အိန္ဒိယဈေးကွက်တွေကို ကုလားပဲအဝင်တိုးလာလို့ ဈေးလျော့ကျ                  အိန္ဒိယပြည်တွင်းဈေးကွက်များကို ကုလားပဲအသစ်ဝင်ရောက်မှု တိုးတက် လာပေမဲ့ အဝယ်ထိုင်းတာကြောင့် လက်ငင်းဈေးနဲ့ ကြိုပွိုင့်ဈေးများ ၂ ဒသမ ဝ၄ ရာခိုင်နှုန်းနဲ့ ၂ ဒသမ ၃၁ ရာခိုင်နှုန်းအသီးသီးကျဆင်းခဲ့ကြောင်း သိရပါတယ်။ ဘီကနာမှ ပဲအသစ်များ ယခုသီတင်းပတ်ပိတ်ရက်မှာ အမြောက်အမြား ဝင်ရောက် လာဖွယ်ရှိပါတယ်။                   မြန်မာနိုင်ငံက ပဲတင်သွင်းမှုအနေနဲ့ ၂ဝ၁၁ ဇန်နဝါရီတစ်လထဲမှာ တန်ချိန် ၅၉၅၂၁ ရှိပြီး ဖေဖော်ဝါရီလမှာ ၁၅ ရာခိုင်နှုန်းကျဆင်းပြီး တန်ချိန် ၅ဝ၅၇၇ ရှိတယ်လို့ သိရပါတယ်။ ပြည်တွင်းထုတ်လုပ်မှု ပိုမိုမယ့်ခန့်မှန်းချက်များက ယခုနှစ်ပဲတင်သွင်းမှုကို ကျဆင်းစေပါတယ်။ စိုက်ပျိုးရေးဝန်ကြီးဌာနရဲ့ ဒုတိယအကြိမ်ခန့်မှန်းချက်အရ ၂ဝ၁၁-၁၂ အတွင်း ပဲမျိုးစုံထုတ်လုပ်မှု တန်ချိန် ၁၆ ဒသမ ၅၁ သန်းခန့်ရှိလို့ ၂ဝ၁၁-၁၂ မှာ တန်ချိန် ၃ ဒသမ ၄ သန်းတင်သွင်းဖို့ လိုအပ်မယ်လို့ စားနပ်ရိက္ခာဝန်ကြီး ကေဗွီ သောမတ်က ပြောကြားပါတယ်။ ပြည်တွင်းပဲအသစ်များ ဝင်ရောက်မှုတိုးတက်လာ တော့မှာဖြစ်လို့ ကုလားပဲဈေးကျဆင်းနိုင်တယ်လို့ ကုန်သည်များက ခန့်မှန်းကြပါ တယ်။ ယမင်းးခင်၊Source: Argel Commodities

်အိန္ဒိယ မွန်ဘိုင်းဈေးကွက် တစ်လအတွင်း ပဲတီစိမ်းဈေးမြင့်လာ                အိန္ဒိယမွန်ဘိုင်းဈေးကွက်မှာ မြန်မာပဲတီစိမ်း အရောင်းအဝယ်မဖြစ်ပေမဲ့ ကင်ညာနဲ့ တန်ဇန်းနီးယား ပဲတီစိမ်းဈေးက ဖေဖော်ဝါရီလနဲ့ မတ်လ ကာလတူမှာ အနည်းငယ်မြင့်တက်လာတာ တွေ့ရပါတယ်။ ကင်ညာ ပဲတီစိမ်း ဈေးထက် တန်ဇန်းနီးယား ပဲတီစိမ်းဈေး ပိုနေတာလည်း တွေ့ရပါတယ်။ ဈေးကွက်တွေမှာ လက်ကျန် အကန့်အသတ်သာရှိပြီး အဝယ်အထိုက် အလျောက် ရှိနေတာကြောင့် ဈေးအနည်းငယ်တိုးလာခြင်းဖြစ်ကြောင်း သိရပါတယ်။ မွန်ဘိုင်းဈေးကွက်မှာ ဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်  (တန်/ဒေါ်လာ)                  ကင်ညာပဲတီစိမ်း          တန်ဇန်းနီးယားပဲတီစိမ်း ၂၄-၃-၁၁             ၉၃၉                           ၁ဝ၄၃၂၄-၂-၁၁         ၈၉၈-၉ဝ၃                        ၉၈၇MIRT (MAPT)

 အိန္ဒိယဈေးကွက်မှာ တစ်လအတွင်း မြန်မာပဲစင်းငုံဈေး သိသိသာသာကျ                အိန္ဒိယပြည်တွင်းဈေးကွက်အတွင်း မြန်မာပဲစင်းငုံဈေးက ဖေဖော်ဝါရီနဲ့ မတ်လကာလတူအတွင်း သိသိသာသာ ကျခဲ့ပါတယ်။ ပြည်တွင်းပဲအထွက် မြင့်တက်မယ့် မျှော်လင့်ချက်တွေအရ ဈေးထပ်ကျဆင်းမယ့် ခန့်မှန်းချက်တွေနဲ့ ကုန် သည်များဝယ်ယူမှုနည်းတဲ့အပြင် ရိတ်သိမ်းရာသီပဲအသစ်များ ဈေးကွက်ဝင်ရောက်မှု တိုးလာတာကြောင့် ခုလိုဈေးဆက်တိုက်ကျဆင်းလာခြင်းဖြစ်တယ်လို့ သိရပါတယ်။ မွန်ဘိုင်းနဲ့ ဒေလီဈေးကွက်များမှာ ဖြစ်ပေါ်ခဲ့တဲ့ဈေးများနှိုင်းယှဉ်ဖော်ပြလိုက်ပါတယ်                          ဒေါ်လာ/တန်                       မွန်ဘိုင်း               ဂူဘာကာ၂၄-၃-၁၁           ၇၆၆                ၈၃၈-၈၉၃၂၄-၂-၁၁        ၇၈၈-၇၉၃               ၈၄၅MIRT-MAPT

ဗီယက်နမ်စိုက်ပျိုးရေးထုတ်ကုန်တင်ပို့သူများ ကမ္ဘာ့ဈေးနှုန်း မြင့်တက်နေသော်လည်း အကျိုအမြတ်ရရှိမှုနည်းပါး                     ကမ္ဘာ့စားနပ်ရိက္ခာပြတ်လပ်မှုကြောင့် ကမ္ဘာ့ဈေးနှုန်းများ မြင့်တက်နေတဲ့တိုင် ဗီယက်နမ်ပြည်တွင်း စိုက်ပျိုးရေး ထုတ်ကုန်တင်ပို့သူများအနေနဲ့ ငွေအရင်းအနှီးနည်းပါးမှုကြောင့် ပြည်ပဈေးကွက်တွေမှာ ၎င်းတို့ ထုတ်ကုန်များ ရောင်းချရာ မှာ အကျိုးအမြတ်ရရှိမှု နည်းပါးဖွယ်ရှိတယ်လို့ သိရပါတယ်။ ဗီယက်နမ်ကော်ဖီ၊ သီဟိုဠ်အသင်းဥက္ကဌ ူLuong Van Tu က က ပြောကြားရာမှာ ပြည်တွင်းကော်ဖီတင်ပို့သူများဟာ ငွေရင်းများများ မရှိတာကြောင့် ကုန်ကြမ်းများများ ဝယ်ယူနိုင်ခြင်း မရှိဘူးလို့ ဆိုပါတယ်။ ငွေရင်းခိုင်မာတောင့်တင်းတဲ့ နိုင်ငံခြားသားပိုင် ကုမ္ပဏီတွေကတော့ ကုန်ကြမ်းများများဝယ်ယူနိုင်တော့ ဈေးနှုန်းပိုမိုလာလေ အကျိုးအမြတ်ပိုရလေဖြစ်ပါတယ်လို့ ဆိုပါတယ်။                    ပြည်တွင်းကော်ဖီတင်ပို့သူများဟာ နှစ်စဉ် ရိတ်သိမ်းရာသီအစမှာ ကော်ဖီကုန်ကြမ်းသိုလှောင်ဖို့ တန်ချိန် ၂ သိန်း-၃ သိန်းဝယ်ယူနိုင်ရေး ၆ လမှ ၉ လအတွင်းကာလရှည် ချေးငွေလိုအပ်နေတယ်လို့ ဆိုပါတယ်။ ဗီယက်နမ်နိုင်ငံအနေနဲ့ ကော်ဖီ တင်ပို့နိုင်ငံဖြစ်ပေမဲ့ ပြည်တွင်းတင်ပို့သူတွေကတော့ ငွေအရင်းအနှီးနည်းလို့ နိုင်ငံခြားသားပိုင် ကုမ္ပဏီတွေကို မယှဉ်ပြိုင်နိုင်ဘူးလို့ ဆိုပါတယ်။ ၎င်းတို့အနေနဲ့ ကုန်ကြမ်းသိုလှောင်ဖို့နဲ့ ပြည်ပကုန်သွယ်ဖက်များနဲ့ ဈေးနှုန်းညှိနှိုင်းရမှုတွေ ကနေဦးဆောင်ရွက်နေရတယ်လို့ ဗီယက်နမ်သီဟိုဠ်အသင်း ဒုတိယဥက္ကဌ Nguyen Duc Thanh့ က ပြောကြားပါတယ်။ ဗီယက်နမ် ငရုတ်ကောင်းအသင်းဥက္ကဌ Do Than Nan  ကလည်း ယခုနှစ် ကမ္ဘာ့ငရုတ်ကောင်းဈေးက မကြာခင် သိသိသာသာ တိုးတက်မှာဖြစ်လို့ တောင်သူများအနေနဲ့ စောစောစီးစီး မရောင်းချဖို့ သတိပေး ပြောကြားခဲ့တယ်လို့ ဆိုပါတယ်။ ပြည်တွင်းငရုတ်ကောင်းဈေးဟာ ယခင်နှစ် ဈေးထက် ၃ ဆမြင့်တက်ပြီး တစ်ကီလိုကို ကန်ဒေါ်လာ ၄ ဒသမ ၅ အထိ စံချိန်တင်မြင့်တက်ခဲ့တယ်လို့ ဆိုပါတယ်။ ပြည်ပတင်ပို့ဈေးက ယခင်နှစ်က တစ်တန်ကို ကန်ဒေါ်လာ ၁ဝဝဝ-၁၄ဝဝ ရှိရာမှ ယခုအခါ ကန်ဒေါ်လာ ၄၃ဝဝ-၄၄ဝဝ အထိ မြင့်တက်ခဲ့တယ်လို့ ဆိုပါတယ်။ ၂ဝ၁၁ အတွင်း ငရုတ်ကောင်းတင်ပို့ခြင်းမှ ကန်ဒေါ်လာ သန်း ၅ဝဝ ရရှိမယ်လို့ မျှော်မှန်းထားကြောင်းလည်း ၎င်းကဆက်လက် ပြောကြားပါတယ်။                   ကုန်းမြင့်ပြည်နယ်များက ကော်ဖီဈေးလည်း မြင့်တက်လာတာကြောင့် တစ်ကီလိုကို ကန်ဒေါ်လာ ၂ ဒသမ ၃ ရှိခဲ့ပြီး ကမ္ဘာမှာ ပြည်ပတင်ပို့မှု အများဆုံးနိုင်ငံတွေကလည်း သဘာဝဘေးအန္တရာယ်နဲ့ ရာသီဥတုကြောင့် သီးနံှများ ပျက်စီးခဲ့တဲ့အတွက် ကမ္ဘာ့ကော်ဖီဈေးဟာ ဆက်လက်မြင့်တက်လိမ့်ဦးမယ်လို့ ကျွမ်းကျင်သူတွေက ခန့်မှန်းထားကြောင်း သိရပါတယ်။ ယမင်းးခင်၊Source: VOU