ်ဦးက ပြောပြသည်။ ၂၀၁၀ ခုနှစ် ဖေဖေဝါရီလ ၁၆ ရက်နေ့တွင် အိတ်စပိုတာများမှ ဝယ်ယူ ခဲ့သော ငါးမြစ်ချင်းဈေးနှုန်းများမှ ၂ ၤ အရွယ် တစ်ပိဿာလျှင် ၂၁၅၀ ကျပ်၊ ၃ၤ အရွယ် တစ်ပိဿာလျှင် ၂၂၅၀ ကျပ်၊ ၄ၤ အရွယ် တစ်ပိဿာလျှင် ၂၃၅၀ ကျပ်တို့ ဖြစ်သည်။   ခင်မျိုးသွယ်

Pages