Background
ပြည်ပကြိုက်ဧရာရေထွက် ပုစွန်ဈေးကွက် ဧရာဝတီတိုင်းဒေသကြီးရဲ့ ပြည်ပ ပို့ကုန်ပုစွန်များကို ချောင်းသာ ကမ်းခြေ ကျေးရွာများတွင် အဝယ်ဒိုင်များ ဖွင့် လှစ်ပြီး ပြည်ပသို့ ပုစွန်အရှင်များ တင်ပို့လျက် ရှိနေပါတယ်။ ချောင်းသာ၊ ရွှေ သောင်ယံ၊ ဂျိတ်လတ်၊ သဇင်၊ ငွေ ဆောင်၊ငရုတ်ကောင်း၊ ဆင်မ၊ မော်တင် အနောက်ဘက်ကမ်းခြေ ပင်လယ်ပိုင်း ဒေသများမှ ဖမ်းဆီးရမိသော ဒေသ ခေါ် အစိမ်းရောင်ပုစွန်၊ ကျောက်ပုစွန်၊ နုံးပုစွန်၊ ဖလားဝါးပုစွန်၊ ကျောက်ဘီလူး ပုစွန်၊ ပုလဲပေါက်ပုစွန်များကို နှစ်ပတ် လည်ရောင်းဝယ်လျက်ရှိကြောင်း သိရ ပါတယ်။ ဂရမ် ၁၅ဝ မှ ၁၅ဝဝ အထက် ပုစွန်များကို ဈေးကွက်တွင် တစ်ပိဿာ ၁၂ဝဝဝ ကျပ်မှ ၂၇ဝဝဝ ကျပ်ဈေးနဲ့ ဝယ်ယူပြီး မိုးတွင်း တစ်လကို ကုန်ချိန် ၆ဝဝ၊ ၇ဝဝ တင်ပို့နိုင်သော်လည်း ပွင့်လင်းရာသီ နိုဝင်ဘာလမှ မေလ အထိ ကုန်ချိန် ၉ဝဝ၊ ၁ဝဝဝ အထက် ပိုမိုတင်ပို့နိုင်ကြာင်း သိရပါတယ်။ ဝယ်ယူရရှိတဲ့ ပုစွန်အရှင်များကို အငန် ဓါတ် ဝ ဒသမ ဝ၂ဝ ကန်ထဲမှာ ရေကို အောက်ဆီဂျင် လွှတ်ကာ ၂၄ နာရီ အပြည့် စက်မောင်းမွေးမြူထားရှိပြီး (၁/၂)ရက်တစ်ကြိမ် ရန်ကုန်သို့တင်ပို့ပြီး ရန်ကုန်မှ တစ်ဆင့်ပြည်ပနိုင်ငံများသို့ တင်ပို့လျက်ရှိကြောင်း သိရပါတယ်။ မင်းမင်းဦး
ငါးရှဉ့် ၁ တန် ပျမ်းမျှဒေါ်လာ ၂၅ဝဝ ခန့်ရရှိနေ မြန်မာနိုင်ငံက ဖမ်းဆီးရရှိသည့် ငါးရှဉ့်များကို တရုတ်နိုင်ငံသို့ အများဆုံးတင်ပို့လျက်ရှိရာ ယခုနှစ်အတွင်း ငါးရှဉ့် ၁ တန်လျှင် ပျမ်းမျှဒေါ်လာ ၂၅ဝဝ ခန့် ရရှိနေကြောင်း ငါးရှဉ့်လုပ် ငန်းရှင်များ အသင်းမှ သိရသည်။ '' ၂ဝ၁ဝ ခုနှစ် နိုဝင်ဘာလ ဆန်းပိုင်းမှာ ရတဲ့ဝင်ငွေပမာဏဟာ ယခင် (၂ဝဝ၉-၂ဝ၁ဝ )ဘဏ္ဍာနှစ်ရဲ့ ဇန်နဝါရီလမှာ ရတဲ့ပမာဏနဲ့ တူညီနေ တာကြောင့် ငါးရှဉ့်တင်ပို့မှုက ရရှိငွေ ဒေါ်လာ ၁၅ သန်းဟာ ယခင်နှစ် ကထက် ၂ လခန့်စောပြီး ရထားပြီး ဖြစ်ပါတယ်။ မန္တလေးစစ်ဆေးရေး Check Point ကနေ ငါးရှဉ့်ကား ၃- ၄ စီး မူဆယ်(၁ဝ၅)မိုင် နယ်စပ် ကုန် သွယ်ရေးစခန်းကို ပုံမှန်တင်ပို့ ရောင်းချနေပါတယ်။ ဒီနှစ်မှာ ငါးရှဉ့်တစ်တန် ကို ပျမ်းမျှဒေါ်လာ ၂၅ဝဝ ဝန်းကျင် ရရှိခဲ့ပြီး မနှစ်က ဒေါ်လာ ၁၈ဝဝ ခန့်ပဲ ရရှိခဲ့တာကြောင့် ဒီနှစ်က ယခင်နှစ် ကထက် ကုန်တက်နည်းပေမယ့် အမေ ရိကန်ဒေါ်လာ ရရှိမှု ပိုမိုရရှိထားပါ တယ် '' ဟု ယင်းအသင်း၏ ဥက္ကဌ ဦးဘသော် က ပြောကြားသည်။ ၂ဝ၁ဝ ခုနှစ်အောက်တိုဘာလ ၃၁ ရက်အထိ မူဆယ်နယ်စပ်ကုန်သွယ် ရေးစခန်းက ဒေါ်လာ ၁၄ ဒသမ ၆၃၁ သန်း၊ မြဝတီနယ်စပ် ကုန်သွယ်ရေး စခန်းက ဒေါ်လာ ဝ ဒသမ ဝ၃၇ သန်း၊ လေကြောင်းလိုင်း ဖြင့် တင်ပို့မှုက ဒေါ်လာ ဝ ဒသမ ဝ၅၆ သန်း၊ စုစုပေါင်းဒေါ်လာ ၁၄ ဒသမ ၇၂၄ သန်း ရရှိထားပြီးဖြစ်သည်။ ခင်မျိုးသွယ်
မွေးမြူရေးစခန်းများကို အခြေခံ၍ အစာထုတ်လုပ်နည်းသင်တန်း ဖွင့်လှစ်မည် ပြည်ပပညာရှင်များလာရောက်သင်ကြားပြသပေးမည့် မွေးမြူရေးစခန်းနေရာများကို အခြေခံ၍အစာ ထုတ်လုပ်နည်း သင်တန်းကို ရွှေပြည်သာမြို့နယ် လှော်ကားငါးလုပ်ငန်းစခန်းတွင် နိုဝင်ဘာလ ၂၄ ရက်တွင်စတင် ဖွင့်လှစ်မည်ဖြစ်သည်။ '' မွေးမြူရေးနေရာစခန်းများကို အခြေခံတဲ့ အစာထုတ်လုပ်နည်းသင်တန်းကို ဖိလစ်ပိုင်နိုင်ငံက ပညာရှင် ၂ ဦးက လာရောက်သင်ကြားပေးမှာပါ။ အဲဒီသင်တန်းအတွက် မွေးမြူရေးနှင့်ရေလုပ်ငန်းဝန်ကြီးဌာန၊ ငါးလုပ်ငန်း ဦးစီးဌာနက ဝန်ထမ်း ၁ဝ ယောက်နဲ့ မြန်မာနိုင်ငံငါးမွေးမြူရေးအသင်းက ၁ဝ ဦးစုစုပေါင်း ၂ဝ ဦးကို အခမဲ့တက်ရောက်ခွင့် ပြု မှာပါ'' ဟု ငါးလုပ်ငန်းဦးစီးဌာနက တာဝန်ရှိသူတစ်ဦးက ပြောကြားသည်။ အဆိုပါသင်တန်းသို့ တက်ရောက်လိုသည့် ငါးမွေးမြူရေးအသင်းဝင်များအနေဖြင့် မြန်မာနိုင်ငံငါးလုပ်ငန်း အဖွဲ့ချုပ်နှင့် ရေချိုငါးမွေးမြူရေးအသင်းတို့ရှိ ဖုန်းနံပါတ် ၆၈၃၆၅၈ သို့ ဆက်သွယ်စုံစမ်း စာရင်းပေးသွင်းနိုင်ကြောင်း သိရသည်။ ယင်းသင်တန်းကို အရှေ့တောင်အာရှ ငါးလုပ်ငန်းဖွံ့ဖြိုးရေးအဖွဲ့က ထောက်ပံ့မှုဖြင့် ဖွင့်လှစ်သည်ဟုဆိုသည်။ ခင်မျိုးသွယ်
အီးယူဈေးကွက်သို့ ရေထွက်ကုန်များကို ပုံစံ (၆) မျိုးဖြင့် တင်ပို့နေ မြန်မာနိုင်ငံမှထုတ်လုပ်တင်ပို့သည့် ရေထွက်ကုန်များကို အီးယူ ဈေးကွက်များက ဝယ်ယူလျက်ရှိရာ မြန်မာနိုင်ငံက ထုတ်လုပ် တင်ပို့သူများ အနေဖြင့် ပုံစံ (၆) မျိုးဖြင့် တင်ပို့ရောင်းချလျက် ရှိနေကြောင်း သိရသည်။ '' အီးယူဈေးကွက်ရဲ့ နိုင်ငံပေါင်း ၃ဝ ခန့်ကို မြန်မာရေထွက်ကုန်တွေ တင်ပို့ရာမှာ တန်ဖိုးမြှင့်ကုန်အဖြစ် ပြုပြင်ထုတ်လုပ်တင်ပို့ခြင်း၊ အရှင်တင်ပို့ ခြင်း၊ အေးခဲတင်ပို့ခြင်း၊ ဆားနယ်တင်ပို့ခြင်း၊ ငါးကြိတ်သားပြုလုပ်တင်ပို့ခြင်း၊ ကျပ် တိုက်တင်ပို့ခြင်းဆိုပြီး ပုံစံ (၆) မျိုးနဲ့ တင်ပို့နေတာတွေ့ရပါတယ်။ မြန်မာနိုင်ငံရဲ့ ရေလုပ်ငန်းရှင် တွေအနေနဲ့ ပြည်ပဈေးကွက်များသို့ ရေထွက် ကုန်များ ရောင်းချရာမှာ ငါးအမျိုးအစားပေါင်း (၂ဝဝ) ကျော်ရှိနေပါတယ်'' ဟု ရေထွက်ပစ္စည်း ထုတ်လုပ်သူများနှင့် တင်ပို့ရောင်းချသူများ အသင်းမှ တာဝန်ရှိသူတစ်ဦးက ရှင်းပြသည်။ အီးယူ ဈေးကွက်သို့ မြန်မာရေထွက်ပစ္စည်းထုတ်လုပ်သည့်စက်ရုံ (၈) ရုံမှ တင်ပို့လျက်ရှိပြီး မကြာမီကာလများအတွင်း နောက်ထပ်စက်ရုံ (၅) ရုံခန့်မှလည်း ဆက်လက်တင်ပို့နိုင်တော့မည် ဖြစ်သည်ဟု ဆိုသည်။ ခင်မျိုးသွယ်
မူဆယ်က ငါးရှဉ့်တင်ပို့မှု တစ်လတန် ၁ဝဝဝ ခန့်ရှိနေ မူဆယ် ၁ဝ၅ မိုင် ကုန်သွယ်ရေး စခန်းက ငါးရှဉ့်တင်ပို့မှုမှာ တစ်လ တန် ၁ဝဝဝ ခန့် ရှိနေကြောင်း မူဆယ်-နမ့်ခမ်း ကုန်သည်အသင်းမှ သိရသည်။ '' အခုအချိန်က မြန်မာပြည် အထက်ပိုင်းရော မြန်မာပြည်အောက်ပိုင်း မှာပါ ငါးရှဉ့်အကောင်ကြီးတွေ ထွက်နေ တဲ့ ရာသီပါ။ အထက်နဲ့ အောက်အရပ် က တက်လာတဲ့ငါးရှဉ့်တွေက မန္တလေး Check Point မှာဆုံပါတယ်။ မန္တလေးက တစ်ဆင့် မူဆယ်ကို ကား ၄ စီးခန့် တက်နေပါတယ်။ ကားတစ်စီးကို ငါးရှဉ့် ၈ တန်ခန့် သယ်ယူကြတာကြောင့် တစ်ရက်ကို ပျမ်းမျှ ၃၂ တန်ခန့်မူဆယ်ကို ဝင်ရောက်နေပါတယ်။ ငါးရှဉ့်ထွက်တဲ့ ရာသီဆို မူဆယ်က ငါးရှဉ့်တင်ပို့မှုက တစ်လကို တန် ၁ဝဝဝ ခန့်ရှိနေပါတယ်'' ဟု ယင်းအသင်းမှ တာဝန်ရှိသူတစ်ဦးက ပြောကြားသည်။ ဧပြီလ ၁ ရက်မှအောက်တိုဘာလ ၃၁ ရက်နေ့အထိ ငါးရှဉ့်တင်ပို့မှုက ဒေါ်လာ ၁၄ ဒသမ ၇၂၄ သန်းရရှိထားပြီးဖြစ်ရာ နယ်စပ်စခန်းများအလိုက် တင်ပို့ထားမှုမှာ မူဆယ် နယ်စပ်ကုန်သွယ်ရေးစခန်းက ဒေါ်လာ ၁၄ ဒသမ ၆၃၁ သန်း၊ မြဝတီ နယ်စပ်ကုန်သွယ်ရေးစခန်းက ဒေါ်လာ ဝ ဒသမ ဝ၃၇ သန်းနှင့်လေကြောင်းလိုင်းက ဒေါ်လာ ဝ ဒသမ ဝ၅၆ သန်းကျော်တို့ ဖြစ်သည်ဟု ဆိုသည်။ ထို့အတူ ကန်ပိုက်တီးနယ်စပ်ကုန်သွယ်ရေးစခန်းကလည်း သြဂုတ်လထိ ငါးရှဉ့်တင်ပို့မှုက ဝင်ငွေဒေါ်လာ ၁ဝဝ၄ဝဝ ရရှိထားပြီးဖြစ်သည်။ ခင်မျိုးသွယ်
ရေလုပ်ငန်းမွေးမြူရေးဆိုင်ရာ ဘွဲ့လွန်ပညာရပ်အတွက် သင်တန်းသားများ အစ္စရေးက ခေါ်ယူ ရေလုပ်ငန်း မွေးမြူရေးဆိုင်ရာဘွဲ့လွန်ပညာရပ်အတွက် သင်တန်းသားများကို အစ္စရေးနိုင်ငံက ခေါ်ယူပြီဖြစ်သည်။ '' ဒီသင်တန်းအတွက် သင်တန်းသားအကန့်အသတ်မရှိပါဘူး၊ အသက်ကန့်သတ်ချက်လည်းမပါ ပါဘူး၊ တက်ရောက်မယ့်သူဟာဘွဲ့ရဖြစ်ရမယ်။ သက်ဆိုင်ရာလုပ်ငန်းထဲမှာ ၂ နှစ်အနည်းဆုံးလုပ်သက် ရရှိရမယ်။ အင်္ဂလိပ်စာကျွမ်းကျင်ရမယ်။ ငါးလုပ်ငန်းအဖွဲ့ချုပ်မှာ လျှောက်လွှာတင်ရမယ်။ အရည်အချင်းအစစ်ဆေးခံရမယ်။ အောင်ရင်တက်လို့ရပြီ။ အရည်အချင်းစစ်ဆေးခံပြီး အောင်မြင်တဲ့ သင်တန်းသားကို အစ္စရေးက စားစရိတ်၊ နေစရိတ် အခမဲ့တာဝန်ယူတယ်။ သင်တန်းက ၁နှစ်ပြီးတာနဲ့ Final Project ကို အောင်မြင်အောင် လုပ်ပေးနိုင်ရမယ်။ ပြီးရင်အပြည်ပြည်ဆိုင်ရာ အသိအမှတ်ပြုလက်မှတ်ရမယ်''ဟု မြန်မာနိုင်ငံ ငါးလုပ်ငန်းအဖွဲ့ချုပ်မှ ဦးနှင်းဦးက ပြောကြားသည်။ အဆိုပါသင်တန်းသို့ တက်ရောက်လိုသူများသည် မြန်မာနိုင်ငံငါးလုပ်ငန်းအဖွဲ့ချုပ်သို့ နိုဝင်ဘာလ ၁ဝ ရက် နေ့အမီဆက်သွယ်ရမည် ဖြစ်ပြီး အသေးစိတ်စုံစမ်းလိုပါက ဖုန်းနံပါတ် ၆၈၃၆၅၈ သို့ ဆက်သွယ်နိုင်ကြောင်း သိရသည်။ ခင်မျိုုးသွယ်
ချင်းရွှေဟော်မှ ကဏန်းအရှင် ၅၆ တန်ကျော်တင်ပို့ခဲ့ ၂ဝ၁ဝအောက်တိုဘာလအတွင်း ချင်းရွှေဟော်နယ်စပ် ကုန်သွယ်ရေးစခန်းမှ တစ်ဆင့် ကဏန်းအရှင် ၅၆ တန်ကျော် တင်ပို့နိုင်ခဲ့ကြောင်း ဟိန်းနဒီအောင် ကုမ္ပဏီက သိရသည်။ '' ကဏန်းအရှင်တင်ပို့ခွင့်ကို ဟိန်းနဒီအောင်ကုမ္ပဏီ အနေနဲ့ ချင်းရွှေဟော် နယ်စပ်ကုန်သွယ်ရေးစခန်း ကနေ တစ်ရက်ကို ကား ၃ စီးတင်ပို့ခွင့်ရခဲ့ပါတယ်။ ကုမ္ပဏီအနေနဲ့ ကဏန်းကို တန်ဖိုးမြှင့်ကုန်အဖြစ် ပြန်မွေးမြူပြီးမှ တင်ပို့တာပါ။ သဘာဝက ဖမ်းဆီးပြီးလာရောင်းတဲ့ ကဏန်းတွေကို ရွံှ့တွေစင်အောင် ရေဆေးရပါတယ်။ ချည်ထားတဲ့ကြိုး တွေ ကို ပြန်ပြောင်းပြီး ပါကင်ပုံလှအောင် လုပ်ရပါတယ်။ ပြီးရင် လှောင်အိမ်နဲ့ ပြန်မွေးပါတယ်။ အဲဒီအထဲကမှ အရည် အသွေးကောင်းတဲ့ ကဏန်းတွေကို ရွေးချယ်တင်ပို့ပါတယ်။ ဒီလမှာအဓိက ကုန်ကြမ်းယူတဲ့ ရခိုင် ပြည်နယ်မှာ မုန်တိုင်း ဒဏ်ကြောင့် လုပ်ငန်းရပ်ထားတဲ့ရက်တွေရှိခဲ့တယ်။ ဒါ့ကြောင့် ဒီလမှာ ခွင့်ပြုတန်မီအောင် မပို့နိုင်ပါဘူး။ နောက်လတွေမှာ ဒီထက် ပိုပြီး တင်ပို့နိုင်အောင် ကြိုးစားနေပါတယ်'' ဟု လုပ်ငန်းရှင် ဦးထွန်းလင်းစိုးက ပြောကြားသည်။ ယခုကဲ့သို့ မူဆယ်ဇုန်အပြင်ချင်းရွှေဟော်စခန်းမှပါ ကဏန်းတင်ပို့ခွင့်ပြုလိုက်သည့်အတွက် ဈေးကွက် ပြိုင်ဆိုင်မှု များ ဖြစ်ပေါ်လာပြီး ကုန်ကြမ်းဝယ်ယူရာ ဒေသတွင် ဈေးနှုန်း များ မြင့်တက်လာပြီး ရေလုပ်သားများ ပိုမို အကျိုးရှိလာ ကြောင်း ဒေသခံများထံက ကြားသိရပါသည်။ ခင်မျိုးသွယ်
ဂီရိမုန်တိုင်းသင့် ရေလုပ်သားများအား ရေလုပ်ငန်းအသင်း နှစ်ခုမှ ကျပ် သိန်း ၁ဝဝ လှူဒါန်း ဂီရိမုန်တိုင်းဒဏ်သင့်ရခိုင်ပြည်နယ်မှ ရေလုပ်သားများအား မြန်မာနိုင်ငံငါးလုပ်ငန်းအဖွဲ့ခုျပ်အောက်ရှိ ရေလုပ်ငန်း အသင်း ၂ ခုမှ ကျပ်သိန်း ၁ဝဝ လှူဒါန်းခဲ့ကြောင်း ငါးလုပ်ငန်းဦးစီးဌာနက တာဝန်ရှိသူတစ်ဦးက ပြောကြားခဲ့သည်။ '' အောက်တိုဘာလ၂၂ ရက်က တိုက်ခတ်ခဲ့တဲ့ ဂီရိဆိုင်ကလုန်းမုန်တိုင်းကြောင့် ရခိုင်ပြည်နယ်ရဲ့ မြေပုံ၊ မင်းပြား၊ ကျောက်ဖြူ၊ ပေါက်တောမြို့နယ်တွေမှာရှိတဲ့ ငါးလုပ်ငန်းဦးစီးဌာနအချို့ရေလုပ်သားတွေရဲ့ နေအိမ်အချို့ နဲ့ ငါးဖမ်းပစ္စည်းတွေ ဆုံးရှုံးမှုရှိခဲ့ပါတယ်။ အဲဒီအတွက် ပင်လယ်ကမ်းဝေး ငါးဖမ်းလုပ်ငန်း ရှင်များအသင်းနဲ့ မြန်မာ နိုင်ငံရေထွက်ပစ္စည်း ထုတ်လုပ်သူများနှင့် တင်ပို့ရောင်းချသူများအသင်းတို့က ကျပ်သိန်း ၅ဝ စီစုစုပေါင်းကျပ်သိန်း ၁ဝဝ ကို လှူဒါန်းပေးခဲ့ပါတယ်'' ဟု ယင်းဌာနမှ တာဝန်ရှိသူတစ်ဦးက ပြောကြားသည်။ အဆိုပါမုန်တိုင်းသင့် ရေလုပ်သားများအတွက် မြန်မာနိုင်ငံငါးလုပ်ငန်းအဖွဲ့ချုပ်ကလည်း ကျပ် ၁၁၅ သိန်းကျော်ဖိုးရှိ မီတာ ၂ဝဝ အရှည် ကွင်းတားပိုက် ၁၉၃၁ ခု၊ ကျပ်သိန်း ၄ဝဝ ကျော်ဖိုးရှိ မီတာ ၄ဝဝ ကွင်းတားပိုက် ၃ဝ၁ ခု၊ ကျပ် ၇၅ သိန်းတန်ဖိုးရှိ ထိုင်းနိုင်ငံထုတ် ငါးဖမ်းပိုက်ကွန် ၄၇ဝ ခု၊ စုစုပေါင်း ကျပ်သိန်း၂၄ဝ ကျော်ဖိုးရှိ ငါးဖမ်းပစ္စည်းများကို အောက်တိုဘာလ ၂၇ ရက်နေ့က ပေးလှူခဲ့ပြီးဖြစ်ကြောင်း သိရသည်။ ခင်မျိုးသွယ်
တနင်္သာရီတိုင်းဒေသကြီးအတွင်း ငါးမျိုးစိပ်သစ်များ တိုးခဲျ့မွေးမြူနိုင် တနင်္သာရီဒေသကြီးအတွင်း ငါးမျိုးစိပ်အသစ်များ တိုးခဲျ့မွေးမြူနိုင် ကြောင်း မြိတ်ကျွန်းစု ထိန်းသိမ်းစောင့်ရှောက်ရေး သုတေသန ပြုလုပ်ချက် များမှ သိရသည်။ '' တနင်္သာရီတိုင်းဒေသကြီးအတွင်းမှာ မွေးမြူရေးလုပ်ကိုင်သူ အရေ အတွက်က ပင်လယ်ပြင်က ငါးဖမ်းဆီး ထုတ်လုပ်သူ အရေအတွက်နဲ့ နှိုင်း ယှဉ်ရင် ရာခိုင်နှုန်းအတော်နည်းနေပါသေးတယ်။ ကုန်းတွင်းပိုင်းက စီးဆင်း လာတဲ့ ထားဝယ်မြစ်၊ ပလောက်မြစ်၊ တနင်္သာရီမြစ်နဲ့ လေညှာမြစ်တို့ရဲ့ မြစ်ဝ ဒေသ များနဲ့ မြိတ်ကျွန်းတန်းတွေ အကြားမှာ ငါး-ပုစွန်တွေ နေထိုင် ကျက်စားစရာ ရေပြင်ကြီးလည်း ဖြစ်ထွန်းတည်ရှိနေပါတယ်။ အဲဒီဧရိယာမှာ ရေနေသတ္တဝါတွေ မွေးမြူခြင်း၊ ပင်လယ်ရေမှော် တို့လို ဈေးကွက်ဝင် ရေနေအပင်တွေ စိုက်ပျိုး လုပ်ကိုင်ဖို့ သင့်လျော်တဲ့ အနေအထားမှာ ရှိပါတယ်။ အထူးသဖြင့် ငါးမျိုးစိပ် အသစ်တွေဖြစ်တဲ့ ငါးပါးနီ၊ ပင်လယ်ငါးရံ့ (Cobai)၊ ပင်လယ်မျှော့၊ ဂုံး၊ ခရု ယောက်သွားနဲ့ စားကမာတို့ကို မွေးမြူ နိုင်ပါတယ် '' ဟု မြိတ်ကျွန်းစု ထိန်းသိမ်း စောင့်ရှောက်ရေးအဖွဲ့ ဥက္ကဌ ဦးဟန်ထွန်းက ပြောကြားသည်။ ခင်မျိုးသွယ်
မွေးမြူရေးငါးများ ယခင်ပေါက်ဈေးထက် လျှော့ချဝယ်ယူ ရခိုင်ဒေသမှ ကကတစ်ငါးများသိသာစွာကမြန်မာနိုင်ငံအတွင်း မွေးမြူ ထုတ်လုပ်လျက်ရှိသော ငါးများကို ယခင် ပေါက်ဈေးများ ထက် ၁ ပိသာ လျှင် ၂၅ဝ ကျပ်ခန့်လျှော့ချဝယ်ယူ လျက် ရှိနေကြောင်း ငါးမွေးမြူသူများ ထဲက သိရသည်။ '' Exporters တွေ ဘက်က ငွေ ဈေးတည်ရှိပေါ်မူတည်ပြီး 2F အရွယ် ၁ ပိသာကို ၂၃ဝဝ ကျပ်အထိ ပေးဝယ် ခဲ့တာတွေ့ရှိခဲ့ပါ တယ်။ နောက်ပိုင်းမှာ ငွေဈေးကကျ၊ Buyer တွေဘက် က လည်း ဥပုသ်လလည်းဖြစ်ခဲ့ တာကြောင့် ငါးအရောင်းအဝယ်ဈေးတွေ လျော့ရင်း ၂၂ဝဝ ကျပ်နဲ့ အရောင်းအဝယ် ဖြစ်လာတယ်။ အခု ဥပုသ်လလည်း ကျော်ခဲ့ပါပြီ၊ လက်ရှိမှာ 2F အရွယ် ငါး ၁ ပိသာကို ၂ဝ၅ဝ ကျပ် နဲ့ ဝယ်ယူမှုရှိတဲ့ အတွက် ငါး ၁ ပိသာကို ၂၅ဝ ကျပ် လောက် ကျသွားပါတယ်။ တစ်ဖက်က အစာဈေးက အမြင့်တွေနဲ့ ကျွေးခဲ့ရပြီး ငါးဈေးမှာ ကျတဲ့အတွက် တစ်နှစ်လုံး အနေနဲ့ ခြုံပြောရရင် ငါးမွေးသူတွေ အခက်အခဲတွေ့ရတဲ့ နှစ်တစ်နှစ်ပါ။ အခု လောလောဆယ် ငါးအရွယ်သေး တွေကို အအေးခန်း စက်ရုံအချို့နဲ့ ပြည်တွင်း ဈေးကွက်က ဝယ်ယူမှုရှိနေ တဲ့အတွက် ငါးအရွယ်ကြီး တွေက အရောင်းထိုင်း အဝယ်ဆိုင်းတော့ ဈေး လျော့ပေးပြီး ရောင်းရပါတယ်'' ဟု ငါးလုပ်ငန်းအဖွဲ့ချုပ်က အထွေထွေအတွင်းရေးမှူး ဦးဝင်းကြိုင်ပြော ကြားသည်။ ယခုအပတ်အတွင်း ငါးမြစ်ချင်း အရွယ်သေးများကို ငွေဇာပုလဲ၊ အဏ္ဏဝါ လွမ်းနဲ့သုံးပွင့်ဆိုင်ကုမ္ပဏီတို့ ဝယ်ယူ လျက် ရှိသည်ဟု ဆိုသည်။ ခင်မျိုးသွယ်