ရှမ်းပြည်နယ်တောင်ပိုင်း ဟိုပုံးမြို့နယ်တွင် တည်ဆောက်လျက်ရှိသော မြန်မာ့ပထမဆုံး ထောပတ်သီး သန့်စင်  ထုပ်ပိုးသည့် စက်ရုံကို လာမည့် ထောပတ်သီးရာသီတွင် စတင်လည်ပတ်နိုင်ရန် စီစဉ်နေကြောင်း မြန်မာနိုင်ငံ ထောပတ်သီးစိုက်ပျိုးထုတ်လုပ် တင်ပို့ ရောင်းချသူများအသင်းမှ သိရသည်။
လက်ရှိတွင် အဆိုပါစက်ရုံကို   တည်ဆောက်ထားပြီးဖြစ်ကာ စက်ပစ္စည်းများ တပ်ဆင်ရန်သာ ကျန်ရှိပြီး အဆိုပါ  စက်ပစ္စည်းများ တပ်ဆင်နိုင်ရန်အတွက် သိန်း ၈၀ဝ၀ ကျော်ခန့်   ကုန်ကျမည်ဖြစ် ကြောင်း သိရသည်။

ပြည်ဈေးကွက်တွင် ယခင်နှစ်က မိုးစပါး ၄၆ ပေါင် တင်း ၁၀ဝ လျှင် ကျပ် ၁၁၅၀ဝ၀ဝ ဈေးရှိပြီး ယခုနှစ်တွင် ကျပ် ၁၈၀ဝ၀ဝ၀ ဈေးရှိသည်။  နွေစပါးတင်း ၁၀ဝ လျှင် ယခင်နှစ်က ကျပ်  ၆၉၀ဝ၀ဝ ဈေးရှိခဲ့ပြီး ယခုနှစ် နွေစပါးပေါ်ချိန်တွင် ကျပ် ၁၄၇၀ဝ၀ဝ ရှိသည်။ ဆန်ဈေးနှုန်းအနေဖြင့် ဧည့်မထ (အဟောင်း) တစ်အိတ်လျှင် ယခင်နှစ်က ကျပ် ၃၉၅၀ဝ ရှိခဲ့ပြီး ယခုနှစ်မှာတော့ ကျပ် ၆၅၀ဝ၀ - ၆၂၀ဝ၀ ရှိခဲ့ပြီး ဧည့်မထအသစ်မှာ ယခင်နှစ်ပေါ်ချိန်က ကျပ် ၂၅၀ဝ၀ ဈေး ရှိပြီး ယခုနှစ်တွင် ကျပ် ၅၅၀ဝ၀ ဈေး ရှိသည်။

ယခုရက်ပိုင်းအတွင်း ရွှေဈေးနှုန်း တရိပ်ရိပ် မြင့်တက်လျက်ရှိရာ အခေါက်‌ ရွှေတစ်ကျပ်သား ကျပ် ၃၁ သိန်းကျော်အထိ ရောက်ရှိလာကြောင်း ဈေးကွက် အတွင်းမှ သိရသည်။ ဇွန် ၁၄ ရက် နံနက်ပိုင်းမှစတင်ကာ ရန်ကုန်မြို့ရှိ ရွှေဆိုင်များ၌ အခေါက်ရွှေ တစ်ကျပ်သား ကျပ် ၃၁ သိန်းကျော်ဖြင့် အရောင်းအဝယ်ပြုလုပ်နေ ခြင်းဖြစ်သည်။
တစ်ပတ်အတွင်း ဖြစ်ပေါ်ခဲ့သည့် ကမ္ဘာ့ရွှေဈေးနှုန်းများမှာ ဇွန် ၈ ရက်တွင် ၁၉၄၇ ဒေါ်လာ၊ ၉ ရက်တွင် ၁၉၆၃ ဒေါ်လာ၊ ၁၀ ရက်တွင် ၁၉၆၁ ဒေါ်လာ၊ ၁၂ ရက်တွင် ၁၉၆၀ ဒေါ်လာ၊  ၁၃ ရက်တွင် ၁၉၆၂ ဒေါ်လာ၊  ၁၄ ရက်တွင် ၁၉၄၈ ဒေါ်လာ၊ ၁၅ ရက်တွင် ၁၉၅၀ ဒေါ်လာဖြစ်ကြောင်း သိရသည်။