မြန်မာနိုင်ငံအနေဖြင့် ကမ္ဘာ့ရွှေကို တင်သွင်းရောင်းချခြင်း၊ တင်ပို့ရောင်းချခြင်းများ မရှိသည့်အတွက် ပြည်တွင်းရွှေ ဈေးအတက်/အကျ ပြောင်းလဲမှုဖြစ်ပေါ်ခြင်းမှာ ကမ္ဘာ့ရွှေဈေးနှင့် ဆက်စပ်မှုမရှိကြောင်း မြန်မာနိုင်ငံတော်ဗဟိုဘဏ်က ထုတ်ပြန်ကြေညာထားသည်။
လက်ရှိအခြေအနေတွင် ကိုယ်ကျိုးအတ္တကြောင့် ဈေးကစားလိုသူများအနေဖြင့် ကမ္ဘာ့ရွှေဈေး မြင့်တက်လာမှုကို အကြောင်းပြပြီး ရည်ရွယ်ချက်ရှိရှိဖြင့် လူမှုကွန်ရက်၊အွန်လိုင်း နှင့် ကောလာဟလသတင်းများကို အသုံးပြု၍ ဈေးနှုန်းမြှင့် တင်ရန် ကြိုးစားလာကြကြောင်း သိရသည်။

လက်ရှိ ပြည်တွင်းရွှေဈေးမှာ တစ်ကျပ်သားလျှင် ကျပ် ၂၈ သိန်းကျော်တွင် ဆက်လက်တည်ရှိနေကြောင်း ရွှေလုပ်ငန်းရှင်များထံမှ သိရသည်။ 
မတ် ၉ ရက် ဈေးနှုန်းများအနေဖြင့် ကမ္ဘာ့ရွှေ တစ်အောင်စလျှင် ၁၈၁၁ ဒေါ်လာ၊ ပြည်တွင်းရွှေဈေး တစ်ကျပ်သား ကျပ် ၂၈၃၅၀ဝ၀ ဖြစ်ကြောင်း သိရသည်။
တစ်ပတ်အတွင်း ဖြစ်ပေါ်ခဲ့သည့် ကမ္ဘာ့ရွှေဈေးနှုန်းများမှာ မတ် ၁ ရက်တွင် တစ်အောင်စ ၁၈၃၀ ဒေါ်လာ၊ ၂ ရက်တွင် ၁၈၃၃ ဒေါ်လာ၊ ၃ ရက်တွင် ၁၈၃၉ ဒေါ်လာ၊ ၄ ရက်တွင် ၁၈၅၅ ဒေါ်လာ၊ ၆ ရက် တွင် ၁၈၅၄ ဒေါ်လာ၊ ၇ ရက်တွင် ၁၈၄၈ ဒေါ်လာ၊ ၈ ရက်တွင် ၁၈၄၃ ဒေါ်လာ ဖြစ်ကြောင်း သိရသည်။