Background
သြဂုတ်လရဲ့ နောက်ဆုံးရက်သတ္တပတ်၊ ပခုက္ကူကုန်စည်ဒိုင်မှာ အရောင်းအဝယ်ဖြစ်ခဲ့တာတွေက ပဲစင်းငုံနီနှမ်းဝါ၊ နှမ်းညို၊ ပဲတီစိမ်းသေး၊ ကုလားပဲဖြူလုံးကြီး၊ ကုလားပဲဝါ၊ ပဲယင်း (မြစ်ခြေ) တို့ဖြစ်ပါတယ်။ ပဲစင်းငုံနီနေ့စဉ်အိတ် ၃၀၀ မှ ၁၄၀၀ ခန့်ထိ အရောင်းအဝယ်ဖြစ်ပြီး၊ ရန်ကုန်ဝယ်လက်နဲ့ဒေသခံပွဲစားတွေ နဲ့ လှောင်လက်တွေ ဝယ်ယူကြပြီး၊ ရန်ကုန် အပို့မရှိတာကိုတွေ့ရပါတယ်။ ဈေးနှုန်းမှာ ၂၁၃၀၀ ကျပ်မှ ၂၂၅၀၀ ကျပ်ကြား အရောင်းအဝယ်ဖြစ်ပါတယ်။
ပြီးခဲ့တဲ့ ဇူလိုင်၊ သြဂုတ်လအတွင်း ပြည်တွင်းရန်ကုန်ပဲ ဈေး ကွက်က ဈေးအတက်အကျကြီးမားပြီး ကြိမ်နှုန်းများ ခဲ့တဲ့အပြင် ပြည်တွင်းပေါက်ဈေးက ရန်ကုန် FOB ဈေးအထက်မှာရောက်လို့ နေပါတယ်။ အထူးသဖြင့်တော့ ပြည်တွင်းပဲလက်ကျန်များနေသေး တဲ့ မတ်ပဲဈေးကွက်မှာ သိသာခဲ့ပါတယ်။ ဇူလိုင်လလယ် အထိ မတ်ပဲတစ်တန် ၅ သိန်းအောက်မှာရှိခဲ့ရာမှ ဇူလိုင်လကုန်၊ သြဂုတ် လ ပထမပတ်လောက်အထိ တစ်တန် ၆ သိန်းကျော်ထိ တစ်ဟုန် ထိုး တက်လာခဲ့ကာ နောင်ပိုင်းမှာတော့ ၆ သိန်းအောက် ရောက် လိုက်၊ အထက်ရောက်လိုက်နဲ့ ဈေးအပြောင်းအလဲများခဲ့ပါတယ်။
ကမ္ဘာမှာ သကြားဒုတိယ အများဆုံး စားသုံးတဲ့ တရုတ် နိုင်ငံရဲ့၂၀၁၂-၁၃ သကြားတင်သွင်းမှုဟာ ယခုရာသီ တင် သွင်းတဲ့ တန်ချိန် ၃ သန်းထက် ၁ သန်းခန့်လျော့ပြီး၊ တန်ချိန် ၁ ဒသမ ၉၇ သန်းခန့်ကိုကျဆင်းနိုင်တယ် လို့လန်ဒန် အခြေ စိုက် Armajaro Trading Group သကြားကုမ္ပဏီ ခေါင်းဆောင် Guy Toller မှ ဆိုပါတယ်။ ယခုနှစ် ထုတ်လုပ် မှု တန်ချိန် ၁၁ ဒသမ ၅ သန်းရှိရာမှ လာမယ့်နှစ်မှာ အနည်း ဆုံး တန်ချိန် ၁၂ ဒသမ ၅ သန်း ထိ တိုးတက်နိုင်တယ်လို့ ခန့်မှန်းထားပါတယ်။
သြဂုတ်လ ၁၅ ရက်မှ ၂၁ ရက်ထိကာလအတွင်းမှာ ကန်ဒေါ်လာသုညဒသမ ၃၃၃ သန်းတန်ဖိုးရှိ သကြားဖြူ ၂၉၆ တန်ကျော်နဲ့ သကြားညို ၂၆၈ တန်ကိုတင်ပို့မှုရှိခဲ့ပါတယ်။ ယခင်အပတ်ကတင်ပို့မှုထက် ၁၆၂ တန် လျော့နည်းခဲ့ပါတယ်။ သကြားညို ပိုမိုတင်ခဲ့သော်လည်း သကြားဖြူ တင်ပို့မှု လျော့ကျခြင်းနဲ့ ယခုအပတ်မှာ ချင်းရွှေဟော်နယ်စပ်မှ တင်ပို့မှုမရှိခြင်းတို့ ကြောင့် သကြား တင်ပို့မှု ယခင်အပတ်ကထက် လျော့နည်းခဲ့ရခြင်း ဖြစ် ပါတယ်။
MIRT(DOBT)
အီးယူဒေသကြွေးမြီ အကျပ်အတည်းကို ထိန်းချုပ်နိုင်မယ့် အလားအလာမရှိသေးခြင်း ၊ တရုတ်နိုင်ငံရဲ့ စီးပွားရေးဖွံ့ဖြိုး တိုးတက်မှု နှေးကွေးနေခြင်းနဲ့ ကမ္ဘာ့ရော်ဘာဝယ်လိုအားနည်းနေခြင်းတို့ကြောင့် ကမ္ဘာ့ရော် ဘာ ဈေးနှုန်းတွေက သုံးနှစ် နီးပါးအတွင်း အနိမ့်ဆုံးနှုန်းကိုရောက်ရှိလာတယ်။ သြဂုတ် ၁၃ ရက်က တိုကျို ကုန်စည်ေ ရာင်းဝယ်ရေးမှာ ရောင်းရ အသွက်ဆုံး ဇန်နဝါရီလ အရောက်ပို့စာချုပ်ဈေးနှုန်းက တစ်ကီလိုကို ၂၁၃ ဒသမ ၉ ယန်း (တစ်တန်ကို ကန်ဒေါ်လာ ၂၇၄၂ ဝန်းကျင်) ဖြစ်ခဲ့ရာ ၂၀၀၉ ခုနှစ်အောက်တိုဘာလ နောက်ပိုင်း အနိမ့်ဆုံးဈေးနှုန်းဖြစ်လာတယ်။ ရေနံစိမ်းဈေးမြင့်မားသော်လည်း ရော်ဘာ ဈေးနှုန်းကျဆင်းလျက်ရှိပြီးဝယ်ယူသူတွေကလည်းရော်ဘာဈေးဆက်လက်ကျဆင်းမလားဆိုတာကိုသာစောင့်ကြည့်နေကြတယ်။ ဝယ်လိုအားမရှိတာကြောင့် ထိုင်းနဲ့ မလေးရှား ရော်ဘာဈေးနှုန်းတွေလည်း ကျဆင်းလာတယ်။ သြဂုတ် ၈ ရက်က တစ်တန်ကို ၂၈၉၃ ဒသမ ၅၀ ဒေါ်လာနဲ့ အရောင်းအဝယ်ဖြစ်ခဲ့တဲ့ ထိုင်းမှိုင်းခံ ရော်ဘာ အဆင့် ၅ Rubber Smoked Sheet - RSS 5) က သြဂုတ် ၁၄ ရက်မှာ ၂၇၆၃ ဒေါ်လာသာ ရှိခဲ့တာကြောင့် ၁၃၀ ဒသမ ၅၀ ဒေါ်လာဈေး ကျလာတယ်။ ၎င်းကာလအတွင်း မလေးရှားရော်ဘာ SMR – 20 (Standard Malaysia Rubber) ကလည်း ၂၇၄၈ ဒသမ ၅၀ ဒေါ်လာမှ ၂၄၆၂ ဒေါ်လာအထိ ကျဆင်းခဲ့တာကြောင့် ၂၈၆ ဒသမ ၅၀ ဒေါ်လာ ဈေးကျလာ တယ်။ ရော်ဘာဈေးနှုန်းတွေကျဆင်းခြင်း ကြောင့် ရော်ဘာစိုက်ပျိုးသူတွေ နစ်နာဆုံးရှုံးမှုများရှိနေကြောင်း၊ ထိုင်းနိုင်ငံ တောင်ပိုင်းမှ ရော်ဘာစိုက်ပျိုးသူတွေ အနေနဲ့ ကန်ဒေါ်လာ တစ်ဘီလီယံ ဆုံးရှုံးနစ်နာလျက် ရှိကြောင်း သိရတယ်။ Source:bangkokpost.com, brecorder.com, rubberboard.org.in, ပပ
နယ်စပ်ကုန်သွယ်ရေးစခန်းများဖြစ်တဲ့ မူဆယ်၊ ချင်းရွှေဟော်နဲ့ မြိတ်နယ်စပ်ကုန်သွယ်ရေးစခန်းများမှ ကန်ဒေါ်လာသုည ဒသမ ၃၀၉ သန်းတန်ဖိုးရှိ ရော်ဘာ ၁၀၄ တန်ကျော်ကို သြဂုတ်လ ၁၅ ရက်မှ ၂၁ ရက်ထိ ကာလအတွင်းမှာ တင်ပို့နိုင်ခဲ့ပါ တယ်။
ဇင်ဘာဘွေမှာ ကာလရှည်ကြာစွာ မိုးခေါင်ခြောက်သွေ့မှုဒဏ်ကို ခံစားနေရပြီး ပြည်တွင်းစားသုံးသူေ တွအတွက်အဓိကသီးနှံ အခြေခံစားသောက်ကုန်ဖြစ်တဲ့ ပြောင်း လုံလောက်မှုမရှိတော့ကြောင်း သိရတယ်။ ပုံမှန်အနေနဲ့ ဇင်ဘာဘွေက ပြည်ပကို ပြောင်းတင်ပို့နေတဲ့ နိုင်ငံဖြစ်သော်လည်း လောလောဆယ် မှာတော့ ပြည်တွင်းစား သုံးမှု မလုံလောက်တဲ့အတွက် ပြည်ပမှပြောင်းတင်သွင်းရတော့မယ်လို့သိရတယ်။
ဇွန်လဆန်းပိုင်းမှစပြီး တရိပ်ရိပ်တက်လာသောပြောင်းဈေးမှာ ယခုတစ်ပတ် တွင် ပိဿာ ၂၀ တစ်တင်းကို ၁၀၅၀၀ ကျပ်၊ ၁၀၇၀၀ ကျပ်နဲ့ ဈေးဆက်လက် မြင့်တက်လာပါတယ်။ ရန်ကုန်ဝယ်လက်ကုန်သည်ကြီးများရဲ့ ဝယ်ယူ အားကြောင့် အရောင်းအဝယ်လည်းသွက်လာပါတယ်။ ဟင်္သာတမြို့ပေါ်ရှိ ကုန်သည်အချို့ မှ ဈေးကောင်းရနေချိန်မှာ ထုတ်ရောင်းကြသောကြောင့် ယခုတစ်ပတ်မှာ ရောင်း ဝယ်မှုအားလည်းပိုကောင်းလာပါတယ်။ အစေ့ထုတ်ပြောင်း စီးထွက်မှုအနေနဲ့ ရန်ကုန် ဈေးကွက်သို့ တစ်ပတ်အတွင်း တင်း ၉၀၀၀ ခန့် တင်ပို့တယ်လို့သိရ ပါတယ်။အေးအေးခိုင်
ကယားပြည်နယ် လွိုင်ကော်ဈေးကွက်ကို ဇူလိုင်လကုန်ကစပြီး အစေ့ထုတ် ပြောင်းသစ်များ ဝင်ရောက် လာကာ သြဂုတ်လ ဒုတိယပတ်မှာတော့ အဝင် လှိုင်လာတာတွေ့ရပါတယ်။ ပြောင်းရဲ့အရည်အသွေးပေါ် မူတည်ပြီး အစေ့ထုတ် ပြောင်းသစ် အစိုတစ်ပိဿာ ၂၅၀ ကျပ်မှ ၂၈၀ ကျပ်ထိ ဈေးရှိနေပြီး၊ အခြောက် တစ်ပိဿာကို ၄၀၀ ကျပ်မှ ၄၂၀ ကျပ်ထိ ဈေးရှိနေတာကြောင့် မိုးကြို ပြောင်းစိုက်တောင်သူများက အစိုရောအခြောက်ပါ ဈေးကွက်ကို တင်ပို့ရောင်းချ လျက်ရှိတာတွေ့ရပါတယ်။ ကယားပြည်နယ်မှာ မိုးကြိုပြောင်းကို လွိုင်ကော်ခရိုင် ဒီမော့ဆိုမြို့နယ်မှာ အများဆုံးစိုက်ပျိုးကြတာပါ။ မိုးကြိုပြောင်းကို မတ်လနဲ့ဧပြီလ တွေမှာစတင်စိုက်ပျိုးပြီး ဇူလိုင်၊ သြဂုတ်လများမှာ ရိတ်သိမ်းထွက်ရှိတာဖြစ် ကြောင်း နဲ့ အစေ့ထုတ်ပြောင်းအစိုများကိုတော့ ကုန်သည်ပွဲစားများက ဝယ်ယူပြီး ရှမ်းပြည် နယ် တောင်ပိုင်း၊ တောင်လေးလုံးဒေသရှိ မြနဒီပြောင်းအခြောက်ခံစက်ကို အဓိက တင်ပို့ရောင်းချကြောင်း သိရပါတယ်။ မင်းအောင်
သြဂုတ်လ ၁၂ ရက်မှ ၁၈ ရက်ထိကာလအတွင်းမှာ ဗီယက်နမ်နိုင်ငံသို့ ကန်ဒေါ် လာ သုည ဒသမ ၂၈၅ သန်း တန်ဖိုးရှိ ပြောင်းဖူးစေ့ တန် ၁၅၀ ကို အပို့ရှိခဲ့ပါတယ်။ ယခင်အပတ်က စင်္ကာပူသို့ ၄၄ တန်သာအပို့ရှိခဲ့ရာ ယခုအပတ်မှာ ၁၀၆ တန် အပို့ ပိုခဲ့ပါတယ်။ ရန်ကုန် (FOB) ပြောင်းဈေးဟာ ယခင်အပတ်အတိုင်း ပြောင်း လဲမှု မရှိဘဲ တစ်တန်ကို ဒေါ်လာ ၃၈၀ ဈေးပေါက်လျက်ရှိပါတယ်။ ယခုအပတ်မှာ မြန်မာ-တရုတ်နယ်စပ်မှ ပြောင်းဖူးစေ့ ၄၉၃၁ တန် တင်ပို့နိုင်ခဲ့ပါတယ်။ CMK