Background
အိန္ဒိယပဲစင်းငုံဈေး တစ်လအတွင်း အနည်းငယ်မာလာ အိန္ဒိယပြည်တွင်းလက်ငင်းဈေးကွက်တွေမှာ တစ်လအတွင်း ပဲစင်းငုံ ဈေးအနည်းငယ်မာလာတာ တွေ့ရ ပါတယ်။ ပဲစင်းငုံစိုက်ဧရိယာ မနှစ်ကထက် အမြောက်အမြားပိုမိုပေမဲ့ အသစ်မထွက်သေးဘဲ လက်ကျန်များ ရောင်းချ နေတာ ဖြစ်လို့ ဈေးမကျသွားဘဲ အနည်းငယ်မာလာတာ ဖြစ်ပါတယ်။ ပြည်တွင်း ဈေးကွက် တွေမှာ လက်ကျန် အမြောက်အမြားရှိနေသေးတယ် ဆိုပေမဲ့လည်း တန်ဇန်းနီးယားနဲ့ မြန်မာနိုင်ငံတို့ကလည်း အနည်းငယ်စီ တင်သွင်းနေတာ တွေ့ရပါတယ်။ ပဲစင်းငုံအသစ် ဈေးကွက်ထဲမရောက်မီ အချိန်ထိတော့ ဈေးမာ နိုင်တယ်လို့ ခန့်မှန်းကြပါတယ်။ ယခင်လနဲ့ ယခုလ ကာလတူ ဈေးနှုန်းများ နှိုင်းယှဉ် ဖော်ပြလိုက်ပါတယ် ဒေါ်လာ/တန် မွန်ဘိုင်း ချန်နိုင်း၆-၁ဝ-၁ဝ ၇၉၆ ၈ဝ၁၆-၉-၁ဝ ၇၅၃-၇၅၈ ၇၅၃MIRT(MAPT)
မလေးရှားဆန်လက်ကျန်က ၆ လအတွက် အလုံအလောက်ရှိတယ် လို့ ဘားနပ်စ်ကဆို မလေးရှားနိုင်ငံရဲ့ ပြည်တွင်းဆန်ဖူလုံမှုဟာ ၃ဝ ရာခိုင်နှုန်းသာ ရပ်တည် နိုင်သေးပေမဲ့ လက်ရှိအကျပ်အတည်း ကာလအတွင်း မလေးရှားနိုင်ငံမှာ ဆန်လက် ကျန် ပမာဏဟာ ၅ လ၊ ၆ လအတွက် လုံလောက်နိုင်တယ်လို့ဘားနပ် ( Bernas) အကြီးတန်းမန်နေဂျာ အဇာဘင် အက်ဘ်ဒူလာ (Azhar bin Abdullah ) ပြော ကြားပါတယ်။ ကမ္ဘာ့ဆန် ဈေးကွက်အတွင်း ဆန်ရောင်းချမှု ငြိမ်သက်နေခြင်းက မလေးရှားနိုင်ငံအတွက် စိုးရိမ်စရာမဖြစ်နိုင်သေးပါဘူးလို့ ထပ်လောင်း ပြောကြား ပါတယ်။ မလေးရှားနိုင်ငံဟာ အခြားနိုင်ငံများမှ ၇ဝရာခိုင်နှုန်းဆန်တင်သွင်းမှုကို မှီခိုနေရ ပြီး အများစုကို ဗီယက်နမ်၊ ထိုင်းနဲ့ ပါကစ္စတန်တို့မှ တင်သွင်းနေရတယ်လို့ ဆိုပါတယ်။ နိုင်ငံရဲ့ ဆန်ထုတ်လုပ်နိုင်မှုဟာ မြေဆီလွှာရရှိနိုင်မှု၊ လယ်သမားဦးရေနဲ့ အခြားစီးပွားရေး အချက်အလက်များပေါ် မူတည်နေ ကြောင်း၊ ဘားနပ်အနေနဲ့ လယ်ကွင်း မရှိပေမဲ့ ထုတ်လုပ်မှုတိုးမြင့်ဖို့ လယ်သမားများကို အကူအညီ ပေးနိုင်ကြောင်း၊ ဒါပေမဲ့ လယ်သမားများနဲ့ အတူတကွ အလုပ်လုပ်နိုင်မယ့် ဆန်စက်များနဲ့ ချိတ်ဆက်မှုမရှိသေးဘူးလို့ ဆိုပါတယ်။ အမှန်တော့ ဆန် ထုတ်လုပ်မှုဟာ စားအုန်းဆီ၊ ရော်ဘာနဲ့ အခြား ငွေဖြစ်လွယ်တဲ့ သီးနံှများ ထုတ်လုပ်မှုရဲ့ ယှဉ်ပြိုင်မှုနဲ့ ရင်ဆိုင်နေရတယ်လို့ ဆိုပါတယ်။ ဒီလိုပြိုင်ဆိုင်မှုတွေရှိနေတဲ့တိုင် ဆန်ထုတ်လုပ်မှုမှာ နှစ်စဉ် ၂ ရာခိုင်နှုန်းမှ ၅ ရာခိုင်နှုန်းအတွင်း နှစ်စဉ်တိုးတက်မှုရှိတယ်လို့ ဆိုပါတယ်။ လမင်း၊ Sources: riceonline
အိန္ဒိယအဝယ်ထိုင်းသွားတဲ့ ပဲစင်းငုံတင်ပို့မှု လျော့ကျ ယခင်တစ်ပတ်မှာ ပင်လယ်ရေကြောင်းက ပဲစင်းငုံတန်ချိန် ၄ဝဝဝ အထိ တိုးတက်တင်ပို့ခဲ့ပေမဲ့ ယခုတစ်ပတ် (စက်တင်ဘာလ ၃ဝ ရက်မှ အောက်တိုဘာလ ၆ ရက်) အတွင်းမှာတော့ တန်ချိန် ၁ဝဝဝ အေးအေးသာ တင်ပို့မှု ရှိခဲ့ပါတယ်။ အိန္ဒိယဝယ်လက်တွေ အဝယ်ထိုင်းသွားလို့ တင်ပို့မှု လျော့ကျလာခြင်းဖြစ်ပါတယ်။ ဒါပေမဲ့ အိန္ဒိယပဲအသစ် မထွက်မီစပ်ကြား ဒီလထဲမှာတော့ အဝယ် အနည်းငယ် ထပ်ထွက်လာနိုင်တယ်လို့ ကုန်သည်များက ခန့်မှန်းကြပါတယ်။ ယခုနှစ် စက်တင် ဘာလအတွင်း တင်ပို့မှုအနေနဲ့ တန်ချိန် ၈၈ဝဝ ခန့်ရှိပြီး ယခုနှစ် သြဂုတ်လမှာ တန်ချိန် ၁၃ဝဝဝ ခန့် တင်ပို့ခဲ့တာတွေ့ရပါတယ်။ ၂ဝဝ၉ ခုနှစ် စက်တင်ဘာလ တင်ပို့မှုမှာ တန်ချိန် ၃ဝဝဝ ကျော်သာရှိလို့ ကာလတူတင်ပို့မှု နှိုင်းယှဉ်ရာမှာ ယခုနှစ် စက်တင်ဘာလက တန်ချိန် ၅ဝဝဝ ကျော် ပိုမိုနေတာ တွေ့ရပါတယ်။ ဈေးကွက် တွေမှာ အရောင်းအဝယ်ဖြစ်မှုနည်းတာကြောင့် FOB ဈေးလည်း လျော့ကျ လာတာကို ယခင်တစ်ပတ်နဲ့ နှိုင်းယှဉ် ဖော်ပြလိုက်ပါတယ် ဒေါ်လာ/တန် ပဲစင်းငုံနီ ပဲစင်းငုံဖြူနီ/ အဖြူ၇-၁ဝ-၁ဝ ၇၅ဝ-၇၆ဝ ၆၃ဝ-၆၄ဝ၁-၁ဝ-၁ဝ ၇၆ဝ-၇၇ဝ ၆၅ဝ-၆၆ဝMIRT(MAPT)
နိုက်ဂျီးရီးယား လယ်သမားများက ဆန်တင်သွင်းမှု ရပ်တန့်ဖို အစိုးရကို တောင်းဆို ပြည်ပမှ ဆန်တင်သွင်းမှုများကြောင့် ဈေးကွက်အမြောက်အမြားမှာ လိုအပ်တာထက် ဆန်ပိုမို ရောင်းချမှုတွေနဲ့ရင်ဆိုင်နေရတဲ့ ပြည်တွင်းလယ်သမားများရဲ့ ထုတ်လုပ်မှုကို ကာကွယ်နိုင်စေဖို့ ပြည်ပက ဆန်တင်သွင်းမှုကို ရပ်တန့်ရေးအစိုးရကို နိုက်ဂျီးရီးယားလယ်သမားများအသင်း (RIFAN ) မှ တိုက်တွန်းထားတယ်လို့သိရပါတယ်။ နိုက်ဂျီးရီးယားနိုင်ငံအတွင်း ဆန်တိုးမြင့်ထုတ်လုပ်ဖို့၊ ဆန်ကြိတ်ခွဲမှု တိုးတက်ဖို့နဲ့ ဈေးကွက်ရရှိဖို့ အားပေးတဲ့အနေနဲ့ ဆန်တင်သွင်းမှုကိုပြန်လည် သုံးသပ်သင့်တယ်လို့လည်း RIFAN ဥက္ကဌ Alhaji Abubakar Wodi မှ ပြောကြားပါတယ်။ အသေးစားဆန်စက်များအတွက် သုံးစွဲမှုကို ပြန်သုံးသပ်ပြီး နိုင်ငံအတွင်း အကြီးစားဆန်စက်များ ပေါ်ထွန်းလာစေဖို့အစိုးရအနေနဲ့ ပြန်လည်သုံးသပ်သင့်တယ်လို့လည်း 0x158င်းက ထပ်လောင်းပြောကြားပါတယ်။ယမင်းခင်၊ Sources: commodityonline
အာရှဆန်ဈေးနှုန်းက အမြင့်မှာပဲ ဆက်လက်ရှိနိုင် ဗီယက်နမ်ဆန်ကို ပြည်ပအဝယ်အားကောင်းနေတာကြောင့် ယခု သီတင်း ပတ်အတွင်း မြင့်တက်ခဲ့သလို ထိုင်းဆန်တင်ပို့ ဈေးမှာလည်း အဝယ်မရှိပေမဲ့ ဘတ်ငွေ တန်ဘိုး ခိုင်မာတာကြောင့် ဈေးတက်ခဲ့တယ်လို့ စက်တင်ဘာလ ၂၉ ရက်နေ့မှ ကုန်သည် များကဆိုပါတယ်။အင်ဒိုနီးရှားကဝယ်ယူဖို့ အလားအလာရှိနေတာကြောင့် အာရှဆန်ဈေးဟာ ဆက်လက်ခိုင်မှာဖွယ်ရှိတယ် လို့လည်း ၎င်းတို့ကဆိုပါတယ်။ အင်ဒိုနီးရှားနိုင်ငံဟာ ရေလွှမ်းမိုးမှုကြောင့် သီးနံှများပျက်စီးခဲ့တဲ့အတွက် ၎င်းရဲ့ သိုလှောင်ဆန်ကို တိုးမြင့်ထားဖို့ ယခုနှစ် အတွင်း သို့မဟုတ် လာမယ့်နှစ်မှာ ဆန်တင် သွင်းရလိမ့်မယ်လို့ အင်ဒိုနီးရှား စိုက်ပျိုးရေးဝန်ကြီး Suswono က ပြောကြားပါတယ်။ အင်ဒိုနီးရှားနိုင်ငံရဲ့ ဆန်ဝယ်ယူတဲ့ အဖွဲ့အစည်း Bulog ကိုယ်စားလှယ် များဟာ ယခုလအတွင်း ထိုင်းနဲ့ ဗီယက်နမ်ကို အလည်အပတ်ရောက်ရှိခဲ့တယ်လို့ သိရပါတယ်။ အင်ဒိုနီးရှားနိုင်ငံဟာ ဆန်ဖူလုံဖို့ ကြိုးပမ်းလျက်ရှိရာ လိုအပ်ရင် ဆန်တန်ချိန် ၃ သိန်းဝန်းကျင် ဝယ်ယူဖို့ ဗီယက်နမ်ထိပ်တန်း ဆန်တင်ပို့သူ ၂ ဦးနဲ့ ဆွေးနွေး ခဲ့တယ်လို့ သိရပါတယ်။ Vinafood 2 ဟာ အင်ဒိုနီးရှားဈေးကွက်အတွက် ဆန်ရောင်းချဖို့ ဆုံးဖြတ်ထားတယ်လို့လည်း သိရပါတယ်။ ဒါ့အပြင် ကျူးဘားမှ ဝယ်လိုအားကောင်းနေခြင်းကလည်း ဗီယက်နမ်ဆန်ဈေးကို အမြင့်မှာရှိနေဖို့ တွန်းအား ဖြစ်စေ ပါတယ်။ ကျူးဘားကို ဆန်ရောင်းချမယ့် သတင်းများထွက်လာပြီးတဲ့နောက် ဆန်ဈေးစတက်လာတယ်လို့ ဟိုချီမင်း ရှိ ကုန်သည်တစ်ဦးက ဆိုပါတယ်။ ဗီယက်နမ်နိုင်ငံရဲ့ ဒုတိယဆန်တင်ပို့သူအများဆုံးကုမ္ပဏီ Vinafood 1 လ ဟာ ၂ဝ၁၁ ခုနှစ် မတ်လတိုင်အောင် ကျူးဘားကိုသင်္ဘောတင်ပို့ရမယ့် ဆန်တန်ချိန် ၂၅ဝဝဝဝ ကို စာချုပ်ထားတယ်လို့ ဆိုပါတယ်။ ဆန်ဈေးအနေနဲ့ ၅ မှတ်ဆန် FOB ဈေးဟာ ယခင်သီတင်းပတ်က တစ်တန်ကို ကန်ဒေါ်လာ ၄၅ဝ ရှိရာမှ ၄၇၅ ကို၊ ၂၅ မှတ်ဆန်ဈေးဟာ ကန်ဒေါ်လာ ၄၂ဝ မှ ၄၃၅ ကို အသီးသီးမြင့်တက်ခဲ့ပါတယ်။ ထိုင်း ၁ဝဝ မှတ်အဆင့် အခြေခံဈေးနှုန်းဟာ ကန်ဒေါ်လာ ၄၉ဝ မှ ၄၉၅ ကို မြင့်တက်ခဲ့တယ်လို့ ဆန်တင်ပို့သူများက ဆိုပါတယ်။ လမင်း Sources: Business Recorda
အိန္ဒိယဆန်အထွက် တန်ချိန် သန်း ၁ဝဝ ပြည့်မီနိုင်ဖွယ်မရှိ အိန္ဒိယနိုင်ငံ အတ္တရာပရာဒေ့ရှ်ဒေသမှာ ရေလွှမ်းမိုးပြီး နိုင်ငံအရှေ့ပိုင်းဒေသများမှာ မိုးခေါင်ခြောက်သွေ့မှုကြောင့်၂ဝ၁ဝ-၂ဝ၁၁ သီးနံှရာသီအတွင်း ဆန်တန်ချိန် သန်း ၁ဝဝ ထွက်ရှိမယ့် ရည်မှန်းချက်ကို ပြည့်မီဖွယ်မရှိဘူးလို့ စိုက်ပျိုးရေးအတွင်းဝန် ပီကေဘာဆူမှ ပြောကြားပါတယ်။ ဆောင်းသီးနံှကောင်းမယ်ဆိုရင် ဆန်အထွက်စုစုပေါင်းဟာ တန်ချိန် ၉၅သန်း ဝန်းကျင်ရှိမယ်လို့ ဆိုပါတယ်။ လွန်ခဲ့တဲ့လက စိုက်ပျိုးရေးဝန်ကြီးဌာနက ပထမအကြိမ်ခန့်မှန်းချက်အရ ၂ဝ၁ဝ-၂ဝ၁၁ သီးနံှရာသီ (ဇူလိုင်-ဇွန်)ရဲ့ မိုးရာသီအတွင်း ဆန်ထုတ်လုပ်မှု တန်ချိန် ၈ဝ ဒသမ ၄၁ သန်းကို ၂ဝဝ၉-၂ဝ၁ဝ ရာသီထွက်ရှိမှု တန်ချိန် ၇၅ ဒသမ၉၁သန်း ထက် ပိုမိုမယ်လို့ ဆိုပါတယ်။ ဆောင်းရာသီလက်ရှိအထွက်နှုန်းနဲ့ ထွက်ရှိမယ်ဆိုရင် တန်ချိန် ၁၄ ဒသမ ၅ သန်းထွက်ရှိနိုင်တယ်လို့ ဆိုပါတယ်။လာမယ့်လမှာ စိုက်ပျိုးရတော့မယ့် ဆောင်းသီးနံှအတွက် မျိုးစေ့နဲ့ ဓါတ်မြေသြဇာများ ထည့်သွင်းမယ်ဆိုရင် မျှော်မှန်းထားသလို ထွက်ရှိနိုင်တယ်လို့ ဆိုပါတယ်။ လက်ရှိမိုးစပါး အထွက်နှုန်းဟာ တစ်ဟက်တာကို ယခင်နှစ်က ၂ဝ၂၅ ကီလိုရှိခဲ့ရာမှ ၂၁၇၇ ကီလိုကို မြင့်တက်ခဲ့တာကြောင့် စုစုပေါင်း စပါးစိုက်ဧရိယာ လျော့ကျပေမဲ့ စပါးအထွက်ဟာ တန်ချိန် ၄ ဒသမ ၅ သန်း တိုးတက်ဖို့ အထောက်အကူ ဖြစ်စေတယ်လို့ ဆိုပါတယ်။ ၂ဝ၁ဝ မိုစပါးစိုက်ဧရိယာဟာ ဟက်တာ ၃၇ သန်းရှိလို့ ယခင်နှစ် ကာလတူစိုက်ဟက်တာ ၃၇ ဒသမ ၄ သန်းထက် လျော့ကျခဲ့ကြောင်း သိရပါတယ်။ လမင်းSources: P T I
ပါကစ္စတန်မှာပဲဈေးနှုန်းကြီးမြင့်တာကြောင့် ဝယ်လိုအား ၁၅ ရာခိုင်နှုန်းကျဆင်း ပါကစ္စတန်မှာ ပဲမျိုးစုံဈေးနှုန်း ကြီးမြင့်မှုက စားသုံးသူများ ဝယ်ယူမှုကိ အဟန့်အတားဖြစ်စေခဲ့တာကြောင့် လွန်ခဲ့တဲ့ ၂ လ၊ ၃ လအတွင်း လက်လီ၊ လက်ကားဈေးကွက်တွေမှာ ပဲမျိုးစုံ ဝယ် ယူမှု ၁၅ ရာခိုင်နှုန်းခန့် ကျဆင်းခဲ့ တယ် လို့ သိရပါတယ်။ ပဲမျိုးစုံတင်ပို့သူလဲဖြစ် တင်သွင်းသူလဲဖြစ်တဲ့ ကရာချိလက် ကား ကုန်သည်များအသင်း ဥက္ကဌ Anees Majeed က လက်ကားဈေး ကွက်များမှာ ပဲမျိုးစုံဝယ်လိုအား ကျ ဆင်းမှုနဲ့ ပတ်သက်လို့ ပြောကြားရာမှာ ပဲမျိုးစုံဈေးမြင့်တက်ရခြင်းဟာ ဒေါ်လာ တန်ဖိုးမြင့်တက်ခြင်း၊ ပြည်တွင်းထုတ်လုပ်မှု ကျဆင်းခြင်းနဲ့ နိုင်ငံတကာ ဈေးကြီး မြင့်ခြင်းတို့ကြောင့် ဖြစ်တယ်လို့ ဆို ပါတယ်။ ကမ္ဘာနဲ့အဝှမ်း ပဲမျိုးစုံဈေးနှုန်းမြင့် တက်ရခြင်းဟာ အခြားသီးနံှများထက်ပဲမျိုးစုံစိုက်ပျိုးခြင်းမှ ရရှိတဲ့ အကျိုး အမြတ် ကနည်းနေတာကြောင့် တောင် သူများ စိုက်ပျိုးမှု လျော့နည်းလာခြင်း ဖြစ်တယ်လို့လည်း ထပ်လောင်း ပြော ကြားပါတယ်။ လယ်သမားတွေက ပဲ တစ်တန်ကို ပျမ်းမျှကန်ဒေါ်လာ ၃၅ဝ ခန့်သာ ရရှိချိန်မှာ canola က တစ် တန်ကို ကန်ဒေါ်လာ ၄၅ဝ ဈေးဖြစ်တဲ့ အတွက် ကန်ဒေါ်လာ ၁ဝဝ ဈေးပိုမို ရရှိတယ်လို့ ဆိုပါတယ်။ လက်ရှိပဲတီစိမ်းဈေးနှုန်းအနေနဲ့ လက်ကားဈေးကွက်မှာ တစ်ကီလိုကို ရူပီး ၁၇ဝ (ကန်ဒေါ်လာ ၁ ဒသမ ၉)၊ မတ်ပဲ တစ်ကီလို ရူပီး ၆၅ (ကန်ဒေါ် လာ ဝ ဒသမ ၇) ၊ ပဲစင်းငုံခွဲခြမ်း တစ် ကီလိုရူပီး၁၆ဝ(ကန်ဒေါ်လာ ၁ ဒသမ ၈)၊ ပဲဝါလေးခွဲခြမ်း ရူပီး ၁၁ဝ (ကန် ဒေါ်လာ ၁ ဒသမ ၂) ကုလားပဲခွဲခြမ်း တစ်ကီလိုကို ရူပီး ၇ဝ (ကန်ဒေါ်လာ ဝ ဒသမ ၈) နဲ့ ကာဘူလီကုလားပဲ ရူပီး ၁ဝဝ (ကန်ဒေါ်လာ ၁ ဒသမ ၁) အသီးသီးရှိပါတယ်။ လက်လီဈေးကွက်ပေါက်ဈေး ဟာ လက်ကားဈေးနှုန်းထက် တစ်ကီလိုကို ရူပီး ၁ဝ-၂ဝ ပိုမိုနေတာကြောင့် ဝင်ငွေနိမ့် ကျသူများ ဝယ်ယူနိုင်စွမ်းထက် ပိုမြင့်နေပါတယ်။ ပဲမျိုးစုံဈေးနှုန်း မြင့်တက်ရခြင်း အခြားအကြောင်းရင်း တစ်ခုက ပဲအများဆုံး စိုက်ပျိုးတဲ့ ပန်ဂျပ် မှာ ရေလွှမ်းမိုးမှုကြောင့်လည်း ဖြစ်တယ်လို့ ဆိုပါတယ်။ ဒါ့အပြင်နိုင်ငံတကာ အဓိကပဲဈေးကွက်များဖြစ်တဲ့ မြန်မာ၊ သြစတြေးလျနဲ့ကနေဒါတို့မှာ ထုတ်လုပ် မှုလျော့ကျတာကြောင့်ကာဘူလီ ကုလားပဲ ဈေးဟာ တစ်တန်ကို ကန်ဒေါ်လာ ၁ဝ၅ဝ ဈေးဖြစ်နေပါတယ်။ အလားတူလက်ရှိရာသီအတွင်း ပါကစ္စတန်နိုင်ငံရဲ့ ပဲတီစိမ်းထုတ် လုပ် မှုဟာ တန်ချိန် ၅၅ဝဝဝဝ ခန့်သာရှိလို့ နှစ်စဉ် ထုတ်လုပ်မှုတန်ချိန် ၆၅ဝဝဝဝ ခန့်ထက်လျော့ကျခဲ့ပါတယ်။ ဒါကြောင့်လည်း ပြည်တွင်းစားသုံးမှု လိုအပ်ချက် ကို သြစတြေးလျ ကဖြည့်ဆည်း တင် သွင်းရပါတယ်။ ယင်းတင်သွင်းပဲများ လာမယ့်လမှာရောက်ရှိလာမယ်လို့ ဆိုပါတယ်။ ပြည်တွင်းထွက်ပဲများ ဈေး ကွက်အတွင်း ဝင်ရောက်ချိန်မှာ ယခု နှစ်ကုန်ပိုင်းမှာတော့ ပဲဈေးလျော့ ကျနိုင်တယ်လို့ Majeed က ပြော ကြား ပါတယ်။ ယမင်းခင်၊ှSources: daily news
လှောင်လက်များထုတ်ရောင်းနေတာကြောင့် အိန္ဒိယကုလားပဲဈေးလျော့ကျ အိန္ဒိယဒေလီဈေးကွက်မှာ လှောင်လက်များထုတ်ရောင်းချမှုတွေကြောင့် ကုလားပဲ လက်ငင်းဈေး တစ်တန် ကို ရူပီး ၂ဝ (ကန်ဒေါ်လာ ဝ ဒသမ ၄) လျော့ကျခဲ့တယ်လို့ သိရပါတယ်။ စက်တင်ဘာလ ၃ဝ ရက် နေ့မှာ မော်တော်ကား ၂၅ စီး ဝင်ရောက် ခဲ့တာကြောင့် ရောင်းအားများကာ ဈေးလျော့ကျလာတာဖြစ်ပါ တယ်။ မဟာရပ်ရှတရာဈေးကွက်များမှာ တစ်တန်ကို ရူပီး ၂၂၂၈ဝ (ကန်ဒေါ်လာ ၄၉၈ ဒသမ ၆) ရှိပြီး၊ အာကိုလာ ဈေးကွက်မှာ ရူပီး ၂၃၂၅ဝ (ကန်ဒေါ်လာ ၅၂ဝ ဒသမ ၃) ဖြစ်ခဲ့တယ်လို့ သိရပါတယ်။ကာလလတ်နဲ့ ကာလရှည်များမှာလည်း ယခုနှစ်ပဲမိုျးစုံအထွက်ကောင်း မွန်ခြင်းနဲ့ ဆောင်းကုလားပဲစိုက်ပျိုးမှု တိုးတက်မယ့် အလားအလာများကြောင့် ဈေး လျော့ကျနိုင်တယ်လို့ သုံးသပ်ကြပါတယ်။ ယမင်းခင်၊ Sources: P T I
စင်ကာပူဝယ်လက်များ ကုလားပဲအဝယ်ရှိ ပြည်ပအဝယ်နှေးတဲ့ ကုလားပဲဖြူလုံးကြီးကို ယခုလအတွင်း ပါကစ္စတန် တင်ပို့ဖို့ စင်ကာပူဝယ်လက်များ အဝယ်သွက် နေ တယ်လို့သိရပါတယ်။ ယခုတစ်ပတ် ပင်လယ်ရေကြောင်းတင်ပို့မှုမှာ တန်ချိန် ၃ဝဝ ခန့်ရှိခဲ့ပါတယ်။ ပါကစ္စတန်မှာ ရေနစ် မြုပ်မှုကြောင့် သီးနံှများပျက်စီးခဲ့ပြီး၊ စားသောက်ကုန်ဈေးများ မြင့်တက် နေတာကြောင့် မြန်မာကုလားပဲဖြူလုံးကြီးများ ဝယ်ယူ တင်သွင်းနေခြင်း ဖြစ်တယ်လို့ သိရပါတယ်။ အဝယ်သွက်လာတာကြောင့် ရန်ကုန် FOB ဈေးမှာလည်း စက်တင် ဘာလ ၂၃ ရက်ကျ FAQ တစ်တန်ကို ကန်ဒေါ်လာ ၇၆ဝ-၇၇ဝ ရှိရာမှ အောက်တိုဘာလ ၁ ရက်မှာ ကန်ဒေါ်လာ ၈၃ဝ-၈၄ဝ ကို မြင့်တက်လာခဲ့ကြောင်း သိရပါတယ်။
ပဲအသစ်ဝင်လာလို့ အိန္ဒိယပဲတီစိမ်းဈေး ဆက်တိုက်ဆင်းလာ အိန္ဒိယပဲလက်ကား ဈေးကွက်များကို ပဲထုတ်လုပ်ရာဒေသများက ပဲတီစိမ်းအသစ်များ ဝင်ရောက်မှု တိုးတက်လာ လို့ယခုတစ်လအတွင်း ပဲတီစိမ်းဈေး ဆက်တိုက်ဆင်းလာခဲ့ပါတယ်။ ရိတ်သိမ်းချိန်က မိုးမိခဲ့ တာကြောင့် ပဲအသစ်အရည်အသွေး ပျက်တွေကို လျှော့ဈေးနဲ့ရောင်းချ တာကြောင့်လည်း ဈေးပိုကျခြင်း ဖြစ်တယ်လို့သိရပါတယ်။ တစ်နိုင်ငံလုံးအနေနဲ့ ပဲတီစိမ်း စိုက်ပျိုးမှုဟာ မနှစ်ကထက် ဟက်တာ ၃ သိန်းကျော်ပိုမို တဲ့အတွက် အထွက်လည်းပိုမယ်လို့ ခန့်မှန်းကြပါတယ်။တစ်လအတွင်း ဈေးနှုန်းများ နှိုင်းယှဉ်ဖော်ပြလိုက်ပါတယ် - ဒေါ်လာ/တန် မွန်ဘိုင်း ချန်နိုင်း၃ဝ-၉-၁ဝ ၉၃၅ ၁ဝဝ၂၃ဝ-၈-၁ဝ ၁ဝ၆၇ ၉၆ဝ