Background
လက်ရှိ ပြည်တွင်းရွှေရည်ညွှန်းဈေးမှာ ကျပ် ၂၂ သိန်းကျော်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ သိရသည်။ တစ်ပတ်အတွင်း ဖြစ်ပေါ်ခဲ့သည့် ပြည်တွင်းရွှေဈေးနှုန်းများအနေဖြင့် ဇွန် ၂၃ ရက်တွင် အခေါက်ရွှေ တစ်ကျပ်သား ကျပ် ၂၂၅၉၆၀ဝ၊ ၂၄ ရက်တွင် ကျပ် ၂၂၆၃၁၀ဝ၊ ၂၆ ရက်နှင့် ၂၇ ရက်တို့တွင် ကျပ် ၂၂၇၁၄၀ဝ၊ ၂၈ ရက်တွင် ကျပ် ၂၂၅၁၄၀ဝ၊ ၃၀ ရက်တွင် ကျပ် ၂၂၄၇၈၀ဝ ဖြစ်ကြောင်း သိရသည်။
ကျောက်ဆည်ခရိုင်အတွင်းရှိ တောင်သူများသည် စပါး၊ ပဲ၊ ပြောင်း၊ နှမ်း စသည့် သီးနှံမျိုးစုံ စိုက်ပျိုးကြသော်လည်း စပါးကိုသာ အဓိကထား စိုက်ပျိုးကြကြောင်း သိရသည်။ ယခု နှစ် ဇွန်လတွင် မိုးစပါးရာသီအတွက် စပါးမျိုးများ စတင်ပျိုး ထောင်နေပြီဖြစ်ပြီး ဧရာပဒေသာစပါးမျိုးကို အဓိကထား စိုက်ပျိုးကြကြောင်း၊ ယခင်နှစ်က စပါးမျိုးတစ်တင်းလျှင် ကျပ် ၂၀ဝ၀ ဝန်းကျင်ရှိခဲ့သော်လည်း ယခုအခါ ဧရာပဒေသာမျိုး စပါးတစ်တင်းလျှင် ကျပ် ၂၈၀ဝ၀-၃၀ဝ၀ဝ အထိ ဈေးပေး ဝယ်ယူရကြောင်း၊ တစ်ဧက စိုက်ပျိုးရန်အတွက် စပါးမျိုး နှစ်တင်း ပျိုးထောင်ရကြောင်း သိရှိရသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်၊ ရှမ်းစုကျေးရွာတွင် တစ်ပိုင်တစ်နိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း ရုံးပတီသီးကို စိုက်ပျိုးကြ ကြောင်း၊ ရုံးပတီသီးကို စိုက်ပျိုးရာတွင် ရာသီမရွေး စိုက်ပျိုးကြပြီး စိုက်ပျိုးချိန် တစ်လကျော်လျှင် အသီးများ စတင်ခူးဆွတ်ရသည်။ ရုံးပတီသီးကို စားသုံးသူပြည်သူများအတွက် အကောင်းဆုံးအချိန်သည် ပန်းပွင့် ပွင့်ပြီး (၅ /၆)
ရှမ်းပြည်နယ်တောင်ပိုင်း ဟိုပုံးမြို့နယ်တွင် တည်ဆောက်လျက်ရှိသော မြန်မာ့ပထမဆုံး ထောပတ်သီး သန့်စင် ထုပ်ပိုးသည့် စက်ရုံကို လာမည့် ထောပတ်သီးရာသီတွင် စတင်လည်ပတ်နိုင်ရန် စီစဉ်နေကြောင်း မြန်မာနိုင်ငံ ထောပတ်သီးစိုက်ပျိုးထုတ်လုပ် တင်ပို့ ရောင်းချသူများအသင်းမှ သိရသည်။
လက်ရှိတွင် အဆိုပါစက်ရုံကို တည်ဆောက်ထားပြီးဖြစ်ကာ စက်ပစ္စည်းများ တပ်ဆင်ရန်သာ ကျန်ရှိပြီး အဆိုပါ စက်ပစ္စည်းများ တပ်ဆင်နိုင်ရန်အတွက် သိန်း ၈၀ဝ၀ ကျော်ခန့် ကုန်ကျမည်ဖြစ် ကြောင်း သိရသည်။
ဧရာဝတီတိုင်းဒေသကြီးမှ ထွက်ရှိသည့် အစေ့ထုတ်ပြောင်း တန်ချိန် ၆၀ဝ၀ဝကို ပုသိမ်ဆိပ်ကမ်းမှတစ်ဆင့် ထိုင်းသို့ သင်္ဘောဖြင့် တိုက်ရိုက်တင်ပို့ နေပြီဖြစ်ကြောင်း မြန်မာနိုင်ငံ ပြောင်းလုပ်ငန်းအသင်းမှ သိရသည်။
ယင်းသို့ သင်္ဘောဖြင့် တိုက်ရိုက်တင်ပို့နိုင်ခြင်းကြောင့် ကုန်တင်တွဲကား ငှားရမ်းရခက်သည့် အခက်အခဲများကို ဖြေရှင်းနိုင်မည်ဖြစ်ပြီး ကုန်သွယ်ရေး လမ်းကြောင်း အချိန်ကြန့်ကြာမှုအပြင် တန်ဆာခ စရိတ်များလည်း လျော့ကျ သွားမည်ဖြစ်ကြောင်း အဆိုပါအသင်းဒုတိယဥက္ကဋ္ဌ ဦးသန့်ဇင်ထွန်းက ဇွန် ၁၄ ရက်တွင် ပြောသည်။
ပြည်ဈေးကွက်တွင် ယခင်နှစ်က မိုးစပါး ၄၆ ပေါင် တင်း ၁၀ဝ လျှင် ကျပ် ၁၁၅၀ဝ၀ဝ ဈေးရှိပြီး ယခုနှစ်တွင် ကျပ် ၁၈၀ဝ၀ဝ၀ ဈေးရှိသည်။ နွေစပါးတင်း ၁၀ဝ လျှင် ယခင်နှစ်က ကျပ် ၆၉၀ဝ၀ဝ ဈေးရှိခဲ့ပြီး ယခုနှစ် နွေစပါးပေါ်ချိန်တွင် ကျပ် ၁၄၇၀ဝ၀ဝ ရှိသည်။ ဆန်ဈေးနှုန်းအနေဖြင့် ဧည့်မထ (အဟောင်း) တစ်အိတ်လျှင် ယခင်နှစ်က ကျပ် ၃၉၅၀ဝ ရှိခဲ့ပြီး ယခုနှစ်မှာတော့ ကျပ် ၆၅၀ဝ၀ - ၆၂၀ဝ၀ ရှိခဲ့ပြီး ဧည့်မထအသစ်မှာ ယခင်နှစ်ပေါ်ချိန်က ကျပ် ၂၅၀ဝ၀ ဈေး ရှိပြီး ယခုနှစ်တွင် ကျပ် ၅၅၀ဝ၀ ဈေး ရှိသည်။
, 
မြန်မာနိုင်ငံတော် ဗဟိုဘဏ်အနေဖြင့် နိုင်ငံခြားငွေသုံးစွဲမှုကို ထိန်းချုပ်လျက်ရှိရာ လက်ရှိ ပြည်တွင်းငွေ ကြေးဈေးကွက်အတွင်း ကြိုက်ရောင်း၊ ကြိုက်ဝယ်စနစ်ဖြင့် အရောင်းအဝယ် အေးနေကြောင်း သိရသည်။
လက်ရှိတွင် ရွှေနှင့် ငွေကြေးဈေးကွက် စောင့်ကြည့်၊ ထိန်းသိမ်း၊ ကြပ်မတ်ရေး လုပ်ငန်းကော်မတီကို ဖွဲ့စည်းထားပြီး ဒေါ်လာဈေးနှုန်းတည်ငြိမ်မှု ပျက်ပြားစေသည့် ကိစ္စရပ်များအပေါ် စစ်ဆေးဆောင်ရွက်လျက်ရှိကြောင်း သိရသည်။
ယခုရက်ပိုင်းအတွင်း ရွှေဈေးနှုန်း တရိပ်ရိပ် မြင့်တက်လျက်ရှိရာ အခေါက် ရွှေတစ်ကျပ်သား ကျပ် ၃၁ သိန်းကျော်အထိ ရောက်ရှိလာကြောင်း ဈေးကွက် အတွင်းမှ သိရသည်။ ဇွန် ၁၄ ရက် နံနက်ပိုင်းမှစတင်ကာ ရန်ကုန်မြို့ရှိ ရွှေဆိုင်များ၌ အခေါက်ရွှေ တစ်ကျပ်သား ကျပ် ၃၁ သိန်းကျော်ဖြင့် အရောင်းအဝယ်ပြုလုပ်နေ ခြင်းဖြစ်သည်။
တစ်ပတ်အတွင်း ဖြစ်ပေါ်ခဲ့သည့် ကမ္ဘာ့ရွှေဈေးနှုန်းများမှာ ဇွန် ၈ ရက်တွင် ၁၉၄၇ ဒေါ်လာ၊ ၉ ရက်တွင် ၁၉၆၃ ဒေါ်လာ၊ ၁၀ ရက်တွင် ၁၉၆၁ ဒေါ်လာ၊ ၁၂ ရက်တွင် ၁၉၆၀ ဒေါ်လာ၊ ၁၃ ရက်တွင် ၁၉၆၂ ဒေါ်လာ၊ ၁၄ ရက်တွင် ၁၉၄၈ ဒေါ်လာ၊ ၁၅ ရက်တွင် ၁၉၅၀ ဒေါ်လာဖြစ်ကြောင်း သိရသည်။
