Background
ယခုတစ်ပတ် မုံရွာကုန်စည်ဒိုင်ကုလားပဲဈေးကွက်မှာ ဒေသတွင်းစက်သမားများသာမက ရန်ကုန်ဝယ်လက် ပါရှိပြီး၊ ပဲအားလုံး ဈေးအမြင့်ဆုံး ပေါက်ခဲ့တာတွေ့ရပါတယ်။ ထိုင်ဝမ် တစ်တင်း ၂၃၇၀၀ ကျပ်၊ V2 တစ်တင်း ၂၄၅၀၀ ကျပ်နဲ့ ၉၂၉ တစ်တင်း ၂၄၀၀၀ ကျပ်အသီးသီးဈေးအမြင့်ဆုံး ပေါက် ခဲ့ပါတယ်။
ယခု တစ်ပတ် ပဲမျိုးစုံတင်ပို့မှုမှာ ကုလားပဲမှအပ ကျန် ပဲများမှာ တင်ပို့မှု ဆက်လက်လျော့နေဆဲဖြစ်ပါတယ်။ ဇူလိုင် ၁၆ ရက်မှ ၂၀ ရက်အတွင်း ပဲမျိုးစုံတင်ပို့မှု တန်ချိန် ၂၃၇၀၈ သာရှိတာကြောင့် ပြီးခဲ့တဲ့ သီတင်းပတ်တင်ပို့မှု တန်ချိန် ၃၁၇၈၅ ရဲ့ ၇၅ ရာခိုင်နှုန်းသာ တင်ပို့နိုင်ခဲ့ပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ ၂ ဒသမ ၃၀၆ သန်းတန်ဖိုးရှိ ပရဆေးကုန်ကြမ်း ၁၉၉၇ တန်ကျော်ကို ဇူလိုင်လ ၁၁ ရက်မှ ၁၇ ရက်ထိ ကာလအတွင်းမှာ တင်ပို့ခဲ့ရာ ယခင်အပတ်ကထက် ၆၆၇ တန်ကျော် ပိုမို တင်ပို့ခဲ့ပါတယ်။ အခုလို တင်ပို့မှု ပိုမိုရခြင်းမှာ ယခင်အပတ်က တင်ပို့မှု မရှိခဲ့တဲ့ ကွမ်းစားဂမုန်း၊ ကြောင်ပန်းစေ့၊ ချဉ်ပေါင်ဖာလာအခွံ မပါ၊ တောဂျုးမြစ်၊ တောင်လုံးကျော်နဲ့ ရွေးရွက်တို့ကို ယခုအပတ်မှာတင်ပို့မှု ရှိခဲ့ခြင်းနဲ့ ကွမ်းသီးခွံ၊ ကြက်ဆူစေ့၊ ချဉ်ပေါင်ဖာလာအခွံပါ၊ စမုံနက်၊ ဆီးဆန်၊ တောချင်း၊ ဒရင်ကောက်မြစ်၊ နနွင်းတက်၊ မိကျောင်းကွမ်းဖတ်စေ့၊ မာလာခေါင်းတို့ တင်ပို့မှု ပိုခဲ့တဲ့အတွက်ဖြစ်ပါတယ်။ ချင်း ခြောက်၊ ဂုံညှင်းလုံး၊ စကားပန်းပွင့်ခြောက်၊ နနွင်းခေါင်း၊ ဖန်ခါးသီးခြောက်၊ အုံတုံခေါက်တို့ တင်ပို့မှုလျော့ခဲ့တယ် လို့သိရပါ တယ်။ တမူး နယ်စပ်မှ ယခုအပတ်မှာ ကန်ဒေါ်လာ သုညဒသမ ၀၀၁ သန်း တန်ဖိုးရှိ တောင်လုံးကျော် ၅ တန် တင်သွင်းခဲ့ရာ ယခင်အပတ်ကထက် ၄ တန် ပိုခဲ့ပါတယ်။ မြဝတီ နယ်စပ်မှ ကန်ဒေါ် လာသုညဒသမ ၀၀၃ သန်းတန်ဖိုးရှိ ကံ့ကော်ပွင့်ခြောက် ၄ တန် တင်ပို့ခဲ့တယ်လို့ သိရပါတယ်။ MIRT(DOBT)
ယခင်က တစ်ဖက်နိုင်ငံမှာ ဈေးကွက်ရရှိပြီးဖြစ်တဲ့ မြန်မာ့ ကြက်သွန်နီများကို မိမိနိုင်ငံစားသုံးမှုလိုအပ်ချက် အရ တင်ပို့မှုအား ယာယီပိတ်ထားခဲ့ရာမှ ၂၅-၁၀-၂၀၁၁ ရက်နေ့မှစ၍ ပြန်လည်တင်ပို့ခွင့်ရရှိခဲ့ပါတယ်။ မြဝတီ ကုန်သွယ်ရေးဇုန်မှ ဇွန်လမှာ ကြက်သွန်နီ ၂၀ ဒသမ ၈၅ တန်၊ ဇူလိုင် (ဒု) ပတ်အတွင်း ၁၀ တန်၊ စုစုပေါင်း ၃၀ ဒသမ ၈၅ တန်တင်ပို့နိုင်ခဲ့ကြောင်း တွေ့ ရှိရပါတယ်။ ခွင့်ပြုလိုင်စင်ဈေးနှုန်းမှာ တစ်တန်လျှင် ကန်ဒေါ်လာ ၃၇၀ နှုန်းဖြစ်ပြီး ယခုအချိန်မှစ၍ တစ်ဖက်နိုင်ငံရဲ့ ဈေးကွက် ထဲသို့ မိမိနိုင်ငံထွက် ကြက်သွန်နီများ စတင်ထိုးဖောက် ဝင်ရောက်နေပြီဖြစ်ပါတယ်။နကသ
ဒီတစ်ပတ်မှာ နနွင်းအဝင်နည်းပါတယ်။ မန္တလေးဝယ်လက်တွေကလည်း အဝယ်ရပ်နေတာကြောင့် ဈေးကလည်းငြိမ်နေပါ တယ်။ ဆင်တောင်နနွင်းတွေလည်း အောင်ပန်းဈေးကွက်ကို လက်လီလောက်သာ အဝင်ရှိနေပါတယ်။ ထိပ်စနနွင်းတွေ အဝယ်ရပ်နေပေမဲ့ ညံ့စဖြစ်တဲ့ ပင်လောင်းနနွင်းကတော့ တစ်ပိဿာကို ၃၀၀ ကျပ်၊ ၃၇၅ ကျပ်နဲ့ အရောင်းအဝယ် အနည်း ငယ်ဖြစ်နေပါတယ်။ ဆင်တောင်နနွင်းကတော့ တစ်ပိဿာ ၁၂၀၀ ကျပ်ဈေးရှိပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာ သုည ဒသမ ၅၁၁ သန်းတန်ဖိုးရှိ နနွင်းတက် ၃၂၉ တန် ကျော်နဲ့ ကန်ဒေါ်လာ သုည ဒသမ ၀၀၃ သန်းတန်ဖိုးရှိ နနွင်းခေါင်း ၂ တန်ကျော်ကို ဇူလိုင် ၁၁ ရက်မှ ၁၇ ရက်ထိ ကာလ အတွင်းမှာ အပို့ရှိခဲ့ပြီး မြဝတီနယ်စပ်မှလည်း ကန်ဒေါ်လာ သုည ဒသမ ၀၁၇ သန်းတန်ဖိုးရှိတဲ့ နနွင်းတက် ၉၉ တန်ကျော် အပို့ရှိခဲ့ပါတယ်။ ယခုအပတ်မှာ နယ်စပ်စခန်းများမှ နနွင်းတက် ၄၂၉ တန်ခန့်အပို့ရှိခဲ့ရာ ယခင်အပတ်ကထက် ၈၅ တန်ကျော် ပိုမိုတင်ပို့နိုင်ခဲ့ပါတယ်။MIRT(DOBT)
ပြည်ပကို ပင်လယ်ရေကြောင်းလမ်းမှမန်ကျည်းတင်ပို့မှု ဇူလိုင် ၈ ရက်မှ ၁၄ ရက်တာ ကာလအတွင်း ၁၇၃ တန်ရှိခဲ့ပါတယ်။ တင်ပို့ခဲ့တဲ့နိုင်ငံက စင်ကာ ပူနိုင်ငံကို ၁၄၈ တန်နဲ့ ထိုင်းနိုင်ငံကို ၂၅ တန်ဖြစ်ပါတယ်။ ယခင်သီတင်းပတ် မန်ကျည်း တင်ပို့မှုက တန်ကိုးဆယ်ကျော်ရှိခဲ့ပြီးဒီတစ်ပတ်မှာ တန်ရှစ်ဆယ် ကျော်ပိုမို တင်ပို့ နိုင်ခဲ့ပါတယ်။ ယခင်သီတင်းပတ်တစ်တန်ကို FOB ဈေးကန်ဒေါ်လာ လေးရာ့ သုံးဆယ်ကျော်ရရှိခဲ့တဲ့ မန်ကျည်းက ဒီတစ်ပတ်မှာ FOB ဈေးက ကန်ဒေါ်လာ လေးရာ့ခုနစ်ဆယ်ကျော်ထိ ရရှိခဲ့ပါတယ်။MIRT(DOT)
ချင်း(ဥမ)တွေ အဝင်များသလို၊ ပုံမှန်လည်းပြန်ရောင်းနေရပါတယ်။ အောင်ပန်း ဈေးကွက်မှာ တစ်ရက်ကို ပိဿာချိန်ထောင်ချီပြီး အဝင်ရှိနေတယ်လို့သိရပြီး၊ ပဲခူးနဲ့ မန္တလေးက အတော်များများဝယ်ယူနေတယ်လို့သိရပါတယ်။ ချင်းတက်တွေကတော့ အဝင်အတော်နည်းသွားပါတယ်။ လက်ကျန်ရှိနေပေမယ့် ဈေးကွက်မှာတော့ အဝင် သိပ် မရှိဘူးလို့လည်းသိရပါတယ်။
အောင်ပန်းချင်းများ ပြည်ဈေးကွက်အတွင်းသို့ ယခင်တစ်ပတ်ကအတိုင်း ပိဿာ ၃၀ ဝင်အိတ် ၁၀၀ ခန့် ပုံမှန်အဝင်ရှိပြီး၊ အခြားတိုင်းဖြစ်သော ဧရာဝတီတိုင်း ဒေသကြီးနဲ့ ရခိုင်ပြည်နယ်တို့သို့ ပိဿာ ၈၀၀ ခန့်ကို ဈေးကွက်မှ တစ်ဆင့် တင်ပို့ခဲ့ကြောင်း သိရပါတယ်။ ဈေးကွက်အတွင်း ပွဲရုံများမှာ အရောင်းအဝယ်ပုံမှန် ဖြစ်ပြီး၊ အဝင်လည်း ပုံမှန်ရှိနေတဲ့အတွက် ဈေးနှုန်းမှာ တစ်ပိဿာကို ချင်း (ရှယ်) ၆၀၀ ကျပ်၊ (ဂျွန်) ၅၀၀ ကျပ်၊ ချင်း (ဥမ) ရှယ် ၅၀၀ ကျပ်၊ ဂျွန် ၃၅၀ ကျပ်တို့နဲ့ အသီး သီးရောင်းဝယ် လျက်ရှိကြောင်းသိရပါတယ်။ဝင်းဝင်းခိုင်
မြန်မာ-တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်နဲ့ မြန်မာ-ထိုင်း နယ်စပ်ရှိ မြဝတီနယ်စပ် ကုန်သွယ်ရေးဇုန်တို့မှ ကန်ဒေါ်လာ သုည ဒသမ ၀၇၈ သန်း တန်ဖိုးရှိ ချင်းခြောက် ၃၆ တန်ကျော်ကို ဇူလိုင်လ ၁၁ ရက်မှ ၁၇ ရက်ထိ ကာလအတွင်းမှာ အပို့ရှိခဲ့ပါတယ်။ ယခင်အပတ်ကထက် ချင်းခြောက်အပို့ ၂၉ တန် လျော့နည်းတင်ပို့ခဲ့တယ်လို့ သိရပါတယ်။ MIRT(DOBT)