Main menu

Background

Monday, 18 Oct 2010

 တစ်နှစ်အတွင်း ပါကစ္စတန်ပဲဈေးနှုန်း ၁ဝဝ ရာခိုင်နှုန်းမြင့်တက်       ပါကစ္စတန်နိုင်ငံရဲ့ လက်ကားဈေးကွက်များမှာရော လက်လီဈေးကွက် များမှာပါ ပဲမျိုးစုံဈေးနှုန်းဟာ ယခုတစ်နှစ်အတွင်း အနည်းဆုံး ၁ဝဝ ရာခိုင်နှုန်း မြင့်တက်ခဲ့တယ်လို့ အပတ်စဉ်ကုန်စည်ဈေးနှုန်းများ အခြေခံထားတဲ့ စာရင်းအရ သိရပါတယ်။ ပြည်တွင်းရောင်းချမှုပြတ်လပ်တာကြောင့် တစ်ပတ်အတွင်း ပဲမျိုးစုံ ဈေးနှုန်းဟာ ရူပီး ၁ဝ ကနေ ၆ဝ အထိ မြင့်တက်ခဲ့တယ်လို့ ဈေးကွက်များ က ဆိုပါတယ်။      ပဲမျိုးစုံလက်ကားရောင်းချသူ  Tariq Murtaza ပြောကြားရာမှာ ကုလားပဲခွဲခြမ်း တစ်ကီလိုဈေးဟာ ရူပီး ၇ဝ (ကန်ဒေါ်လာ ဝ ဒသမ ၈၁) ရှိခဲ့ ရာမှ ရူပီး ၇၅-၈ဝ (ကန်ဒေါ်လာ ဝ ဒသမ ၈၇- ဝ ဒသမ ၉၃) ဈေးနဲ့ ရောင်းချ နေရတယ်လို့ ဆိုပါတယ်။ ယခင်နှစ်ကာလတူက ကုလားပဲခွဲခြမ်းဈေးဟာ ရူပီး ၃၇ (ကန်ဒေါ်လာ ဝ ဒသမ ၄၃) သာရှိခဲ့လို့ တစ်နှစ်အတွင်း ၁ဝဝ ရာခိုင်နှုန်းနီးပါး မြင့်တက်လာခဲ့တယ်လို့ဆိုပါတယ်။ ပဲမျိုးစုံဈေးနှုန်းပုံမှန်မြင့်တက်နေရတဲ့ အကြောင်းရင်း တွေထဲမှာ ပါကစ္စတန်ရူပီး တန်ဖိုးကျဆင်းတာရယ်၊ ရေလွှမ်းမိုးလို့ သီးနံှတွေပျက်စီးရတဲ့အပြင် နိုင်ငံတကာဈေးကွက်မှာ စားဖိုချောင်သုံးကုန်စည်များ သိသိသာသာ ဈေးနှုန်း မြင့်တက်ရတဲ့အချက်တွေ ပါဝင်နေတယ်လို့လည်း ၎င်းက ထပ်လောင်းပြောကြားပါတယ်။     ပဲနီလေးဈေးနှုန်းဟာ လွန်ခဲ့တဲ့သီတင်းပတ်မှာ တစ်ကီလိုကို ရူပီး ၁၂ဝ (ကန်ဒေါ်လာ ၁ ဒသမ ၃၉) ရှိခဲ့ရာမှ ယခုပတ်မှာ ရူပီး ၁၆ဝ-၁၇ဝ (ကန်ဒေါ်လာ ၁ ဒသမ ၈၆-၁ ဒသမ ၉၇) ဖြစ်လာလို့ ၇ ရက်မှ ၁ဝ ရက်အတွင်း တစ်ကီလိုကို ရူပီး ၅ဝ (ကန်ဒေါ်လာ ၁ ဒသမ ၅၈) မြင့်တက်လာခဲ့တယ်လို့ ဆိုပါတယ်။ ပဲနီလေးဟာ ၂ဝဝ၉ ခုနှစ်အောက်တိုဘာ-နိုဝင်ဘာလ အတွင်း အရည်အသွေးအလိုက် ရူပီး ၉ဝမှ ၁၁ဝ ( ကန်ဒေါ်လာ ၁ ဒသမ ဝ၄- ၁ ဒသမ ၂၈) အကြား အရောင်းအဝယ်ဖြစ်ခဲ့တာကြောင့်တစ်နှစ်အတွင်း ပဲနီလေးမှာလည်း ၉ဝ ရာခိုင်နှုန်း ဝန်းကျင်မြင့်တက်ခဲ့ပါတယ်။ ၂ဝဝ၉ ခုနှစ် အောက်တိုဘာလက ကနေဒါပဲနီလေး လက်ကား ဈေးဟာ တစ်တန်ကို ရူပီး ၉၈ဝဝဝ (ကန်ဒေါ်လာ ၁၁၃၇) ရှိချိန်မှာ ပြည်တွင်း ပဲနီလေးများက တစ်တန်ကို ရူပီး ၁၁ဝဝဝဝ (ကန်ဒေါ်လာ ၁၂၇၇) ဈေးရှိခဲ့တယ်လို့ ၎င်းကထပ်လောင်း ပြောကြားပါတယ်။လမင်း၊ ှSource: the nation

Monday, 18 Oct 2010

ပြည်ဈေးကွက်တွင် ဘိုကိတ်လက်ကျန်ပြတ်      ပြည်ဈေးကွက်မှာတော့ ဘိုကိတ် ပိဿာ ၂ဝ တစ်တင်းကို ၂၅ဝဝဝ ကျပ်ဖြင့် ယခင်တစ်ပတ်ဈေးအတိုင်း အပြောင်းအလဲ မရှိ ဈေးငြိမ်နေတာကို တွေ့ရပါတယ်။ ယခင်တစ်ပတ်က လက်လီသမားများ အရောင်းအဝယ် ဖြစ်ခဲ့တဲ့ ဘိုကိတ်ပဲဟာ ယခုတစ်ပတ်မှာတော့ လက်ကျန်များမရှိတော့ကြောင်း သိရပါတယ်။ ဒါကြောင့် ဈေးကွက်မှာ ဘိုကိတ်အရောင်းအဝယ်မဖြစ်တော့ဘူးလို့ သိရပါတယ်။                                                                                ဆုမွန်ဆွေ

Monday, 18 Oct 2010

 ပဲလွန်းဖြူ ဆက်လက်တင်ပို့မှုရှိ         ယခုနှစ်မှာ ပင်လယ်ရေကြောင်းက ပိုတင်ပို့လာတဲ့ ပဲလွန်းဖြူဟာ ယခုတစ်ပတ် (အောက်တိုဘာ ၇ ရက်မှ ၁၃ရက်) အတွင်းမှာလည်း တန်ချိန် ၂ဝဝ နီးပါးနဲ့ ဆက်လက်တင်ပို့နေပါတယ်။ တင်ပို့တဲ့ နိုင်ငံတွေက စင်ကာပူ၊ ကိုရီးယား၊ ပါကစ္စတန်၊ ထိုင်း၊ ယူအေအီး တို့ဖြစ်ပါတယ်။ ရန်ကုန် FOB ဈေးနဲ့ အိန္ဒိယမွန်ဘိုင်းဈေးများကို ယခင်တစ်ပတ်နဲ့ နှိုင်းယှဉ်ဖော်ပြလိုက်ပါတယ်                                ရန်ကုန် (FOB)                     မွန်ဘိုင်း                             FAQ              SQ၁၄-၁ဝ-၁ဝ           ၇၉ဝ-၈ဝဝ       ၈၉ဝ-ဝဝ                ၁၁၉၅၇-၁ဝ-၁ဝ              ၇၈ဝ-၇၉ဝ      ၈၈ဝ-၈၉ဝ               ၁၁ဝ၁MIRT (MAPT)

Monday, 18 Oct 2010

ဗွီတူးအမြင့်ဈေးနဲ့ အရောင်းအဝယ်ဖြစ်နေ      မုံရွာပဲဈေးကွက်မှာ အောက်တိုဘာ ဒုတိယပတ်အတွင်း အဝယ် လိုက် လာပြီး ဈေးမြင့်လာတဲ့ ပဲကဗွီတူးလို့ သိရပါတယ်။ ဒေသတွင်းပဲခွဲစက်၊ ကြာဇံစက် များနဲ့အတူ ရန်ကုန်ဝယ်လက်အပြိုင်ဆွဲလာလို့ အောက်တိုဘာလ ၁၁ ရက်နေ့က ပုံမှန်ထက် အရောင်းအဝယ်ပိုကာ ဈေးမှာ တစ်တင်း ၂ဝဝ ကျပ်မြင့်တက်ခဲ့ပြီး တစ်တင်း ၂၁ဝဝဝ ကျပ်နဲ့ အိတ် ၁၅ဝဝ ခန့်အရောင်းအဝယ် ဖြစ်ခဲ့ကြောင်း သိရပါတယ်။အောင်မင်း 

Monday, 18 Oct 2010

ဒေသတွင်းအရောင်းသွက် ဈေးကွက်မာတဲ့ မုံရွာကုလားပဲ      မုံရွာကုန်စည်ဒိုင် ပဲဈေးကွက်ရဲ့ အောက်တိုဘာဒုတိယပတ်မှာ အခြားပဲ များထက် ကုလားပဲမျိုးစုံ အရောင်း အဝယ်သွက်ခဲ့ပြီး ပေါက်ဈေးအနေနဲ့ ယခင် အပတ်ကထက် တစ်တင်းကို ၇ဝဝ ကျပ်မှ ၁ဝဝဝ ကျပ်ထိ ဈေးပိုရခဲ့ကာ ကုလားပဲ ရိုးရိုးတစ်တင်း ၁၉၇ဝဝ ကျပ်၊ ကုလားပဲ (တိုင်ပေ) တစ်တင်း ၂၁ဝဝဝ ကျပ်နဲ့ ဗွီတူး တစ်တင်း ၂၁၅ဝဝ ကျပ်အသီးသီး ဈေးမြောက်လာခဲ့ပါတယ်။ ယခုအပတ်ထဲမှာ ရန်ကုန်၊ မန္တလေး ဝယ်လက် အနည်းငယ်သာရှိခဲ့ပြီး ဒေသတွင်းခွဲစက်သမားတွေ အများဆုံးဝယ်ယူ ခဲ့တယ်လို့ ပွဲရုံရပ်ကွက်က ဆိုပါတယ်။ တစ်ရက်ကို တင်း ၃ဝဝမှ ၅ဝဝ ကြား နေ့စဉ် အရောင်းအဝယ်ဖြစ်ခဲ့ကာ အောက်တိုဘာလ ၁ ရက် နေ့မှ ၁ဝ ရက်နေ့အထိ မန္တလေးကို တင်း ၂ဝဝဝ ခန့်နဲ့ ရန်ကုန်ကို တင်း ၂၅ဝဝ ခန့်၊ မုံရွာဈေးကွက်မှ တင်ပို့စီးထွက်ခဲ့တယ်လို့ လေ့လာသိရှိရပါတယ်။ထွန်းလှိုင်

Monday, 18 Oct 2010

ပြည်ပဈေးကွက်အခြေအနေအရ အိန္ဒိယကုလားပဲဈေးမြင့်တက်      ပြည်ပလက်ငင်းဈေးကွက်များမှာ ကုလားပဲကိုတာ လျော့ကျခြင်းနဲ့ ပွဲတော်ကာလနီးလာပြီဖြစ်ခြင်းတို့ကြောင့် လွန်ခဲ့တဲ့သီတင်းပတ်များအတွင်း အိန္ဒိယ ပြည်တွင်းဈေးကွက်များမှာ ကုလားပဲဝယ်လိုအား မြင့်တက်ခဲ့တယ်လို့ သိရပါတယ်။ ဒါ့အပြင် ကုလားပဲအတွက် အနိမ့်ဆုံးထောက်ပံ့ဈေးနှုန်းကို ယခင်နှစ်က တစ်တန်ကို ရူပီး ၁၇၆ဝဝ (ကန်ဒေါ်လာ ၃၉၇ )ရှိရာမှ ရူပီး ၂၁ဝဝဝ (ကန်ဒေါ်လာ ၄၇၄) ကို မြှင့်တင်မယ်ဆိုတဲ့ သတင်းများက ကုလားပဲ ဈေးနှုန်းကို အထောက်အပံ့ဖြစ်စေပါ တယ်။ ကုလားပဲအတွက် အနိမ့်ဆုံး ထောက်ပံ့ဈေးနှုန်း တိုးမြင့်လိုက်ခြင်း ကြောင့် ပဲတောင်သူများဟာ ယင်းဈေးအောက်လျော့ချပြီး၊ ရောင်းချမှာမဟုတ်ဘူးလို့ ဆိုပါတယ်။     ပွဲတော်အတွက် အဝယ်ကောင်းလာမှာဖြစ်လို့ ကာလတိုအတွင်း ကုလားပဲတစ်တန်ကို ရူပီး ၇ဝဝ-၈ဝဝ (ကန်ဒေါ်လာ ၁၆-၁၈) မြင့်တက်နိုင်ပေမဲ့ ကာလပတ်အတွင်းမှာတော့ မိုးပဲအထွက်ကောင်းမယ့်ခန့်မှန်းချက်နဲ့ ကုလားပဲ လက်ကျန်ရှိ နေခြင်းတို့ကြောင့် ဈေးငြိမ်နိုင်တယ်လို့ ခန့်မှန်းကြပါတယ်။                                                                                                       ယမင်းခင်၊Source: commodityonline 

Monday, 18 Oct 2010

မုံရွာပဲတီစိမ်း အရည်အသွေးကောင်းလို့ ဈေးကောင်းရနေ         မုံရွာကုန်စည်ဒိုင် ပဲတီစိမ်းကြီးဈေးကွက်ဟာ ပြီးခဲ့တဲ့လကုန်ပတ်နဲ့ အောက်တိုဘာပထမပတ်အတွင်း တစ်တင်း၂၂၅ဝဝ ကျပ်ခန့်သာ အမြင့်ဆုံးပေါက်ခဲ့ရာမှ ယခုတစ်ပတ်မှာတော့ အသစ်ဝင်လာတဲ့ ပဲတီစိမ်းကြီးတွေ တစ်တင်း ၂၅ဝဝဝကျပ်ထိ ဈေးကောင်းရခဲ့တာတွေ့ရပါတယ်။ အရည်အသွေးကောင်းလို့ ဈေးကောင်းရခြင်းဖြစ်သလို ဈေးကောင်းရလို့လည်းနယ်အဝင် သွက်လာခဲ့ပါတယ်။ နယ်စုံကဝင်လာတဲ့ ပမာဏပေါ်မူတည်ပြီး၊ မန္တလေး ဝယ်လက်တွေ ဝယ်ယူမှုရှိလို့ တစ်ရက်ကို တင်း ၂ဝဝ မှ ၄ဝဝ ကြား ပုံမှန်အရောင်းအဝယ်ဖြစ်ခဲ့ပြီး၊ အောက်တိုဘာ ၁ ရက်မှ ၁ဝ ရက်ထိ မုံရွာ ဈေးကွက်ကနေ မန္တလေးကို ပဲတီစိမ်းကြီး တင်း ၃ဝဝဝ ခန့် တင်ပို့ခဲ့ကြကြောင်း လေ့လာ သိရှိရပါတယ်။ထွန်းလှိုင်

Monday, 18 Oct 2010

တရုတ်ဝယ်လက်အဆွဲသာတဲ့ မုံရွာပဲတီစိမ်းဈေးကွက်     မုံရွာပဲဈေးကွက်မှာ အောက်တိုဘာ ဒုတိယပတ်အတွင်း ပဲတီစိမ်းဈေးမှာ အနည်းငယ်မြင့်တက်ခဲ့ပါတယ်။ ဝယ်လက်မှာ မန္တလေး ရန်ကုန်အပြိုင်ဆွဲနေပြီး အောက်တိုဘာ ၁၁ ရက်နေ့က မန္တလေးဝယ်လက်က ရန်ကုန်ဝယ်လက်ထက်ဈေးပိုခဲ့ပြီး တစ်တင်း ၂၅ဝဝဝ ကျပ်ဈေးနဲ့ တင်း ၈ဝဝ ကျော်အရောင်းအဝယ်ဖြစ်ခဲ့ကြောင်း သိရပါတယ်။အောင်မင်း

Monday, 18 Oct 2010

အိန္ဒိယပဲတီစိမ်းဈေး တစ်လအတွင်း အနည်းငယ်သာလျော့      အိန္ဒိယပြည်တွင်းဈေးကွက်တွေမှာ ပဲအသစ်ဝင်ရောက်မှု ရှိလာပေမဲ့ အစိုဓါတ်ပါဝင်မှုများခြင်းကြောင့် ဈေးအနည်း ငယ်လျော့ကျပါတယ်။ ပွဲတော်ကာလအတွက် လက်ရှိပဲများကို ဈေးအနိမ့်နဲ့ ဝယ်လိုအားကောင်းနိုင်ပေမဲ့ ပြည်ပက တင်သွင်းပဲ များရောက်ရှိလာတာကြောင့် ရောင်းအားများပြီး ဈေးလျော့နိုင်တယ်လို့ ခန့်မှန်းကြပါတယ်။ တစ်လအတွင်း ချန်နိုင်းဈေးကွက်ပေါက်ဈေးနဲ့ C & F  ဈေးနှုန်းများ နှိုင်းယှဉ်ဖော်ပြလိုက်ပါတယ်                         ချန်နိုင်းဈေးကွက်                ချန်နိုင်း (C&F)                     ရူပီး                      ဒေါ်လာ                          ဒေါ်လာ၁၃-၁ဝ-၁ဝ    ၄၇ဝဝဝ                    ၁ဝ၅၆                          ၉၃၅၁၃-၉-၁ဝ       ၄၈ဝဝဝ                   ၁ဝ၃၆                          ၉၂ဝMIRT (MAPT)

Monday, 18 Oct 2010

ပဲတီစိမ်းတန် ၁ဝဝဝ ကျော်နယ်စပ်မှပို့      စစ်ကိုင်း၊ မန္တလေးနဲ့မကွေးတိုင်းဒေသကြီးများမှာ ထွက်ရှိတဲ့ ပဲတီစိမ်း ၇၃၆ တန်နီးပါးနဲ့ ပဲတီစိမ်းအခြမ်း ၁၉၅ တန်ခန့် စုစုပေါင်း တန်ချိန် ၉၃၁ ကန်ဒေါ်လာ ဝ ဒသမ ၈၈ သန်းဖိုးအောက်တိုဘာလ ၆ ရက်မှ ၁၂ ရက်အထိ ကာလအတွင်း တင်ပို့နိုင်ခဲ့ပါတယ်။ ယခင်အပတ်ကထက် တန်ချိန် ၃၂၉ ခန့်ပိုမိုတင်ပို့နိုင်ခဲ့တယ်လို့ သိရပါတယ်။ ယခင်အပတ်ဈးထက် တစ်တန်ကို ယွမ် ၄ဝဝ ခန့်မြင့်တက်ခဲ့တဲ့အတွက် တွက်ခြေကိုက်မှု ရှိတာကြောင့်မို့ ယခုအပတ်မှာ တင်ပို့မှု ပိုမိုခဲ့တာလို့သိရပါတယ်။ ယခုအပတ်နဲ့ယခင်အပတ်ဈေးများကို နှိုင်းယှဉ်ဖော်ပြပေးလိုက်ပါတယ်                              မိမိဘက်(ကျပ်/တန်)                           တစ်ဘက်နိုင်ငံ(ယွမ်/တန်)               ယခု         ယခင်    ပြောင်းလဲမှု   ရာခိုင်နှုန်း     ယခု       ယခင်   ပြောင်းလဲမှု     ရာခိုင်နှုန်းပဲတီစိမ်း    ၉၉၉၅၃၇ ၉၂ဝ၃၁၄      ၇၉၂၂၃      ၈           ၇၁၈ဝ     ၆၇၈ဝ      ၄ဝဝ               ၆                                                                                                                        MIRT (DOBT)

Pages