Background
အမေရိကန်၏ ရေနံသိုလှောင်ထားမှုများလာခြင်းကရေနံစိမ်းဈေးနှုန်း မြင့်မားမှုကို အဟန့်အတားဖြစ်စေ ကမ္ဘာ့စီးပွားရေးနာလန်ထူလာမှု နှေးကွေးလာခြင်းက လောင်စာဝယ်လို အားကို လျော့ကျစေမယ်ခန့်မှန်းကြပြီး နယူးယောက်တွင် ရေနံစိမ်းဈေးနှုန်း အနည်းငယ်ကျဆင်းလာပါတယ်။ ရေနံစိမ်းဈေးနှုန်းက လွန်ခဲ့တဲ့ ၄ ရက်အတွင်း၄ ဒသမ ၆ ရာခိုင်နှုန်းကျဆင်းခဲ့တဲ့အပြင် ကမ္ဘာ့လောင်စာသုံးစွဲမှုအများဆုံး အမေရိကန်ရဲ့ ရေနံသိုလှောင်ထားရှိ မှုက စက်တင်ဘာလတွင် ၁ဝ ရက်နေ့ အဆုံးသတ်တဲ့ ရက်သတ္တပတ်တွင် စည်ပေါင်း ၃၅၇ ဒသမ ၄ သန်းအထိ ရောက်ရှိ လာခဲ့ရာ ငါးနှစ်အတွင်းအများဆုံးပမာဏဖြစ်လာတယ်လို့ အမေရိကန် စွမ်းအင်ဌာနက ပြောကြားပါတယ်။ ယခုလိုအမေရိကန်ရဲ့ ရေနံသိုလှောင်ထားမှုများလာခြင်းက ရေနံစိမ်း ဈေးနှုန်း မြင့်မားမှုကို အဟန့်အတား ဖြစ်စေ ကြောင်း သိရပါတယ်။ ဒါကြောင့် အောက်တိုဘာလ စာချုပ်ဈေးနှုန်းမှာ တစ်စည်ကို ၇၃ ဒသမ ၃၅ ဒေါ်လာနဲ့နယူးယောက် ကုန်စည်ရောင်းဝယ်ရေးတွင် စက်တင်ဘာလ ၂ဝ ရက်နေ့က အရောင်းအဝယ် ဖြစ်ခဲ့ကြောင်း သိရပါတယ်။ နိုဝင်ဘာလ ငွေချေရမဲ့ ဘရန့် အမျိုးအစား ရေနံစိမ်းမှာ တစ်စည်ကို ၇၈ ဒသမ ၆၅ ဒေါ်လာနဲ့ လန်ဒန် ICE Futures Europe Exchange တွင် အရောင်းအဝယ်ဖြစ်ခဲ့ကြောင်း သိရပါတယ်။ Source:bloomberg.com,ပပ
ရွှေဈေးအတက်ဘက်သို့ ဦးတည်နေသော်လည်း အရောင်းအဝယ်အေးနေ ယခုအခါတွင် ကမ္ဘာ့ရွှေဈေးနှုန်းများ စံချိန်တင်မြင့်မားလာသောကြောင့် ပြည်တွင်းရွှေဈေးကွက်မှာအတက်ဘက် သို့ ဦးတည် နေသော်လည်း အရောင်းအဝယ်မှာ အေးနေကြောင်း ရွှေရောင်း ဝယ်သူတစ်ဦးက ပြောကြားသည်။ ''ကမ္ဘာ့ရွှေဈေးက ပြန်တက်လာ တော့ ပြည်တွင်းရွှေဈေးက အတက် ဘက်ကို ဦးတည်လာတယ်။ နိုင်ငံခြားငွေဈေးနှုန်း တွေကကျလာတော့ မြန်မာငွေကြေးက ခိုင်မာလာတယ်လို့ ပြောလို့ ရတယ်။ မြန်မာ့ငွေကြေး ခိုင်မာလာပေမယ့် ရင်းနှီး မြုပ်နံှ သူတွေက အိမ်ခြံမြေ ဘက်ကို အဓိက ဦးစားပေးကြတယ်။ ရွှေဘက်ကိုသိပ်မလှည့်ကြတော့ ရောင်းအားလည်း သိပ်မတက်ခဲ့ဘူး။ ပြည်တွင်း ရွှေဈေးကွက်က အခုလက်ရှိအရောင်း အဝယ်အေးပြီး ဈေးငြိမ်နေတယ်လို့ ပြောလို့ရတယ်။ ပွင့်လင်းရာသီ အရောင်း အဝယ် ကောင်း၊ မကောင်းကတော့ ပြောဖို့ နည်းနည်းစောသေးတယ်။ ဈေးကွက်ကို စောင့်ကြည့်နေတဲ့ အခြေအနေပဲရှိတယ်'' ဟု ၎င်းကပြောကြားသည်။ အဆိုပါ ကမ္ဘာ့ရွှေဈေးနှုန်းမှာ စက်တင်ဘာလ ၂၃ ရက်နေ့တွင် တစ်အောင်စလျှင် အမေရိကန်ဒေါ်လာ ၁၂၉၃ အထိ စံချိန်တင်အောင် မြင့် တက်ခဲ့ပြီး ပြည်တွင်းရွှေဈေးနှုန်းမှာ အခေါက်ရွှေ တစ်ကျပ်သားလျှင် ၆၅၅ဝဝဝ ကျပ်သာရှိကြောင်းနှင့် ပြီးခဲ့သည့် စက်တင်ဘာလ ၁၈ ရက်တွင် ရွှေဈေးမှာတစ်ကျပ်သားလျှင် ၆၅၈ဝဝဝ ကျပ် ဖြင့်ဈေးပိတ်ခဲ့ကြောင်း သိရသည်။ မင်းသန်
ရွှေဈေး ၁၁၂၂၉၉၄၄ ဒေါ်လာအထိရောက်ခဲ့ ပြီးခဲ့တဲ့စက်တင်ဘာ တတိယပတ်အတွင်း ရွှေဈေးကွက်မှာ ရွှေဈေးကတစ်အောင်စကို အမြင့်ဈေး ကန်ဒေါ်လာ ၁၂၉၆ ဒသမ ၃ ဒေါ်လာနဲ့ ဆဒ္ဒနီဈေးကွက်မှာ အရောင်းအဝယ်ဖြစ်ခဲ့ပါတယ်။ ဒီရက်သတ္တပတ်အတွင်း ရွှေဈေးက အမြင့် ဈေးတန်းနဲ့ မှတ်တမ်း တင်အဆင့်ကိုရောက်နေပြီး အမေရိကန်ဒေါ်လာ လဲလှယ်နှုန်း နည်းနည်းပြန်ငြိမ်သွားတဲ့နောက်ပိုင်းနဲ့ အမေရိကန် အိုးအိမ် အရောင်းအဝယ် ဈေးကွက် အကန့်အသတ်နဲ့ပဲ ဆောင်ရွက်နိုင်တယ်ဆိုတဲ့ သတင်းများထွက်ပေါ်ပြီး နောက်ပိုင်းကာလများမှာ တစ်အောင်စကို ကန်ဒေါ်လာ ၁၂၉၄ ဒသမ ၄ဝ နဲ့ လက်ငင်းအရောင်းအဝယ်ဖြစ်ခဲ့ပါတယ်။ သုတေသီများရဲ့ခန့်မှန်းချက်အရ လာမဲ့နှစ်မှာ ရွှေဈေး ၁၃ဝဝဖြစ်မယ်။ထုတ်လုပ်မှုအပိုင်းကလည်း အားထည့်လုပ်ဆောင်လာနိုင်တယ်လို့ ဆိုပါတယ်။ ယခုနှစ် အတွင်း ရွှေဈေးတိုးမြင့်မှုက ၁၈ ရာခိုင်နှုန်းအထိ မြင့်မားခဲ့ပြီး ငွေသတ္တုဒြပ်စင်က တော့ တစ်အောင်စကို ကန်ဒေါ်လာ ၂၁ဒသမ ၁၂၆၃နဲ့ ၂ဝဝ၈နောက်ပိုင်း အမြင့် ဈေးအဖြစ် ရှိခဲ့ပါတယ်။ Source:bloomberg.com, WWN
ပရဆေးကုန်ကြမ်း ဒီတစ်ပတ်လည်း ကျပ်သန်း ၄ဝဝနီးပါးပဲ စက်တင်ဘာလ ၁၅ ရက်မှ၂၁ ရက်အတွင်း မူဆယ်နယ်စပ်ကုန်သွယ်ရေးဇုန်မှ တင်ပို့ခဲ့တဲ့ ပရဆေး ကုန်ကြမ်း တွေကတော့ ချဉ်ပေါင်ဖာလာ၊ မာလာဥ၊ မာလာဥခေါင်း၊ ရွေးရွက်၊ ရှားစေး၊ ကျောက်ဂျင်း၊ တောဂျင်း၊တောဂျူးမြစ်၊ တောင်လုံးကျော်၊ ဒရင်ကောက်မြစ်၊ ကွမ်းစားဂမုန်း၊ ကြောင်ပန်းစေ့နဲ့ ဖန်ခါးသီးခြောက်တို့ ဖြစ်ပြီးတန်ချိန်အားဖြင့် ၂၃၇ ဒသမ ၅၅ တန်၊တန်ဖိုးကျပ်သန်း ၄ဝဝ နီးပါး ရရှိခဲ့ပါတယ်။ ယခင်အပတ်က ၃ဝ၄ ဒသမ၁၁ တန်တင်ပို့ခဲ့လို့ တန်ချိန် ၆၆ တန်လျော့ခဲ့ပေမဲ့ ချဉ်ပေါင်ဖာလာ (အခွံပါ)တစ်ခုတည်း ကျပ်သန်း ၂ဝဝ ကျော်ခဲ့လို့ ယခုအပတ်မှာလဲ ကျပ်တန်ဖိုး ၄ဝဝနီးပါးပဲရခဲ့တာပါ။ မန္တလေးကုန်စည်ဒိုင်ပေါက်ဈေးတွေနဲ့တစ်ဖက်နိုင်ငံ ရွှေလီပေါက်ဈေးများကို ဖော်ပြပေးလိုက်ပါတယ် -ပစ္စည်းအမည် မိမိဘက် တစ်ဘက်နိုင်ငံ (ကျပ်/တန်) (ယွမ်/တန်)ချဉ်ပေါင်ဖာလာ(အခွံပါ) ၂၉၈ဝ၃၆ဝ ၂ဝ၆ဝဝချဉ်ပေါင်ဖာလာ(အခွံမပါ) ၃၄ဝဝဝဝဝ ၂၃၅ဝဝမာလာဥ ၂ဝ၉၃၉ဝဝ ၁၄၅ဝဝကွမ်းစားဂမုန်း ၉၄၆၇၃ဝ ၆၅ဝဝရှားစေး ၈၂၄၈၇ဝ ၅၆၇ဝမာလာဥခေါင်း ၇၄၇၉၄ဝ ၅၁၄၁ကျောက်ဂျင်း ၆၉၂၁၉၆ ၄ဝ၅ဝတောဂျုးမြစ် ၅၅၆ဝ၂ဝ ၃၈၁၇ရွေးရွက် ၄၄၁ဝ၄၅ ၃ဝဝဝတောဂျင်း ၃ဝဝဝဝဝ ၂၁၂၇ဖန်ခါးသီးခြောက် ၂၆၂၂၅ဝ ၁၈၅ဝတောင်လုံးကျော် ၂၅ဝ၈ဝဝ ၁၇၂၂ဒရင်ကောက်မြစ် ၂၁၄၅ဝဝ ၁၄၄၉မော်မော်အောင(MIRT)
ယခုအပတ်တန် ၄ဝ ကျော်ပြန်ပို့နိုင် မန်ကျည်းတင်ပို့နိုင်မှုအနေနဲ့ စက်တင်ဘာ ၁၃ ရက်မှ ၁၉ ရက် အတွင်း ပင်လယ်ရေကြောင်းလမ်း ကနေ မန်ကျည်းတန်ချိန် ၄၄ တန်၊ တန်ဖိုးကန်ဒေါ်လာ ၁၉၈ဝဝ ဖိုးတင်ပို့နိုင်ခဲ့ပါတယ်။ တင်ပို့ခဲ့တဲ့ ကုန်သွယ်ဖက်နိုင်ငံ ကတော့ အာရပ်စော်ဘွားများပြည် ထောင်စုနိုင်ငံကို တင်ပို့ခဲ့တာဖြစ်ပြီး၊တစ်တန် ကို ပျမ်းမျှ FOB ၄၅ဝ ဒေါ်လာနဲ့ တင်ပို့ခွင့်ရရှိခဲ့ပါတယ်။ ယခင်အပတ်က တင်ပို့မှုမရှိခဲ့ပဲ ယခု အပတ်မှသာ ပြန်လည်စုဆောင်း တင်ပို့နိုင်ခဲ့တာ တွေ့ရပါတယ်။ MIRT (DOT)
အဝယ်သွက်လာတာကြောင့် အိန္ဒိယနနွင်းဈေးမြင့်လာ အိန္ဒိယဈေးကွက်များကို နနွင်းဝင်ရောက်မှု ပုံမှန်ရှိနေပေမဲ့ ဝယ်လိုအားကောင်းနေတာကြောင့် ကြိုပွိင့် ဈေးရော၊ လက်ငင်းဈေးပါ မြင့်တက်ခဲ့တယ်လို့သိရပါတယ်။ NCDEX ကုန်စည်ဒိုင်မှာ နိုဝင်ဘာလပို့ရမယ့် နနွင်းဈေးဟာ ၂ရာခိုင်နှုန်းမြင့်တက်ပြီး၊ တစ်တန်ကို ရူပီး ၁၂၅ဝဝဝ (ကန်ဒေါ်လာ ၂၇၄၆ ) ဖြစ်ခဲ့ပြီးအောက်တိုဘာလ စာချုပ်ဈေးဟာ ၁ ဒသမ ၉၅ ရာခိုင်နှုန်းမြင့်တက်ပြီး၊ ရူပီး ၁၂၈၆၂ဝ (ကန်ဒေါ်လာ ၂၈၂၆) ဈေးဖြစ်ခဲ့တယ်လို့ သိရပါတယ်။ လက်ငင်း ဈေးကွက်တွေမှာလည်း အိန္ဒိယမြောက်ပိုင်းဝယ်လက်များ အဝယ်ရှိနေတာကြောင့် တစ်တန်ကို ရူပီး ၁ဝဝဝ (ကန်ဒေါ်လာ ၂၂ ) စီ မြင့် တက် ခဲ့ပြီး၊ နီဇမ်မာဘတ်မှာ တစ်တန်ကို ရူပီး ၁၃၇ဝဝဝ (ကန်ဒေါ်လာ ၃ဝ၁ဝ)နဲ့ အီရော့ ဈေးကွက်မှာ ရူပီး ၁၄၁ဝဝဝ (ကန်ဒေါ်လာ ၃ဝ၉၈) ဖြစ်ခဲ့တယ်လို့သိရပါတယ်။ နနွင်း ဝင်ရောက်မှုအနေနဲ့ နီဇမ်မာဘတ်ကို အိတ် ၂ဝဝ တိုးလာပြီး၊ အိတ် ၅ဝဝ နဲ့ အီရော့ဈေးကွက်ကိုလည်း အိတ် ၁ဝဝဝ တိုးပြီး၊ အိတ် ၅ဝဝဝ ထိ ဝင်လာခဲ့ တယ်လို့သိရပါတယ်။ ၂ဝ၁ဝ စက်တင်ဘာလ ၁၅ ရက်နေ့အထိ အင်ဒရာပရာဒေ့ရှ် စိုက်ပျိုးရေးဌာနရဲ့စာရင်းအရ ယင်းပြည်နယ်မှာ နနွင်းစိုက်ပျိုးပြီးစီးမှုဟာ ဟက်တာ ဝဒသမ ၆၄ သိန်းရှိလို့ ယခင်နှစ်စိုက်ဟက်တာ ဝ ဒသမ ၅၉ သိန်းထက်မြင့်တက်ခဲ့တာ တွေ့ရပါတယ်။ ယင်းဒေသမှာ နနွင်းစိုက်ပိုျးမှုက ရာနှုန်းပြည့်ပြီးစီးပြီလို့သိရပါတယ်။ ဟင်းခတ်အမွေးအကြိုင်အဖွဲ့စာရင်းအရ နယူးယောက်မှာ နိုင်ငံတကာဈေးဟာ စက်တင်ဘာလ ၁ဝ ရက်မှာ ပြီးဆုံးတဲ့သီတင်းပတ်အတွင်း တစ်တန်ကို ကန်ဒေါ်လာ ၅ဝ၇ဝ ဖြစ်ခဲ့ပြီး၊ ယမန်နှစ်ကာလတူက တစ်တန်ကို ကန်ဒေါ်လာ၂ဝ၉ဝ ဈေးရှိခဲ့တယ်လို့သိရပါတယ်။ ယမုံနာ၊Source: commodityonline
ဒေသအရောက်ဆင်းဝယ်နေရတဲ့ ပင်လောင်းနနွင်း အောင်ပန်းဈေးကွက်မှာ အရောင်းအဝယ်အနည်းငယ်သာဖြစ်ပြီး၊အထွက်များတဲ့ ပင်ရင်းဒေသ ပင်လောင်းနယ်မှာ ပိုပြီး အရောင်းအဝယ်ဖြစ်နေ ပါတယ်။ ပင်လောင်းနယ်က တောင်သူတွေကလည်း အောင်ပန်း ဈေးကွက်ကိုပို့ရင်သယ်ယူ စရိတ်ကြောင့် ပင်လောင်းပွဲရုံတွေဆီကိုသာ ပို့ကြပါတော့တယ်။ ဝယ်လက်တွေကလည်း အခုဆိုပင်လောင်းထိ ဆင်းဝယ်နေကြပါတယ်။ ကလောနယ် တစ်ဝိုက်က ထွက်တဲ့ လက်ကျန်နနွင်းတွေသာ အောင်ပန်းဈေးကွက်မှာ ကျန်တော့တာကြောင့် အရောင်းအဝယ်ကလည်း အေးနေတယ်လို့သိရပါတယ်။ အောင်ပန်းဈေးကွက်မှာ တစ်ပိဿာ ၃၁ဝဝ ကျပ်ရှိပြီး၊ ပင်လောင်းမှာလည်း ကြိုက်ရောင်းကြိုက်ဝယ် ဈေးနဲ့ တစ်ပိဿာ ၃၁ဝဝ ကျပ်ဖြစ်နေပါတယ်။ တောင်ကြီး ဈေးကွက်မှာတော့ တစ်ပိဿာ ၃၃ဝဝ ကျပ်နဲ့ ဈေးငြိမ်နေတယ်လို့ ဒေသခံကုန်သည်တွေထံကသိရပါတယ်။ ဧဧခိုင်
မူဆယ်နဲ့ စစ်တွေက နနွင်းအပို့ရှိနေ စက်တင်ဘာလ ၁၅ ရက်မှ ၂၁ ရက်ထိကာလအတွင်း မူဆယ်၁ဝ၅ မိုင်ကုန်သွယ်ရေးဇုန်မှ နနွင်းတက် ၃၂ ဒသမ ၆ တန် နဲ့ စစ်တွေနယ်စပ်မှ ၄တန်၊ စုစုပေါင်း ၃၆ တန်ကျော် တင်ပို့နိုင်ခဲ့ပါတယ်။ ယခင်အပတ်က စစ်တွေ နယ်စပ်မှ ၃ တန်သာတင်ပို့နိုင်ခဲ့ပါတယ်။ ဧပြီလမှ သြဂုတ်လအထိ နယ်စပ်မှ နနွင်းတက် တန်ချိန် ၉၃ဝ နီးပါ တင်ပို့ထားပြီးဖြစ်ပါတယ်။မူဆယ်နယ်စပ်မှာ နနွင်းတက် တစ်တန်ကို ၁၄ဝ၃၆ဝဝ ကျပ်ဈေးပေါက်ပြီး တစ်ဘက်နိုင်ငံမှာ ၂၃ဝဝဒေါ်လာ ဈေးပေါက်လျက်ရှိပါတယ်။စစ်တွေနယ်စပ်မှာ နနွင်းတက်တစ်တန်ကို၁၄ဝ၇၆ဝဝ ကျပ်ဈေးပေါက်ပြီး တစ်ဖက်နိုင်ငံပေါက်ဈေးက ၁၃ဝ၅ဝဝ တာကာဖြစ်ပါတယ်။ တင်တင်ထွန်း (MIRT )
ယခင်အပို့ထက် တန် ၂၀ ခန့်လျော့ ပင်လယ်ရေကြောင်းကုန်သွယ်မှုလမ်းကနေ နနွင်းတန်ချိန် ၃၁ ဒသမ ၄၇တန်ကို စက်တင်ဘာ တတိယအပတ် ်အတွင်း တင်ပို့ခဲ့ပါတယ်။ ကုန်သွယ်ဖက် နိုင်ငံတွေကတော့ ထိုင်းနိုင်ငံကို ၁၆ ဒသမ ၅ တန်နဲ့ ရီမန်နိုင်ငံကို ၁၄ ဒသမ ၉၇ တန် တင်ပို့နိုင်ခဲ့တာဖြစ်ပါတယ်။ တစ်တန်ကို FOB တန်ဖိုးကန်ဒေါ်လာ တစ်ထောင့်လေးရာငါးဆယ်ခန့်နဲ့ စုစုပေါင်းပို့ ကုန်ဝင်ငွေ ၄၅၇ဝ၈ ဒသမ ၂ ဒေါ်လာရရှိ ခဲ့ပါတယ်။ ယခင်အပတ်က ၄၂ ဒသမ ၆၃ တန် တင်ပို့နိုင်ခဲ့ပြီး ယခု အပတ် ၃၁ ဒသမ ၄၇တင်ပို့နိုင်ခဲ့တဲ့အတွက် ယခင်အပတ်ထက် တန်ချိန် နှစ်ဆယ်ကျော် လျော့နည်းပြီး တင်ပို့နိုင်ခဲ့တာ တွေ့ရပါတယ်။MIRT (DOT)
ဝယ်လိုအားကောင်းနေပေမဲ့ ပစ္စည်းလက်ကျန်နည်းလာပြီဖြစ်တဲ့ ရှမ်းချင်း ယခင်တစ်ပတ်ကဈေးငြိမ်နေတဲ့ ချင်းစိုတွေက စစ်တွေဝယ်လက်တွေဝယ်ယူနေတာကြောင့် ဈေးပြန်တက်လာပါတယ်။ အဝယ်လိုက်နေတာကြောင့်ပစ္စည်း ကုန်ခါနီးမှ ဈေးတွေထပ်တက်လာတယ်လို့ သိရပါတယ်။ ဟိုပုံး၊ ဆီဆိုင်နယ်တွေက ချင်းလက်ကျန်တွေနည်းလာပြီဖြစ်တာကြောင့် ချင်းအထွက်များတဲ့နမ့်ခုတ်မြို့နယ်၊ နောင်ယာဆိုင်း၊ ခိုလင်းနယ် ်တွေက လက်ကျန်ချင်းစိုတွေကို ဒေသခံ ကုန်သည်တွေက ဆင်းဝယ်နေကြပါတယ်။ ပြည်ပကဝယ်လိုတဲ့ အမှာတွေ များလာတာကြောင့် ကောက်သင်းကောက်သလို လိုက်ဝယ်နေရတယ်လို့ ကုန်သည်တွေထံက သိရပါတယ်။ ဒီနှစ်သီးနံှတွေထဲမှာ ရောင်းအားအကောင်းဆုံး သီးနံှဖြစ်နေပါတယ်။ဝယ်လိုအားကောင်းနေပေမဲ့ ပစ္စည်းက တော့ ပြတ်နေပါပြီ။ အခုထွက်တဲ့ ချင်းစိုကပြုတ်ပြီး အခြောက်ခံမရတာကြောင့် လက်ကျန် ချင်းတက်ခြောက်တွေ ကလည်းဈေးထပ် တက်လာပါတယ်။ ဒီတစ်ပတ်ချင်းစိုဈေးက တောင်ကြီးဈေးကွက်မှာ တစ်ပိဿာ ၉၅ဝ ကျပ်၊ အောင်ပန်း ဈေးကွက်မှာတစ်ပိဿာ ၁၁၅ဝ ကျပ်ရှိပါတယ်။ချင်းခြောက်ဈေးကတော့ တောင်ကြီးဈေးကွက်မှာ ဈေးအနည်းငယ် တက်လာပြီးတစ်ပိဿာ ၂၇ဝဝ ကျပ်ရှိပါတယ်။ အောင်ပန်းမှာတော့ ချင်းခြောက်တစ်ပိဿာ ၂၅ဝဝကျပ်ရှိတယ်လို့ သိရပါတယ်၊ ဧဧခိုင်