Background
နှစ်ဟောင်းလက်ကျန်နည်းလို့ နယ်စပ်မှ ပြောင်းတင်ပို့မှု လျော့ကျလာ စက်တင်ဘာလ ၈ ရက်မှ ၁၄ ရက်ထိကာလအတွင်း မူဆယ်၁ဝ၅ မိုင်ကုန်သွယ်ရေးဇုန်မှ တစ်ဆင့် တစ်ဖက်နိုင်ငံသို့ ပြောင်းဖူးစေ့ ၁၆၃၆ ဒသမ ၂တန်၊ တန်ဖိုးအားဖြင့် ကန်ဒေါ်လာ ဝ ဒသမ ၃၇၈ သန်းနှင့် လွယ်ဂျယ် နယ်စပ် ကုန်သွယ်ရေး စခန်းမှ ပြောင်းဖူးစေ့ တန် ၁၄ဝ၊ တန်ဖိုးအားဖြင့် ကန်ဒေါ်လာ ဝဒသမ ဝ၃ဝ၈ သန်းဖိုး တင်ပို့နိုင်ခဲ့ပါတယ်။ ယခင်အပတ်မှာ မူဆယ်နဲ့ လွယ်ဂျယ်နယ်စပ်စခန်းများမှ ပြောင်းဖူးစေ့ ၄ဝ၄၂ ဒသမ ၃တန် တင်ပို့ခဲ့တဲ့အတွက်ယခုအပတ် မှာ တန်ချိန် ၂၄ဝဝ ကျော်လျော့နည်းတင်ပို့ခဲ့ပါတယ်။ ပြောင်းဖူးစေ့မှာယခင်နှစ် ဟောင်းလက်ကျန်နည်းပါးလာတဲ့အတွက် တင်ပို့မှုလျော့ကျခဲ့ရတာလို့သိရပါတယ်။ မိမိဘက်နဲ့တစ်ဘက်နိုင်ငံ မြေပြင်ပြောင်းပေါက်ဈေးများကို နှိုင်းယှဉ်ဖော်ပြ ပေးလိုက်ပါတယ်- မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၂၉၁၃၂ ၂၄၄၁၂၂ ၁၄၉၉ဝ ၆ .၅ ၁၉၇ဝ ၁၉၂ဝ ၅ဝ ၃
ဒီအပတ် စင်္ကာပူကိုပဲ ပြောင်းပို့တာရှိ စက်တင်ဘာ ၆ ရက်မှ ၁၂ ရက်ထိ ကာလအတွင်း ပင်လယ်ရေကြောင်းမှ ပြောင်း ၆၉ တန်၊ တန်ဖိုးအား ဖြင့် ဝ ဒသမ ဝ၁၈ သန်းတင်ပို့ခဲ့ပါတယ်။ပြီးခဲ့တဲ့ သြဂုတ်လတစ်လလုံးမှာ ၉၂ တန်သာ တင်ပို့မှုရှိခဲ့ပြီ ယခု စက်တင်ဘာလမှာ ပြန်လည် တင်ပို့နိုင်တာဖြစ်ပါတယ်။ တင်ပို့မှုကတော့ စင်ကာပူ တစ်နိုင်ငံတည်းသို့သာဖြစ်ကြောင်း သတင်းရရှိပါတယ်။ KZW
ဘရစ်ချ်စတုန်းကုမ္ပဏီမှ ကမ္ဘာ့ဝယ်လိုအား ပြည့်မီအောင် ထုတ်လုပ်မည် ဘရစ်ချ်စတုန်း ကုမ္ပဏီဟာ ကမ္ဘာ့ဈေးကွက် တိုးတက်လာမှုကို တုံ့ပြန်နိုင်ဖို့ အတွက် ထိုင်းနိုင်ငံမှာရှိတဲ့ တာယာ ထုတ်လုပ်ရေးတွေရဲ့ ထုတ်လုပ်မှုစွမ်းအားကို တိုးခဲျ့ဖို့ ဆောင်ရွက်နေကြောင်းသိရပါတယ်။ ခရီးသည်တင်ကားတွေနဲ့ စီးပွားရေး လုပ်ငန်းသုံးကားတွေရဲ့ တာယာဝယ်လိုအား တိုးလာတာကြောင့် ဂျပန်တာယာ ထုတ်လုပ်ရေးဟာနွန်းခက်စက်ရုံရဲ့ စွမ်းအားကို မြင့်တင်ဖို့လိုအပ်ကြောင်း သိရှိခဲ့ပါတယ်။၎င်းစက်ရုံက ထိုင်းဈေးကွက်အတွက်ထုတ်လုပ်ပြီး အာရှနိုင်ငံများ၊မြောက်အမေရိကား နဲ့ ဥရောပကိုတင်ပို့ကြောင်းလဲ သိရပါတယ်။ ကုမ္ပဏီကခရီးသည်တင်ကားနဲ့ ထရပ်ကားတာယာတွေကို ၂ဝ၁၄ ခုနှစ် အကုန်မှာနေ့စဉ်ထုတ်လုပ်မှုကို (၁၃၅ဝဝ ) လုံးမှ(၅ဝဝဝဝ)လုံးအထိ ထုတ်လုပ်ဖို့ စီမံကိန်း ရေးဆွဲထားကြောင်း သိရပါတယ်။၂ဝဝ၈ ခုနှစ်ကစတင်စီမံကိန်းအကောင်အထည်ဖော်လည်ပတ်ခဲ့တဲ့ စက်ရုံဟာနေ့စဉ်ထုတ်လုပ်မှုတစ်နေ့ တာယာ၆ဝဝဝ ထုတ်လုပ်နေပြီး ၂ဝ၁၁ မှာစီမံကိန်း ကာလပြီးဆုံးမှာ ဖြစ်ကြောင်းသိရပါတယ်။ ဈေးကွက်တွေ ပြောင်းလဲပေမယ့် ရင်းနှီး မြုပ်နံှမှုရဲ့ တုံ့ပြန်မှုရလဒ်ဟာ ကောင်းမွန်နေပြီး ထုတ်လုပ်မှုကိုတိုးခဲျ့ပြီး ကမ္ဘာတစ်ဝန်းလုံးရဲ့ ဝယ်လိုအား ပြည့်မီအောင် ကမ္ဘာ့အဆင့်မီတာယာများထုတ်လုပ်သွားမယ်လို့ဘရစ်ချ်စတုန်းကုမ္ပဏီက ပြောကြားကြောင်း သတင်းရရှိပါတယ်။ Source : Etyres united kingdom, KZW
ကမ္ဘာ့ရော်ဘာသုံးစွဲမှုတန်ချိန် ၂၃ ဒသမ ၁ သန်း ရောက်ရှိ ကမ္ဘာ့ရော်ဘာသုံးစွဲမှုဟာ ၂ဝ၁ဝ ဇွန်လမှာတန်ချိန် ၂၃ ဒသမ ၁ သန်းကိုရောက်ရှိခဲ့ပြီး ၂ဝဝ၉ ခုနှစ် အလားတူကာလထက် ၁၁ ဒသမ ၂ ရာခိုင်နှုန်းပိုမိုခဲ့ပြီး ယခုနှစ်ပထမနှစ်ဝက်အတွင်းကောက်ယူတဲ့ စစ်တမ်းများ အရ မော်တော်ကားနဲ့ တာယာလုပ်ငန်းတွေရဲ့ ဝယ်လိုအားလည်းကာမိတယ်လို့သိရပါတယ်။ တိုးတက်မှု ကိန်းဂဏန်းတွေရှိ နေပေမဲ့ မနှစ်က ကမ္ဘာ့ဝယ်လိုအား မပြည့်မီတဲ့ ေြွကးကျန်တွေလဲဖြည့်တင်းပေး ဖို့ရှိနေသေးကြောင်း သိရပါတယ်။ ရော်ဘာတုထုတ်လုပ်မှုက ၂ဝဝ၉ခုနှစ်က၁၃ဒသမ၃ရာခိုင်နှုန်း မြင့်တက်ခဲ့ပြီး သုံးစွဲမှုကိုလုံလောက်ကာမိကြောင်းသိ ရပါတယ်။ ကမ္ဘာ့ သဘာဝ ရော်ဘာရောင်းလိုအားကတော့ ၂ဝ၁ဝ ဒုတိယလေးလပတ်မှာ ၄ ဒသမ ၉ ရာခိုင်နှုန်းကနေ ၃ ဒသမ ၅ ရာခိုင်နှုန်းကို ကျဆင်းခဲ့ကြောင်သိရပါတယ်။ ကမ္ဘာ့ရော်ဘာဝယ်လိုအားက ၂ဝ၁ဝ မှာတန်ချိန် ၂၃ ဒသမ ၉ သန်းနဲ့ ၂ဝ၁၁ မှာ တန်ချိန် ၂၅ ဒသမ ၅သန်း ကို ရောက်ရှိမယ်လို့ခန့်မှန်းပြီး သဘာဝရော်ဘာဝယ်လိုအားက လွန်ခဲ့တဲ့နှစ်က တန်ချိန် ၁၃ ဒသမ ၃ သန်းထက်တန် ဝ ဒသမ ၁၁ သန်းခန့်ပိုမိုလာနိုင်တယ်လို့ ခန့်မှန်းကြပါတယ်။ ကမ္ဘာ့သဘာဝရော်ဘာ ထုတ်လုပ်မှုက ၂ဝ၁ဝ ပြည့်နှစ်မှာ၆ ဒသမ ၁ ရာခိုင်နှုန်းမြင့်တက်ပြီး တန်ချိန် ၁ဝ ဒသမ ၂၅သန်းကို ရောက်ရှိနိုင်ကာ ၂ဝ၁၁ ခုနှစ်မှာ ၇ ဒသမ ၃ ရာခိုင်နှုန်းမြင့်တက်ပြီး တန်ချိန် ၁၁ သန်းကို ရောက်ရှိနိုင်ကြောင်း နိုင်ငံတကာ ရော်ဘာလေ့လာရေးအုပ်စုက ခန့်မှန်းလျက်ရှိပါတယ်။Source : Int's Rubber Study Group ,KZW
တရုတ်စက်မှုထုတ်ကုန် တိုးတက်လို့ ရော်ဘာဝယ်လို့အား ကောင်းနိုင် ကမ္ဘာတွင် ရော်ဘာအများဆုံးသုံးစွဲတဲ့ တရုတ်နိုင်ငံရဲ့ စက်မှုထွက်ကုန်ထုတ်လုပ်မှုတိုးတက်နှုန်းက ခန့်မှန်း ထားတာထက် ပိုမိုလျင်မြန်တာကြောင့် ရော်ဘာဝယ်လိုအားလည်း တိုးတက်လာမယ် မျှော်လင့်ချက်များနဲ့ စက်တင်ဘာလ ၁၃ ရက်နေ့က ရော်ဘောဈေးတက်ခဲ့ကြောင်း သတင်းရရှိပါတယ်။တိုကျိုကြိုပွိင့့််ရောင်းဝယ်ရေးတွင် ရော်ဘာဈေးနှုန်းက တစ်ကီလိုဂရမ် ကို သုည ဒသမ ၉ ရာခိုင်နှုန်းဈေး တက်သွားပြီးတစ်တန်ကို ကန်ဒေါ်လာ ၃၅၁၃ နဲ့ခုျပ်ဆိုခဲ့ပါတယ်။ ရေနံ ံစိမ်းဈေးနှုန်းမြင့်တက်သွားမှုကြောင့်လည်း သဘာဝရော်ဘာဈေးနှုန်းကိုမြင့်တက်သွားစေခဲ့ခြင်းဖြစ်ပါတယ်။တရုတ် နိုင်ငံရဲ့ စက်မှုထုတ်ကုန်က ယခင်နှစ်အလားတူကာလနဲ့နှိုင်းယှဉ်ရာ သြဂုတ်လတွင် ၁၃ ဒသမ ၉ ရာခိုင်နှုန်းမြင့်တက် ခဲ့ကြောင်း၊ လက်လီအရောင်းကလည်း ဇူလိုင်လတွင် ၁၇ ဒသမ ၉ ရာခိုင်နှုန်းတိုးတက်ရာမှာ သြဂုတ်လတွင် ၁၈ဒသမ ၄ ရာခိုင်နှုန်းတက်သွားခဲ့ကြောင်းနဲ့ တရုတ်နိုင်ငံရဲ့ စီးပွားရေးဖွံ့ဖြိုးတိုးတက်မှုနှုန်းကြောင့် ရော်ဘာ ဈေးကွက်အလားအလာကောင်းကြောင်း ဲှဃ ဃသမစ မှ သုတေသီကပြောကြားခဲ့ပြီး အမေရိကန်ပြည် ထောင်စုလက်ကား ဈေးကွက်မှာလည်း ဇူလိုင်လတွင် ကုမ္ပဏီများမှ ကုန်သိုလှောင်ထားဖို့ဝယ်ယူမှုကြောင့် ရော်ဘာ အရောင်းတက်ခဲ့ကြောင်း ဖော်ပြခဲ့ပါတယ်။ှSource:bloomberg.com,အေးမွန်မွန်လှိုင်
ယခုတစ်ပတ် မူဆယ်နယ်စပ် အပို့ကျ စက်တင်ဘာလ ၈ ရက်မှ ၁၄ ရက်ထိကာလအတွင်း မြန်မာတရုတ်နယ်စပ်ရှိ မူဆယ်နှင့် ချင်းရွှေဟော် နယ်စပ်ကုန်သွယ်ရေးစခန်းများမှ RSS (၃) ၇၈၁ ဒသမ ၈ဝဝ တန်၊ တန်ဖိုးအားဖြင့် ကန်ဒေါ်လာ ၂ ဒသမ ၃၅၅ သန်းဖိုး တင်ပို့နိုင်ခဲ့ပါတယ်။ ယခင်အပတ်က ရော်ဘာအဆင့်စုံ ၁၆ဝ၅ တန်တင်ပို့နိုင်ခဲ့တဲ့အတွက် တန်ချိန် ၈ဝဝ ကျော်ယခုအပတ်မှာလျော့နည်းတင်ပို့ခဲ့ပါတယ်။ ယခင်အပတ်နဲ့ နှိုင်းယှဉ်ပါက မိမိဘက်ဈေးကျနေပြီး တစ်ဘက်နိုင်ငံဈေး တည်ငြိမ်နေတဲ့အတွက်အရောင်းအဝယ်အေးလျက်ရှိတယ်လို့ မူဆယ် ကုန်စည်ဒိုင်မှ သတင်း ရရှိပါတယ်။ ယခုအပတ်မှာ ရော်ဘာတင်ပို့မှုများမှာမူဆယ်မှာ RSS (၃) ၅၄၁ ဒသမ ၈ တန် နဲ့ ချင်းရွှေဟော်မှ တန် ၂၄ဝ အသီးသီးတင်ပို့ခဲ့တာ ဖြစ်ပါတယ်။ ယခုအပတ်နဲ့ယခင်အပတ် ရော်ဘာပေါက်ဈေးများကို နှိုင်းယှဉ်ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ှRSS(၃) ၃ဝ၄၈၁၁၃ ၃ဝ၆၉၇၁၃ ၂၁၆ဝဝ ဝ .၇ ၂ဝဝဝဝ ၂ဝဝဝဝ -RSS(၅) ၂၉၂၇၆၁ဝ ၂၉၄၇၆၁၃ ၂ဝဝဝ၃ ဝ .၇ ၁၈၅ဝဝ ၁၈၅ဝဝ -
ပင်လယ်ရေကြောင်းက တန် ၁ဝဝဝကျော်ပို့ စက်တင်ဘာ ၆ ရက်မှ ၁၂ ရက်ကာလအတွင်း ပင်လယ်ရေကြောင်းမှ ရော်ဘာတန်ချိန် ၁ဝ၇၆ တန်၊ တန်ဖိုးအားဖြင့် ကန်ဒေါ်လာ ၃ ဒသမ ၁၉၃ သန်းဖိုးတင်ပို့ခဲ့ပါတယ်။ ယခင်ရက်သတ္တပတ်က ၄၅၅ တန်တင်ပို့ ခဲ့တာကြောင့်ယခုအပတ်မှာ ၂ ဆကျော်တိုးတက်တင်ပို့ခဲ့တာတွေ့ရပါတယ်။ တင်ပို့တဲ့နိုင်ငံများကတော့ တရုတ်ကိ ုMSR(၂ဝ) ၂၆၁တန်၊RSS (၃) တန် ၁ဝဝ၊ မလေးရှားကို MSR (၅ဝ) ၁၉ဝ တန်၊ RSS (၅) ၃၄၅ တန်၊ RSS (၃) တန် ၁ဝဝ နဲ့ဗီယက်နမ်ကို RSS (၃) တန် ၈ဝ အသီးသီး တင်ပို့နိုင်ခဲ့တယ်လို့ သတင်းရရှိပါတယ်။ KZW