တောင်ကြီးဈေးကွက်မှာ ဒီတစ်ပတ်ပြောင်းက ဈေးကွက်သို့ ဝင်ရောက်မှုပုံမှန်ရှိသလို ရန်ကုန်-မန္တလေးဝယ်လက်နဲ့ တိရစ္ဆာန်အစာ စပ်လုပ်ငန်းရှင် များကလည်း ဝယ်အားပုံမှန်ရှိတာကြောင့် ယခင်အ ပတ်နဲ့စာရင် ဈေးအနည်းငယ်မြင့်လာပြီး တစ်ပိဿာကို ၄၃၀ ကျပ် ဈေးနဲ့ တစ်ပတ်အတွင်း ပိဿာချိန် ၂၀၀၀၀၀ ခန့်အရောင်းအဝယ် ဖြစ်ခဲ့ကြောင်း သိရပါတယ်။

မူဆယ်ဈေးကွက်မှာ ဒီတစ်ပတ်ပြောင်းကို တရုတ်အဆွဲပြန် လိုက်လာတာကြောင့် ယခင်အပတ်နဲ့ စာရင် ဈေးမြင့်လာပြီး အရောင်း အဝယ်ဖြစ်မှု ပမာဏလည်း များခဲ့တယ်လို့ ပွဲရုံရပ်ကွက်ကဆိုပါတယ်။ အရောင်းအဝယ်အနေနဲ့ တစ်ပတ်အတွင်း မက်တန် ၁၀၀၀၀ ခန့်ဖြစ် ခဲ့တယ်လို့ သိရပါတယ်။

ဘုရင့်နောင်ဈေးကွက်မှာ ဒီတစ်ပတ် ငွေလဲနှုန်းမြင့်လာမှု ကြောင့် မတ်ပဲနဲ့ ပဲစင်းငုံနီအရောင်းအဝယ်ပြန်လိုက်လာကာ ဈေး လည်းယခင် အပတ်ထက် မြင့်လာခဲ့တယ်လို့ ဈေးကွက်အတွင်းမှသိ ရပါတယ်။ မတ်ပဲ (RC) ကို အိတ်စပို့ဝယ်လက်တွေက ငွေလဲနှုန်းမြင့် လာတဲ့အပေါ် မူတည်ပြီး ဈေးပေးအဝယ်ရှိတာကြောင့် ဈေးမြင့်လာ ပြီး တစ်တန်ကို ၅၆၅၀၀၀ ကျပ်ဈေးနဲ့ ဒိုင်ပြင်ပဈေးကွက်မှာ နေ့စဉ် အရောင်းအဝယ်ဖြစ်ခဲ့ကြောင်း သိရပါတယ်။ ဒါ့အပြင် ပြီးခဲ့တဲ့အပတ် က အရောင်းရော အဝယ်ပါနည်းသွားတဲ့ ပဲစင်းငုံနီ (RC) ကို အိန္ဒိယ ဝယ်လက်က အဝယ်ပြန်လိုက်လာတာကြောင့် ဈေးမြင့်လာပြီး တစ်တန်ကို ၆၆၂၀၀၀ ကျပ်ဈေးနဲ့ အရောင်းအဝယ်ဖြစ်မှု ပုံမှန်ရှိခဲ့ တယ်လို့ သိရပါတယ်။

ဟင်္သာတဈေးကွက်မှာ ဒီတစ်ပတ်မတ်ပဲကို ရန်ကုန်ဝယ်လက် ကအိန္ဒိယဈေးကွက်ရဲ့ ဝယ်လိုအားအခြေအနေအပေါ်မူတည်ပြီး တွက်ချက်ဝယ်ယူမှုတွေရှိတာကြောင့် ယခင်အပတ်နဲ့စာရင် ဈေးအ နည်းငယ်ကျလာပြီး တစ်ပိဿာကို ၈၅၇ ကျပ်(တစ်တန်ကို ၅၂၄၈၁၈ ကျပ်)ဈေးနဲ့ နေ့စဉ်အိတ် ၂၀၀၀ ခန့်အရောင်းအဝယ်ဖြစ်ခဲ့ကြောင်း  မြို့ခံကုန်သည်တစ်ဦးက ဆိုပါတယ်။ ဒါ့အပြင် ဒေသထွက်ပြောင်းကို လည်း ရန်ကုန်ဝယ်လက်ဝယ်အားပုံမှန်ရှိသလို ရောင်းသူကုန်သည် များကလည်း အဆိုပါဈေးနဲ့ အရောင်းများခဲ့တယ်လို့ သိရပါတယ်။ အရောင်းအဝယ်ဖြစ်မှုက တစ်ပိဿာ ၃၈၅ ကျပ်ဈေးနဲ့ တစ်ရက်ကို အိတ် ၁၅၀၀ မှ ၂၀၀၀ ကြားဖြစ်ခဲ့တယ်လို့ ဆိုပါတယ်။ ပဲလွန်းဖြူနဲ့ ပဲပုပ်က ရောင်းလက်တွေထံမှာ ပစ္စည်းလက်ကျန်လျော့နည်းလာသ လို ရန်ကုန်ဝယ်လက်တွေကလည်း ဝယ်အားပုံမှန်မရှိတာကြောင့် အရောင်းအဝယ်က တစ်ပတ်လုံးမှ ၁ ရက်သာအရောင်းအဝယ်ဖြစ်ခဲ့ တယ်လို့ ပွဲရုံရပ်ကွက်ကဆိုပါတယ်။ အရောင်းအဝယ်အနေနဲ့ ပဲလွန်း ဖြူတစ်ပိဿာ ၇၀၀ ကျပ်၊ ပဲပုပ်တစ်ပိဿာ ၁၀၀၀ ကျပ်ဈေးနဲ့ နှစ် မျိုးပေါင်း အိတ် ၃၀၀ ခန့်သာဖြစ်ခဲ့တယ်လို့ သိရပါတယ်။